#الحلقة 23 ^^
(طلع نهار جديد ليان تحكي) نضت صباح هزيت تيليفوني 📱 فتحتو لقيت ميساج 💬من عند نينا (نيميرو لي عطيتيهولي تاع واحد إسمو أمير ***** رجل أعمال كبير مزوج وعندو 2 ولاد في عمرو 60 سنة كان مزوج من قبل ومرتو ماتت طيش ولادو وعاود زوج عندو سلسلة فنادق كبيرة مدمن مخدرات وتاع نسا number 1 وهذا عنوانو****) هههه قريب جابتلي وكتاه طهروه😂 بقيت نخمم واش علاقتو مع سارة قررت نروح ونعرف نضت درت دوش لبست سروال بلو مقطع وتريكو عريض jaune كتافو طايحين وتحتو بيستي بلو كونفارسي ( باه كان كاشما صرا نقدر نهرب هههه) حطيت ماكياج غامق وخرجت حكمت طاكسي ورحت للعنوان لي عطاتهولي نينا حبست شوي بعيدة علا الفيلا وهبطت بقيت نشوف معاها فيلا ماصراتش بقيت تايهة حتى نشوف في سارة خارجة مع طفل يحكيو ويضحكو ويقولها ماما فهمت بلي سارة مرت السي أمير عاودت رجعت ركبت ورحت لشريكة وين يخدم دخلت حوست على لبيرو تاعو لقيت هادوك لي بودي ڨارد فالباب روحت عند واحد فيهم -آااي نتا يا ضخم قول لمعلم تاعك كاينة وحدة جاية تشوفك 😏 -لمي فمك أطفلة نجي نفسدلك وجهك😡 -تترجل على مرا والله متحشم بديت نعيط وندير فالفيلم هاااه مالا كنت نتفرج mbc Bollywood هكاك طلقت روحي فلرض زعما دخت خرج لمعلم تاعهم انا حالة عين ومغمضة عين -واش كاين هنا 😠 -معلم هاذي طفلة مهبولة وحدها بدات تعيط أنا سمعت كلمة مهبولة بديت نعرش😡 أنا مهبولة ياا الفيل ليوم نفرجك في روحك تلحت عليه بعضة في رجلو حتى جبت طرف من سروالو في فمي ويتلمو عليا هادوك لوحوش -بعدو عليها 😠😠 الحقيني للبيرو دخلت وراه وأنا نرجف😬😬
يتبع......
YOU ARE READING
★*★*★كرونيك انتقام انثى باللهجة الجزائرية★*★*★
Mystery / Thriller★*★*★...كرونيك انتقام أنثى...★*★*★ منقووووولة### باللهجة الجزائرية 🇩🇿🇩🇿🇩🇿🇩🇿🇩🇿🇩🇿 لحكاية فيها ضحك😂 إنتقام حزن 😢رومانسية 😘وشوي تسوفيج #الحلقة 1 ^^ .............~~~~~................ قاعدة في بيتي نتفرج كي العادة 😍 هنودة شطيح ورديح 💁...
