المليحة والمهووس

الجزء السادس

المليحة والمهووس
الجزء السادس

منتصر..ها حوراء شلونج!!
_هلوو زينه..
احس من سمعت صوته ماي بارد
ونزل ع قلبي..
سكتت بعد ماحجيت..
لا عاتبته لا كتله شعدك هسه متصل!
حتى مازعلانه منه..
رحبت بي وبكل ثقة وماضايجة!!!
ضل يحجي ويسولف وكانه شي لم يكن..
كال قدمت لجوء راح اخطبج واذا تزوجنا
بس يطلع النا نسافر..
شنو رايج تحبين السفر والعيشة برا؟
_وياك اعيش بكل مكان..
وشكو احلى من عيشه بالخارج..
ارقى عيشة..
_اني باجرادز اهلي مرة ثانية..
تحضري حتى تستقبلينهم..
_اف كون يقبلون اهلي..
لا موافقين اكيد.
هههه فديت الثقة

صدك صار يوم ثاني واجو اهله ..
والصدمه اهلي موافقين!!
حاجيته كتله موافقين كال اوكي بس يردون خبر لامي نكمل امورنا..
رجعنا نحجي مثل قبل وزايد بعد..
بيوم جنا نحجي بالممنوع وخلصنا..
_ اوف شوكت تصير صدك وتصيرين بحضني..
_ماضل شي ياعمري الا ادللك..
_ايي اني اريد دلال..

ومن هسه عندي شروط ترى؟!!
ممممم اوكي نسمع ونشوف..
_شوفي جية لاهلج بالشهر مرة..
_ههههه بدينا..
_اي هذا العندي..
اوكي وبعد؟
_اطفال ماريد!!!!
_ليش حبيببي؟؟؟
_اي ماريد ابد واذا فكرت مو هسه بعد هواي كلش..
جاي اكلج اذا وبس..
خلي ببالج يوم التحبلين اخذج بيدي اوديج لاهلج ومارجعج..
اخذتها بوقتها بضحكة عبالي يتشاقى..
ماركزت بالموضوع..

مشت الايام وصار يوم خطوبتي وعقد السيد..
طلب مني البس بدلة لون وردي وصخ..
ومكياج عيوني قوي وبارزات..
من شافني عجبه شكلي مثل ميريد..
جانت نظرات عبير مو مريحة صح تركص وهرجت الدنيا..
بس احس بيها من نظراتها حركات نفاق مو اكثر..
كعد يمي ويتغزل ال ان خلصت الحفلة وراحو..
تخابرنا بالليل بس تعبانين ثنينا نمنا من وكت

اجه يوم ثاني عزمو اهلي ببيتنا طبعا ..
اجو اهله وعبير هم وياهم..
بس احسها غريبه يعني حجيها بس مجاملات ...
ما جنها ضديقتي عشرة ولازم تفرح!!
راحو اهله وهو ترخص من اهلي حتى نطلع..
بدلت لبست سترة رصاصي منقطة بوردي..
ووياها بنطرون قماش رصاصي عريض..
ورتبت الشال ومكياج خفيف ..
باوعلي من حوا لفوك بس ماحجه..
طلعنا بس صعدت بالسيارة وسد الباب
انداريت عليه اريد احاجي ضربني راشدي!!!!

_ااه شبيك منتصر ولزمت خدي ونزلت دموعي..
ضل يمشي بالسيارة حيل..
_هذا لبس ال... تلبسي من جنتي حرة مو هسه..
عبالج مكرن مثل اخوانج وتطلعيلي بهيج لبس!!!
ويعيط ووجهه احمر صدمني..
_اي حاجيني بعدوء وفهمني..
ليش تضربني وتسب اخواني شعليهم..
بعدنا اول يوم ضربتني راشدي!!
لعد بالزواج شتسوي تهد علي ببندقية..
_كافي لج لسانج طولان كاااااااااااافي..
خفت من صوته واعصابه سكتت دنكت ابجي بسكوت..

شوي صار هدوء واني بعدني مدنكه كال..
_حبيبي رفعي راسج كافي بجي..
اني اقسى عليج لمصلحتج ياعمري..
وضل يتغزل عبالك ممسوي شي؟؟؟
اني الغبية قنعت نفسي صدك هو يغار علي..
وعادي شكو بيها لو قسى علي..

وكف السيارة كال يلا انزلي..
_وين احنا شنو ذوله بيوت؟؟
_اي هذا بيت فرقد اخوية نزلي..
_اي احسن حتى اتعرف ع عائلته..
نزلنا وفتح الباب هو وفات كتله انتظر عيب نفوت هيج..
مجاوبني اصلا مشى كدامي فتح باب المطبخ وفتت قفلها وراي مباشرة..
_منتصر شنو محد بالبيت؟؟؟؟
_لا محد حتى ناخذ راحتنا!!
_منتصر خلي نرجع عفيه ..
خفت بطني انمغصت من الخوف ماعرف شعور مخربط..

تقرب مني ضل يشم بيه ويتلمس..
اني خايفه منه واحس قشعريرة بكل جسمي..
ضليت اتوسل يعوفني ماكو ..
ضليت اقاومه هو يزيد اكثر..
فشلت بمقاومتي اله وسيطر علي..
اخذني  لغرفة نوم الظاهر مالت اخوه..
هو يجر بيه واني ادفع بيه بس ودت اخلص نفسي..

ماخلاني لحد ما نزعني شالي وشد ايديه بي..
فتح الكنتور طلع شال ثاني لف بي حلكي!!!
ياربي دخيلك احس دمي نشف..
هذا شيسوي بس لا راح يموتني!!!
ضلت دموعي تصب وصرختي خافته..
ردت اخلص نفسي ماكو..
ضربني ضربات خلتني اوكع..
كام فتح كاميرا تلفونه وخلاه ع الميز!!!!
صخام هذا تخبل رسمي شيسوي هذا؟؟؟؟
اجه عليه نزعني ضل يداعب بلعبان نفس...
الى ان گلبني ع بطني وتقربلي بس!!!!
بطريقة شاذة مو مثل اليصير بين رجال والمرة..
صدمني اكثر والم مينوصف ..

اشيل بجسمي كله واضربه بالجربايه من الالم..
بدت صرخاتي تتوضح لان متوجعه ماكدر اكتم..
لزمني من شعري وضل يتقرب اكثر ويغلط..
الى ان تركني وجاب فونه وتمدد يمي..
اني متمدده ع بطني وجسمي ياذيني
وحتى الدموع خلصت بس اون..
اجه تمدد وفتح الفون تقرب مني نام مثلي وفتحه
شفت تصوير الي صار قبل شوي!!!!!
وقتها ماتحملت اغمى علي....

للحكاية اوجاع
بقلم شقراء(قمر كانون)