جسد انثى مريم 🔞🔞🔞 الجزء الثاني

بارت ٨ هديه للي علقو من جديد

عادل خابر عمه . كله طلعت كله اخذوها لبيتها لتجي منريد نشوف خلقتها ...
.
.
.
وصلني عادل للبيت ..
عادل جهالي وين ...
يم جده ام خالد ...
ولويش جبتني هنا ....
عمي خالد كال رجعوها للبيت ...
وديني لبيت جدك بسرعه ...
عمه والله عمي ما يقبل ....
بكيفه ما يقبل امشي وديني جاي اكلك ....
.
طبينه للبيت نزلت الم بطني يوجعني وجتفي يموتني . نزلت ما حسيت اكو اثار فاتحه كلشي ماكو . بس الزلم كاعده كلها تباوعلي صفح لان لابسه الوان . طبيت للبيت شفت عمتي باوعتلي دموعها كام تصب ودموعي كامن يهلن . شمرت نفسي بحظنها شبكتني وكامت تبجي وليدددددي سوده عليه يا شبابه الما تهنه بي وليدي سوده بوجههي عليك يمه يا شبابه الراح هدر . واني بس ابجي .
.
.

حيرني الوجع ما ادري يبدي منين
احسن اه يصرخ كلبي وي روحي

فجاءه بلا سبب بعيوني فيض دموع
وتعله #الونه بيه ويرتفع نوحي
.
.

اجتي خلود حماتي كووومي كلبه كووومي جايه لابسه الوان ...
عمتي : عوفيها يمه عوفيها مره ستوها طالعه من المستشفى ....
يمه شلون اعوفها ودمه لسه ما اخذو بثاره ولك يمه خييي يا بعد عمري شبابك .
كامت تصيح هيه جان صوتها جهوري كلش تحسها رجال . يخييوووووو وينك كسرتووو لضهري فركتك
.
اني شبعت بجي صدك حسيت فقدت انسان عزيز مو بس مساله حب بس مسأله ضمير راح واني ضميري معذبني ويا صارلي ٦ سنوات ويا وكف وياي بلحلوه وبلمره وضحه بهوووواي واني ما اتذكر يوم من الايام كتله كلمه احبك . يمكن ما حمدت نعمتي والله زال النعمه الي اني بيها وبين ما اني حديث الروح وي نفسي سمعت صوت حماتي اسمها تماظر كالت كومي لبسي بوشي وتنقبي ولبسي وجواريب وجفوف ولا واحد يسمعلج صوت ولا يشوف طرفج انتي حاده هسه ...
.
شنو ....
كومي بت الكلب تردين يخلون طوك بركبتو بلكبر من وراج ....
.
تماظر ما اسمحلج....
ما حسيت اله على راشدي سطرتني بي سطر وكعتي بلكاع . اجن نسوان حمويني يشيلونها عني لان اني جسمي هزيل اساسا ضعيفه وانوب اجتي هلمرضه اخذت عافيتي وهاي جفتت عليه وزنها فوك ال١٠٠ .
اجت تموتني بيدها . . شالني وصعدني ولبسني دشداشه سوده عريضه وجفوف وجواريب ونقاب وكعد بلغرفه محد يسمع صوتج واذا انسمع اكصو للسانج ...
اني دموعي تنزل وحده وره الثانيه ما بيدي شي وطحت بيد الما يرحم ...
.
نص الليل صارت هوسه بس اسمع صوت وعياط وصريخ . وبجي والي تملخ بروحها . ماكو احد اجه يمي واني اخاف انزل .
.
.
اجتي سهاد بت حماتي كتلها شكو كالت عمي خالد كاتلو لغريم عمي  محمد وهسه يلا راح ينصبولو عزا .....
سهوده عفيه جيبي جهالي ....
عمه والله ما اكدر منبيهين عليه ....
يا ربي شهلورطه الورطت ااطحت بيها صار كانما اني كاتلته لمحمد والناس تريد القصاص مني مو كأنما قضاء وقدر وصارت ....
.
.
بين حبس ٤ حيطان حته لا واحد يشوفني هاي عقيدتهم لان اذا شافوني راح يضل محمد بيوم القيامه مقيد بحديد  واكل كوه يحطو والناس رايحه وجايه واني مفاركه جهالي وصلت مرحله الجنون . اخر شي كوتلهم اذا ما جبتو جهالي راح اكشف عن نفسي واكسر الحد مالتي . صدك والله صعدو جهالي يمي ... عبالك سنه ما شايفتهم . شبكتهم وبوستهم . زنوبه تشبه خالتها رسل هوووواي . شتاقيت لرسل كلش ميته عليها صارلي هواي ممحاجيتها هسه خاف متشوشه عليه . اجيت اموت اشتياق ونار . وشباب ضاع من ايدي ومصير مجهول ومستقبل اولادي ومستقبلي غير معلوم وهاي بعدها ما فتحنه الدفاتر لان همه ضامين حقد ٦ سنوات عليه وهسه شكو واحد ضايج راح يجي ياخذ قصاصه مني ....
.
.
.
.
خلصت الفاتحه . ومرت الايام وعمتي تبجي ما سكتت ولا هدأت وصار اسم امجد حمودي تخبلت من ورا . عمه حبابه تره راح يتعقد الطفل ...
انتي لتحشرين نفسج بتربيه ابني ....
صار ابنها كانو ضرب على عقلها وامجد يبجي عليه وهيه تلزمه عوفها خلها تولي وتروح تشتريله واشكال تنطي في سبيل يضل يمها وتضل تلح محمد ما محمد .
.
خلصت فتره الحد وبهاي الفتره شبعت ضيم وقهر يمهم يا هيه الي تجي تذب الها حجايه . والولد حمويني عايفين البيت ميطبون اله مدري وين يرحون . على حسابي يعني . بلليل كلش يلا يجون . وكامن نسوان حمويني يخافن على رجولتهن لا ياخذني واحد منهم يشتغلن ويلبسن ويحطن كدامهم بس بلليل . وكل الي تجي تكول نفسيه زوجي مدمره على حساب اخوهم ....
.
.
.