المليحة والمهووس

الجزء٢٦

المليحة والمهووس
الجزء السادس والعشرون

فتحت عيوني من كال عقيم..
صدك انقهرت بداخلي اكول صدك كلمن همه شكل..
جاوبته حتى اخفف عنه..
لتيأس يمكن تتعالج ويصير اطفال..
هاي اني كدامك..
امكانيه الحمل عندي خطيره لان وضع رحمي تعبان واحتمال ميتحمل طفل ..
يعني لو اموت اني لو يشيلون رحمي والطفل يموت..
تفائل يمكن وضعك افضل مني..

حوراء لازم نحجي اني تعبت..
هواي محتاجج..
اني ماصير اناني واكلج تزوجيني واني مااخلف..
بس انت كلتيها الامل موجود ويمكن اتعالج..
ولو عليه ماريد لخاطر صحتج..يابت الناس رايدج حلالي تعبت صار سنين..
اجيت اجاوبه سمعت صوت رضا...
تسالمو هو وياه وكانهم يعرفون بعض!
وامي سلمت وسالو عن اطياف..
كتلهم بعدها ماكو خبر..

تشكر رضا من مرتضى..
وهو ترخص وراح..
ضلو يمدحون بي امي ورضا..
وشلون ولد ومؤدب وعينه ميرفعها..
ههه حقكم هو واكف وعينه تتجول..
حجيتلهم شلون صار عدها ولادة واجينا هنا..
طلعت الممرضه كالت منو وي اطياف غازي..
كمنا عليها كالت مبروك كامت بسلامة انطوني جنطتها،.
وهي الطفل بخير هسه ننقلها لغير غرفه..
وتكدرون تشوفوها..

صدك شوي وطلعوها اوف ماصدكت اشوفها..
بوستها ورضا طاير بالطفل..
يجنن دنفوش وخدوده حمر ..
حطه رضا بحضني شميت ريحته..
الطفل سبحان الله ريحته مميزه..
عيوني تصب من الفرحة..
غريبه الدنيا..
اني مجنونة بالاطفال..
من ردت طفل حرمتني..
ومنو يدري يمكن انحرم للابد..
انطيته لامه رضعته..
كملنا الاجراءات وطلعنا..

الامتحان فاتنا ثنينا طبعا..
اكيد حنبقى ع الدور الثاني..
وبقى امتحان واحد ورا يومين نمتحنه..
كلت يولي نمتحنه سوا ماروح واخليها لوحدها..
هي ضيعت سنة لخاطري..
ورا ربع ساعه تقريبا دز مسج ع الواتساب..

انتظر الجواب اني حووراء..
وهالمرة اذا رافضه اريد سبب واضح..
حتى انسحب من حياتج للابد..
صدكيني مراح اضايقج مطلقاً...
حتى من الطبابة انتقل..!!
جنت ناوية ارفض وهالقرار بديهي
مابي شك..
بس بلحظات تغير كلشي..
يمكن ردت امانه..اهتمامه بيه..
ماحسيتها شفقة منه ابد..
من يباوعلي احس نظراته تحضني..
جاوبت بلا وعي..
اني موافقة ع طلبك..
بس قراه خابر..

اريد اسمعها منج كوليها..
بالاول ترددت احجي احي تورطت..
بس لهفة صوته والضحكة الواضحة بنبرته..
شجعتني احجي واكول..
اني موافقة عليك..
بس اكو امور تمنعني..
جر تنهيدة طويلة كال..
ماكو شي يمنع كولي اني قابل بكلشي..
اسمع بالاول احسن..
اوكي اسمعج..

اني صح قبلت ارتبط بيك هسه..
بس زواج منتزوج لحد مانفسيتي تتعدل.،
بصراحه حاليا عندي ردة فعل تجاه اي رجال..
يعني اذا تزوجنا رح اتعبك وماانطيك حقك..
مطالب شي منج اني..
كل الاريده وجودج يمي وبس..
ونتزوج احسن حتى نتقرب من بعص ونتفاهم..
رح اعتبرج خطيبتي وماعبر الخط الاحمر..
بس انت عايشة وياي وقريبه مني..
وانت تكدرين تعتبريني صديق خطيب كيفج..
هيج تشوف يعني؟
افضل حل صدكيني وفكري انت هم وشوفي..
اوكي افكر واشوف..

هسه شوكت ادز الاهل حتى يخطبوج..
ماعرف كيفك ..
ماشي رح اضبط اموري وانطيج خبر..
سديته منه رحت لاطياف يمها رضا..
ضليت احوص حست عليه..
كالت تعالي يمي شوي..
رحت كعدت يمها كام رضا طلع..

شعندج ولج وجهج يسولف..
ههه توج طلعتي من الموت وكاعده تحققين..
انجبي موت ياخذ عوع احجيلي شكو..
حجيتلها كلشي ضلت تبوس بيه وفرحانه
كالت..
لج واني اطلك وادعي حتى ريكي نشف..
لو ادري دعائي وصل جان دعيت ع روية بالايدز هههههه..
عابت ولج حرام...

واحنا نسولف سمعنا صوت شمس..
دخلت سلمت علينا وكعدت ..
امي كالت لتسون هوسه يم علوشي ابن رضا..
كنالها حجيه منين هوسه صوتنا مال ملائكة ..
عافتنا وطلعت يم جلال تضحك..
كالت شمس ..
احجيلي شلونها الولادة ولج اطياف..
زينه خيه صح تمساح يجرو من بلعومج..
بس المهم انجر وطلع ههههههه..
عزااا ماريد اجيب لعد..
درت عليها هااا ولج حامل ..
ايي قبل كم يوم حللت ..
بس ماكتلكم بالفون ردتها وجهاً لوجه..
حتى اشوف فرحتكم..
ياعمري تكومين بالسلامة وربي يديم سعادتج..
يوم الج حوري انت فرحتنا كلها..

كالت اطياف ..ع سيرة الفرحة عوع مامات..
لج معاملته متعرقلة..
لان صاحبته ام الشركة متعاركة وياه ..
كابسته وي وحده..
ويمكن يستقر ببغداد..
كتلها اني عبير شخبارها ما رجعها رافد..
لج عبير راجعة تراهق من جديد..
يكولون طول الليل تحجي ويا بالفون..
ومرت منذر سولفتلي ملتقين من ورا اهلها..
يبووو عزا شلون هيج..!؟

للحكاية بقية
بقلم شقراء(قمر كانون)