زواجنا التقليدي

parte14

ياسين: اش بغيتيه بعدا
انا: بغيتنهدر معا ماما راه توحشتها
ياسين: اوك هاكي

هضرت معا ماما او بابا طمنتهوم عليا ...او قطعت ...بديت كانبكي... حتا سمعت ياسين داخل.. لبيت عطيتوا تيلي ...او بقيت كانبكي جا گلس حدايا او قال : دابا نتي علاش كاتبكي . انا: وااااالوا غار بغيت نخوي قلبي راه هااز داكشي علاش ماقاد
ياسين: انا سباب ياك . سمحي ليا بزاف انا واحد اناني .. جمعي حوايجك غانرجعوا لأوطيل
انا: ههه بصاح ... اجي بعدا فيناهيا ديك لالا خيتي
ياسين : هههه مشات صافرات اليوم عندها طيارة للدبي
انا: هاديك راه خصها شي طيارة للسورية او مازال قليلة فيها
ياسين:ههه ولله ايحتا كاضلميها بزاف
انا: بصاح عندك اللحق هي مادارت والو نتا لي خصني نقطع لموك داك ليمزيغك باش تبت
ياسين: ايوا شتك مابقيتيش كاتحشمي اا زعمتي
انا: ايوا الا ما طحي للارض او جمعتي راسك غاتكون نتا كبش الفداء
قرب لعند او دار إيدا علا خصري : اشنوا كاتغيري اولا شنوا او زايدون راه نتي لي دايرا ليا لحرمان ماشي انا يعني من حقي نمشي عند شي وحدة اخرا
انا جريتوا من العنق ديال تيشرت حديت عرفتوا ختكم قزمة او هوا طويل بحال البوطو ديال الريزوا : شوف والله او حصلتك ياحتا نقتلك نتا ديالي انا بوحدي ههههه

لبست حوايجي باش نمشيو لبست هاكا

ركبنا ف الطموبيل اوا او شدينا طريق دوزناها كاملا غنا الو شطيح هههه اشمنك با شعبي اش منك يا خليجي اش منك يا عصري كولشي حتا تركي سمعنا
"وصلنا لوطيل
مشينا لجناح دخلنا حطيت حوايجي او مشيت عند نادة انا او ياسين
دق دق دق
حل عدنان دفعتوا او دخلت لقيت نادة ناعسة ههههه (باينة فيها دوزات ليلة ماتبغيها لعدوك ): و لخميرة وا لكسيدة وا عداب القبر وااا حبي لي عطاني سيدي ربي نووضي
نادة ناضت كاتعنق فيا او كاتبكي
: فينك الكلبة علاش ماكاتجاوبش ا تريكت النحس ا كحلة العفطة تخلعت عليك ابنت الهم
(ههههههه ياسين او عدنان كايشوفوا فينا مصدومين ) انا: اودي بلا ماتشوفوا فينا هادكا هادشي عادي غار المحبة او صافي نادة: رومانسلوگية هادي ا الاخوان
عدنان او ياسين : هههههههههههههه گولو سبان او المعيور هههه
ياسين : يالاه اصاحبي نمشيو نتقهواو شحال هادي ماگلسنا بجوج . عدنان:اوك العشير دابا نيت
انا: يالاه الباب الحباب

يتبع