جسد انثى مريم 🔞🔞🔞 الجزء الثاني

بارت ٥

حيدر ضل يسال عنهم اخر شي جاب خبرهم بلكامل كال اصلهم غربيه وساكنين بلحله حاليا الولد حلو وزين ما عايزهم شي مؤدبين وناس ع. كد نياتهم ابو متوفي عنده ٣ اخوان وكلهم اكبر منه وهو اخر شي بس هو اصغر واحد بيهم بس همه من الطائفه الثانيه اخوته الجبير مهندس والورا محامي والثالث دكتور حالتهم زينه الماديه ....
رسل : لا جا اذا من غير طائفه بلاها ....
الوا فركشوها اذا ما مقتنعين ....
حيدر : بابا هلسوالف ماصخه شنو هلطائفيه هذا سني وهذا شيعي ...
اي خاف يكتلون اخيتي يكلك هناك كتل الشيعي حلال ....
شو اكلي خره انتي هم تصدكين بهلكلاوات مو هاي الناس دتاخذ وتنطي شبيهم لتضلين تسمعين للاشاعات وتصدكين كلشي ....
اي بس شلون تربي جهالها ....
لج بابا انتي مطيه شبيج الرب واحد والنبي واحد والدين واحد والكعبه وحده شبيج لج شنو هلتمضرط شلون متربي خل تربي ....
خاف يجبروها تترك عقيدتها ....
وهسه ع اساس عقيده مريم الشيخ المفيد ....
اي بس ما يصير ...
رسل اسكتي تره فجرتي مرارتي شو تعاي مريم ....
ها خويه ...
عندج مشكله انتي بشغله العقيده ....
شمدريني بكيفكم اني هم احجي انوب اطلعوني ملامه ....
خو احنه ما شايليج على روسنه البيت جبير ويتحمل عشيرتج هسه مو بس انتي بس اني غير من تزوجين واطلعين منا غير كون انتي موافقه ....
ما ادري خويه اني شبيدي شفتهم اختاريت مره وغلطت هم هسه هم اختار شكول وشحجي اكلك ما هاويته كلش ...
خلاص عوفي اذا ما هاويته وسدي الموضوع ....
.
.

نمت بلليل حسيت الليل عنده ايد وبده يخنك بيه كمت طلعت كتاب نزار قباني انطانيا ايهاب مره من المرات وضليت اقره وصلت لجمله ...
.

وعدتُكِ..

أنْ لا أعودَ .. وعُدْتْ..

وأنْ لا أموتَ اشتياقاً..

ومُتّ..

وعدتُ بأشياءَ أكبرَ منّي

فماذا بنفسي فعلتْ؟

لقد كنتُ أكذبُ من شدّة الصدقِ،

والحمدُ للهِ أنّي كذبتْ....
.
.
اااااااه كلبي ينزف ليش هيج يا ايهاب ليش هيج عفتني ودمرت حياتي شلون بيه بلا شلون اكدر احظن واحد غيرك شلون كدرت تنام بلليل واني من وراك الليل كله ما نايمته . وتالي وياج يا مريم وتااالي اصحي لنفسج ولزمانج عافج بعد ولتهه بروحه ....
.
طلعت صليت صلاه الليل كوتله ربي سهلي امري كلشي ما افتهم بهلدنيا اذا هلزواجه زينه وتوالمني اريد باجر كون شي يخليني اقبل واذا لا كون تطرده عني ومتخلي بطريقي ....
.
كعدت من الصبح . لبست ملابسي وجاي يوديني للكليه حيدر خابره محمد . ها خويه شنو ما رجعتولنه خبر ....
والله ما ادري خويه انطينه مجال جاي تفكر ...
.
اني ضليت صافنه .
سالته حيدر ليش ما كتله لا وفضيتها ....
اشو خوش اوادم خاف تفوتيهم ....
شمدريك....
اهله ضباط بلجيش اعرفهم عندي معرفه بيهم ....
.
كلت معقوله هاي الاشاره الي طلبتها من رب العالمين . خل انتظر . وصلت للقسم جان يلكاني محمد احنه راح نجي اليوم نجيب النيشان ....
بعد وكت شنو نيشان غير نوافق ....
مروميه والله شاريج ...
زين اذا صدوك مثل متكول مالك شغل بيه شلون اصلي وشلون ازور مو باجر تجي تكلي تعبدين القبور ....
افه عليج مريم هذا ضنج بيه ....
كلشي يصير ....
ما توقعتها وانتي بنيه مثقفه ومتعلمه بعد عيب هلحجي ....
ماشي براحتكم جا تعالو ...
.
رحت امشي كلت يا اشو كتله براحتكم . خابرت حيدر .
حيدر يمعود ذوله حيجون ....
اي هلا بيهم ....
يا صدك عود ..
والله خل يجون وشوفي اذا ما عجبج عوفي عود ...
.
يمكن خطبتي جانت اسرعه خطبه بلعام تلفلفت تلفلف وما اتذكر تفاصيلها نهائيا يعني هيج طلقه شي وره شي
بنفس اليوم جابو نيشاني وانخطبت جانت خطوبتي بسيطه محد اكو بس اني ورسل محد وياي لبست فستان اخظر حلو كلش وسويت شعري بف والبقيه نازل كله ومكياج اوفر جانن كلش يخطن هواي يلطخن تلطخ بس طلعت حلوه .
طب محمد باسني ولبسني الحلقه . وصار العرس مالتي وره سبوع كلشي ما اتذكر من الخطوبه جان محمد يجي ياخذني للدوام ويرجع ياخذ رسل للسوك تشتريلي ملابس وتضمهن وتكلي قيسيهن خاف كبار صغار اكلها عوفيهن ما عليهن شي لان جان حيدر هواي عنده شغل . تعاملي وي محمد عادي يعني ما احس اتجاهه بلحب ابد كانو صديق هيج .. وصار يوم زواجي ليله زواجي ردت ابطل كتلت روحي من البجي وخفت خوووف مو طبيعي حسيت روحي راح تطلع ورسل تحجي عليه وترزل بيه شطلعت هاي اول وحده تحب ومتاخذ الي تحبه شنو القصه مسويه الحبايه كبايه . واني كل ساع اريد اشرد من البيت ثاني يوم كعدت عيوني مورمه كومتني رسل يلا كومي خل اسوي جسمج الناس راح يجون ....
اييييي لتخبصينه ....
سوتلي جسمي بلشيره وحفافه ورمتني تورم . حته حواجبي هيه نصبتهن اليه وجهي هم حفته ورحنه للصالون سويت التسريحه وبدله حلوه مأجرتها رسل بيضه لبستها وكعدت بلكرسي واجو الناس اول ما طبو هجمو البيت كلها لازمه عبيها ودبج هو الرادها وهو انعجب بيها وهو ااكال لامه روحي خطبيها ...
وصوت المله يدك براسي ويرن اخر شي ختمتها بلجلوه يا حوووسنها في ليله جوليت بها ...
هذا كل الي اتذكره من هاي الليله ...
.
وصلنه مرحله الوداع اااااخ يا مرحله الوداع حسيت روحي طلعت وره رسل وجهالها شبعت بجي ما بجيته من مات ابويه . اخر شي صعدت بلسياره ومشت الزفه ومرت من باب ايهاب كامن دموعي يهلن . صايره هيج زفه حبيبة تمر من بيت حبيبها صايره زفتي تطلع لغيرك يااا ربي نسينيا وشيله من كلبي .
جانت اول ليله ما ادري شلون اصلا ما حسيت بألم مو كلش قوي بسسسسيط وعادي عندي وخلصت الليله على خير وثاني يوم الصبح هوسه وطربكه واني مبدله ملابس مشتريتهن رسل اليه ...
.
ها مرايم كوليلي شلونج ....
لتكولي مرايم اسمي مريم ....
شبيج يعني ما ادلعج ...
الله يكول ولا تنابزو بلالقاب بأس الاسم الفسوق بعد الايمان ....
ههههه هاي لو مدلعج بدلع قبيج بس اني ادلع حبجيات مريم ميمي مريومه مرايم ميمو مومه ....
عفته ورحت جر ايدي . وين عايفني الحلو ...
تعبانه اريد اصعد انام ...
نوم العافيه ...
وره شويه صعد ورايه هم اخذ حاجته بوسني وراح . لليل هم نفس الشي اني طك كلبي منه اكلك شنو اني جايبني بس ع هاي الشغله ...
شبيج مريم شمسوي غير عريس وما شبعان من مرتي وحلالي ....
اني ما احب هيج تلعب نفسي ....
ليش تلعب نفسج شمسوي قابل ....
بسرعه بدون مقدمات شنو قابل مطي حاطني بس للنومه ....
اسف حبيبي بعد متتكرر ....
يا ريت ...
اكول كلبي ...
كول ....
شبيج اشو اعصاب ....
لا هو اني هيج دومني اعصاب ....
بس تره ميصير هيج اني احب حبيبتي تصير حبابه وتسمع الكلام ...
شنو مثلا بشنو اسمع الكلام ....
مو انتي الصبح جبتيلي ايه مال ولا تنابزو هسه هم راح اجيبلج ايه *فان اطعنكم فلا تغلبوا عليهن سبيلا * وهاي ايه كون لازم اطيعيني وتحبيني مثل ما احبج ....
اي خوش اطيعك انشاء الله ....
.
مرت الايام واني اداوم كليه وعلاقتي بمحمد علاقه عاديه بسيطه يعني . هو يحاول يخليني مرته وحبيبته ومرت الايام وصار عندي زنوبه بنوته حلوه تخبل وضليت كاعده على زينب لمن صرت مرحله خامسه صيدله حبلت بولد . وجبت وسميته امجد .
.
ضل محمد وياي وعلاقتي بمحمد بدت تطور وبعد التخرج فتحنه صيدليه كلش جبيره يمكن جانت اكبر صيدليه بلحله فجنه نسوي مشاريع واحد وره الثاني . وبلتالي افقد لشككو شي يمكن تكدر تعيش اي زوجه وي زوجها . دائما محمد يطالبني بواجباته بس اني جان التعب مهلك بلنسبه اليه واكثر من طاقتي وصلت مرحله الجنون اتعب وجهالي وياي وتعب من الصبح لليل ويجي محمد يفكر بيه كزوجه
.
.
.*زينب علي *

هلووو مشمش شلونج ....
زين والله وذكرتي عندج اخت ....
مشتاقتلج بس مشغوله دائما عذريني كلبي ....
ماشي يا بت امي وابويه تعالي اذا تكدرين خل اشوفج قبل لا نسافر ...
وين تسافرين ....
ولج حيدر صارله ٦ سنوات من قدم ورقه مال لجوء وكاتب بيها وهسه يلا طالعه للضباط بس ....
يعني شنو بعد مترجعون ...
غير يكول صار الخطف والدنيا مو امان ويخاف على جهاله وهاي الدوله الاسلاميه مدري شنو نهايتها ....
صدك جذب واني منو الي ....
انتي الج الصيدليه الي فتحتيها ونسيتي ناسج من وراها ....
شمحصله من القندره الصيدليه ولج بيتي مطلوبه عليه كومه والسياره قرض والحظانه مال اطفالي كومه فلوس هاي غير كل ساعه تطلعلج شغله صفح ....
ولج مريم انتي اله قابل شوكت تلتفتين لنفسج ورجلج وبيتج شتستفادين يغبره ....
شستفاد شنو اني هسه شابه اذا ما اسوي مستقبل لنفسي محد يفيدني ....
ورجلج شنو ....
رجلي وياي جاي نسوي ونبني ....
والله ما ادري شكلج خيتي المره ما الها غير بيتها ورجلها ....
شو اسكتي بلا هم اخلي بناتنه مثلنه يضحن وتضل الوادم تصدق عليهن ....
ولج مريم ربج موجود . هذا الله الحنين الماكطع بينه ودزلي حيدر ودزلج محمد وصرتي و وصلتي لو ميته جوع شتكولين ....
بس ميخالف مستقبل جهالي افضل . عموما اني باجر جايه الج ....
.
.
اكولك محمد اني باجر رايحه لبيت اختي ....
ها شكو ...
راح يسافرون ....
وين ....
لامريكا مدري شنو تكول ورقه مطينها لحيدر من جانت الامريكان وهسه يلا قابلين بي ....
شيشتغلون هناك ....
والله ما ادري ....
هسه يكتلهم الجوع هعهه ويرجعون ....
يلا اكلك اني رايحه للبيت وانت لحكني عود .....
رحت للبيت نمت بعد ما حسيت بلدنيا طشت لو رشت .....

.
.
.
.
.

تظلُّ بكارةُ الأنثى

بهذا الشرق عُقدتنا وهاجسنا

فعند جدارها الموهوم قدّمنا ذبائحنا ..

وأولمنا ولائمنا ..

نحرنا عند هيكلها شقائقنا

قرابيناً ..

وصِحْنا "واكرامَتنا".

صُداعُ الجنس .. مفترسٌ جماجمنا

صداعٌ مزمنٌ بشعٌ

من الصحراء رافقنا

فأنسانا بصيرتنا

وأنسانا ضمائرنا

وأطلقنا ..

قطيعاً من كلاب الصيد .. نستحي غزائرنا ..

أكلنا لحم من نهوى

ومسَّحنا خناجرنا ..

وعند منصَّة القاضي

صرخنا "واكرامتنا"...

وبرَّمنا كعنترةِ بن شدَّادٍ شواربَنا ...
.
نزار قباني

.
.
*زينب علي *
.
.
.
rhytyyhy123
صاحبه اجمل جمله ...

سيكون كل شيء جميل ولكن ليس اليوم . لكن يوما مااا