غدوة منداك صبح نظت لقيت جود والياس راقدين شحال عجبني الحال كنت حابة نقعد حياتي كامل نشوف فيهم وامبعد نوظت غسلت لبست ڨندورتي وحبطت عند عجوزتي دردشت معاها وهي قعدت تحكيلي على الطاوس مارت الجديد وليد بوعزة وذهبية تكول لخضر راجل عيدة بنت الهامل وخضرة ( المهم سلالة جاية من وحد البلاد واكيد شكوبستان😏) وجدنا الطابلة عيطت لبابا محمد ونوظت إلياس وجود بدلتلوا وغسلتلوا حتى شفت إلياس يخزر فيا بنظرات تاع حزن سقسيتو مجبيك راح وخلاني
حبطنا ستقهوينا مع عجوزتي وشيخي حتى نطقت عجوزتي وقاتلي بلي حيديرو فيها حجة هي ومحمد فرحتلهم بزاف وباركتلهوم وكانت الحجة مور يومين
الياس خرج ودا معاه جود ومحمد راح يقرا فالجرنان وصبرينة طلعت تلم شوية حوايجها
وانا جات في بالي ندير شخشوخة تاع المسمن ( المعارك ) واللحم ايا روحت درت المسمن (المعارك) وبديت نقطع فيه طيبت المرقة وجدت الطابلة تاع الفطور درت شلادة ورق الروايح دارو حالة فالدار
محمد: يابنتي واش هاد الروايح واش هاد الروايح؟👃👃
مريم : ههههه والله يابابا غير درتها على جالك وعلى جال يما صبرينة
محمد: ههههه الله يعطيك الصحه يا بنتي نروح نغسل وتعيط لصبرينة ليواقيلة راي راقدة ونهبطوا ونتي عيطي لألياس قوليلو يجيب اللبن معاه
مريم: اوكي يا بابا مايكون غير خاطرك
_______________________________________
في جيهة اخرى
جود ارميلي البالون ارمي 🤣
جود: پاپا اثنى ثقيل بثاااف( بابا استنى تقيل بزاف)
الياس: جود مترفدوش ارميه برجلك كيما انا ⚽️⚽️
طيط طيط طيط📞📞📱📱
جود: پاپا ثيفونك اوو يوني ( بابا تيليفونك راو يصوني)
رفد الياس التيليفون لقاها مريم
مريم: ساعة وانا نعيط ساعة ،فمهني برك مين كنت، جود راه معاك ، كاشما صرالو ، تيليفونك مين كان ، هااانطق ركبتلي القنطة😡😡
إلياس: هاااربي خليتينا الدالة نهدرو مسمعتش التيليفون كنت نلعب معا جود وجود راه لاباس
مريم: المهم جيب معاك اللبن وارواااح دوكا ، ايييه وجييب تانيك باطة هريسة !!!
إلياس: اوكي ني جاي متقلقيش برك !!
كوبات عليه وراحت كملت شغلها وهو راح رفد جواد وراحو شروا
كيكانو فالحانوت جود شاف مرا تخزر فإلياااس ومحبتش تنحي عينيها منو
جود دار لألياس ولقاه مازالو يحوس على اللبن وراه ايا حتى صاب لمرا جات ليهم
المرأة: اخي انت عم تبحث على شي فيني ساعدك؟
الياس خزر فالمراة وحس تقول شايفها مي ماطاش للأمر اهمية و ردلها: ايه والله كنت نحوس على اللبن مي ملقيتوش
المرأة : مبين عليك انو مو متعود تتسوق؟
إلياس: ايه، لا ، يعني المسألة كلها عندي شحال مقضيتش مالحوانت
المرأة: ههههه لا عليك انا هلئ راح بجيبلك اللبن لأنو انتى غالط فمكان تواجدو
راحت جابتلوا وطاتلوا ، تشكرها جا رايح وقفاتو قاتلوا: مبين عليك نسيتني؟😏
الياس: انعم؟!
- هههههه انتا بتكون الياس صح؟
الياس: اه ايه مي شكون نتي ؟
- هههه انا بكون فطوم درست معاك فترة الجامعة كلها هههه
الياس: اه🤔
فطوم: وهلئ ذكرتني؟😊
الياس: أااااه فطوم خلاص تفكرتك يووووه شحال تبدلتي معرفتكش
فطوم: بجد هههههه ! اساسا الوقت الي جاز مانو اليل (قليل)
الياس قعد يڨصر مع فطوم وعرفها على جود ملي قعدت وهي تبوس فيه ،
الياس: ايه ، اليوم تذبحني مرتي ههههه ايا ممبعد
فطوم: ااا الياس انا تايهة هون يعني صارلي مدة عم دور عشقة للسكن بس ما لقيت فيك دورلي او ازا كنت بتعرف فيك تؤولي ، يعني انت بتعرف بلدك اكثر مني مع انو صارلي فترة طويلة واني عايشة فيه🙂
الياس: ودوك مين راكي تباتي؟
فطوم : فلوتال !!
الياس: وداركم؟
فطوم حبطت راسها وقالتلو بلي راحو للبنان وهي ماحبتش تروح وكي رفصت طلب باباها خلاها تتعذب ني سكنة ني دراهم
الياس عرض عليها تجي معاه للدار ومنها تتعرف على مرتو مريم وهي وافقت طبعااااا!
راحو الياس وفطوم وجود للدار طبطبوا خرجتلهم مريم والجنون راكبينها
مريم: ربك نتا مين كنت عام وانا نسنا وجدك ماجيت ماجبت جود ماجبت اللبن ، كون اوموان جبت اللبن وجود وانتا أهمل تحب متوليش كامل ، وراه وليدي ؟
حتى تشوف مرا لابسة جيب ميني نواغ مع تيشرت واصل للكتاف وطالون ودايرة طابلوا ماكياج وطالقا شعرها ليكانت مفلاشياتو ملتحت بالغوج رافدتلها جود وتبوس فيه ,مريم ولات متضويش امبعد عملت بعينيها لإلياس تاع شكون هادي
إلياس: ههه هادي صديقة قديمة تلاقيت معاها جبتها معايا مكاش وين تروح
مريم: وبابا ويما كيفاش؟
الياس: نورمال اصلن يعرفوها كانت جي لينا باش تقرا معايا
مريم: ووليدي واش راو يدير عندها😡
إلياس: والو كان يلعب معاها برك
مريم خلاص ولات قدرة تحمي فوق بركان راحت نحاتلها جود من يديها وقاتلها بتشناف : اممم مرحبا بيك 😒
فطوم: واهلا بيك يا حلوة ، الظاهر انك زوجة إلياس ، صح؟!
مريم خزرت في الياس تاع مين بلادها دي؟
قاللها فوذنها يماها مصرية وباباها لبناني مي قرات فالجزاير
مريم: ايه راجلي وحبي وعمري وڨاع وكلش ( بيناتنا والله مافقت كيفاه خرجوا الكلمات من فمي مي عندي الحق يابنتي منخليش راجلي يشوف فيڨورة كيما هيا )
فطوم: ههه اتشرفت بمعرفتك حبيبتي!
دخلو للدار سلمت فطوم على محمد وصبرينة وقعدو يدردشو امبعد مريم حطتلهم ياكلوا
حطت جود في حجرها وقعدت تواسي فيه حتى رقد ومافاقتش قاعدة تشوف في الياس كيفاه يحكي معاها ويضحك ومعاها وقاعدين يجبدو فالماضي تاعهم حتى نطق إلياس: مريم جود رقد حطيه لفوق وارواحي
مريم فاقت من صرحتها وقالت فنفسها ( نحط فوقك بڨرة تعاودلك التربية ياحيوان)
طلعت جود وكيكانت حابطة سمعتهم يهدروا حتى قاتلوا فطوم: الياس انت بتذكر اليوم الي ادمتلي فيه خاتم وطوق ، وقتاه هذاك اليوم اعترفتلي فيه بحبك !
مريم كي سمعت واش قالت تقول ما بارد تكب عليها طلعت تجري والدموع بداو يسيلوا وحدهم تقول شلال
فاقلها الياس بيسك سمع الحس امبعد قال لفطوم تطلع لبيت قعاد تستراح شوية ودير لاسياس وهو طلع لمريم ليكانت طايحة فوق البونك راقدة على كرشها معنقة المخدة وتبكي
راح طلع و تكسل فوقها حاوطها بيديه على خصرها وحط وجهو فرقبتها وقاللها: ماجبيها مريومتي تبكي ؟ شكون زعفها ؟
ماجاوبتش
- هههه عمري راهي غيرانة عليا
دارت ليه مريم وقاتلوا بالعياط: هادي غير نحيها من بالك ودارت غطست وجها فالمخدة
إلياس: ههههه اوكي بب بصح ديري في بالك بلي وحدة ماتقدر تغريني ولا تغويني من غيرك بيسك انا تاعك وانتي تاعي وفطوم كانت مجرد اعجاب لمدة سمانة برك وامبعد كرهت منها اما نتي نموت ونقعد نحبك
دارت ليه مريم وعنقاتوا قاع واش عندها صح
فادوها كلماتو حتى هو زاد عنقها وكملها ببوسة طويلة خلات شفايفها تتحرك وتولي ترعش تالمون توحشاتو
وهوما في مشوار التقبيل ينوض جود يبكي بلاك يكون شاف كابوس ناظو يجرو من فوق بعضاهم وراحو لتاو بجود حتى رقد
المهم جازو يامات وفطوم قعدت فدار محمد وصبرينة حتى يلقالها إلياس شقة ، ومحمد وصبرينة راحو للحج
لكن كي راحو تبدلت عقلية فطوم كانت ديما تتقرب من إلياس وديما تلهيه على مريم ولات تلبس غير لبيجامات المعري كترمن لمغطي
مريم فنفس الوقت حست تقول راي تنافس فيها على الياس تسما ايا وحد النهار خرج الياس وفطوم وجود راحو يشوف دار لفطوم
تسما مريم دخلت دوشت دارت جال دوش تاع الورد وليسات شعرها داتلوا ظفيرة ماكيات سامبل يعني شوية كحل وغيسيل وشوية بغيولاف ولبست بيجاما جايا شورت وتريكو
البيجاما ⏬⏬
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت تفتق كيما يقولوا خاوتنا التوانسة
دخلت فطوم صابت مريم قاعدة تتفرج وتاكل فالشيكولة ( ماحش نقولكم نوتيلا او شيكولة امين برك تاع ألفراك😒) تخلعت وقاعدة غير تخزر حتى يدخل إلياس وكون غير مادخلش او السيد تبلوكا وحل فمو كيالعادة ( هادا فمو على لعام مشرع بييييي صحا فم لحمار والله)
جود راح يجري لمريم يبوسها
جود: امممم ماما ليحثك ثابة بثاااف ( اممم ماما ريحتك شابة بزاف )
ايا مريم وقفت مالفوتاي والعندليب تاع سي الياس ينطلق ويستقيم تقول هاديك القطعة المستقيمة تاع ab تاع المات التي تبلغ 6cm
مريم ولات حمرا رفدت جود ودات باش تغسلوا والسيد لوخر خلاص خص غير ليبومبيي يجو يطفوا النار وخلاص قاعد تمشي وتتمايل بتراميها ليصح سمانو وجاو مسليميين مع لاطاي ديالها
الياس نسا ڨاع فطوم وطلع يجري للبيت دخل لقا مريم تنحي لاكوش لجود قعد يدور فلاشومبغ ويضرب فالحيط والعرق يسيل منو امبعد ما قدرش يصبر راح جبد مريم لسقها فالحيط و لسق فيها
مريم تخلعت امبعد كي لسق فيها حست تقول حاجة يابسة فوق مسعودتها يعني فالسرة ديالها وعرفت بلي السيد صاح التهب وجها ولا صفر حمر خضر
الياس دنا من وذنها وقاللها: واش رايك نلعبوا فيها ماتش فالشباب رايح للميطو الرابع وميخلاصش
مريم: بعد عليا منحرف
الياس: ههه نتي لي جبتيها لعمرك ياك قتلك بلي كاين غير نتي ليتغويني وتغريني
مريم: إلياس الطفل خلعتو بعد عليا
الياس فاق لوليدو ليكان ما فاهم والو بعد على مريم ودخل للدوش كاشماااا يخفف مالحرارة لي لسعاتوا ( اووو السيد باين بلي سريع الالتهاب ياااه😂)
............... يتبع
تفااااعلو البنات بليييز تفاعلو
والله ماجوزيها منا حتى ديري فوت وكومنتار
أنت تقرأ
أحببت كارهي _مريم والياس( باللهجة الجزائرية)
Humorحكاية شابة تحكي على طفلة اسمها مريم وشاب اسمو الياس فيها بزاف احداث شابة وهي أول كرونيك راح نكتبها نشاله تعجبكم Meriem khaoula
