أحببت كارهي _مريم والياس( باللهجة الجزائرية)

partie 10

جاز هداك النهار بالضحك والڨسرة مريم ولات تحب الياس وفاقت لعمرها ولات متقدرش جوز نهار بلا ماتشوفو ادمنت عليه ، ديما فليل تبكي على زهرها المعوج

وفي كل ليلة مريم راحت ترقد حتى تفكرت الياس حست بغصة فقلبها نطقت: اه يا يما ارواحي طلي على بنتك ولات تعشق يا يما بنتك راحت فيها ، اه يا حياتي وعمري وڨاع وكلشي يا نور تشفاي كيما كنتي تقليلي يجي نهار وطيحي على راسك وتولي كالمذلولة ويجريك كيراكي ميبسة راسك هكدا ههه اه يا ختيتو كلامك ولا ذهب عندي صيبون يا ختيتو مريم ليكانو يتمناو يهدرو معايا ، مريم ليكانو يعايروها المعقدة والشنوفية تالمون منضحكش ومنڨسرش وجابدة روحي ، هههههه مريم ليجامي ايماجينات طيح فواحد هو ماشي حاس بيها ، هههههه احببت كارهي💔
داتها عينها بدمعة ليكانت بين شفارتيها ،
غدوة منداك ناظت فرحانة بيسك اليوم تنحي البلاط عيطت لألياس بكل ما اوتات من قوة
الياس جا يجري : مجبيك؟ واش صرا؟ واش راه يوجع فيك؟ 😡 انطقييييي هاربيييي طلعتيلي الغاز للرجلين 😡
مريم: مجبيك تطلق فحلاوتك الله 😡 عيطتلك باش نقولك اليوم نحي البلاط 😂
الياس: اممم هدا مكااان😒 انا عمبالي متي عيطتيلي باش نشهدلك 😂
مريم كانت قدامها مخدة رماتها عليه والشياط يطاير منها
الياس هرب يجري وقاللها: هههه 5 دقائق نلقاك واجدة هههههه
جا الياس دخل للبيت لقاها تسيي تنوض باش ترفد ليبيكي دياولها مي كانو بعاد
راح ليها بلعقل مهدر والو دار يدو على ظهرها ولخرا على رجليها ورفدها وحبطها
وجهو ولا حمر مي كان عاجبو الحال كان حاب يكمل يخبيها فصدرو
حتى مريم حالتها كانت كي حالتو كانت حابة تحظنو متطلقوش مي والله غالب الكبرياء دائما يبقى حاجزا بين العشاق 
طلعها فالطونوبيل وطول الطريق واحد ماهدر مع لوخر وصلوا للسبيطار رفدها ودخلها والناس كامل تخزر فيهم
دخلت مريم للطبيب نحالها البلاط فرحت بزاف لقات رجلها في حالة
الياس شبع ضحك عليها ، المهم خرجو مالسبيطار داها للجاردان باش تحرك رجلها شوية جوزوها كيالعادة بالضحك والڨسرة وصلوا للدار
الياس حطها وراح جاتو خدمة فالشركة
دخلت هيا طيبت العشا وغسلت الماعن ونشرت حوايج ،المهم لقات الدنيا متوصفش
كملت شغلها قعدت تفرج فالتيليفيزيون 💣💣
وفي جيهة واحدوخرة لملهى كان قاعد فيه يرحي فالدخان ويكسر فالكيسان تاع الشراب
كاس مور خوه وعينيه حمورة وينطق غير فآسمها حب يمتلكها بصح مقدرش لقاها في ذمة راجل حتى هي مافتحتلوش طريق
ههو دايرها قلبو وهي دايراتو كيخوها وصديق مقرب برك
ايه هذا امين ليراني نحكي عليه حب مريم مالنظرة اللولة وحب يعرف كلش عليها حب يمتلكها بأي وسيلة مي مقدرش
بصح وص لموس لعظم امين ثمل مالشراب ليدار بيه حالة ناض من هاداك الساق والوجهة ديراكت لدار مريم
وصل طبطب
مريم راحت تجري فتحت في بالها الياس ، اصلن من غيرو مكاش ليطبطب ومكانتش دايرة خيمار
غير فتحت لقات امين تخلعت ، جات حتغلق الباب بيسك مكانتش دايرة خيمارها مي هو شد الباب وطبعو وحكمها من رقبتها وقاللها: وعلاه درتيلي هكا راهي عاجباتك حالتي هاكا انا كنت راح نديرك ملكة الدنيا كوني معايا برك
مريم تبكي وتعيط: اخطيني هبلت اخرج مناااااا😭
غاضتها عمرها كيعادت ماشي مستورة قدامو زادت قوات فالبكا
وصل الياس فليل سمع لعياط دخل يجري للدار لقا امين شاد مريم
امين فاق لإلياس وكيشافو سكارة فيه باس مريم من خدها وهي قعدت تبكي ودني فيه مي مقدرتش
اما الياس كيشاف هداك المنظر ولا ميضويش تنهد وراح يجري لأمين حكمو قتلوا بالضرب ونااااض يعيط ڨاااع واش عندو::: نتااااااا تمس مرتي نتااااااااا يا طحاااان اليوم موتك على يديا ، اليوم متفراش
وقعد يضرب فيه بالدبازي ومريم تسئ دني فيه حتى عيط عليييها: نتيييي ماتمسينييييش حسابك ممبعد 😡
امين ناض يضحك: مريم انااا نحبك 😏
هنا إلياس زاد هبل ناض يضرب فيه قريب قتلوا مزية جاو الجيران سلكوه خرجو الناس وداو امين ليكان شبه ميت وقعد غير إلياس ومريم
مي الياس عينيه تعماو تاع الصح فهاديك الدقيقة حكم مريم من يدها وطلعها لبيتو ورماها على سرير بقوة وهي قاعدة تترجى وتحلل فيه باش مايديرهاش مي إلياس ماسمعلهاش وقعد ينحي فالسبتة تاع السروال باش يضرب مريم بيها واومامتون باش يدير ليراه في بالكم
صرا لي صرا بصح بطريقة جد عنفية جد رهيبة
مريم تأذات بزاف مخلاهاش ميمبا تبررلوا هو كي كمل عملتوا خرج وخلاها مرمية فدمها وغارقة فدموعها هادا يسموه اغتصاب
ايه الياس اغتصب مريم 💔
ناظت مريم بهداك الوجع ماهدرت والو العكس صراتلها صدمة رفدت حوايجها ودات الباسبور ديالها راحت تمشي بلاعقل فليل للسبيطار غير وصلت ليه صاحت رفدوها دخلوها ديراكت للإستعجالات بيسك خسرت دم بزاف صراتلها لاموغاجيك كانت على حافة الموت فطنت صبح نحات السيروم من يديها وخرجت بكابتها ماستناتش كام الطبيب باش يهدر معاها بيسك عمبالها واش راح يقوللها العكس يزيدها يحكمها مع انو هي راهي اصلن فتات
راحت للمطار طلعت اول طيارة للجزائر وصلت لعشية راحت لدارهم طبطبت
فتحت لها يماها ترمات تجري فحضن يماها وبدات تبكي بالشهقة
مريم: ماماااا توحشتك وعلاه هكا يا ماما وعلاه ، انا ماشي بنتك ، خليتيني وحدي ماوقفتيش كامل معايا 😭 كاين ام تتخلى على بنتها ،ماما انا تكسرت خلاص يا ماما
سليمة: يابنتي ماجبيك جيتي وحدك واش هاد الحالة ليراكي فيها وجهك مجبيه صفر
دخلت سليمة مريم للبيت زادت تلاقات بنور
حكات مريم ليماها واش صرا مالالف للياء
سليمة ونور ماتو دم من واش جوزت مريم
سليمة حست بتأنيب الضمير وحست تقول دارت ذنب كبير على بنتها قاعدة غير تبكي اما نور كانت حالتها كي حالة يماها
جازو يمات حالة مريم تحسنت شوية يعني قدام الناس مليحة وتضحك ومور الحيوط تاع بيتها العالم ربي
الياس كيراحت مريم حس بفراغ كبير كانت حالتو كل يوم تدهور الخدمة معادش كامل يروح ليها والسراب ولا مدمن عليه فوق لازم
حتى واحد النهار. تفكر بلي هو داير كاميرات فدارو راح يجري للمستودع للكمبيوتر تاعو باش يشوفو ايا بدا يشوف فليفيديو تاع مريم كيكانت فدار مع الهبال ديالها ناض يضحك ويبكي وحدو حتى وصل للمشهد كيجا امين وشاف كيفاش امين طبع الباب على مريم وهو ليشدها وهي قاعدة تبعد فيه وتعيط الياس الياس شاف كيقاللها امين : نحبك حبيني تعيشك ، واش ردتلو: انا نحب الياس ،انا نحب راجلي اخطينيييي يااااالياس الحق بياااا😭
إلياس كيشاف الفيديو خلاص كان حاب يطرطق خسر حبيبتو وروحو وكلشي بيديه ناض كسر كولش مخلا والو
وملتم حلف يرجع مريم ليه بأي وسيلة
مريم ولات لخدمتها وتبدلت بزاف ولات صارمة فبزاف عفايس ولات انطوائية بزاااااف على الناس في خدمتها مكاش كامل اللعب غير السيريو وبعتت رسالة لألياس قاتلو فيها بلي حابة تطلق
الياس باينة بلي ماحش يقبل وحلف يعاود يتول روحو ويوليلها بيسك شركة تاعو افلست من جال الاهمال ليدارو
بعد مرور عامين !!!
......الخ
مقتطفات
نور:الو مريم😭
مريم: وجبيك نور كاشما صرا لوليدي؟
نور: لالا بابا مات مريم😭😭😭
........................
...............................
جود: ماما وقثاش يجي بابا مالخدمة ني حاب نثوفو ؟
مريم: هههه قريب نشاله يا وليدي
...................
تفاعل البنات 😍