جسد انثى مريم 🔞🔞🔞 الجزء الثاني

بارت ٩

رجعت للبيت واني متكدره مليار بلميه عدهم لان هو كلي خلصت الحظانه معناتها عدهم زين اذا مو عدهم شلون لا مستحيل عدهم ميسكتون عنها . زين اذا سووها عناد وسكتو لان بلغت . لا مستحيل . زين اذا مو همه اكيد يريد فديه اذا اكيد همه ... زين اذا طلعو مو همه .شلون ...
.
هذا جان الكلام الوحيد الي يشغل بالي . ساعتين اجيت اخبل ..
دكيت التلفون على ابو اوس . ابو اوس ارحمني وضليت ابجي . هو ساكت بس يسمعني . ابو اوس الله يخليك ارحمني خاف ادور بيك الزمن وبنات هيج يتأذن ...
شنو تريدي ...
اريد زينب ....
ما ادري بيها ...
كلي وروح محمد ما ادري واني اصدك ...
روحي  ام امجد روحي وانسي زينب ...
شلون انسه بتي قطعه مني الله يخليك لخاطر محمد وانت تدري محمد جان يحبني لا تشلع كلبه بيه
...
طوووووووط   ....
.
.
دكيت مره وثنين و٣ و١٠ و٥٠ وادز رسايل اريد بتي يمعودين الله يخليك ابو اوس اريد بتي ....
.
جان جوابه من هلرسايل والدك والمكالمات برساله وحده: روحي للمحكمه خل ادورها ...
.
.
عرفت قصده مراح ينطينياها لو اموت .
.
خابرته شاله . ابو اوس مستعده كلشي اتنازل عنه حته سيارتي وبيتي اخليها بأسمكم بس زينب رجعوها .
وجان جوابه انو سد التلفون بوجهي . صرت مثل المخبله ما اعرف شلون اتصرف وكلشي ما اريد بس احد يطمني عنها اكلت شربت نامت مريضه صاحيه ...
.
خابرته وصوتي مبحوح وابجي كتله بس اشوفها وخليها يمكم والله ما اسوي اي شي ولا اشتكي بلمحكمه ولا احجي والله وروح امي وابويه وداعه امجد وزينب بتي ...
.
شتردين ام امجد والله تعبان وروحي طالعه ....
ابو اوس ابوس ايدك خل اشوف بتي ...
ماهي عدنه لا تعبين نفسج .. . غلق التلفون .
.
ضليت ادك وجان الجهاز مغلق ...
.
ضليت اتخيل بتي تكدي بلشارع لو واحد مغتصبها وتصرخ تصيح ماما .
.
بدون وعي لبست حجابي واخذت امجد وطلعت بلسياره جان بيتنه مو كلش بعيد بس هيج مسافه ربع ساعه .
دكيت الباب كسرته فتحوليا وحته ما انتبهت منو فتحه . طبيت اركض . عمه وينج عمممممه ...
لا هله شرايده ...
عمه اريد بتي مروتج بروح محمد عليج اذا محمد عندج عزيز . عمه محمد جان يحبني ليش تأذوني . عمه لخاطر محمد والله راح تخبل عمه راح انجن عقلي فقدته من وره زينب ....
طيبه زينب ما عليها شي روحي ردي ....
كولي والله عمه ...
عجل مجذبه عليج يولي . ولي منا .....
عمه وينه ابو اوس الله يخليج خليني احاجي ...
بكُبته نايم مالج شغله بي ....
. رحت دكيت الباب عليهم دك دك دك دك دك دك دك ام اوس مروتج طلعي الله يخليج خل احجي وياج .
.
طلعت ام اوس  . شعندج بنص الليل متكليلي هااا ....
انمار خلي ايدج على صدري وشوفي كلبي شلون متلوع على زنوبه كليلي وينها ....
انمار حسيتها انقهرت ، خل اشوفلج ابو اوس يندلها .
.
طلع ابو اوس اشرلي كانما دوري وجهج واطلعي بره .
ابو اوس بتي الله يخليك ....
طلعي بررررره .
يا ناس يا عالم والله راح اتخبل عمي بتي هاي بجري هاي تاخذوها بيا حق ....
.
جرني من ايدي طببني لغرفته طبت انمار زوجته ورا عبالها شو شراح يسوي . لزم ايدي لواها حيل حسيتها رادت اطك . وكلي خلي الافندي العندج يدورلج عليها . دفعني بره حيل . صارت الدفعه على خشمي نضرب بلنص طك وكام يصب الدم .
وكلها تخاف تدنه عليه .. دقيقه اذا لكيتج هنا انوب اكتلج بيدي ....
.
طلعت ابجي بس عرفت هيه عدهم . وصلت للبيت ضمدت روحي . خشمي وعيوني ورمن  .
كلت هاي هسه صفولي يردون يسودنوني اكيد . من هسه ورمو وجهي والله اليعلم باجر شيسون ..
.
خابرت ابو اوس ما شاله .
خابرته فصله وغلقه ..
خابرت بكر كتله وصل لخبر لابو اوس اذا ما شفت زينب باجر اكتل امجد واكتل روحي وداعه زينب بتي باجر الصبح ميطلع علينه اذا ما شفتها ...