بصيص أمل

البارت 9..

البارت 9
بصيص أمل
بقلمي روسكان
لبيج قصص روسكان
قررت انهي حياتي لان كابوس امير مراح ينتهي ..
بلعت حبوب من كل الانواع وخفيت الاشرطه حته محد يعرف شصاير بيه وقفلت باب غرفتي حتى لايلحكون عليه ويعالجوني ..
ماحسيت الا واني بالمستشفى ..
ماما تقرأ قرآن يم راسي وتبجي لساني ثكيل وراسي ماكدر ارفعه بس فتحت عيوني شفت امي وشفت عيونهه متروسه دموع عرفت منهه اني بالانعاش ويومين جنت بغيبوبه فاقده ..
حمدت ربي مامتت علمود اتوب عن ذنبي اعرف الانتحار حرام بس سويتهه بلحظه يأس وماهانت عليه دمعة امي وقهرتهه عليه ماردت اكسر كلبهه بانتحاري ..
من بعدهه اعترفتلهم انو اني بلعت حبوب وحاولت انتحر والطبيب كتبلي ع مغذيات لان جسمي كوله متسمم ..
ظليت يومين بالمستشفى وبعدين طلعوني للبيت ..

من بعدهه قررت انسى الماضي حتلو هذا الشي صعب عليه وابدي بدايه جديده ..
اريد استعيد نفسي الي فقدتهه ..اريد ادفن الماضي وكولشي اذاني وياه ..
بهالفترة كملت معهد وجنت بعدني متواصله ويه صديقتي تمارا الي او ماتخرجنه خطبهه عبدالله اخو سيف فرحتلهه ..
اجتني للبيت وتعذرت مني لان مراح تكدر تعزمني ع عرسهه همه حته ماكايلين انو تمارا صديقتي خاف يصير بيهه مثل ماصار بيه وميقبلون اهله لعبدالله واني هم عادي عذرتهه وكالتلي راح يصيرن زواجين عبدالله واخوه بنفس اليوم ..
سألتهه منو يا اخو بيهم راح يتزوج ويه عبدالله بنفس اليوم سكتت ماحجت عرفت الي راح يتزوج هو سيف  يعني هو خاطب هسه ..
كالت اي ..
بس كالت شغلتنه تطول كتلهه ليش كالت دنبني بيت النه الطابق الارضي وسيف وزوجته الهم الطابق الثاني ..
كلمه سيف وزوجته خلت غصه بكلبي ..
شكد انقهرت ..
كم القهر الحسيت بي جبير والظلم ..اي جنت مظلومه مسويت شي ..شعور ما اتمناه لليكرهني ..
جان لسه طاري سيف يخنكني ويسارع دكات كلبي يمكن لان حبيته حب صافي مابي دغش ولا شهوة ..
حبيته بگلب طفله ..
امي وصلهه خبر بالموضوع وعرفتني انقهرت كامت تطلعني زيارات وسوگ ومناسبات مجانت تسمحلي انفرد بنفسي وافكر بسيف خاصة تخرجت من المعهد وماكو تعيينات ..
بعد فترة رحنه لاختي الجبيرة زهراء بيتهه باربيل وظلينه يمهه شهر تغيرت نفسيتي مصايف وونسه وبيئه جديده شويه ارتاحيت ونسيت او حاولت اتناسى واعيييش ..
جنت هناك هواي اطلع للسوك وجنت اتردد ع محل مال احذيه جان اكو ولد طويل وعيونه عسليه وحلو دائما منتبهتله يباوعلي من اروح وارجع او اتردد ع المكان ومن اباوعله يصد عني يباوع لغير مكان يسوي نفسه ممنتبهلي ..
فد يوم جنه كاعدين اندكت باب بيت اختي اجتي نسوان خطابه عليه ..
استغربت وشكيت بالولد نفسه الي جان يراقبني وظليت افكر منين عرفني وشلون اندل بيت اختي ..

كالوا الولد مهندس بايلوجي يشتغل بشركه والعصريات عنده محل مال ملابس يكعود بي ..
فكلت لا مو هو لان هذاك الولد جنت دائما اشوفه بمحل مال احذيه ..
عمامي وخوالي اخذوا خبر ومعلومات عن اهل الولد وسألوا عنهم وسألوني كتلهم بكيفكم لان اني حبيبي أيست منه خاطب وراح يتزوج ..
صارت الموافقه وصار الوقت اشوف الولد ويشوفني ..
فشفته هو نفسه الي جان يراقبني بمحل الاحذيه ..
اكو غلط بالموضوع لو اني سمعت غلط لو همه مجذبين علينه بشغل الولد ..
فمن كعدنه سلم عليه وحجالي عن نفسه وعرفني عرفته فضحك لان كتله عندي سؤال بسرعه عرف سؤالي گالي هذا المحل محل اخويه جنت اجي قبله افتحلهياه واكعود بي شويه بين ميجيني وبعدين اروح افتح محلي ..
كتله علمود تشوفني ..ضحك كال اي ..بس بخجل ..نوعا ما ارتاحيتله ..

للحكايه بقيه ..
اسفه عندي ظروف مدا اكدر اكتب اكثر عذروني ..