சில்லெனெ தீண்டும் மாயவிழி

தீண்டல் 21

அருண் வீட்டை விட்டு சென்றதும் வசுந்ராவால் தன் அழுகையை கட்டுப்படுத்த முடியவில்லை.வாய் விட்டு கதறி அழுதவள்

"ஏன் அருண் இப்போ என் லைப்ல வந்த .ஒரு 4 வருசம் முன்னாடி வந்திருந்தா உன்னோட உண்மையான அன்புக்கு நான் தகுதியானவளா இருந்திருப்பேனே.ஆனா விதிவசத்தால ஒரு கெட்டவனுக்கு வாக்கப்பட்டு என் உடம்பு புண்ணாகி இருக்குடா"என்று தன் உடலை பார்த்தவளுக்கு அவளின் உடல் முழுவதும் சிகரட்டால் சுட்ட தழும்பு இருந்தது.

"அருண் இந்த தழும்பெல்லாம் பார்த்த உனக்கு என்னோட பழைய வாழ்க்கை ஞாபகம் வரும்டா.இப்படி ஒருத்தி உன் வாழ்க்கைக்கு தேவை இல்ல.நீ இன்னைக்கு என்கிட்ட என்ன கேட்டிருந்தாலும் நான் தந்திருப்பேன்.ஆனா நீ அப்படியான ஆளு இல்லடா.உன்கிட்ட நேர்ல இதெல்லாம் சொல்ல முடியாத பாவியா நான் நிட்கிறேன்.நான் உன்ன அணைச்சிக்கிட்டப்போ என்ன நீ தப்பா நினைச்சிருப்பேல.பரவால்லடா.என்ன நீ தப்பா நினைச்சாலும் பரவாயில்லை.உன் வாழ்க்கை சந்தோசமா இருக்கனும்"என்று வாய்க்கு வந்ததை உளறியவள் நிமிர்ந்து பார்க்க மேசையில் வைத்த துப்பாக்கியை எடுக்க வந்த அருண் அவள் தன்னை மறந்து தனக்குதானே உளறிக்கொண்டிருந்ததை கேட்டவன் ,அவளை கண்களில் கண்ணீருடன் பார்க்க அவளோ அவனின் முகத்தை பார்க்க முடியாமல் தலை குணிந்து நின்றாள்.

"இப்பொ எதுக்கு வசுந்ரா நீ தலை குணியிர.அதான் உன் மனசுல உள்ள எல்லாத்தையுமே வெளிப்படையாவே சொல்லிட்டியே.நாந்தாண்டி தலை குணியனும்,உன்ன 4 வருசம் முன்னாடி பார்த்திருந்தா இன்னேரம் நீ என்னுடையவளா இருந்திருப்ப.இப்பவும் ஒன்னு கெட்டு போகல"என்று கூறியவன் என்ன நடக்கின்றது எனபதை அவள் உணர முன் கொஞ்ச நேரம் முன்பு அவள் கலட்டி வீசிய தாலியை வசுந்ரா கழுத்தில் அருண் கட்டினான்.

இதை கொஞ்சமும் எதிர்பார்க்காதவள்

"என்ன பண்றீங்க அருண்"என்று பேசி முடிப்பதற்குள் அவள் கழுத்தில் அவன் மூன்று முடிச்சு இட்டு முடித்திருந்தான்.