sᴇʟғᴛɪᴛʟᴇᴅ | ˡᶦᵗᵉʳᵃᵗᵘʳᵉ

paghabol sa araw

12.05.17

para sa mga taong iniwan

Ikaw, ikaw ang nagpaikot ng mundo ko

Ang mga kamay na hinahanap tuwing nawawala ako

Ang drogang kinuha sa akin

Pero kahit ganito na tayo, adik parin ako sa'yo

Adik parin sa mga ngiti mong nagpapaliwanag ng buhay ko

Ang mga mata mong parang lamparang kumikinang kapag dumidilim na ang mundo

Ikaw ang araw at ako ang buwan

Ang araw na pilit sinusundan kahit wala ng pagasa

Ikaw ang nagpainit sa malamig kong katauhan

Ang boses mong nagpapalambot sa matatag kong harang

Ikaw ang tinig na lumalabas sa tuwing tinutugtog ko ang gitara

Ang inspirasyong tumutulak sa lahat ng aking ginagawa

Pero nangyari nga ang hindi inaasahan at iniwan mo na ako

Maayos pa tayo noong nakaraang araw pero nangyari parin ito

Iniwan mo ako ng walangpaalam

Para kang bulang nawala na lamang ng biglaan