Nakatitig
Sa iyong mga matang marahang nakapikit
Pilit na iniintindi ang tinig ng kantang kanina pa paulit-ulitHindi alam
Na kahit anong gawin sa sarili ay sobrang nahihibang
Naiilang
Na naisip na baka manghinayang
Kaya't nagsimula nang magbilangISA
-sali kita sa bawat isang nota ng kanta na dala ng akingDALAWANG paang ihahatid ka papunta sa gitna
TATLO
Ang kasunod ng pangalawa ay ang tatlong salita na nagpapaalalang "'Wag kang matakot" dahil nandito ako't gagabay lang sa iyoAPAT na dipa ang layo ko sa iyo ngunit isinara iyon ng iyong LIMANG daliring pilit na inaabot ako
Tayo'y nagsimulang gumalaw,
Sumayaw
Sa paligid na puno ng mga nagkikislapang ilawSa PANG-ANIM ay ang pag-aming nahihirapan ang mga hiling
Mga hiling na pilit nating kinikimkimBiglang napukaw ang ating mga kamay kasabay ng biglaang pagkabitaw
Hinabol ko ang kamay mo nang magsimula nang gumulo
Kumulo at gumuho ang aking mundoPITO
Ang ika-pito ay ang kakaibang pag-ikot ng mundong hindi mo maipunto
Ngunit hindi hindi pa rin nagpatalo't naresolba ngWALO
Ang numerong naging swerte ko sa iyo
Inayos, umayos, naayos at nagka-ayos
Ngunit alam kong hindi pa dito nagtataposTuluyan nang gumaan ang pakiramdam sa pagkabilang ko ng
SIYAM
Ako'y humarap sa iyo't itinuro ang aking pusoDito
Alam kong dito ka mananatili buong buhay koHabang hinihintay ang isasagot mo'y isang matamis na ngiti ang natanggap ko mula sa labi mo
Hindi man perpekto ang ating pagkatao'y mananatili pa ring nakatakda ang ating mga pusoKahit mapuno ako ng pagmamahal mo
Kahit na tayong dalawa ay magkagulo
Ipinapangako kong habangbuhay ay ikaw lang ang mamahalin koSa pagsayaw ay sabay tayong napahinto
Nakaramdam ako ng sabik na halikan ang iyong noo na siya namang ginawa koMasaya ako
Masayang-masaya ako dahil narating nating dalawa ang pinakadulo
Ako'y niyakap mo't hinaplos ko naman ang buhok moIto
Alam kong ito ma nga ang tinatawag nilang SAMPU
![](https://img.wattpad.com/cover/162001598-288-k168088.jpg)
YOU ARE READING
Libro ng Katotohanan
PoetryMay we have an ending with each other or may we have an ending without one another.