فصليتي الجميله

البارت السابع عشر🙈

سارونه:صباح الورد
استمتعوا بالبارت🍂

___________________________________________

فهد: الحياه عقبات بس اقواها فقد شخص غالي عليك فقد روح ممكن تكون روحك الثانيه فقد شخص شوفته تحسسك انت بخير💔
وبعد وبعد نمشي ونكول خلصنا مشاكل ونلگه اقوى من القبلها وااه بس لو اكدر اغير من واقعي حتى لو القليل.....

منتظر الدكتوره تتطلع وتبشرني بخبر يفتح النفس امي كاعده تقرا قرآن ودمعتها على خدها اصعب موقف تشوف اغلى ناس عندك تتعذب وانت واكف متعرف شتسوي وما باليد حيله,,,,
طلعت الدكتوره وكلبي بده يرجف امي صدقت وسدت القرآن بدت الدكتوره تشرح حاله قمر واني كلمه افهمها وكلمه لا؟

د.هيام: اااه يا فهد كم مره كتلك لا تخلوها تتفاجئ بالاحداث مهما كانت بس مسمعتوا كلامي شوف حالتها هسه حاليا راح تبقى يمنا لحد ما تستقر حالتها لا وضعها هالمره قلقني متستجيب لأي مؤثر نسوي خايفه عليها ومابيدنا غير الدعاء

فهد: دد دك دكتوره يعني شنو بالضبط شبيها قمر احجيلي ؟

د.هيام: استاذ تعرضها لأحداث صارت قبل وبكثره ممكن يأثر على بعض مناطق من الدماغ وبهاي الحاله لازم تخضع لبعض الفحوصات وتبقى تحت العنايه المركزه

فهد: (رفعت شعري بيئس) بس دكتوره معقوله بسب وكعه هيج صاار؟

د.هيام: مرات الوكعه متأثر بس رده الفعل الي تسوي سوايتها ولازم تاخذ بنظر الاعتبار ان هي بعدها شابه ببدايه نضوجها ممكن بعض اماكن من راسها بعدها حساسه وخاصا ان الوكعه صارت بالنطقه الخلفيه للرأس بس الصراحه لحد هسه ممقتنعه وكعه لان اكو شئ داخل و واصل لجمجمتها ممكن تشرحلي انت؟

فهد: حيكون شنو مثلا دكتوره ..وكعت على الدرج لا اكثر ولا اقل

د.هيام: اوكي مصدگه هسه عن اذنكم اروح اني

الحجيه وفهد: الله وياج

الحجيه: شووف شووف كمت على الكل تچذب ومن ورا تسرعك هيج صار

فهد: يممه لخاطر ا...(دگ التلفون) الوو هاا ليلى شكووو؟

ليلى: لا صدوك علساس متعرف قمر ولك قمر شلونها شكالوا؟

فهد: زينه زينه بس لازم ترتاح هنا شوي

ليلى: اوكي رجع ماما واني اجي نفس ذيج المره😉

ضحى: (اجرجر بالتلفون) لااا لا ولله متروحين ولج هذيج المره اكلت قندره من ورا امج كتلتني كتل بس شيل هذا وجيب هذا وانتي البرنسيسه ماخذه راحتج

ليلى:( واجر بالتلفون هم ) خااب مطيرين عود ما اكلت قندره ولج حتى الدبانه بلعتها

فهد: خااب و ولج وقندره شنو انتن ماكو البريعصي يجي ويخلسجن واخلص بااي