بـنـوتـہ عــايزه تـلتـزم

عبيد الاحسان .. عبيد الامتحان

احساس #صعب اوي انك تحس زي ما يكون فيه #سلسه_هموم_مش_بتخلص و كل ما تطلع من مشكله تدخل في التانيه و احياناً تكون الاولي اصلاً لسه #مخلصتش .. !!
بتدعي اه بس لسه ربنا #مااذنش و يمكن نمت و انت دمعتك علي خدك ان ازاي الموضوع طول اوي كده ؟!

في الوقت ده بتحس بألم و روحك من العمق بتكون منهكه و تسأل نفسك هو ربنا مش #راضي عني للدرجه دي ... ؟!

احياناً بتسأل نفسك انا ايه اللي جبني في الدنيا مع المجتمع ده و الظروف الصعبه دي فترجع تستغفر و تقول لا اتعراض علي امر الله !

بس اقولك حاجه تفهمك بعض حكمة الله التي لا يدركها بشري بعقله المحدود ...

احد العلماء بيقول الناس في الدنيا دي متقسمين لنوعين من العباد ... عبيد احسان ، و عبيد امتحان

#عبيد_الاحسان هما ناس عندهم من الهمه علي الطاعات و الصبر عليها ما يبلغهم منزله من الجنه ربنا كتبهلهم ف بطاعتهم بيبلغوها بعد رحمة الله !!

بس فيه نوع تاني من العبيد ربنا بيكون كاتبله منزله برضه في الجنه في مكان عالي و هو معندوش من الهمه علي الطاعات و الصبر عليها ما يبلغه المكانه دي !

فيقوم ربنا يعطيه من الابتلائات ما اذا صبر عليها رفع مكانته بالصبر فيدخله الجنه و هما دول #عبيد_الامتحان

فأنت لو كنت شايف نفسك من عبيد الامتحان عندك #حلين
اما انك تصبر و تعلم ان صبرك دا خير و امر المؤمن كله خير ان اصابه ضراء صبر فكان خير له .. و افتكر " و بشر الصابرين "
و خليك واثق ان مع كل عسر يسرين و بعد كل ليل فيه #صبح اكيد و بعد كل ديق فيه #فرج و استعين بالصبر و الصلاه و ربنا مطلع و شايف و رحيم و كريم اوي ..
و هو العدل و خليك واثق ان لا يُكلف نفساً الا وسعها
#لكن_فيه_حل_افضل_كمان انك تنقل نفسك من منطقة عبيد الامتحان ل انك تكون من #عبيد_الاحسان
و نصيحتي ليك عشان انا دورت كتير زيك
#اسهل عباده و افضل عباده توصلك لده ذكر الله .. واحد راح للنبي قالوا يا رسول الله ان شرائع الاسلام قد كثرت عليا فدلي علي شيئ اتشبث بيه ( يعني يا رسول الله الطاعات كتير و انا متلخبط اعمل ايه ولا ايه فقولي طاعه امسك فيها و مسبهاش و تكون سبب نجاتي ) فقال له النبي ( بيدله علي اسهل طاعه و اعظمهم اجراً )
" لا يزال لسانك رطباً بذكر الله "
ذكر الله يا جماعه زي ما النبي قال خيراً من ان تلقوا عدوكم فتضربون اعناقهم و يضربون اعناقهم يعني خيراً من القتال في سبيل الله ... متخيل الاجر ! فالحل التاني ليك انك تصبر برضه لكن تعمل بسرعه انك تغير منزلتك من عبيد الامتحان بالابتلاء و الصبر عليه فقط لعبيد الاحسان انك تصبر برضه لكن ترفع منزلتك اللي توصلك للجنه بطاعه عظيمه مش محتاجه وقت و تعب زي ذكر الله و برضه توصل لمنزلتك في الجنه دي بزيادة طاعتك بقي ... استغفار صلاه علي النبي حوقله تسبيح تحميد ...
#معادله_بسيطه_منزلتك_في_الجنه توصلها بالصبر علي الابتلاء او بزيادة طاعات تعوض دا و توصلك للمنزله اللي ربنا كتبهالك ❤
انت اختار ❤
و ادعي دايماً " اللهم اجعلني من عبيد الاحسان لا من عبيد الامتحان "
#طعم_المرار_جوه_الروح_ملوش_حل_غير_ذكر_الله