ماكو ولا مسج من نسوانة بس محادثة وحده وهاي اللي صفنتني من فتحتها !!!!!
بس رسالة وحدة بيها ...
لوحدة اسمها لمياء ...
لمياء رجائا كافي اتلحين مرتي عرفت ما اريد اخسرها لا اتلحين كلشي انتهى !!! تم الحضر
ضليت مفتحة اعيوني على وسعها صدكي هذا المسج لو حلم .... ماكو اي مسج بالمحادثة غيرة . ومحضورة ما رادة علية ... يا الله يا الله رحمتك يااارب حس بية وبطل سوالفة صلوات واالله لجيب جكليت وا اوزع ...
وضليت ايام اراقب حسابة طبيعي .. بس يدخل بكروبات يشاقة ويه جماعته ...
كروبات ماسنجر ..اصلا الفيس ولا يكلبة .. واني كلبي ارتاح لأن صار يحس بية ويحاول يكعد وياي بدل تلفونة ..
مر الوكت اسرع من ركضة الغزال وما حسيت الا والصيف جاي علينا . جانت فترة امتحانات كلش صعبة علية بتي بالثالث والثالث حيل صعب عليها و وراها بس تخلص تبدي أمتحانات المتوسطة ابني عزوز .. وحتى رسول عنده امتحانات بس ممركزة وياه لان روضة ...
اكعد اقري الضهرية كلها ... اتنام ب 3 تصحى ب 4 اني هم اقري المادة ... المغرب اصلي واسوي عشا ..اروح اراجع الها تمتحن واني اضل اكضيها شغل بالبيت وكلبي نار عليها هيج رغم اني اعرفها شاطرة بس الوهواس ياخذني
من تجي واشوفها مجاوبة الا ارتاح و عزوز هم مشيبني ما يقرة وعنده اختبارات شاملة وراهه امتحانات شفهي ... اتوسلت بحيدر يلغي النت بس وقت الامتحانات ولغاه ......
......
راجعت لرسل ورحت لغرفتي الساعه ب9 ونص
جان حيدر نايم على ضهرة والحاسبة على بطنة ..
كوثر جيبي جيس حب حطيته فوك الثلاجة
نفخت بحلكي اوووف
ورحت جبته
فليت شعري و انطرحت ابصفحه وانطيته ضهري ...وحطيت المخده فوك راسي ..
هاي شنووو راح اتنامين .؟؟؟
اي
دكومي شوفي وياي فلم ... مال كيف كوستنر
تعبانه فدنوب مصدعة ....
بعد وكت عمي دكومي
حباب عوفني لا تلح ... والله بس اشوف الارقام والإعداد دك براسي ... بتك باجر امتحانها رياضيات ...
ما رد .. واني غفيت ...صحيت الصبح مرعوبة لا تأخرت على رسل ...شفتها ب7 كمت حضرت بيض وطماطة ..
عزوز اكعد ولك.....جيب صمون ..
بالمرة العاشره الا كعد ...
راحت رسل للدوام جان يوم سبت
عطلة عند حيدر
كعد لكه البيت هدوء الجهال بالمدارس
والباص اخذ رسول هالمرة
البيت اني نضفته و كاعدة على النت جنت اقرة بملخصات بكروب تربوي لأبني عزوز ...
ما انتبهت اله
دعوفي النت ماخذ كل وقتج .. سديته وما عفتيه
ما مشتركة ..على المجاني ....دا اشوف كروبات تربوية اخذ منها ملخصات ....
شتريد ريوك ...الساعة جانت ب 9ونص ..
