وجع قلب

تجاهل

احجي اكولج...صاح عمر بصوت مرعب...فززني ....واني غارقة بأفكاري اذا نكرت تكدر اطلع رقمي ...عمر خلي افهمك هذا حجيها كل كذب
عمر..ولج كذبيش اغلب الصار موجود هنا بس وياه شرح كامل...مو مثل ماصورتيلي ...رجع جر شعري...وعزة المعبود اذا ماحجيتي هسة وكلشي ...راح موتج يصير حلال...لا ..راح الم العاىلتين واخليج تحجين كدامهم...وهم يصرفون وياج
حلا...اخ عمر شعري....حرام عليك شفت مني مو زين طول هالفترة...شو من اول موقف تريد تتخلى عني
عمر...وج شاتخلة بنت ال...استفغر الله ...مخليتني سطل ولعبتي علي ...وتكولين تتخلى...تعرفين هذا داز شيريد...يهدد ياخانم..يربد يفضحج...عرفتي لو لا
حلا...يا هذا...هي بنية...ماحسيت الا اجاني راشدي دار راسي ...ورفعت ايدي لا ارديا لخدي حسيت رطوبة يم شفت رفعت ايدي شفت دم...شفتي انشكت لان ايده ماجت عدل على خدي...كامت تجري دم...بقيت ايدي عل  شفتي ..
عمر...يعني الحجي صحيح...هذا اخر تحذير ...اكعدي واحجيلي ..كام جاب باكيت كلينس من على ميز التواليت وشمره علي...
وكعد على الجرباية...اكعدي واحجيلي كلشي بالتفصيل
حلا...خليت الكلينس على شفتي...واني خايفة ..احس كلبي راح يوكف..ماتوقعت توصل الامور لهدرجة...زين وحجيتلك..اريد وعد منك مايوصل الحجي لاهلي ...وشتريد تسوي سوي بس بابا ماريده يعرف...بخطوة وصل ليمي...ولزم شعري
عمر...فوكها انتي تشرطين...اني ماوصل شي مو لاجلج...لا ..بس لخاطر ابوج وامج الي مايستاهلون هيج بنية ...ولان انتي اول وتالي عرضي ومافضحج....احجي
حلا...شلون احجي ...داتأذيني ..انطيني مجال...عافني ورجع لامكانه...جنت كلش عطشانة ..احس ريكي نشف ماكو غير كلاص العصير مال الاحتفال..اخذته وشربت منه
عمر..حقج تحتفلين وانت زاوجتني ..ترة خلص صبري
حلا...كعدت على الكرسي..وبديت احجي ومن اباوع عمر اشوف الصدمة وعدم التصديق على وجه كلما اتقدم بالحجي...حسيته كاعد على نار مو على فراش...جان مثل النمر الي يريد ينقض على فريسته...بس من خلصت جانت ردت فعله غريبة...بقى كاعد بمكانه ومدنك...مكدرت احجي اكثر ..طبعا اثناء الحجي جان يسالني على هواي شغلات
عمر...تعرفين عقلي مديستوعب الي كلتيه...وج جنت اعتبرج  بزونة مغمضة معقولة كل هالمكر عندج...شلون فهميني شلون...
مداصدك بنية صغيرة هيج ضحكت علي...عبالك هاي الحجاية وعته كمز من مكانه وجرني من ايدي...ليش احجي ليش هيج سويتي
حلا...والله عمر لان احبك...ردك لي
عمر...حبيش...الي يحب مايأذي الي يحبه..مايغشه...وج لعبتي علي...وهسة من يكول انتي جنت بنية ..يجوز اكو واحد ضاحك عليج...
حلا ..بهاي حجايته انتفضت...لا كلشي اسمحلك لا هذا الاتهام...الله يشهد محد لازم ايدي غيرك...وانت تعرف ترباتنا..
ضربني راشدي...ورجع ضربني الثاني وهو يحجي
عمر...ترباة اي ترباة هاي...سوالفج بنات الشارع مايسونها...وين هاي التربات شوفيني...نزل ضرب بيه واني ماطلعت صوت خفت لا يسمعون بيت خالي ..بس جان يأذيني لحد ماتعب...كعد على الجرباية وايده على راسه واني بالكاع خليت راسي على الميز الجان قريب علي...وجسمي يون ودموعي ماتوكف...
عمر...طلعتيني من طوري..بس اني اعلمج...بس خلي اخلص  من هاي المشكلة
ثاني يوم جسمي مزورك لبست ردان وطويل...ومن سالت مرت خالي عمر كال لها شغلة بينا لا تتدخلون...حاولت امي هم تعرف كتلها مشكلة خاصة...
بعدها عمر ماحجى وياي اصلا متجاوزني كلش..وكأنه ما موجودة...وجان مشغول بشي...يجي للغرفة عل  كد النومة وينزل فراشه بالكاع...ومن حاولت احجي وياه كال اذا تعرفين مصلحتج ....لا تحاجيني...وجان ساحب الموبايل مني ...اني كتلني القهر والخوف لان ماعرف سعاد ممكن شسوي ...لحد يوم رجع شمر الموبايل بحظني
عمر...هذا سيم كارت جديد...لو بيدي ما انطيج بس شكول لاهلج...
حلا...عمر الله يخليك صار على سعاد
عمر...الله لا يخليني حتى ما اشوف وجهج ...خلصت مو لخاطرج بس لخاطر ابوج...وبعد ماكو طلعة ...على كد الكلية اني اوديج واجيبج...
حلا..عمر سامحني والله ماكررها...ضحك بصوت
عمر...شتكررين...خلاص سويتي الي رديه...بس لا تصورين اسامحج ابد...بس ماريد اكسر عوائلنا...اصلا بعد ماعندي ثقة بيج بعد...وهي مسالة وقت بس...وعافني وطلع..وللقصة بقية