زواجنا التقليدي

يوم تعارف

اوووف غاتهبلني هاد لكارية ديما عاطيها لنعاس واه : واااااا لبلية وا سخط ديال ربي وا يالاه غانتعتلوا نزلي اولا نطلع ليك
هههه سمحوا ليا ماعرفتكومش انا عبير عندي 21 عام هاذا لعام تالث ليا فلافاك سافي غادوز هاد لمتيحان اوو اراك لراحة اوا سياحة سارحة عييت بزاااااف باش نجح حيتاش ختكوم بغا تخدم او تصرف على راسها براسها ما بغيتش نخدم ف شاركة بابا اصلا ماعنديش مع داك لماجال .
اوووه اوووه على سلامت لكونتيسا ديالنا هادي نادة جمة لحيبانة ديالي لمصطيا دليالي  بجوجنا دايرين تخصص لغة انجليزيا انا وياها صحابات من صغر اوا ليكيعجبني فيها واخة حنا ولاد لبوجوا متوااااااضعين او متفاهمين انا ويياها ماعندناش مع قوة لبروطوكولات لخاوية
نادة : هاني جيت ههه
انا : اجبها ليك فراس تعتلنا الخميرة سربي ركبي باش نقلعوا
نادة : ووواووووو بشوييا بغا تقتلينا نتي اولا انا : ايوا انا ماااكلت ليك صبحي خامرة او هبتي هاحنا وصلنا يالاه
 

هيا هاديك دوزناه على خير جا وقت لي غيزولتا
انا: نادة ها عار مك او باك لاما تنزلي انا راه لابسة غار لبيجامة او درتي (الزيف ) او لبانتوفة (كانهدر بعصبية )
نادة : هاني نزلت حتى انا لبسة بحالك يالاه
انا : هادشي كاااااملو باش تلبسي درتك (الزيف) وا باااااااز تقل منك موحال واش كاي ا لخميرة
هيا هاديك دخلنا شفنا نتائج اه وا أخييييرا نجحنا كانت نادة غاتسخف ليا فإدي
نادة : واش هادي سميتي اولا وليت عورة
ان (بصدمة ) اهههههههه الحيبانة ديالي نجحنا و اخييييرا اووف منبعد عناء طوييييل واخييرا راحة او سيياحة
انا : شوغي غادي نوسلك لداركوم گوليها لهوم او بدلي حوايجك غانخرجوا نحتفلوا انا ويياك اوك
نادة : واخا بيبس

مشيت لدار كي دخلت گولتها لماما فرحااات بلى قياس گلناها لبابا باركوا ليا تلعت بدلت حوايجي او خرجت هزيت طوموبيل او مشيت عند نادة هبتات او قلعنا مشينة درنا شوبينگ او دزنا لبحر مكان لي كانرتاااحوا فيه  واحد شوية ماما كاتسوني ليا
انا: ويييي موم
ماما : فينكوم الكسايد
انا: حنا فلبحر علاش
ماما : اوا اجيو لعندنا انا او مامات نادة
انا: فيين
ماما : لقهوة لموالفة انا او مامات نادة كانمشيو ليها
انا: اووك (ببببف ) يالاه ازين گالت ليا ماما او ماماك نمشيو عندهوم
نادة : لاش كيخططوا هادوا تاني ماموالفاش ليهم
انا: اه بصاح عندك لحق
مشينا لعندهوم دخلنا لقيناهوم گالسين ههههه او معامن
تما تصدمة انا او نادة

سلام هادي اول مرة صارحة نكتب فيها هادي اول بارت لقيصة زويينة كانتما انها تعجبكوم ماتنساوش تكتبوا ليا ف لكومنت باش نعرف شنوا رأيكم او كانتمنا انكوم تفاعلوا مع لقيصة  او ليوم بليل غادي نحت لبارت تانية انشاء الله و عيد عاشورة مبروك