بـنـوتـہ عــايزه تـلتـزم

د / حازم شومان ❤

لما نيجي نقول يا جماعه ان يوم القيامه ٥٠ الف سنه ايه الخواطر اللي بتيجي في ذهنك لما تعرف ان يوم القيامه ٥٠ الف سنه 😖 .... دا انت عمرك لما نشيل منه النوم و بعد ما نشيل منه ١٥ سنه اللي انت كنت لسه مبلغتش فيهم و نشيل الاكل و المواصلات و و و مش هنوصل لـ ٥٠ الف ساعه فتخيل انك هتتحاسب علي ٥٠ الف ساعه في ٥٠ الف سنه 😐 تخيل انك هتتحاسب علي الساعه في سنه 😨 يا اخي الكريم .... عايزين يا جماعه نفكر في الموضوع دا من نحية ايه .... انك انت بتاخد سنه كامله تستعد فيها عشان تدخل لجنة امتحان ساعه انت في الاخره كل ساعه ختها في الدنيا بتدخل فيها لجنة امتحان سنه يوم القيامه ..... ٥٠ الف سنه دا من يوم ما سيدنا آدم نزل علي الارض لغاية دلوقتي مجاش ٧ تلاف سنه يعني هتقف يوم القيامه اطول من يوم ما سيدنا آدم نزل علي الارض لحد دلوقتي ، الدوله الفروعنيه 30 اسره و الدوله الاسلاميه و العباسيه و الدوله الامويه و القرن الـ ١٩ و القرن الـ ٢٠ بكل الاحداث بتاعتهم كل دا مجاش ٥٠ الف سنه و تيجي في الاخر بعدما الواحد روحه تطلع .... هو لسه قد ايه فواحد يقولك هانت خلاص معتش غير 100 سنه ١٠٠ سنه بس و نخلص قربت اهي ، ٥٠ الف سنه يا جماعه انتظار دا انت لو اتقالك انت بعد ٥٠ الف سنه دول رايح الجنه برضه عذاب الانتظار هيصيبك في المده دي

لو الموضوع كده يا جماعه يبقي لازم نحسبها صح 😶 لازم انتِ يا اختي تحسبيها صح لازم تحسبيها صح لان مش انا دا الرسول عليه الصلاة و السلام قال ايه قال ان اكثر اهل النار من النساء يبقي لازم انتِ بذات تحسبيها صح

مستنيه ايه من دنيا ربنا قال عليها " وَ مَا اَلْحَياتُ اَلْدُنْيَا اِلَا لَعْبُ وَ لَهْوٌ وَ زِيِنَه " متنسيه ايه من دنيا الرسول قال عنها انها مبتسويش عند ربنا بلحظه عوضه ، رمشة العين دي ممكن تتحاسبي عليها ، اقل حركه و سكنه في حياتك ممكن تتحاسبي عليها مستنيه ايه ، مستنيه موتك فجأه ؟؟ مستنيه ان القبر يضيق عليكي مستنيه ان انتِ تلاقي نفسك بتتعرضي علي الله سبحانه و تعالي ، تقدري تقولي لشهواتك لا تقدري تبقي بطله 😃

انا خايف عليكي اقسم بربي بل لا يؤمن احدكم حتي يحب لاخيه ما يحب لنفسه و انا بحب الجنه عشان كده بحبلك انتِ كمان الجنه عشان كده انا بكلمك و عشان كده لو شديت عليكي اعرفي ان انا يعني ... انا لو شفت اختي راحه حفره و هتوقع نفسها و بقولها حاسبي و مصممه انها توقع نفسها في حفره فيها نار هعمل ايه هشدها في الاخر فلو شديت عليكي دا لان انا بشد علي اختي يعني الواحد قلبه بيتحرق يا جماعه والله حال النساء دلوقتي وصل لايه بقي عادي ... عادي ان بنت تركب مع ولد في عربيه ايه دا انت مالك انت عادي ، ان بنت تبقي ماشيه مع ولد عادي ، عادي لو اتصل بيها اصاحبها الشباب في البيت عادي ، علي القهاوي دلوقتي عادي انك تلاقي بنت قاعده في بعض القهاوي الراقيه و ممكن تشرب شيشه بس في القهوه الراقيه بس ، عادي في بلاد زي القاهره و الاسكندريه عادي بنات ماشين بيدخنوا في الشوارع عادي كل دا عادي ؟ اه عادي ايه يعني ، ايه يعني ان انا ارنله ، دا يبصلها و دا يمشي معاها ، عادي كل دا حاجه طبيعيه جداً و الشباب يعيني غلبان الشباب يمشوا في الشارع بنات متبرجات التليفزيون نبات متبرجات الجامعه بنات متبرجات الشغل بنات متبرجات و تيجي تكلم والدتها تقولك دي بنوته يا اخي لسه كتكوته صغيره يعني والله انا مش هتكلم انا بس عايزك يا اختي تبصي لنفسك كده بالذمه انتِ شايفه نفسك كتكوته

يعني واحده ممكن تقول في الموقف دا الحمد لله ، الحمد لله ليه ، الحمد لله علي البنطلون اللي ساترني و التنوك اللي مغطيني ، هو دا الحجاب ، هو دا الحجاب اللي ربنا امرنا بيه ، دا اشرب طيب طب و القصه طب و المكياج طب و الروج و كريم الاساس و الحكل و الالينر و الايشاد و الاختلاط و الضحك مع دا و دا طب بالذمه دا حجاب و تلاقي بنت في ااشارع ببنطلون و بلوزه مفصله و قصه من تحت الحجاب المخرم ، انتِ ايه يا بنتي انا مسلمه و الحمد لله و التانيه لابسه تنوك و لابسه اشرب صغير حولين راسها و مدخلاها جوه التنوك و جزء من صدرها باين و كعب ١١ سم و مكياج عاصف و لبس عاصف ، والله يا جماعه انا عايز اكلم المتبرجه بس اكلم مين اكلم المتحجبه حجاب امريكاني ولا اللي لابسه حجاب موديل ٢٠٠٥ ولا اكلم اللي كاشفه شعرها اصلاً ولا اكلم اللي لابسه لبس الي حد ما محترم و لكن لسه له خطوات علي الحجاب ولا اكلم مين 😕
ولا بنات ثانوي ، بنات ثانوي دول الرسول سماهم ذوات الخضر و لما بتوصل للمرحله دي خدي يا بنتي جبيلك بنطلون خدي يا بنتي جبيلك مكياج و باب جديد من ابواب جهنم بيتفتح دي لسه كتكوته دي لسه صغيره ... صغيره ايه يا جماعه حد ضامن عمره ، عارفه السيئات اللي ختيها و انتِ خارجه متبرجه تخيلي ان انتِ مشيتي في شارع زي شارع شهاب كده لا طويل ولا قصير ولا مزدحم ولا فاضي يعني فيه ١٠٠٠ شاب كده لو بصلك منهم ١٠٠ بس بمية بصه بس يعني كل واحد ببصه يبقي ١٠٠ سيئه طب تخيلي لو نزلتي الجامعه يا اختي الف واحد بس بصولك كل واحد هيبص كام بصه يا شباب ، ٥٠ كده ٢٠٠ يعني ١٥٠ الف بصه ختيها ، ١٥٠ الف سيئه لو نزلتي تتفسحي بالليل دا غير لو وقفتي في الجامعه بقي مع شله خمسه سته كده وقفتيلك ساعتين كل واحد علي مدي الساعتين بصلك لو عديتي النظرات يبقي ١٠٠٠ بصه يعني حوالي ٥٠٠٠ بصه و نزلتي تتفسحي بالليل و شباب بالليل بقي كل واحد منهم يبصلك مش هقول ٢٠ بصه ١٠ بصات هترجعيلك بحوالي ١٠٠٠٠ سيئه كل دا ولا حاجه بنت في اعدادي شافتك قالت هطلع زيك في ميزانك شاب شافك اتنكس في ميزانك شلة شباب شافتك واحد منهم اتفتن راح عمل عادي سريه في ميزانك و واحد تاني زني في ميزانك كل دا في ميزانك متبرجه مباركه كل دا يجيله علي بعضه مليون سيئه والله اكتر التبرج دا مش سيئه دا جريييييمه ، طب حكم رسول الله فيكي ايه

الرسول ﷺ يصف المترجه بأنها
١ - من اهل النار و انها لا تقرب الجنه ولا تجد ريحها و يصف التبرج بأنه جريمه
٢ - الرسول ﷺ يصف المترجه بأنها ملعونه مطروده من رحمة الله
٣ - الرسول ﷺ يصف المترجه بأنها زانيه ولا يقبل منها صلاه
٤ - الرسول يصف المتبرجه بأنها من صاحبات الكبائر التي تعادل الزني و السرقه و القتل
٥ - الرسول ﷺ يصف المتبرجه بأنها منافقه و انها شر هذه الامه
٦ - الرسول ﷺ يصف المتبرجه بأنها من جنود الشيطان

عمرك شفتي ذنب الرسول بيعظيم قدره لهذه الدرجه 😱💔

______________________________
دي جزء من خطبه الشيخ الدكتور حازم شومان انا فخوره بيه بجد لان فيه شيخ كده من محافظتي الدقهليه و شيخ مش بيتاجر في الدين شيخ كان سبب في التزام كتيير بعد ربنا سبحانه و تعالي

بجد من اجمل و اروع الشيوخ ربنا يبارك فيه يارب و يرزقه ما يتمني و اقابله في الجنه تحيه ليك يا شيخ حازم ❤✋

#التزمي_يا_فتاه
#الجنه_تستحق_الجهاد 💙