حكايتي مع النصيب

٢٥

- وَ عانَقتُها حَتى تقطّع عقدُها وحَتى فُصُوص الطّوقِ من جِيدِها انفَصل ، ‏وَ قبلتُها تسعاً وتسعين قُبلةً و واحدةً اُخرى وكُنت على عجلٍ  .

              ❤❤❤❤❤❤

قفل الباب واخذني الحظنه فتح شالي بأيده باسني برگبتي صارت رعشه بجسمي
سمعت صوت صفاء صاح

..لك بذات هيج تقفل الباب من استعجالك صوته اخترق اذني ع الأقل سلم عليه گول شكرا وصلت امانتي

..دفعني على كيف وضحك
باسني براسي ومشه وعيونه عليه فتح الباب

..هلا بالغثه صفاء شلونك وداعتك اطلعها منك هاي
وتشوف

..ههههههه ماتسويها مرتي غريبه وماتمون عليها اعرفك تستحي مرت علاء الهسه ماتحاجيها غير السلام

..اشو الا مااستحي من مرتك والا اسوي بيك اكثر اصبر عليه وشوف اليجرالك
ضحكو واتصافحوو وضياء هم نصب علي اني استحيت بقيت من الباب شفتهم تصافحوو ورجعت المكاني لأن صدگ خجلت

ظلو يضحكون وهوه هم يعاندهم من گعدت نورس وسلمت على صفاء غيروو الموضوع وسكتوو هسه يلله جريت نفس
شويه وطلعت سلمت عليها وكعدت لمياء تحضر ملابس ضياء وريوگ اله طلع ضياء واجه خط نورس وطلعت وصفاء رجع للبيت لمياء متعوده من يطلع ضياء ترجع تنام لأن حامل وتتعب وصايره روحها بالنوم تگعد متأخر بس تطبخ ونورس تساعدها بترتيب البيت
من ترجع من الدوام واصلا بيتهم نظيف كلشي بمكانه ومرتب
اخذتني لمياء دلتني ع الحمام ردت اسبح وابدل وگالت اذا احتاجيتي شي گعديني عادي

گتلها اني هم تعبانه واريد انام

ضياء يرجع من الدوام بالاربعه العصر يعني هواي يطول
اخذت من ملابسي ثوب قصير احمر صدره تور وردنه جنح  ورحت للحمام

طلعت لگيته واگفلي ومرتكي ع الدرج مبتسم وعيونه يحچن هسه صرت احس بنظراته اكثر وافتهم شيگول بدون مينطق عيونه تحچي كلشي
بادلته الأبتسامه ولفيت شعري بمنشف شعري طويل وبعده يقطر مي اشرلي بأيده اتقدمله
اتقدمت فتح ايديه يريد يحظنّي
رحتله بلهفه بادلته الحظنه
اخذت شهگت نفس  مثل غرگان واشتم الهوه هيج ردت املي رئاتي بعطره
هسه ايقنت حبيته حبيته بعد ماكنت خايفه اكرها
بايده شال المنشف ونثر شعري المبلل
همسلي بصوت هادئ

..چنت مخليللچ ابالي اسبوعين اذا تحبيني تواصليني بأي طريقه ..وشهر اذا متقبلتني بس بعد تلث ايام شيسموها هاي حب لو شنوو

..حب واشتياق ولهفه كلهن بيه الك واعتذار هم وياريت تكدر تقبله

..مقبول بدون متگولين ..

..ضحكت يعني نجحت بامتحانك

..بعدلج اختبار واحد اذا عديتيه اعتبر نجاحج  امتياز
لزم كفوفي بايده وابتسم
چنت جسد وهسه رجعتلي الروح ..عايش بيج انه كل احلامي انتي وكل امالي مرتبطه بيج