وجع قلب

كشف المستور

عمر كعد الصبح وهو مايذكر الي صار...وحسيته ضاج من الموضوع بس حاولت اتلافه وبنفس الوقت ابتعد لان جنت حيل متأذية...وهو استمر وجع الراس عنده يومين ويحس نفسه نحلان وبس يريد ينام...اني كلش قلقت وخفت...بس بعد اليومين لارجع طبيعي...بعدها حياتنا صارت طبيعية ...جنت ليلا البس واتعطر مهما كنت تعبانة ..وصلته لمرحلة الادمان عليه...صار اذا مايخليني بحضنه ماينام...واهله هم ماقصرت وياهم ...اسامة نوى يزوج ويطلع بره يكمل دراسات وقدم ونقبل...واليوم جانت حنته ...لبست فستان قصير لحد الركبة وومن فوك ردن ومغبط ...وفتحت شعري وتمكيجت ...ومن ردت اطلع من الغرفة دخل عمر...وتفاجأ
عمر...كعدت الصبح بعد مالكيت حلا متحضرتي ...بس المشكلة كلشي ماذكر...هالشي ازعجني يعني معقولة بالمرتين ماذكر الصار...بس حلا جانت وجهه اصفر ومو طببعية...وجانت تتجنبني...واني الم براسي مو طبيعي جان لذلك ماركزت عليها...بعد يومين رجعت طبيعي...وبديت انتبه لحلا هواي تعلقت بيها ...جانت ما مخليتني محتاج شي...كل تمام اربع وعشرين ايراد...حتى اهلي مامقصرة وياهم ...اكثر من نورس...وتعودت ليلا من ادخل الغرفة الكاها متحضرة وتحب تسمع كل احداث يومي ...اليوم جانت حنة اسامة اخوي...من دخلت للغرفة تفاجأت بحلا...مليكان طالعة..بس تعصبت على لبسها
عمر...شنو راح طلعين هيج
حلا...داخل البيت غير
عمر...ليش ولد عمنا وخوالنا ...ماحسبتي حسابهم...طبعا حسيت بغيرة عليها
حلا...صار هسة اغيره بس لا تضوج
عمر...البسي الي بالليل...غمزت لها وطلعت
حلا...بدت المرحلة الثانية وعمر مقبل الا هو يوصلني ويرجعني ..اسامة سافر...حياتنا ماشية حلوة ..بس جان اكو مشكلة ..هي سعاد...مابطلت تطلب رصيد...وادزلها...مرة من رفضت ..كالت من جنتي تحتاجيني دزين هسة خلصت شغلتج بطلتي...حسيت بكلامها نوع من التهديد...بعدين كلت مالازمة علي شي...خلصت الثاني...يوم دكت علي سعاد...رادت مبلغ من المال...كتلها ماعندي...كالت رجلج وضعه زين ..واهلج هم تكدرين ادبرين...اني محتاجة لشغلة ضروري...جان المبلغ ٢٥٠ .كامت تبجي نقهرت عليها ...انطيتها بعد ما تواعدنا بالسوك ...بعد شهرين طلبت مبلغ اكبر..رفضت بدت تهدد بية...من كلت لها ماعندج شي علي... تفاجات دزت سكرينات حجي بالفايبر..
اذكرت جانت مرات ماترد على المكالمة تكول اكو احد يمي...هم دفعت...بس المسألة اطورت عبالهة عندي منجم..والمبلغ بدى يزيد ..وعبالك تريد راتب شهري...وبدت تهدد قوي ادزها مو بس لعمر ...لاهلي هم...بقيت حايرة ..اكيد ماراح تبطل زين كل شهر من اجيب لها....عمر ينطيني شهرية ...بس اني كلية احتاج هواي امور.....وهي تريد كل شهر ٢٥٠...كتلها ماكدر ممكن انطيج ١٠٠ ماقبلت...ظليت حايرة والوب شسوي...ماكدر احجي لعمر...مراح يفهم ...قررت اتركها وراح احاول احجي لعمر بس ابسط الامور...وكلت مين تكدر تجيب رقم تلفونه...
اليوم جان اول عيد زواج لنا...قررت احتفل بيه وحدنا واستغل الفرصة احجيله ...رتبت الغرفة شموع ونفاخات وجبت فستان قصير ودلع وسويت شعري...وحظرت عصاير وكيكة عليها اسمي واسمه...وجبتله هدية اية الكرسي فضة...من دخل تفاجأ...شغلت اغنية كل عام وانت حبيبي...
عمر...شنو هاي
حلا....تقدمت له وشبكت ايدي حول ركبته وبسته...كل عام وانت حبيبي
عمر...وانتي حبيبتي...
حلا...صدك عمر
عمر...صدك حلا ..انتي خليتيني احبج...باهتمامج بيه...بحبج...بتفانيج ...ومعبالج ناسي لا..طلع مدالية حلوة ولبسنياها...واني طلعت هديتي
عمر...هاي لا تنزعها ...اريدك دائما تلبسها ..حتى تحميك...
قطعنا الكيك...واحنة نضحك ونسولف...واني انتظر اللحظة المناسبة للحجي...رن تلفونه مسجات...فتحها...شو ظل صافن ...بدون مايحجي طلع برة...وتاخر ماكدر انزل بسبب لبسي...وكلت هسة يجي...وفعلا دخل بس صاير نار...هذا اقل مايقال عليه...وبدة يصيح
عمر...هاي شنو..
حلا..اني فزيت من صوته وعصبيته...حسيته يريد ايطك...جان يدفع الموبايل بوجهي
عمر...احجي شنو هذا الحجي
حلا...باوعت للموبايل بنظرة سريعة ...شفتها سكرين الحجي
اخرسيت ماعرف شحجي وهويصيح...احجي صح هذا الحجي...ماجاوبت وظليت ارجف تقرب مني وجر شعري...قسم بالله اذا ماحجيتي هسة ماتعرفين شراح يجرالج
حلا...لزمت ايده المجلبة بشعري ...عمر اخ عفية داتأذيني
عمر...بعدج ماشفتي شي مني...تحجين لو اسحلج لابوج هسة
حلا..لا عفية كلشي ولا بابا
اندك الباب...وصوت نورس...عمر شبيك بابا يكول ليش اتصيح
عمر...ماكوو شي ولحد.يدخل
نورس ...بس صوتك عالي...راسا صاح بيها انزلي مالج شغل...رجع علي احجي ...
حلا...ماتقبل الكلمات تطلع ...شريد اكول ... للقصة بقية