بدأ يومي عادي كعدت الصبح بدلت زي المدرسي وجنت بفتره امتحانات نهايه السنه (بكلوريه ياحظي) شلت شعري سويته ضفيره (جدوله) ناعمه وخليتها على كتفي نزلت سلمت :صباحكوووم اني ملكيت احلا مني😇(فدوه للتواضع)
الكل ماعدا باسل:صباح النورر✨
قمر: شكو بيسو اشو متسلم صاير شئ ويه المدام😉(خطيبه باسل)
باسل: لااا بس دا اشوفيني اكل والكمه بحلكي اشلون ارد؟
قمر:اووي عيني اووكي صبح مو خلصت
باسل: اهووو يلا صباح الخير صباح الورد صباح العسل صباح العافيه فختي.؟
قمر:لو هيج لو هيج ماكو حل وسط؟
رائد: دكافي مصاررت يوميه عركه صباح الخير على الكل وخلصنا...
قمر: اووكي اشوفكم بعدين ادعولي باااي☺
الكل:الله وياج
طلعت جان ابو الخط واكف بالركن صعدت ورحت...بعد ما خلص الامتحان شفت بنونه صديقتي وكلبي ..بونجور بنوو شلونج بالزفت شصخمتي؟
بنين:ولج قمور زفتت بالسؤال الخامس
قمر: عزااا بعينج ولج هذا من ٥٠ يعني انعلستي
بنين: اي والكعبه هسه روحي طافره كل من وره اقبال هال.... شحجي عليه راح ارسب من وراه الله ياخذه
قمر:اميين بس لا دكولين هيج كلنا ندخل طب يعني ندخل لو مو اقبال
بنين :انشاء الله يلا امشي ابو الخط انسمط ابو الخلفه من الحر
قمر:غصبا ماعليه وعلى راسه دافعين بي فلوس مو هيج
بنين:عمي ندري بس خلي نروح اني هم انسمطت سمط
قمر: حااظر ومن عيوني بس خلي اودع الشله الفايخه 😂
بنين:ههههه يلا بسرعه
رحت اني وبنو سلمنا على الشله ورحنا لان اخر امتحان ركبنا بالخط ووصلنا...بااي بنونتي راح اشتاقلج مو تنسيني تراه هذا بيتكم براس الفرع واكو تلفون هم🖤❤
بنين: من عيوني قمورتي شلون انسى روحي وكل حياتي😍
قمر:عفييه هيج اريدج عمري اووكي اشوفج عن قريب انشاء الله💋
بنين :انشاء الله كبد😘
راحت بنونه واخذت كلبي وياها المهم دخلت للبيت سلمت وماما استلمتني حاصل فاصل شنو الاسئل وجاوبتي لو لا وشلونهن صديقاتج شرحتها وتعبت كلش دخلت سبحت لبست تراكسود اسود بنقط بيضا ونمت...كعدت على صوت بجي وصياح عالي وصوت عمامي لان اعرفهم كولش زين نزلت بسرعه شفت ماما تلطم و رائد يخابر ويصيح وميار صعدت احمد لان يبجي و شمس ميته من البجي شلتها اسكت بيها واسئل محد يرد بس ماكو باسل ياربي شصاير ماما بابا اي احد شكووو باسل ويين؟؟
YOU ARE READING
فصليتي الجميله
Randomقصه فتاه جميله تحكمها الضروف على ان تكون فصليه لاحد ابناء الشيوخ فماذا ستفعل لتعيش بسعاده وهل يتغير مسار حياتها كليا... قصه قمر و فهد للكاتبه:✍سارونه💘💕
