بصيص أمل

البارت 2..

البارت 2
بصيص امل
بقلمي روسكان
لبيج قصص روسكان
تزوجت اختي الاكبر مني حبيبهه وبعرس اختي لفت نظري ابن عم زوجها ..
حبيته بكلبي بدون محد يدري بيه ..
بكل مناسبه جنت اشوفه ويوم عن يوم يكبر حبه بكلبي ..
ظليت احبه بكلبي سنتين وكلما اشوفه نتبادل نظرات وصرت احسه يحس بيه وبحبي ويعرفني احبه واحس عيوني فاضحاتني ..
هو جان اسمه سيف ..
ومن عيونه حسيت هو يبادلني الحب بس ماجانت عندي جرأة اعترفله ولا اصلا الموضوع يرهم اني احجي وياه واعترفله وهو هم مو جرئ ومن نوع الي يستحي فسنتين بكل مناسبه نلتقي بيهه ونبقه بس نتبادل النظرات ..جنت احس ضربات گلبي تصير طبل من اشوفه ..
بهالاثناء من تزوجت اختي ميسون صارت مشاكل بينهه وبين عيالهه جانوا ع طول يأذوهه خاصة مرة اخو زوجها حيل شدت وياهه شوفتهه الويل وهي حامل ومريضه عدهه مشاكل بالقلب فگنالهم يجون يمنه يعيشون لان ماجان اكو احد بالبيت غير اني وامي فرغ بيتنه وخواتي ال 2الكبار مزوجات ووحده بيهن مزوجه بغير محافظه كل شكم شهر ياله تجينه والثانيه قريبه علينه فنطيناهم غرفه وانتقلوا عاشوا يمنه ..
اخذت رقم سيف من مبايل أمير زوج اختي ودزيتله مسج بس كتبت ..سلام ..
رأسآ عرفني وگالي چنت منتظرچ من زمان .
تخابرنه وحچينه وطلع يبادلني نفس الشعور ..
مرت الايام واني ممصدگه احجي وياه شكد ماجنت احبه حبيته اكثر وهو هم يحبني ..
جنت احس روحي طايرة بحبه ..
جانت علاقتنه جديه ومتفقين ع انو نهايه حبنه زواج بس هو دائما يطلب مني اصبر علمود يكون نفسه ودوم جان خايف من المستقبل او اصلا يدخل بعلاقه لان قبلي چانت عنده علاقه ببنيه وعارفين ولد عمهه بي ومتعاركين وضاربينه وداخل بغيبوبه وراهه تحسن وقفل موضوع الحب نهائيا الى ان اجيت اني وتغير كولشي ..
مرت فترة ع علاقتنه واحنه مثل عصافير الحب متصافين ومتفاهمين .
مرت فترة ع علاقتنه واني صرت خامس اعدادي واختي الي زوجها امير يصير ابن عم سيف عرفت بعلاقتي بسيف ماناقشتني بشي بس كالتلي انو عدهه احساس راح تصير مشاكل ظليت صافنه بوكتهه وماعرفت شنو قصدهه ..
خلي اسولفلكم شغله عن ميسون اختي ..
اختي مشكلتهه شتعرف اي شي اي مشكله اي موقف خاص بينه بأهلهه تسولفه لزوجهه فنقلت موضوع علاقتي بسيف لأمير واني توقعت ردة فعل امير انو ميقبل او يناقشني او يرزلني يعصب عليه لان هو بمثابه اخويه الجبير والمسؤول عني بس استغربت من ردة فعله ..

شتتوقعون شنو ردة فعل امير ؟؟