بصيص أمل

البارت 7..

البارت 7
بصيص أمل
بقلمي روسكان
لبيج قصص روسكان
بعد مامر اسبوع كلت اتصل بي ظل بالي عليه وانقطاعه عني فجأة خوفني ..
اتصلت مرة ومرتين وعشر مرات ياله رد ..
اول ماكلت الوو ..
كالي انتي صدوك ماتستحين ..
تلعبين ع الحبلين ..جنت مغشوش بيج عبالي ادميه وشريفه وتستاهلين حبي وتضحياتي علمودج ..
كال ..بالبيت تلعبين بزوج اختج واني بيدج انتي ششايفه نفسج ..
مثلي قسمه ماتلكين ومثلج بشر لاشفت ولاعرفت ..
بلحظتهه عرفت امير حاجيله شي مو صحيح عني ماحسبت حساب لهل خطوة بس جان لازم اتوقع هيج حقارة منه ..
ظليت اسمع كلام سيف ودموعي تجري وساكته ..كلماته جانت سجاجين انغرست بنص كلبي ..مادافعت عن نفسي ..لو يحبني صدوك جان سمع مني ماتهمني رأسا ولاسمع وصدك غيري ..
حكم عليه بدون ميسمع كلمه مني او ابررله موقفي ..
الدنيا صارت سوده بعيني احساس مابقه بيه ..
لو يفصلون جسمي عن راسي ميلگون قطرة دم بيه ..
مجنت احس بعد ..
سديت المكالمه بدون ولاحرف نطقته ..
اختي عرفت بالموضوع كالتلي ها شگلنه مو گتلج مو حذرتج هذا واحد حقير وناقص ويغدر ..
رديت عليهه كتلهه حتلو امير ناقص المفروض سيف يجي يسألني ويتاكد مني من الكلام الي سمعه من ابن عمه هو مو يحبني لعد وين الحب ووين ثقته بيه ..
ظليت ابجي وظلت تصبر وتسكت بيه ..
بعد فترة امي رجعت لبيتهه لخاطر اختي ميسون لان بعدهي نفسه ومريضه وطفله متعبهه مينام بالليل بعد طفل حديث الولاده وتعرفون شنو وضعيته وبيت وطبخ ومسؤوليه طفل ثاني فرجعت علمودهه ..
وطلبت مني امي ارجع ماقبلت بعد ما احس بالامان ببيت ابويه شلون يعني اظل طول عمري حابسه نفسي بغرفتي لو اظل قافله غرفتي عليه ..
امي جابتلي باقي غراضي وملابسي لبيت اختي ولاء وكملت عدهم العطله الي بعد السادس اعدادي ..
وهاي بيت اهلي وانحرمت منه شيصير بيه بعد اكثر من هيج ..
امي من بعد مارجعت عاشت مثل الغريبه ببيتهه ..
زوج اختي ولاء سولفناله ع المشكله الي صارت وتحرش امير بيه صدكني ووكفلي سند كاخ جبير شلون احترمته اكثر من احترامي اله من قبل ..انسان غيور واكثر من اخ وعاملني احسن معامله ولافد يوم ضوجني بكلمه او حسسني بشي او ضاج مني ..
وبسبب هاي المشاكل كولهه ونفسيتي المتدمرة معدلي بالسادس طلع مو شي .
تعبت فد مرة كمت اشتاق لحبيبي رغم الي سواه بيه ورغم موقفه وياي ورغم ماصدكني تعبني فراگه ..
بس بعدين قويت روحي وكلت ماريد اصير مثل اختي والحب يعميني عمى ماطول هو مارادني ربح فآني ماريده خسارة ..
انقبلت معهد فني وبدة دوامي بالمعهد وداومت ..
اخو سيف اسمه عبدالله جان وياي بالمعهد وهو جان يعرف بحبنه فگام يحجي لسيف عن اخلاقي وتصرفاتي داخل المعهد وما احجي ويه ولد وما اصادق حته البنات عنجي بس صديقه وحده اسمهه تمارة ..
للحكايه بقيه ..