زواجنا التقليدي

parte 29

ياسين : انا وياك غانمشيو عندها ...مي حد مايسيق الخبار
انا: واخا ...لي بان ليك
شدينا طريق ..للطنجة العالية
انا: صارحة تمنيت نمشي معاك للطنجة فضروف غير هادي
ياسين: كانواعدك بلي غانجيو ليها انا وياك يدي فيديك و نشدوا شي دار فحدا البحر و نشبعوا ضوران
انا: ههه ياربي امين
وصنا من بعد طريق طويله ...مشينا نيشان للدار نها ...دقينا و حلات لينا واحد البنت طويلة تباركلله ( شوفوا هي راه غاتبان ليكوم نتوما نورمال مي انا كاتبان ليا عملاقة حيت ختكم راه غار ميتروا و خمسين خخخخ ماتعايرونيش حيت بصاح راه فيا غار 50;1 )
كانت بنت فغاية الجمال العينين زورق و بيضة لاطاي ديال الحوت
نها : مسيو ياسين .. خدلو مرجبا
ياسين: شكرا
نها : بلاتيو انا جاية
انا: (جريتو من الكول ديال تيشوخت ): اح هادشي كامل كان خدام عندك و انا لي بنت و تزعطت فيها انتا زعما ماحركات فيك والو؟
ياسين:(ضربني علا راسي )سكتي شوهتينا
انا: ههه والله زعما ماعجابتكش
ياسين: هنينا راه غاتسمعك البنت نصدقوا لا سلة لا حب لملوك ....
جات حطات اتاي و طبسيل دالحلوة
نها: هههه مرحبا غار قبلوا عليا
ياسين: الله اودي حشومة تگولي هاد الهدرة
بغيت نسولك ... واش نتي كنتي مرتبطا ..قبل ماتخدمي عندي فالشركة
نها : مغانجاوبك ا سي ياسين حتا نعرف علاش ... نتا مكاتسولش علا شي حاجة هاكاك
ياسين : اه (عاود ليها كووولشي من طاق طاق حتا للسلام عليكوم
نها: لا اسي ياسين انا بصاح عجبتيني و بغيتك مي ملي رفضتي قررت ننساك اصلا علاقتا مكانتش غاتفوت العمل و حتا إلا فاتو صداقة سيتوا ...و انا بصاح كنت فالمستشفى مي كان عندي القلب ماااشي داكشي لي قلتي .... مسيوا لي بغيت نگوليك هادشي باينا لي دبروا شي حد قريييب ليك بزاف
ياسين : ممكن نمرنك غانحتاجك باقي
نها : وي علا راس و العين الله اودي وراه انا مستاعدة نعاونكوم
انا بقيت متبعا معاهوم و نشرب فأتاي و ناكل فالحلوة والله تحتا بنيينا ماعرت فين خداتها
وقف ياسين : يالاه بسلامة و سمحي لنا علا الازعاج ..ونتي نوضي براكة عليك دزتي علا داك تبصيل بحال إلا داز عليه تسونامي
نها : لالا ماكين حتا إزعاجاصلا انا هنا بوحدي حد ماكيجي عندي بلعكس والله احتا فرحتوني
انا: ختي ممكن سؤال .. هاد الحلوة فين خديتيها زويينة عجباتني
ياسين: ناس فالناس و القرعة فمشيط راس زيدي (جرني للباب )
انا: طلق راه كانعرف نتمشا ...بسلامة اختي و شكرا ....خرجنا اوطلعنا لطوموبيل ...مشينا تغدينا و شدينا طريق باش نرجعوا وطاح فبالي واحد سؤال
انا : ياسين بغيت نسولك
ياسين: ممم كانسمع
انا: كيدرتي حتا عرفتي بلاصت هنا
ياسين: فاش جينا من بعد ماخليتك فداركوم مشيت عند واحد صديق ديالي مختص فهادشي قلب عليها و لقاها ..
انا: لي محيرني هو انه علاش مروا گالت لينا بلي هناكاينا فالمصحة دبال الامراض العقلية
ياسين : هاني كنفك هاد اللغز نتي ماخسكي تخلي حد يشك حتايونس و تعاملي عاااادي انا راه لي كاين غانكولو ليك
وصنا بليل ... دخلت لقيت كولشي گلس كايتسناني ...ماما: الله يابنتي لله واش بغا تقتلني ...فين كنتي حتا من ياسين گالينا ماشافكش
انا(ههه مشافنيييش ولد العبد ): واه اماما شهر هادي و انا سادة عليا فداك البيت قنطت اعباد الله .....
بابا : و خرجتي هاكة بهاد البس البيجامة و البنطوفة
انا : ومالني ياك ساترة راسي
بونس : (عنيه حمرين و كيهدر من تحت لسانوا ...وعلاش ماگلتيهاش ليا انا نخرجك .. اشنوا شتك گاع ماديراني فراسك راني راجلك الاله
انا: ريلاكس اخويا راجلي فالوراق زادون هادشي كانقصد هاد الزواج ماش عن رضا اوك ...و اخر مرة تهضر معيا هكا ولا غايتفهم معاك ياسين هاد المر
يونس :اش عند مو مايدير نتي راكي مرتي
عدنان: گاع مانحتاجوا ياسين انا لي غانتفاهم معاك ..... خرج يونس معصب كايدرب بحوايجوا
نادة : هاااا الماء الشطابة حتا لقاعالمحيط الاطلسي تفوا الله يخليها سلعة
انا : هاني طلعت نعس تصبحوا علا خير
طلعت و مشهية ناكل الحلوة و اتاي ريحتهوم فنيفي ... ماقدرتش نصبر ...هبطت عند دادا لبيتها لقيتها ناعسة مي مقدرتش فيقتها
انا: دادا عافاك نوضي
دادا: ياك لاباس ابنتي
انا : بغيت اتاي و الحلوة القاسحة بغيت غريبة المعين داشكلاط و الكوكياجة دالكوك لي كاديري
دادا : دابا
انا: اه دااااابة
دادا : واخا ...ناضت مسكينا كاتعجن و طيب و تقاد هههه مسكينة عدبتها فليل بدات مع العشرة ماسلات حتا الطناش تاع ليل حطات ليدا داكشي اش غانگول ليكوم كانكل بحال شي وحد عمرها ما كلات شربت براد علا قدوا بقيت جتا ساليت داك الطبسيل عادا باش نضت كانقلب فالتلاجة علا شي حاجة خرا ناكلها ....
دادا : بنتي مالكي واش ماكليتي والوا
انا: لا راه ضليت كاناكل مي ماعرت مالي هاد الايام الا ماكليت دوخا كاتشدني
دادا : دوزتي
انا: علاش
دادا : ماتعرفب تكوي حاملا
انا : زعما ...دادا: ايوا بحال والو
هزيت النقنق من التلاجة و طيبتهوم هوما و الفريت و بقيت كاناكل حتا تبلوكيت .. نضت غسلت لماعن و طلعت نعست 

يتبع
البارت قصيرة مي غار قبلوا عليا غانحاااول نلوح وحدا يخرا هاد يوماين انشاء الله و شكرا