مشاو نادة و عدنان و دخلت انا و بوركابي ديالي ... قررنا بلي غاندوزوا سيمانة فديك دار لي داني ليها ديك المرة ديك لي فالغابة
(بيني او بينكوم ياسين ماعاجبنيش هاد ليام كايهدر فتيليفون ديالوا بشوية ويلا صونا حدايا ياما كايجاوب مي حتا كيحيد من حدايا اولا كايقطع صراحة دخلني شم اولا كولا ساعا كايغوت و كايتعصب حتا انه ولا كايضربنيالا ماعجباتوش هضرتي )
نعست ليوم بكري من بعد مالميت حوايجي
صبح صباح واصبح الملك لله عز وجل
انا: ياسين نوض (كانهضر بملل و من تحت لساني )
ياسين: صافي هاني غانوض غار بعدي مني
انا: كشتي انا معشوقة فيك گعلا تنوض انا غانمشي معا نادة و عدنان
ياسين :غاتعتبي هاد الباب ماغيعجبك حال
انا: و شكون گاليك راه عاجبني حال
ناض كايضرب برجليه و معصب دخل دوش لبس خوايجوا و خرج
انا ماديتهاش فيه مشيت فطرت و هزيت تيلفوني كانتصفح الانستقرام ديالي
ياسين : ماغاتنوضيش
انا: وي يالاه
خرجنا و شدينا طريق ...من بعد صمت طويييل . ياسين: مالكي قالبة وجهك علينا
انا: صمت ياسين: (بالغوات) راه كانهدر معاك امكن انا: اشنوا بغيتي دابا ماشي وقت الهدرة حتا لدار و نهدروا اوووك
ياسين : ماگلتي عيب ابنت الناس حتا لضار او نتفاهموا
وقفنا عند واحد المطعم دخلنا نتغداو جلسنا خدينا الطلبية ديالنا بدينا كاناكلوا حتا نقزات نادة : عبير عتقي عتقي ..
انا: مالك
نادة : يوووونس
انا: فينوا
نادة : هاهوا موراك
ضرت و انا نعيط عليه : يووووونس
نضت كانجري عندوا عنقتوا او عنقني توحشتوا نادة حتا هي ناضت عندوا تاعنقنا او هو اوقف عليا ياسين جاب الله يونس عتق الموقف : سلام نتا هو راجل عبيير ياك سلام راجل ختي ساڨا
ياسين (تهدن شوية ): الحمد لله ربي اخليك .. عبير ماعرتينيش بسيد
انا: هادا يونس ولد خالتي يسرا كبرنا مجموعين مي هوا دابا خدام فتركيا
ياسين : متشرفين خويا
يونس : شرف ليا
عدنان : بمأنه حتا حد ماكلف راسوا إيهدر عليا انااا غانعرف راسي : انا عدنان راجل نادة
يونس : متشرفين اخويا نهار كبيير هادا تقبلوا تنغداو مجموعين
انا: الله يا ودي علاش لا
گلسنا مجموعين بدينا كاناكلوا يونس بدا كايوكلني بيديه او يوكل نادة: عقلتوا البنات فاش كنا صغار كنت كانوكلكوم بيدي الا حنيتوا او نلبس ليكوم حوايجكوم هههه يامات اجي لبنات باقين مربين دوك شعورا كان عرييز عليا نمشط ليكوم شعركوم هههه
ياسين غار سمع (كايلبسنا الحوايج و كايمشط لينا شعرنا او زيدها تعناق و كايوكلنا بيديه ) ناض كبحال شي بركان شدني من يدي او جرني كتفا بأنه يقول : بسلامة او خويا ساعة سعيدة هادي لي تعرفنا عليك .. كانتمنا تزورنا نخليكوم دابا ... غادي و جارني
انا: اي اي اي يدي يدي يدي طلق راك ضريتيني
وصلنا لعند الطوموبيل لاحنا فبلاسي اكسيرا
انا معرفتش علاش هاد العصاااب كامل غادي او كايسب من صمطة اللتحت
انا تكيت علا زاج او كانبكي
ياسين : سكتي مانسمعكش (ههه البنات هادا فكرني بماما فاش كاتسلخني فاش كانبكي كاتقول ليا قطعي حسك مانسمعك )
انا: حراام عليك لش درت ليك لي كاتعصب عليا
ياسين: حتا للدار او تعرفي علاش
يتبع
البنات انا راه مسحت البارت لي قبل حياتاش ماكانتش فالمستوا كانتمنا هادي تعجبكوم تفااااعلوا
توقعواتكم انا كانتسنا لي كومنت ديالكوم بااي او راه هتكوم مرييييضا ربي لامادعيو معايا
أنت تقرأ
زواجنا التقليدي
Romanceقصة مغربية مئة في مئة بدارجة قصة زوينة خفيفة على القلب و لمعدة هههههه كاتجمع بين الحب و الاشتيقا و رومانسيا و لكوميديا او حتى الاكشن هههه كولشي فيها كانتمنة تعجبكووم ماتبخلوش عليا بشويا ديا لي كومنت تگولولي فيه رأيكوم و شكرا
