فصليتي الجميله

البارت السادس عشر🙈

سارونه:مفائجه اي مفائجه مو مفاجئه حبيت انعشكم شوي هالكم يوم بالبارتات💙

هاا ونسيت الف الف ميلون مبرووك بحلول السنه الجديده ونبارك لأخواننا المسيح والله يخليكم النا اخوه وسند🌌💕
احبكم❣

........................................................

قمر: طلعوا الكرايب بعد عناء ومشقه اكدر ارتاح شوي من الدوخه بس..
شفت فهد واكف بالحديقه ورا الشجره شديسوي هذا؟ عزاا بس لا بي حال نفسيه يصير عدنا ثنين سرور لا ممعقوله
استغفر الله هسه اني شدخلني بي بس يلله شكله ميطمن اروح اتأكد...مشيت شوي على كيفي خفت ليسمعني او شئ وصلت يمه رئسن...

فهد: يارب اشوفها تدخل وتطلع وهي حلالي وكلمه ما اكدر احجي وياها؟؟
عذاب تشوف شئ الك بس هو ميعرف بيك اصلا انت موجود ..

اباوع الكل فرحان ويضحك ويسولف حتى قمري يضحك وياهم بس شخص مشمور وييين مكان خالي هو وضميره الي كل ثانيه يضربه بساعقه اقوى من القبلها ساعقه تشعل كلبه وتخليه يكره نفسه ويكره الحواليه رغم غلطي الي عند اغلب الناس بسيط بس الواقع فرض ان يكون اثاره قويه وباقيه..

طلعوا اهلنا سلمت عليهم وبكلبي نار نسمه من هوى صوتها يطفي ناري
ورثت چكاره ووكفت يم الشجره الجبيره هنا اغلب ذكريات طفولتي من اول ركبه الي بالباسكل اووف و اول لعبه ال بالطوبه عثرت واجه اسد يتشمت بضحك اووف يا اسد ليش متت تدري بموتك يخوي شصار بكلب خيك مره فرت عقله خلته ما يندل ليله من نهاره...

حسيت على مشي احد اجه يمي من العطر ميزته قمري ردت استغل الفرصه و اطلع البكلبي اقتربت شوي جريته ايدها بسرعه وخليتها كدامي وظهرها على الشجره ...

فهد: خيررر خيررر

قمر: الخير بوجهك اغاتي بس شفتك ضايج كلت اشوف شبيك (انتبهت عيونه حمر وريحته چكاير كحيت شوي) عفوا ترا موزين الي تسوي

فهد : (درت وجهي عنها ) وشنو هو الزين السويته بحياتي الناس تشوفني ماكو بس انت خير وابن عائله بس ميدرون الصدگ

قمر: وشنو هو الصدگ لان اني اوافق الناس على كلامهم

فهد: حقچ لان اصلا انتي متدرين وين انتي مو صح متدرين اذا هاي العائله حجيها صدگ لو چذب كلشي متدرين وانتهينا

قمر: شدتحجي انت ليش ما ادري مو علساس اهلي مسافرين و..

فهد: چذب چذب ولله چذب ممسافرين ومحد مسافر وانتي هنا لغير اسباب فختي

قمر: (حسيت بعد ما اكدر اوكف تجيني مقتطفات اشياء وناس وضحك وصراخ بنفس الوقت بس مو واضح شوي يوضح وتبين اشكال وشوي بس ظلام وما اشوف شئ تفاصيل صغيره بين كل هالصور دم ورد اكل ابتسامه بس ألمن ألمن بقيت اضرب على راسي) ليييش ليييييش ليش ما اتذكر ليش اكو صور تطلعلي ليش اكو ناس بمخيلتي تاره اكو وتاره لاا ليييش ما اريدهم ما اريد شئ بسسس كااافي كاافي ولله تعبت