جسد انثى مريم 🔞🔞🔞 الجزء الثاني

بارت ٣

مر اسبوع وايهاب ما منه جيه . اخر شي كتلها رسل خل اخابره ...
انجبي واسكتي وسدي موضوعه  ....
حبابه خل احجي ويا شافتني ابجي ومنهاره . هاج اخذي ....
خابرته ميشيله . رجعت ردود خابرته مشاله . رسل حبابه انطيني مجال بس خل اشوفه ....
دك عليه ...
ها مريم حبيبتي ....
ها ايهاب شوكت تجي ....
شجي يا كلبي غير امي تقنع جاي اقنع بيها ....
ايهاب ليش خليتني اتعلق بيج ....
على كيغج لتقهرين والله متصيرين لغيري حبيبتي ....
اي كلي شوكت ريح كلبي ....
خل اشوف هلاسبوع بس صبري ...
لليل اجه حيدر اندكت عليه الباب . طلع . رجع . رسل صيحي لمريم  تعاي .....
اجتني رسل . مريم حيدر يريدج ....
شكو بسلا كتيله ....
شو اكلي خره ....
صعدت ها ابو كرار كول .....
مريم شنو الي سمعته من ام ايهاب ....
.
اني سكتت ما حجيت ...
اذا حاسبتني اخوج احجي واذا حاسبتني غريب سدي الموضوع وروحي ...
الله شاهد حاسبتك اعز من اهلي كلهم . بس ما اكدر احجي ....
مريم احجي . ليش تخلين حقج يروح ....هو الولد صارلي سنتين ويا ويريد يزوجني ....
طالعه ويا ...
لا ابد ....
ممسويلج شي ....
لا . ونزلت راسي بوكتها تمنيت لو الله مسوي بيه زلزال ولا هلموقف هذا . بس دموعي يصبن عشره على عشره .....
جان حيدر يباوعلي وعيونه تجدح نار كوووه مصبر على روحه يصطنع الهدوء
روحي ميفيد البجي بعد .....
.
طبيت يربي شلون بيه . ورايه امتحان باجر شلون امتحن شلون اجاوب خلصت فتره الانقطاع وباجر امتحاناتي ....
ثاني يوم صادف ثلاثاء وجان امتخان اسلاميه والخميس عربي . امتحنت اسلاميه وطلعت عبالك جثه اسحل بروحي سهل هاي الحجي هو حيدر وداني وما رجع ضل واكف بلباب لمن طلعت يلا رجعنه سويه ...
وصار امتحان العربي يوم الخميس وهم امتحنت ورجعت بلليل اسمع صوت هلاهل واغاني . رسل شنو المن هلعرس ....
اقري وسكتي .....
رجعت قريت وكملت وبلليل شبعت بجي يا ربي اجمعنه شوكت الله يجمعني بي يربي والله راح اموت . مشتاقه لحظنه مشتاقه لشفايفه . مشتاقه لكلشي بي ....
.
.
.
مضت ايام امتحاناتي بون وبجي وهم وقهر بليوم الاخير قررت اتصل بي . خل احجي ويا مشتاقتله . غافلت رسل بلليل وبكت موبايلها  واتصلت بي دك دك ماكو ميشيله رمشتله ماكو دزيتله رساله . اني مريم فدوه لعينك خابرني ....
.
خابرني شلونج مريم .
هلا ايهاب مشتاقتلك . خلصت امتخانات  ....
اي ادري ....
احسك متغير ....
مريومه اني احبج ولسه ما ناسيج بس تغير الوضع ....
شتغير مثلا ...
ليش انتي ما سمعتي ....
شسمعت ...
تزوجت بت خالي .....
هههههع شنو ....
تزوجت بس اني احبج وفكري وعقلي كله وياج .....
هههعه لا صدك شجاي تحجي ....
اسف مريومه ....
جذب عليه . جاي تختبرني اكيد ...
......
احجي ليش ساكت جاي تختبرني موووو
جاي تشوفني احبك لو لا ... احجي جاي تجذب مجاي تحجي الحقيقه . انت وعدتني انتتتت وعدتني متعوفني انت حلفتلي . انت خليت كفيلك العباس ابو فاضل متعوفني . كولي ايهاب دجذب احجي وكووول لخاطر ربك لتصفن . الووووو الوووو ....
.
رجعت دكيت عليه . هاي شنو انكطع الخط لو هو طبكه ... الوووو ...
صوت مره تتنعوص ... الوووو
الوووو ايهاب وين . انتي منو ....
اني مرته لايهاب ....
احجي الصدك حبابه ....
ها هو انتي مريم ....
حاجيني ايهاب وين بس احاجي حبابه ....
شتردين منه هو رجال مزوج بعد ....
ليش اخذتي متكولين يحب وحده ....
لو يريدج جان اخذج ...
لا امه جبرته فدوه لعينج انطينيا ...
حبيبتي انسي لايهاب تره اكول لماما صفيه عليج واتتي تدرين بيها شسوي .....
طوووووط ...
* هاي المحادثه كووولها دارت واني ارجف وصوتي يرعش وما ادري شأحجي اصلااااا واني هلكلام هسه رتبته لان ما اذكره بلتحديد شلون دار وسويته افتراضي بس اذكر بوقتها فقدت اعصابي *
.
لزمت التلفون كسرته تكسير ملخت روحي ايهاب حظن وحده غيري نام وي وحده غيري واني واحلامنه الي بنيناها سويه واطفالنه الي حته اسمائهم مقررين شنسميهم ليششش ليشش ايهاب ليش . ملخت روحي ما بقه كل عقل عندي  يعني اني متأكده يحبني وميشوف غيري جان يبجي الليل كله ويدعي يكول شومت الله يجمعنه . . ضليت اعيد الحجي وي روحي اباوع عليه صدك هذا الي صار كدامي صدك هذا اني وهذا حياتي ليششش واني واحلامي ابدلت العرس . واحلامي الي بنيتها بحظنك واحلامي الي سولفنه بيها وحلفانك الي يكسر الضهر ليشششششششششش ايهاااااااااب لويش عفتني وضليت اصرخ وابجي والطم واشكي . حته نزلتلي رسل وضلت تبجي وياي وتكلي ميستاهلج يروحلج فدوه خل يولي ولج والله ميستاهلج شبيج .. رسوله راح اموت . حبابه شبكيني .
.
ضليت هاي الفتره كووولها نايمه بصف رسل وجهالها وشابكتني بمكان ابنها الصغير وخايفه عليه بس تعوفني دقيقه ابجي مرت عليه هاي الايام صرت جلد وعظم واني ضعيفه اساسا حته صار وجهي ما بي لحم وفجوجي طلعت صرت عباره عن هيكل عظمي .
.
وره فتره طلعت النتائج  وطلعت معدل ٦٧ وكمال بلعربي البنات كلهن متعجبات ليش شجاج ورسل ماتت من القهر وضلت تبجي وتصيح وتدعي عليه عساها بحظه وبخته كلمن كسر خاطر بنيه عساها حوبتها تطلع بي .. يا ربي دمعه يتيم لا تردها ما شافت من الدنيا شي ...
.
.
قررت اعيد السادس بس شنو جنت كلبي مجروح ولاول مره حسيت كرامتي مهاااانه واني انباعيت برخص هم مو رخص اقل بعد من الرخص ....
.
.
.
وصرت وعدت السادس وقريت وضليت لازمه كتابي واقره ما الي نفس اقره عبالك مريم كبرت ١٠ سنوات وصار كلبي عباره عن كلب وحده عجوز مر عليها القهر وشيبت من ورا ....
.
ما يوم من الايام مر عليه بدون ما اذكر ولا يوم من الايام ما التفت بلكي اشوفه ولو اشوف خياله ولو اشوف طوله بس اعتزلت روحي حياتي صرت كئيبه حته صديقات ما عندي اول شي اني من العام واني نفسيتي صفر . يدك الجرس تبدي الدروس تجي الفرصه امشي وحدي لو اكل لفتي واراجع بلفرصه دروسي .. جان ايهاب يتمنى اطلع طب اسنان يشاقه يكلي اول واحد اسناني تسويهن تبلشين بيه ...
.
.
وصارت الامتحانات وامتحنت وضليت اسهر الليل والنهار على حساب الجامعه ومستحيل ايهاب يروح من دماغي ابد حسيت كلبي قفل بس عليه وبسسس .
مرت الايام اطول ايام عمري بفراكه اليوم بلموت يلا يخلص ومشت الايام وطلعت النتائج وطلع معدلي ٩٤ وهاي اول مره افرح وابجي من فرحتي وللحظه نسيت ايهاب وصارت التقديمات وطلع قبولي صيدله .
.
.
واخيرااااا
راح افوت صيدله واخيرا صار عندي شهاده وحققت حلم ابويه الله يرحمه . بيومها رسل شبعت بجي وحيدر عشانه بلمطعم وكام يصيحلي دكتوره .....
.
كل هاي الفرحه يمكن تناسيت مراح اكول نسيت بس لحظات نسيته لايهاب ويرجع كلبي يحن اله ...
.
مرت الايام مثل مر السحاب ومشيت ودخلت كليه صيدله . جانن البنات بلجامعه كلهن مترفات بشكل وكلهن يضحكن بس اني نفسيتي صفر من اول ما طبيت عرفت شنو الكبل من اول مرحله اكو كبلات جنت متعجبه شبسرعه حبيتن وين لحكتن تحبن ومو هنا المصيبه . يعوفها الكبل مالتها تروح تكبل وي واحد ثاني خلال يوم واحد صدك جذب شنو علسرعه بلأداء شنو هاي شلون عايشات هذني .
زين اني ليش ما اصير مثل .. واحسب روحي حمار وضحك على بهيمه وانساه بس شلون اكدر يا ربي ليش هيج نكسر كلبي ليش هيج مشاعري ما اكدر اسيطر عليها ....
.
.
.
هاي جانت معاناتي خلال فتره دوامي احسد الي يكبلن يوميه وي واحد ما عندي لا شغل ولا عمل بس صافنه واتحسر وعقلي وكلبي محبوسات بقوقعه اسمها ايهاب وجان من كل عقلي هسه هو يبجي عليه وراح يطلك مرته علحسابي ويجيني يكلي متوصل لاضفرج هذا جان اعتقدادي ....
.
.
.
*الحب سلاح ذو حدين مرات يحيي الانسان ومرات يقتله * وماكو بشر ما شاف طعم الحب . نادرا ما تكلل الحب بلزواج احياناً الانسان يمشي وره عاطفته وميفكر بعقله واكثر الناس تغلبها عاطفتها ... وبلاخص النساء ....
سحقاً لكل رجل وعد واخلف .....
وتعساً لكم يا اولاد ادم ....
. توقعاتكم للقادم .زينب علي
هذا البارت خاص للي صوت وعلق ع البارتات الي راحت والي ما صوت وما علق هذا مو ااكم البارت