صرخات محبوسه

12

بارت 12
#صرخات_محبوسه
بقلم نورا ناصر

احمد ...
زوجتي تعرفت عليها بيت زمن اختي وهي تصير بنت خالته الزوج زمن .
عجبتني حييل حاجيت زمن تحاجيهه وافقت  وخطبتها ..جنت متخرج واشتغل وكلشي جاهز فمطولتها عليها وتزوجنا
مجانت اكو مشاكل بينا سواء بالخطوبه او بالعرس او بعده كل طلباتها جانت مجابه ..
بعد الزواج صارت حامل . شلتها ع كفوف الراحه كلش دللتهه ولدت وصارت عندي بنيه واني الي اختاريت الها الاسم سميتها آلين
الين اغلب الوقت جانت عند امي زوجتي والي اسمها مها مجانت هالكد تهتم بيها بكد ماتهتم بنفسها
بعد الولاده جانت هديتها سياره حتى احدث من سيارتي اشتريتها الها مكافئه الها على هديتها الي وهي بنتي الين
ظلت تذمر بعدهه اني ممرتاحه واريد بيت وحدي اريد استقر واستقل ومن هالحجي فتحت الموضوع وي اهلي وهم مقصروا ساعدوني هوايه لحتى كدرت اكمل بيتي وانتقلنه اله
كانت كل طلباتهه اوامر جنت احبها لابل اعشقها مقصرت وياهه ابد مرات اكون مشغول وهي تريد تسافر وتكول اسافر وي اهلي اكوللهه ميهم روحي وانطيهه فلوس وتبقى الين يم امي ونهتم بيها اني وامي وحتى ابويه في سبيل مها تطلع وتتونس وتسافر ميبقى بنفسها شي .
كان الها مطلق الحريه عايشه حياتهه ع اتم وجه ممحتاره باي شي مرات تطلع وي صديقاتهه وتتاخر لليل مجنت احاسبها ابد اكول من حقها تطلع وتتونس مثل مااني اطلع واتونس واتاخر بالليل هي هم حقها اجت ايام مها تغيرت عليه مو هي نفسهه قصرت ويايه كلش اغلب انشغالهه بالتليفون او بره البيت اما الين جانت كله يم امي حتى اني اروح اشوفها هناك وحتى صحتها جانت مو تمام امي وزمن هنه الي جانوا يراجعون بيها الاطباء
جانت مها مشغوله بشي بس اني مركزت بي
بهي الفتره فتحنا الصيدليه واللتهيت اكثر بيها ومها مستمره بونستهه وطلعته ومشغوله بشي جنت غاظ النظر عنه فعلا رجعت شويه الها وردت ارجعها الحضني صار فتره هاجرين بعض تفاجئت بيها ترفض قربي وتتحجج بانها تعبانه وماالها خلك
مجنت اشك بيها ابد الى ان اجه اليوم الي الله راد يكشفها كدامي بقى تليفونها يمي وصدفه جان جديد وبدون رمز انمدت ايدي اله اخذته مجان بي بس رقم واحد ومسجات جانت كلها ادل على علاقه حميمه بينها وبين الشخص دكيت الرقم بتليفوني
تفاجئت برقم واحد من اصدقائي المقربين ولد اسمه منذر مصدكت عيوني ابد يمكن مو بينهم العلاقه بين وحده ثانيه وبنفس الوقت مااريد اظلمها رجعت التليفونه المكانه بس داخلي يغلي هي جانت مأمنه وخلت التليفون يمي لأن اني ابد ماادخل بخصوصياته ولا ادور وراها
بس كل شي اختلف عفت شغلي والصيدليه هم وبديت امشي وراها شفتها تروح تودي الين يم امي وبعدهه تطلع ويا تطببه البيتي واني مموجود تعرفين شنو يعني تطببه البيتي زهراء صديقي وزوجتي
لج بلحظتهه متدرين شصار بيه تمنيت اني ميت هي ميته صديقي بس مالشوف هالمنظر
كله وكلت اني متوهم اني نيتي سوء بس كلت لا شنو اريد اشوف بعد اشوفهم ع فراشي بوضع استغفر الله
بليلتهه مارجعت للبيت ظليت هايم بالشوارع اتمنيت اسوي حادث واموت واخلص تعذبت كلش مو سهله ابد مو سهله خيانه من اثنين زوجتي ام بنتي وصديقي .. 
ظليت بالشوارع لتالي الليل واني سكران ولزموني الشرطه وشمروني بالسجن بقيت ايام لحد مااهلي عرفوا بمكاني وتدخلوا وطلعوني
بس مجنت نفسي احمد القديم لا كلشي اختلف جنت كلش هادئ بس بداخلي بركان
طلعوني للبيت جانت مها اول من استقبلني ومنذر جان وي اهلي من اجو عليه للسجن
مبينت الهم شي ردت اطبخها على نار هاديه
الكل جان مستغرب من حالتي شبيه وليش هيج متغير جان كل شي مبين عليه بس اني محجيت شي لاحد تدرين زهراء هه هه هذا الحجي الي دااحجي الج محد يعرف بيه بس انت يعني محد يعرف زوجتي خانتني وي صديقي لا محد
المهم بعد ماا الكل راح لبيته طلبت من امي تاخذ الين وياها اريد ابقى وحدي وي مها وبالفعل الكل راح وجانت الدنيا ليل اخذتها الغرفة النوم وبقيت صافن بوجهه بخزره كالت هاشبيك كتلها اريدج الليله هي ظلت تتحجج وتمتمت بالحجي انت تعبان واني هم تعبانه وهسه مو وكتهه خلي نرتاح دارت وجهه عني لزمتها من ايدهه حييل ولويته وضربتها قوي ع وجهه ظلت تصرخ بوجهي وهي تمسح الدم من الي نزل من حلگها
- شبيك تخبلت صارلك شي بس كوول
- دفعتهه ع السرير وكعت وتمددت ورحت صرت فوكاهه شبعتهه ضرب بكل مكان اله شويه ماتت بيدي وي كل ضربه جنت اسألهه ليش خنتيني بشنو قصرت وياج بس كولي بشنو
بعدهه تركتها كل الي اجه ابالي سمعتي بنتي لم تكبر شنو راح يكولون عليهه انها بنت وحده خاينه وهذا بالاضافه الى سمعت اهلي وهم ناس معروفين والنه سمعتنه وعدنا ناس متربصين ويكرهونا ردت اطمطم السالفه ماردتها تكبر
كعدت جوه بالكاع وراسي بين رجليه واسمعها تون من الالم وتحجي وتتوسل
بقيت جامد بمكاني وممهتم لمناداتها
مر كدامي شريط حياتي وياهه بكل لحظه قضيتهه
مسحت دموعي شفتهه متستاهل هالدموع .. تذكرين زهراء من شفتج كاعده بالشارع تبجين وكتلج دموعج اغلى منه
بيومها تذكرت دموعي ميستاهل لان خانج وانت انضف وحده شفتهه ..
هيج شفت مها متستاهل ابجي عليها متستاهل افكر بالذكريات الحلوه الي قضيتها وياهه .
حسيت بيها تريد تكوم رفعت راسي بثقل وبروح متعبه اضعاف تعب الجسد رحت الها اخذتها وشمرتها بالحمام وقفلت الباب  عليهه بس اريد شي يهدأ روحي بس شون راح اعاقبها وشون راح اعاقب منذر على خيانتهم
حبستهه يومين بالحمام كلت لاهلي احنا مسافرين حتى نرتاح
وبعدين طلعتها وخليت كدامها اكل ومي اكلت مثل المشايفه كعدت كبالهه واني استهزأ بيها
- هذا الي يهمج مو تشبعين شهواتج وبس
- عفيه احمد اتوسل بيك لاتأذيني
- لزمتهه من شعرها غصت بالاكل .
لتجيبين اسمي ع لسانج
- عفيه احم عفيه الخاطر ايلين لتقتلني
- هذا الي يهمج مااقتلج بس عادي افضحج اطلكج احرمج من ايلين مو
ليش سويتي هيج
- بس اقضي وقت انت هاملني
- قويت قبضت ايدي ع شعرها وتركتها بقوه انركعت بالكاع وصرخت متألمه
كتلها باعي تتنازلين عن كل حقوقج واولها الين وراح اطلكج بكل هدوء وهي السالفه تنسد ومتفتحيهه ابد
هي مجان عدهه اي خيار ثاني لازم توافق
اخذت ايلين منها وتنازلت عن كل حقوقها وتطلكت منها  .
اهلي كلت الهم مشاكل ومااكدر استمر وياهه .
الكل تفاجأ مجان اكو مشاكل من وين طلعت هي
بعت البيت الجنت بي وياهه واشتريت البيت الي اللتقيت بيج يمه
حتى بيت اهلي يذكرني بيهه صرت قليل اتردد عليه
واجه دور انتقم من منذر جنت محتار شون انتقم منه فكرت بزوجته اسوي مثل ماهو سوه ويايه بس مكدرت
كل الي كدرت عليه دزيت اله جماعه وضربوا وأذو وفضحته كدام زوجته وكشفت كل علاقاته واسراره وشعلتهه بينهم بعد فتره سمعت بي طلك زوجته تصرفي كان مختلف عن هوايه ازواج يمكن يقتلوهه للخاينه او يفضحوها
اني جان غير تفكير براسي اكثر انتقام صار انتقامي من روحي الاحساس بالذنب تملكني اني الي رخيت الهه الحبل مثل ميكولون اني انطيتها ثقه زايده
ماحافظت عليهه جان صراع بيني وبين نفسي
عانيت من ضغوط نفسيه مكدرت انفس عنها
اتجهت لانشاء علاقات وي متزوجات مااعرف هيج جان ابالي اريد اخلي كل النسوان خاينات مو بس اني زوجتي خاينه اريد الكل تخون ازواجها هيج حتى روحي ترتاح
مقصرت سويت علاقات وي متزوجات فتره واتركهن

وبيوم الي شفتج من بعيد جنت بالسياره وانت  ودتمشين مجنت اعرف عنج شي بس شفتج وحده فاهيه ومتعرف تصرف اقتربتي مني وسألتيني عن البزون ومن كلتيلي على رجلج مسافر وبعدهه كلتي يگلب الدنيا اذا عرف البزون ماكو
فكرتج صيده سهله حتى اسوي علاقه وياج وتصيرين عشيقتي الفتره اكيد مظلومه وزوجج حارمج من كل شي
يوم عن يوم اكول راح تتنازلين الي وجنت متأكد من هالشي بس كل مره اصديني واكول ع غير مره
ومن اجيت البيتكم وشفت عينج زرگه ردت اثبتلج شي بانه اني مهتم بيج حتى تميلين الي وتنطين مجال ..
بس انت ولا أبالي . منها تركت كل علاقاتي وكل اهتمامي صوبته اتجاهج حتى اخليج تلينين وتوافقين ع علاقه ويايه وبكل مره ترفضين
الى ان خلص ايقنت بانج مختلفه عن الكل وميهمج ظلم رجلج الج ولا الحاله الي انت بيهه
استسلمت وتركتج ومنهه تركت علاقاتي وي النسوان صرتي انت الي علاج
علاج روحي تحول الى حب عشق هيام بيني وبين نفسي
كتلج اطلكي ونتزوج كافي هو معذبج رفضتي وكلتي بعد بيه حيل و اصبر ويا , زاد انبهاري بيج
رجعت للبيت مخليت شي مكسرته ليش مو انت الي وانت الي تصونيني والي توفين الي ليش مو انت زوجتي اني رغم الظلم والعذاب الي انت بي زوجج يوميه وي وحده شكل جنت اشوفه وانت شايله مسؤؤلية بيته وصاينته ومخلصه اله واني مها قابلتني بالعكس
تعبت وتعبت روحي اكثر وردتج الي اكثر وكرهت حسام كره العمى .
يتبع
اسفه ع التاخير بنات