★*★*★كرونيك انتقام انثى باللهجة الجزائرية★*★*★

🔥البارت 03🔥

# الحلقة 3 ^^

هبطت لقيت آسر يسنا قالي 5min دربتها نص ساعة طلعت بلاما نهدر حتى كلمة
-يا وجه لمقلة ساعة باه تجي 😠 تعرفيني نكره نسنا كيفاه تفهمي نتي وش عندك فالبيدون هذاك
وأنا غير ساكتة كلمة منطقتهاش
-لياااان نحكي معاك وشبيك تربيتي وليتي مترديش الهدرة
-آسر....... تحرك برك
-يااااه أنا ناكل في بعضايا وهيا معلابالهاش بدنيا خلاص هيه عندك حق
-أنا.......والو ساكتة نخمم غير فلميساج
-يا طفلة دارولك سحر أسود ولا ها انطقي واش بيك
-تحرك وبلع راح لحال 😒
-خرية 💩💩
طريق كامل يسكت يسكت مبعد يبدا يبهدل حتى وصلنا كل واحد راح يقرا أنا دخلت لا علاقة خلاص juste لميساج فراسي aprés عجبتني لقراية وليت نتبع (يعني بيناتنا عجبني لبروف 😍 بقلاااوة) كي العادة منخالط حتى وحدة خلصت قراية هزيت حوايجي وروحت نسيت خلاص باه نعيط لآسر
وصلت لدار درت دوش وخبطتها برڨدة نسيت لميساج وآسر ولا فاك وكلش بعد نضت لعشية كليت و حليت فيسبوك بقيت نكنكتي ندور فلڨروب تاع كرونيكات يافا هههه حتى تفكرت لميساج أيا جربت نعيط لهاذاك num أيا أنا عيطت هزت عليا وحدة
-آلوو
-وي شكون معايا (هذا الصوت نعرفو mais وين سامعاتو)
-هاذي نتي ليان ؟
-وي بصح معرفتكش
-يا لكاvيا أني بنت خالتك
-نينا ؟؟ 😰😰
-لالا تينا 😒 هيه نينا يا المنڨولية
-هذا نيميرو تاعك ؟؟
-نو تاع بابا
😱😱زدت تشوكيت كتر
-أوكي نينا من بعد نحكيو باي
-باي
بداو الأفكار السيئة تجي في راسي الشيطان يقلي ماماك خانت باباك ونتي ميش بنتو بنت راجل خالتك يعني راجل خالتك هو باباك ونينا ختك ولملايكة يقولولي نتي بنتهم تاع صح سوء فهم برك لاعلينا قررت ندير DNA ونتهنا ايا رحت لشمبرة بابا وهو راقد نحيتلو شعرة من شعرو باه نديها غدوة لطبيب ورحت رقدت وأنا ندعي ربي ميضهرش لي في بالي

يتبع......