اشششش اشش ادري ادري الي راح تحجوا عليه كل مره توعدينه ومتوفين بوعدج مو سارونه ؟ خب حبكم خلاني ارجع اكتب وانشر ردت احذف القصه الصراحه بس تردتت من شفت كل هالناس الحلوه وتشويقها للقصه خلاني الغي الفكره من راسي ولا تلومني ترا الدنيا مو سهله ابد واني مو فارغه علمود اكدر اكتب وانقل الاحداث بدون خطأ وبتفاصيل صاحبه القصه وشغله ثانيه وراح اعيدها للمره الالف القصه واقعيه وحقيقيه احداثها واني الي اضيف شوي من خيالي لا اكثر ولا اقل، يخليكم ربي استمتعوا. وغلسو عله السحكات…
ها لحظه خل اذكركم شوي:: لان نفسي نسيت الي صار اخر شي فهد تكلم بالاحداث لقمر ورجع شي بسيط من ذاكرتها بس ما زالت بالمستشفى هيه وفهد بأنتظار نتيجه مطمه اله واما عائلتها لقمر فہ هيه بدت تعيش حياتها شوي بعيد ؏ــن الحزن الي دوم وياها وباسل اخوها حس إن لازم يغير بنفسه علمود يلاقي قمر وهو مستعد الها ،ونكمل.
_______________________________________
فهد: ايييه ورجعت لنفس المنوال مثل كل مره انتظار ما اله اي جدوه شنتظر هسه؟ ومنو الي انتظره ؟ عوده حب قمر الي؟ لو ذاكرتها؟ لو بس صحتها؟ شنتظر لأنتظر وبقيت لمده يومين بالمستشفى اروح وارجع واسئل عن حالتها شغلي صار كئيب مو مثل السابق رجع ابويه من شغله وسوالف العشائر حجوله الي صار وصار اللوم عليه وصح اوافقهم غلطت بس شلون اصحح غلطي؟ وهل الها حل لو بس كلام؟ عائلتي صرت ما اكعد وياها هواي لو بالغرفه نايم لو بالمكتب نايم لو بصاله الاستراحه للمستشفى نايم جسمي صار منهك مو مثل قبل صاحب العضلات المشيه الي تخلي الكل يهابه هزلت هواي عيوني مو مثل قبل لونه بهتت على روح راعيها والسبب؟ قمـر اي قمر هيه السبب والاسبب او بالاحرى حب قمر الي تغلغل بكل دمي ممعقوله صارت حياتي تعتمد على شخص حبيته هيج الحب يأثر؟ هيج نار الضمير تحرگ؟ وابقى اسئل واسئل الى ان امل واتعب وانام شوكت اعيش تعبت عاد …
بديت يومي واني عازم انو اغير من نفسي شوي لازم اتغير الحياه مواقفه على حزني وقمر بأذن الله راجعتلي كعدت الصبح من وكت الساعه 7:30 لكيت امي كاعده ويه ابويه متعوده من يجي الوالد متشبع نوم لازم من وكت سوالف كرسي العشيره مو هينه … صباح الخير
الوالدين: صباح النور
الشيخ: وليدي شو كاعد من الغبشه خيرك؟
فهد:(واني اكعد ع سفره الريوك) الخير بوجودك يمنا بويه تدري بيه من يوم يومي نشيط بس شنسوي ايام غيرتني المهم ناوي ارجع لنشاطي وانشاء الله ما اغلط بيـہ مثل سابقاته
الحجيه: يمه اعرف شتقصد بس نعرف غلطك وانته اعتذرت منه وتندمت وهذا اهم شي واذا على قمر كليبها جبير يا يمه تسامحك يبعد كلبي
الشيخ: اي يبوي هو هذا الحجي المعدل امك تكلك هيج مو بس لان امك لا وليدي امك تدري بيك وبتربيتها ألك غلطك اصححه وغير هذا انت فهد ابن شيخ علي اسمك موش شوي عد بقيه العشاير افهم الي يصير وصحح بشي صح خوش
YOU ARE READING
فصليتي الجميله
Randomقصه فتاه جميله تحكمها الضروف على ان تكون فصليه لاحد ابناء الشيوخ فماذا ستفعل لتعيش بسعاده وهل يتغير مسار حياتها كليا... قصه قمر و فهد للكاتبه:✍سارونه💘💕
