وصلنا الطيارة لامريكا بينما مريومة مزالها راقدة
الياس ناض لقاها راقدة فكتفو عجبو الحال امبعد بدا ينوظها حتى ناظت مخلوعة
مريم: واش خصك نتايا ؟😑
الياس: ايهيه يا شكارة رقاد الطيارة عندها ساعة ملي حبطت ونتيا مزالكي تشخري هنايا😡
مريم:ايييف اخلاص، تهدر بزاف عمبالك !
ناظت رفدت كابتها وحبطت اما الياس كان حبط هو الاول وشافت مريم طفلة تجري ليه وسوطات عليه وعنقاتو بطبيعة الحال مريم معجبهاش الحال مي محوستش تفهم وبينت فوجها بلي معلابالهاش بيهم وصلت لتماك حطت الكابات وقاعدة تخزر فالناس وكلش مي غير الخزرة فيهم مكاش باش ميقولوش راهي زعفانة ولا شى اخر
الياس نتبه لمريم بلي معلابالهاش بيه تسما دار ليها وقاللها دوك يجيك شيفور يديك للدار مريم قاتلو اطيلي مفتاح الدار وراحت حتى جا شيفور يديها
مريم كانت تتألم فقلبها حست بنار الغيرة تاكل فيه مقدرتش تتحمل المنظر وزيد وصلو فليل نولمالمون يجي معاها هي اصلن متعرف والو لتماك .وصلها الشيفور وطاللها المفتاح وقاللها بلي كاين كلش فالدار
الياس راح مع ميرندا حبيبتوا للملهى ليمعلابالوش بلي تاع حبيبتو الخامجة
وصلت مريم دخلت لقاتها فيلا شابة ومتحوفة وصغيرة عجبتها بزاف لقات الماكلة فالكوزينة مي مقدرتش تاكل تسما راحت صلات ورقدت ديراكت ، جا الياس جوايه 3:00 تاع صبح لقا مريم راقدة فالصالون قعد يتأمل فيها امبعد راح نحالها الخيمار وغطاها وطلع لشومبرتو
غدوة منداك صبح ناظت مريم صلات الفجر ولقات خيمارها منحي عرفت بلي الياس لينحهولها بدلت امبعد طلعت لإلياس باش تسقسيه مين تولي ترقد لقاتو نص عريان لابس غير شورط وراقد مع شعرو مخرب ولا قلبها يخبط فالستين ووجها ولا حمر خرجت تجري وغلقت الباب وتكات على الباب
شدت مريم خدودها ليولاو حمووورا مالحشمة
مريم: اففف السخانة ياربي افففف مانيش قادرة نتنفس ، واقيلا الهوا خلاص ، وهي تهدر و تتفلسف كان الياس ناض مالحس ليدارتو وهو غير فتح الباب طاحت مريم مي شدها بيدو ( وتفتحت للتاقة ودخل الريح مع شعر مريم ليولا يطير وفي هذه اللحظة تركت الاعين تتكلم وتتمعن في بعضها على الطريقة البوليودية 😂 مي مريم لازم تخسر اللقطة وماتفتحت حتى تاقة غير ماكلاه يروح بالكم لبعيد رانا فشكوبيستان ني رومنسيه نيهم يحزنون😒) مريم غير شدها الياس طبعاتو لكرشو وطاحت هي فلارض وغمضت عينها تمتم
الياس : مجبيييك!!
مريم: اللهم اني اعوذ بك من مذهبات النفس وشهواتها ، اللهم ثبتني على دينك ....
الياس : علاه راكي تدعي ، واش خداك يا طفلة 😦
مريم: يااا استغفر الله واتوب اليه ، روح استر روحك اراجل !!!!!!!
الياس خزر في روحو لقاه ماشي لابس تريكو ناض يضحك عليها
امبعد مريم ناظت وقعدت مغمضة عينيها كانت حتخرج مالباب مي زرب حط الياس يدو على الباب لسقت فيها خزرت امبعد دارت باش تروح مالجيهة لوخرة مي زاد حط يدو على الباب
مريم : واش ديري يا مريم الياس من امامك والباب ورائك فأين المفر 😣
الياس: وجهك مجبيه حمر😏
وقعد يدنا بشوية ليها اما هي كانت ميتة بالحشمة ومحبطة راسها فلارض
الياس: واش يالالة مريم وعلاه راكي ترجفي ، ياك أنا راجلك متحشميش مني وحط وجهو فرقبتها وقعد يشم فريحتها امبعد رفد وجهو تمتم بيسك قريب اتخذر من ريحتها وعاود خزر فيها وقاللها: علاه متخزريش فيا ، طلعي راسك ، طلعلها راسها مي هي دوراتو
الياس : مريم ديري عينيك فعينييا 😑
مريم في نفسها: بيسك نضعف 😔
الياس : انطقي !!!😡
مريم :. بالااااكي الياااااس معليش روح ليتوالات حنطرطق😦😦😦
الياس : واشنو !!
مريم: بعدتلو يدو بالخف وراحت تجري للدوش غسلت وجها بما بارد وخرجت لقات الياس يستنا فيها ، مالخلعة عاودت دخلت للدوش
حس الياس بلي راهي حشمانة راح ليها فتح الدوش لقاها داييرا وجها فما بارد امبعد قاللها: نتي علاه جبتي ليا صبح ، واش خصك ، جايا تبلبلي عليا قدام البيت 😡😡!!!( سبحان الله مغير الاحوال😑)
مريم: لالا جيت نسقسيك مين نولي نرقد، يعني كاين بيوت بزاف ، لا نقدر ندي واحدة تولي بيتي،؟
الياس: هه وعلاه ماعجباتكش بيتي ياك رانا متزوجين!؟
مريم بالزعاف خلاص الصبر خلاص: الزواج تاع مك 😡😡 او نسيت واقيلا الزواج فالورق فهمت!!
الياس خبط يدو فالحيط وبدا يعيط: قتلك متزيديش ترفعي صوتك علياااا فهمتي !!! فرخة كيما نتي مترفعيش صوتك علياااا ديجا نولمالمون نحاسبك على السيد تاع الطيارة مهما يكون راكي فذمة راجل فهمتي!!! ( اي والله واش فكرك فجدو دوكا😔)
مريم: واش دخلك؟ ياك زواج فالورق كل واحد يدير واش يحب كيما نتا روحت مع هاديك الخامجة فالمطار .....مكملتش هدرتها الياس ضربها بكف
الياس: هاديك نقية عليك فهمتي !!!! بلاكي تزبدي تعاودي هاد الهدرة 😡
مريم تشوكات وهدرتو دخلت كالسكين لقلبها طلعت راسها والدموع حابستهم فعينيها وقالتلو : جامي واحد طيحلي قيمتي ، جامي واحد تجرأ وقالي نتي خامجة ولا هاديك خرمنك فالاخلاق، جامي واحد ضربني هادي مرة تانية ليترفد يدك عليا ببصح دير ملييييح في بالك نتا معاك الحسد والجأش والحقد ومدامتك هاديك معاك انا معايا ربي ، عمبالي بلي ربي ميضيعش عبدو ، اصلن انا راني صابرة على وجه بابا لينشاله ربي يغفرلو على هاد الذنب ، دير في بالك بلي ماشي نتا ليتقولي هاديك نقية عليك ، نغدرك معندكش ميمبا يامات تعرفني بصح نقولك روح لحومتي ومين كنت نقرا ومين كنت نخدم حتى فالجامعة ليقريت فيها وسقسي غيييير باباك لتماك ارواح قولي نتي ماشي نقية لعكس انا واثقة من نفسي بلي نقيه عليك وعليها بيسك المكان ليروحلو نخلي فيه بصمة تاع الاخلاق و وليت معروفة غير مالاخلاق ديالي،، وخرجت بهاديك التبسيمة والدموع ينزلو شلال راحت تجري لبيت مطرفة فتحتها وغلقت الباب وقعدت تبكي بحرقة الياس خلاص سيرتو من هدرتها حس تقول دار ذنب كبير عليها راح مور الباب تاع بيتها وقعد يسمع فيها تشهق وقعد يبكي حتى هو
جاز الوقت طلعت مريم كاباتها فرزت هاديك البيت جابت خزانة قدبمة مالمستودع صبغتها بالبيض وخلاتها تنشف امبعد طبقت كامل حوايجها وتحفت بيتها مليح ردتها تقول بيت تاع مراهقة
بدلت حوايجها راحت تتوضا وصلات
الياس كان راح لخدمتو وخلاها هي غير كملت الصلاة راحت فرزت الدار كومبلي وخرجت للجنان سقاتو وراحت للكوزينة كاشما طيب ، دارت شربة وقلات بطاطا مع شلادة وحطتهم فالطابلة وهي راحت تغسل الماعن
الياس جا لعشية دخل للدار شم الروايح تاع الماكلة راح يجري للكوزينة لقاها هي ليطيبت ، فرح بزاف حس بوحد الشعور وسيرتو فهاديك الدار جامي طيبلو كاش واحد امبعد دار لقا الدار نظيفة زاد فرح حس بشعور بزاف هايل وبطمأنينة
الياس: علاه عييتي روحك كاين الخدامة تجي تواسي الدنيا؟
مريم: ايمالا قول لخديمتك متزيديش جي !
الياس: اوكي ، ااااه نتي طيبتي العشا؟
مريم: كاين غير فالدار ؟
الياس : هههه لالا ،
مريم شافت الياس كيش كان فرحان ، اصلن هي دارت الواجب ديالها طلع الياس بدل حوايجو وحبط تعشا مع مريم وقعد غير يخزر فيها
مريم : ياو خلينا ناكلو ، راك. كليتنا بعينيك 😑
إلياس عرف بلي حشمها كمل ياكل امبعد ناظت غسلت الماعن وحطت فلون كانت لقاتو مع. القضيان حطتلو قعد ياكل حتى عيطتلو ميرندا رفد عليها وقعد يتمعشق معاها امبعد ناظ وراح مي قعد يطل على مريم واش دير ؟
مريم : هو يسمع فصوت حبيبتو وهي تسمع فصوت حبيبها وانا نسمع فصوت الفريجيدار يدير زنننننننن😑 بفففففف
الياااس مات بالضحك عليها وعرف بلي راهي غايرة وهو عجبو الحال 👏👏👏
.........
أنت تقرأ
أحببت كارهي _مريم والياس( باللهجة الجزائرية)
Humorحكاية شابة تحكي على طفلة اسمها مريم وشاب اسمو الياس فيها بزاف احداث شابة وهي أول كرونيك راح نكتبها نشاله تعجبكم Meriem khaoula
