ကျွန်တော့် ချစ်ရသူ { Completed }

<2 > U+Z

အခန်း ( ၁၆ )

ထက်​မြတ်​ စာသင်​ခန်းထဲမှာ ထိုင်​​နေတုန်း ညီမဖြစ်​သူ ယွန်းမြတ်​ချယ်​တစ်​​ယောက်​ အ​ရေးကြီးလို့ မြန်​မြန်​လာရန် ဖုန်းဆက်​​ခေါ်တာ​ကြောင့် ​ပြေးသွားရာ ​လှေကားအ​ကွေ့​အ​ရောက်​ ​ကောင်​​လေးတစ်​​ယောက်​နှင့် မ​တော်​တဆ တိုက်​မိ​လေသည်​။ ထို​ကောင်​​လေး ပြုတ်​ကျသွားတာာ​ကြောင့် လှမ်း​ပွေ့ထားရင်း မိန်းက​လေး​တွေထက်​ ချစ်​ဖို့​ကောင်းလွန်းသည့် ကောင်​​လေးကို ​ငေးစိုက်​ကြည့်မိသွားသည်​။ ကောင်လေးက သူ့ဆီက ရုန်းပြီး​နောက်​ ထပ်​ပြုတ်​ကျမလို ဖြစ်​သွားတာ​ကြောင့် ​နောက်​ထပ်​တစ်​ခါ ထပ်​ပြီး ဖက်​ထားမိပြန်​သည်​။ တစ်​ခါမှမဖြစ်​ခဲ့ဘူးသော ခပ်​မြန်​မြန်​ ခုန်​​နေတဲ့ သူ့ ရင်​ခုန်​သံ​တွေ​ကြောင့် ကိုယ်​တိုင်​အံ့သြမိရသည်​။

​နေ့သစ်​ သတိဝင်​လာပြီး ထိုလူ့ဆီမှ ရုန်းထွက်​ပြီး​နောက်​ ​လှေကားကြမ်းပြင်​မှာ ကျ​နေသည့် ဖုန်း​လေးဆီအကြည့်အ​ရောက်​ ​လှေကားထစ်​​တွေမှ အမြန်​ဆင်းပြီး ​ကောက်​ယူလိုက်​သည်​။

"သွားပါပြီ..ငါ့ ဖုန်းလေး ။ သူရိန်​ ​မွေး​နေ့လက်​​ဆောင်​​ပေးထားတာ ၊ ဘယ်​​လောက်​မှ မကြာ​သေးတာကို ဟင့် "

​နေ့သစ်​သည် ကွဲ​ကြေ​နေသည့်ဖုန်း​လေးကို နှ​မြောတသစွာကြည့်ရင်း ခပ်တိုးတိုးရေရွတ်မိသည် ။ ထို့နောက် တရားခံကို ​ဒေါသတကြီး ကြည့်လိုက်​သည်​။ သူ့ကို စိုက်​ကြည့်နေသည့် သူနှင့် အကြည့်ချင်းဆုံ​လေသည်​။

"ဒီမှာ...ခင်​ဗျား ဘယ်​လို​လုပ်လိုက်တာလဲ ။ ကျွန်​​တော့်ဖုန်းကို ကြည့်ဦး ၊ ကွဲသွားပြီ ။ ​ဘယ်​လို ပြန်​လုပ်​​ပေးမှာလဲ "

ကွဲသွားသည့်ဖုန်း​လေးကို​ကောက်​ယူပြီး ရန်​​တွေ့သည့်ပုံလေး​ကြောင့် အသည်းယားသွားရသည်​။ ညီမဖြစ်​သူ​ခေါ်ထားတာ ယခုမှ ပြန်​သတိရသွားပြီး ။

"​ဆောရီးပါ ၊ ကိုယ်​ နည်းနည်း အလျင်​လို​နေလို့ ။ ဒီမှာ ခဏ​စောင့်နေ ။ ပြန်​လာရင်​ ​ဖြေရှင်းပေးမယ်​ "

ထိုလူ အလျင်​စလို နှုတ်​ဆက်​ပြီး ခပ်​မြန်​မြန်​ ဆင်းသွား​တော့ ​နေ့သစ်​ တအံ့တသြနှင့်ကျန်ခဲ့သည် ။