صرخات محبوسه

13

...Nora .........:
بارت13

#صرخات_محبوسه

صار كل همي انت احس قلبي بكل نبضه يذكرني بيج خاصة من شفتج تبجين زاد حقدي لحسام لان سبب بنزول دموع من عيونج الأحبها .

جنت بهي الفتره متعارك وي زمن لان رحت لبيتها وشفت مها والين بحظنها واني محرم عليه تشوفها تعاركت وياهم هي ورجلها وهم اصلا ميعرفون ليش
اني مااريد مها تشوف الين ضلوا يحجون عليه هي امها ومن حقهم اثنينهم يشوفون بعض عفتهم ورحت اركض وره مها وكفت مدنكه راسها وتبجي جانت متدمره متحطمه خاصة من ايام منذر تزوج وتركها
باوعتلها كتلهه احنه شمتفقين
- عفيه احمد خليني اشوف بنتي حرام عليك
- باعي اذا مره ثانيه شفتج قريبه الها ولو سنتيمرات قليله الدنيا راح اگلبها عليج حتى اقتلج واشمرج للچلاب تره اسويهه
سكتت ومجاوبت اريد اروح رجعت الها كتلهه عرفتي منذر تزوج
هي مثل الصنم واكفه ضليت اضحك كتلهه ها اشو شمرج شمتوقعه يتزوجج خنتيني ويا لج مستحيل يأمن بيج ويدري بيج خاينه سواج مكب النزواته وشهواته وتركج بأقرب فرصه
بس اريد اعرف شحصلتي من خيانتج ؟،
تركتها وطبيت جوه تعاركت وي زمن واخذت الين وطلعت
وفكري يم منذر وشون اخرب زواجه الاخير .؟
تركت حتى الشغل بالصيدليه إلي بيهه اليه حصه

تعبت كلش منا انت ومن اهلي غدروني  استعانيت بأصدقائي وظليت اخطط اقتل حسام
اي اقتله حتى اخلصج منه وهم احصل عليج وتصيرين الي
وصلنا المراحل متقدمه بالتخطيط القتله
خليت كل شي ورايه امي ابويه بنتي وباقي اهلي كولهم  بس انت كدامي وشون اخذج اليه وبس .

تمنيت عندي قوة وحش ,كاسر, تنين اي قوه بالكون تمنيت املكها حتى ابعدج عنه بأي شكل من الاشكال

بس مشيئة الله وقدرته كانت اقوه من كل تدبير
دبرناه ' بهالفتره مرضت بنتي .
يمكن كان مرضها سبب حتى لا تتلطخ ايدي بدم حسام .
بنتي الين عمرها 3سنوات , اروح اشوف عيونها شون مذبلهه المرض جنت اتذكر عيونج اكول في نفسي الين هم مظلومه مثل زهراء مالازم اتركها تتعذب اكثر عدهه ورم بالدماغ احنه مسوين الها عمليه بالعراق بس صارت الها مضاعفات واثر حتى على نظرها .

اخذتها هي وامي وطلعنا للخارج وتركت كل مخططاتي ورايه .
وشائت الاقدار ان تحتدم الصراعات بين حسام واصدقائي بس بعيد عني وعن الي خططت اله وياهم خابرتج خفت عليج جانوا يردون ينتقمون منه بأي طريقه واني مكدرت اكوللهم اني مخلي عيني عليج ورايدج احتفظت هالشي بداخلي فقط زمن حست بيه
بعدهه انقطعت اخبارج عني دزيت زمن وعرفت كل شي طلبت منها توكل الج محاميه .
بس صدگيني ماالي ايد بقتل حسام كل الي صار بعيد عني .

زهراء ..

نزلت دموعي وهو يحجي بس احس گلبي مثل الحديد وداخلي صلب ماهزني شي من جان يحجي عني وشكد حبني وراد يسوي المستحيل حتى يحصل عليه كتله بكل برود وهسه شنو المطلوب مني ؟