بـنـوتـہ عــايزه تـلتـزم

قصه روعه ❤

لكل واحده كانت بعيده عن ربنا اوي او يمكن حصلها انتكاسه ... البوست ده رساله من ربنا ليكِ ... و #قصه_حقيقه هتغير قناعتك و حياتك 180 درجه 🌸
بس توعديني انك هتتعلقي بذكر الله و #تمنشني حد من اصحابك و تتمنيله الخير لوجه الله و تنتفعي بيه و تنفعي بنت غيرك لان ناس كتير محتجاها 🌸❤
هو بوست طويل شويه بس يستاهل فعلاً تقرأيه 🌸👌
بتحكي بتقول .....
احنا في البيت 7 بنات و انا كنت اصغر اخواتي سناً
مكنش فيه اهتمام بيا اوي يعني كنت بخرج و ادخل براحتي
في فترة ثانوي كنت مراهقه شويه و اتعرفت علي شباب و كنا بنتكلم فون
كنت عايشه حياتي من الاخر بس كل ده مع الالتزام بالحجاب الشرعي و اللبس الشرعي
عشان اعرف اخد فرصتي و حريتي اكتر و اعرف اخرج مع حبيبي ده كويس #لبست_نقاب !!
عشان بس محدش يشوفني من اهلي ... و عدت الايام و السنين و انا كده مفيش اي جديد في حياتي
لحد ما في مره كنت قاعده علي الفيس عادي جداً بكلم شاب !
لقيت حاجه صفحه بتتكلم عن العفه الاسم علق معايا و قلت هو اصلاً يعني ايه #عفه ؟!
المهم عملت لايك و #طنشت و كملت حياتي عادي جداً
جيت في يوم و معرفش اشمعني اليوم ده حسيت بقرف من نفسي !
حسيت قد ايه انا #بوشين و اني مظهر بس ! لكن الباطن حاجه تانيه حاجه زباله اوي كده !
قومت فتحت الفيس عشان اكلم حبيبي ده و اول ما فتحت ؟؟!
لقيت في وشي بوست للفريق ده و كأن ربنا خلاني افتح بذات في الوقت ده عشان اشوف البوست ده
كان بيتكلم عن ربنا و عن رحمته بينا و ان ربنا بيحبنا اوي و بيتكلم عن الجنه !
خلاني ابكي بجد و دخلت الصفحه و فضلت اقرأ في البوستات و كانت حاجه اللهم بارك حاجه رائعه بجد !
و شوفت بوست عن البنت اللي مصاحبه الشباب ... اللي هو انا !
الفتره دي بعدت شويه عن حبيبي ده و مبقتش اكلمه الا بسيط جداً و كلام محدود اوي ...
و بقيت افكر في التوبه و اني ازاي ارجع لربنا تاني و ياتري هيسامحني ولا لا .. ؟!
ده انا عملت ذنوب قد السما .. !؟
مش بقيت عارفه اعمل ايه .... نفسي اتغير اوي !
نفسي ابقي #البنت_العفيفه اللي بيتكلموا عنها في البوستات دي
نمت و انا معيطه في اليوم ده و #مكسوفه اوي من نفسي و في نفس الوقت خايفه اوي من ربنا
ان كما تدين تدان و ان ربنا حتي لو تبت هيعاقبني بزوج عمل نفس اللي عملته
و عرف و خرج و لمس بنات ااااااد كده !
مبقتش عارفه اعمل ايه و دماغي فيها تفكير كتير جداً جداً
قلقت بالليل قبل الفجر و فتحت الفيس و والله كانت دمعتي علي خدي من كتر التفكير
و اول حاجه عملتها دخلت الصفحه اللي بتتكلم عن العفه لقيت بوست لسه منشور من 10 دقايق
و اكنه ليا و اني قلقت من النوم مخصوص عشان اشوفه !
و كان مفاجأه بالنسبالي دخلت و لقيت بوست عمري ما #انساه هو ده اللي غير حياتي بفضل الله !
و لحد دلوقتي عمري منسي اللي كان كاتبه والله بدعيله لحد دلوقتي !
البوست بيتكلم عن البنت اللي عرفت شباب و ارتكبت معاصي و عملت غلط
ان البنت دي لو تابت بجد ربنا هيغفر لها و ييسر لها امرها و يحول سيئاتها دي كلها لحسنات
بس مش ده اللي قلب حياتي
لاقيته كاتب و ان البنت دي ربنا هيرزقها شاب عفيف لو غفت نفسها و ربطت ع قلبها .. !
و لقيته مفسر ان الشاب ممكن مكلمش بنت قبلها خالص خالص و غض بصره و صفات حلوه كتير كده
مكنتش مصدقه نفسي قعدت اعيط #بهتسيريا !
انا اللي عرفت شباب كتير جداً و خرجت معاهم و مكسوا ايدي و حصلت تجاوزات بينا ! ان ربنا يرزقني بواحد كده ؟!
مستحيل دا اكيد بيكذب ... دا اكيد بيقول كده عشان بس نتوب
ازاي دا لازم يجيلي واحد مش محترم زيي و عرف بنات كتير زي ما انا عرفت شباب !
كنت اعرف واحده صاحبتي كانت ملتزمه بجد مش ظاهر بس روحتلها و سألتها عن الكلام قالتلي اه بجد
و بعتتلي فيديو عن حازم شومان و هو بيأكد الكلام ده اقسم بالله انا من فرحتي بقيت اقرأ غلط
مش عارفه اصلي من العياط و الفرحه و اني كمان اطلب موصفات زياده و حلوه في الشخص ده من ربنا ساعتها بس كان نفسي اقوم اصلي و اصوم و اقرأ قرٱن و اعمل طاعات كتير كتير من فرحتي
و قاعده بقول ياااه بجد ربنا كريم للدرجادي غفور كده رحيم بالشكل ده يعني اتوب و يغفر لياا ذنوبي كلها ؟ لا و يرزقني زوج ملتزم و انا اول حب في حياته ؟
كنت حاسه اني بحلم بجد
و ساعتها قفلت الصفحه اللي علي الفيس بكل القرف اللي فيها وغيرت رقم تليفوني
و عهدت ربنا اني مش هعمل كده تاني و اني توبت بجد حافظت علي القرٱن و القيام و الصلاه في مواعدها
و مره شفت بوست عن بنوته كاتبه حكايتها كده مع الاستغفار انها كانت مش بتخلف و راحت لدكاتره كتير كتير جداً و كلهم قالوا مفيش امل !
و التزمت الاستغفار و كانت بتستغفر في اليوم 3000 مره و سبحان الواهب رُزقت بتوأم
علي و فاطمه اللهم بارك
روحت انا كمان من ساعتها و لزمت الاستغفار والله كان بيوصل معايا لـ 5000 في اليوم
ازاي معرفش زالله مكنت بغفل عن الدعاء
و كنت بقول مواصفات والله العظيم حاجات قياسيه و بس كنت عارفه ان ربنا هيستجيب
طب والله وصلت اني كنت بقعد اقول يارب زوجي يقول الكلام الفلاني و يخرجني في الكلام في المكان الفلاني
مع كل ده قلبي كان موقن بالاجابه والله و بعدها سمعت من واحده صاحبتي ان لو نفسك في حاجه ادعي بيها لواحده صاحبتك
فضلت ادعي كتير لاصحابي و لنفسي و مع الاستغفار و القرٱن و القيام لحد والله الذي فطر السماوات و الارض
لقيت بابا بيقولي جالك عريس ساعتها قلبي اتنفض بجد و قعدت اعيط كتير و كنت مرعوبه يطلع عكس ما اتمني
قالي انزلي اقعدي معاه و بعدها نقوله مفيش نصيب سمعت كلام بابا و نزلت فعلاً
قسماً برب العزه اول ما دخلت الريسبشن كأني دخلت الجنه ^^
و الخوف و التوتر و دقات قلبي السريعه راحت في ثانيه
قعدت معاه بجد اللهم بارك وشه كان منور اوي و حلو اوي ^^
اتكلم معايا و كنت فرحانه اوي و كان ملتحي زي ما طلبت و طلع حافظ القرٱن كامل زي ما طلبت
بس انا مطلبتش ان يكون معاه اجازه في القرٱن و طلع معاه اجازه و ده اللي اسمه كرم من ربنا و فضله
و عملنا الخطوبه و بس انا مكنتش اعرف انها حرام يقولي بحبك و كده ع اساس اننا مخطوبين و بقينا حلال بقي
لقيته بيفهمني و بيعرفني و حفظني القرٱن و احنا مخطوبين
كنت عاجزه امام شكر ربنا بعيط و اصلي و بس
اتخطبت سنه و شهرين و بعدها كاتبنا الكتاب
طب و حيات لا اله الا الله لقيته بيقولي نفس الكلام اللس كنت بطلبه من ربنا في القيام بيقوله ليا
بالنص والله العظيم و لقيته في مره بيقولي عملك مفاجأه و خدني و خرجني و وداني نفس المكان اللي طلبته من ربنا
كنت بعيط اول ما روحنا و سألني بتعيطي ليه قولتله عشان طلبت من ربنا كده و سبحان الله استجب لياا
و طلعت انا اول حب في حياته والله ... مكنتش مصدقه ولا مستوعبه اللي بيحصل اصلاً سجدت مكاني و بس و فضلت اعيط
و بعدها اتجوزنا و كنت فاكره ان بعد الجواز هنزهق من بعض زي اي حد بيتجوز
والله والله ابداً معانا دلوقتي صهيب و عمر
و لسه حب كتب الكتاب ما بينا
كده انا قصتي خلصت بس عايزه اقول حاجه اخيره
لو انتِ كنتِ زيي كده الحقي نفسك بسرعه يلا متنسيش لحظه قزمي حالاً صلي ركعتين توبه و انوي تكملي و اثبتي و اكثري من ذكر الله و الطاعات ربنا مفيش ارحم منه
و اطلبي كل اللي نفسك فيه بس خليكِ صادقه في التوبه مع ربنا هيعوضك والله بأكثر مما تتمني بشكل مدهش !
بعد ما قرأت القصه حسيت اني عايزه ابكي ..
معرفش ببكي لحال #بعض بنات الامه ولا لرحمة ربنا اللي بلا حدود اللي تخجل اي انسان يسئ الظن و ييأس من رحمة الله ...
متيأسيش مهما كنتِ واصله من المعاصي و مهما حاولتي و منفعش .. !
هيجي ف يوم و ربنا هيريكي فيه صدق المجاهده من كتر محاولاتك فتهتدي زي اختنا !
خليكي متأكده ان لا بلبس مخالف ولا ميكاب ولا قصة حب حرام ممكن ربنا يرزقك بعريس تحبيه النبي  ﷺ قالهالك صريحه " و اعلم ان ما عند الله لا ينال الا بطاعته " مش بمعصيته ... ربنا خزائنه مليئه لا تنفذ فمهما كانت ظروفك صعبه هو قادر يعفك و يرزقك الزوج الصالح
زي ما البنت بتدور في الراجل علي السند و الامان الراجل كمان بيدور في البنت علي الحياء و العفه لو انتِ فقدتي الاتنين دول فإنتِ بالنسباله فقدتِ قيمتك فحافظي عليهم جداً و لو مكنتيش بتحافظي عليهم ابدأي حافظي علي حيائك و عفتك و خليها صفحه جديده مع الله
اوعي تطيعي بشر في معصية الله .. زي اصحابك او صاحب في قصة حب حرام او .... او .... و خليكي متأكده ان دايماً السحر بينقلب علي الساحر و تدوقي متيجة شؤم معاصيكي يا فيه هو نفسه يا في فقده !
و افتكري ان ربنا بايديه قلوب الناس و مصيرك و يقدر يحرك الكون لخدمتك لو تتقيه " و من يتقي الله يجعل له مخرجاً " و فيه آيه تانيه " و من يتقي الله يجعل له من امره يسرا " و انك تستعيني بالقوه الانهائيه اللي اسمها ذكر الله و بيستدعي قوته و عونه ..!
خلي عندك هدف اسمي في الحياه و انك تضيفي حاجه لنفسك و اللي حواليكِ و يكونلك قيمه في الحياه و مبادئ مبتتغيرش مهما كانت ظروفك تسعي ليها الظروف مبتخلصش ... لو انتِ عايزه تهتدي هتسعي و تحاولي ميت مره و تدوري و تفقهي في الدين اكتر و اوعي يوقفك يأسك من نفسك او من رحمة الله
س
خلي حياتك سعي و مجاهده ... ارفعي شعار " قل ان صلاتي و نسكي و محياي و مماتي لله رب العالمين لا شريك له " و اعرفي انك ان لم تزيدي شيئاً علي الله كنتِ انتِ زائده علي الحياه ....
متنسيش #منشن كومنت شير ... و ساعدي اخت تانيه غيرك والله ناس كتير محتجاها 🌸❤