Солонгос дахь бүх бурхны элч, эрлэгийн хааны төлөөлөгчид түүний орилох дууг сонсоно. Дэлхий дээрх бүх элч нар сонсож байгаа үгүйг мэдэхгүй ч энэ улсынхан лав сонсож байгаа.
Бид бурхны царайг харж байгаагүй. Гэхдээ түүний хоолойг сонсож, мэдэрч чадна.
Бурхан их энэрэнгүй ханддаг ч Кайд тэгж хандахыг хүсээгүй бололтой.
Кай бурханд шийтгүүлж байна. Хэдийгээр тэр эрлэгийн элч ч түүнийг үхэгсэдэд хэрцгий хандаж, бурхны зарлигийг зөрчин, там диваажин хоёрын хэлэлцээрийг үгүй хийх шахсанд бурхан хилэгнэсэн билээ.
Түүний сүнсийг битгий үгүй хийчихээсэй гэж залбирах л үлдэв. Энэ олон жил тамд хүчин зүтгэсэнийхээ төлөө би тэрнийг дахин хүн болж төрөөсэй гэж хүссэн юм.
- Чи зүгээр үү?
Тэрний цонхигор царай улам бүр цонхийчихсон хаанаас ч юм шилжээд гараад ирсэнд би түүнээс ийнхүү асуув.
"Хараал ид" тэрээр амандаа зөөлхөн ёолсоор ярвайх ажээ.
- Тиймээ .... чамайг хараал идчихэж.
Би түүний ард гарж зогсохдоо нурууг нь хараад шогшорсон юм. Би гараа явуулсаар гүн мөр үлдээж, цус урсах нурууг нь илэн:
- Бурхны ташуур ингэж үйлчилдэг хэрэг үү?
- Тиймээ
Тэр дуулдах төдий надад амандаа шивнэсээр хариулав.
- Удахгүй эдгэчих байхаа ... хүчтэй байгаарай.
Би Кай-ийн нуруун дээр дэмжлэг болгон цохихыг хүссэн ч дүүрэн шархтай байсан тул дэмий л гараа агаарт хий сарвалзуулаад буулгалаа.
- Эдгэх эсэхийг бурхан л шийднэ ...
- Юу гэсэн ...
- Бурхан миний шийтгэлийг цуцалсан цагт л шарх эдгэрнэ. Тэр болтол энэ шарх эдгэхгүй, цаг хугацаа өнгөрөх тусам улам бүр томрон, идээлэх болно.
Би зүгээр л шүлсээ гүд хийтэл залгиад өвчин, шаналалдаа зовиурлах Кай-ийн царайг харсаар санаа алдав.
*****
Бидэнд дуудлага ирэн дахиад л далавч минь өөрөө дэлгэгдэн нисэхэд бэлэн болох нь тэр.
- Бекхён ... т-туслаач.
Намайг яг нисэх гэж байхад Кай-ийн цөхрөнгүй хоолой гарлаа.
- Яасан бэ?
Маш тэнэг асуулт асуусандаа хоромхон зуур өөрөөсөө ичиж амжив. Учир нь Кай өвчнөөсөө болоод шилжиж чадахгүй байгааг мэдэрсэн юм.