Rough

Chapter Twenty-Three

NASA TAPAT NA SILA NG RESTAURANT. Hinihintay nila Sondra ang mga sasakyan nilang ihihinto sa harapan ng sari-sariling mga driver. Naunang dumating ang sasakyan nila Sondra kaya nilingon niya si Renante. Her lips pressed gently on his cheek.

"Pasensya na ha?" sinsero ang tamlay ng kanyang ngiti sa lalaki. "I just can't have coffee with you tonight. I am still feeling awkward about... about Millian..."

"He's just like the typical daddy character in TV, right? He knew how to make things very awkward for the kids."

Nagbaba siya ng tingin at ngumiti na lang.

She gently patted Renante by the arm. "We're going now."

Naghihintay ang kanyang ama sa tabi ng bukas na pinto ng kotse at pinauna siya sa pagsakay. Mabilis na sumunod din ito at tumabi sa kanya. Pagkasara ng pinto, umandar na ang sasakyan at katahimikan ang nangibabaw sa pagitan nila. Dinukot ng ama ang cellphone nito at nag-check ng mga mensahe.

"Dad," lipat niya ng mga mata sa katabing bintana. "I've been thinking about what Millian said."

"That man blabbered a lot of embarrassing nonsense earlier, which of that, Sondra?" malamig nitong sagot.

Kailan pa ba siya masasanay? Warm lang si Sam sa kanya kapag may kasama silang ibang mga tao, pero kapag ganitong solo nila ang isa't isa, para bang malayo na ang kanyang tatay.

"He has a point. Bakit parang hinihingi pa natin ang permiso niya para ikasal kami ni Renante?"

He let out a sigh and turned to her. "Because he's going to be a part of it. He'll be invited in it. Moreover," balik nito ng mga mata sa cellphone, "we already considered him part of the family. So even if that's not what it looks like for him, we have to make him feel that he belongs."

"He doesn't feel that way," titig lang ni Sondra sa bawat mga gusali na nadadaanan ng sasakyan. "He doesn't feel like he belongs..."

"Obviously, with that behavior he just displayed earlier. That's appalling and the least that I expected from him."

May piping pag-asa na sumibol sa kanyang puso. "Why do you think he acted that way, Dad?"

"He already said it, he doesn't like family alliances because commitment is not in his vocabulary. You heard what he said, right? He doesn't like the idea of loyalty because of the possibility that those who are in power today, may go bankrupt the next day. He preferred security for our businesses which means, we should aim to be in alliance with who are powerful in the business world and let go of those who turn weak."

Malungkot isipin, pero na-impress pa rin si Sondra sa kung paano tumakbo ang utak ni Maximillian. Kung sa aspeto ng negosyo ang usapan, hindi nga naman safe na option na maging committed sa isang grupo lamang. Dapat palagi kang may options ng mga taong makakapitan at malalapitan. Hindi pwedeng sa iisa ka lang magiging malapit at kapag bumagsak sila ay kasama ka nilang mahihila pababa. Dapat bukas ka sa posibilidad na bitawan sila at kumapit sa kung sino ang magiging mas makapangyarihan.

Sa ganoong klase ng taktika lamang magkakaroon ng seguridad ang isang negosyo... o maging ang isang tao... Na magiging maaliwalas ang takbo ng operations at money inflow.

Ibang klase talaga mag-isip ang binata.

Pero isa ring istupido na desisyon para rito ang makipagkasundo ng kasal kay Yrina, hindi ba? Kasi parang ganoon na rin ang ginawa ng lalaki— nag-commit na ito ng loyalty sa mga Romualdez.

Mas lalo tuloy siyang napaisip nang biglang pumasok sa alaala si Stacey.

Pumitik ang kaba sa kanyang dibdib.