#الحلقة 25 ^^
روحت لدار كليت ورقدت نضت لعشية لا علاقة بالعالم الخارجي (من أنا يا قوم) مبعد تفكرت روحي غسلت ستيكيت شعري وهبطت طيبت روز خليتو فالفور وعيطت لآسر -آسر تجي تعشا معايا كرهت وحدي 😩 -هههه من نيتك ليان تحوسي ترهجيني😂 -سامط تاكل رهج😒 -هههه مانيش قاعد ليان خارج مع صحابي نهار خلاف -أوكي 😔 خلصت تعشيت طلعت هزيت تيليفوني عيطت لسي خرا مهزش عليا باين مع سارة لمصفارة طفيت ورقدت 😴😴 *********~~~~~********* (فات شهر كل يوم نخرج مع أمير تقربت ليه كثر عرفت حوايج بزاف عليه mais مخليتوش قرب ليا في جيهة خلاف آسر ولا نائب مدير في شركة سي محمد بحكم أنو سي محمد حاط ثقة كبيرة فآسر هو رفض يجيبلي معلومات عليه حتى خلاني نحكيلو كلش على خدايم سي محمد باه قبل يعاوني قتلو بلي نينا ختي ومنحبهاش تعرف ومنحبكش تزيد تخرب فيها psq تحبك صح توقعت يضحك ويسرك كي العادة mais نو حسيتو كان يسنا فيها تصالحو ورجعو أمي انتيم ودات بلاصتي لكلبة هه mais نحبلهم لخير من قلبي) ليوم قررت ندير خطوة جديدة نضت درت دوش وعيطت للمحامي -صباح لخير آنسة ليان -صباح لخير وجدتلي لورق؟ -وي كلش واجد بعتهملك مع واحد يكون فالطريق -أوكي عيشك🙂 -بلا مزية بالسلامة -سلام نضت لبست غوب قصيرة نوار طالون نوار عدلت شعري حطيت ماكياج غامق دوشت بالبارفان وعيطت لأمير -آلووو صباح لخير يا زين 😚 -صباح نور ميرو😒 -كي راكي حبي ؟ -حمد الله حبيت نقلك برك لاكان قاعد نخرجو توحشتك😏 -وي يا عمري ديما قاعدلك ليك😍 -أوكي نسناك تجي تديني -أوكي عطيتو لعنوان وكوبيت نسمع فالباب يصوني حليت لقيت واحد جابلي لورق حكمتهم عليه ودخلت رحت حليت لفريجيدار هزيت بواط تاع دوا تاع رقاد حطيتو فالبوشات هزيت حوايجي لي نحتاجهم وخرجت لقيت أمير يسنا....
يتبع.....
YOU ARE READING
★*★*★كرونيك انتقام انثى باللهجة الجزائرية★*★*★
Mystery / Thriller★*★*★...كرونيك انتقام أنثى...★*★*★ منقووووولة### باللهجة الجزائرية 🇩🇿🇩🇿🇩🇿🇩🇿🇩🇿🇩🇿 لحكاية فيها ضحك😂 إنتقام حزن 😢رومانسية 😘وشوي تسوفيج #الحلقة 1 ^^ .............~~~~~................ قاعدة في بيتي نتفرج كي العادة 😍 هنودة شطيح ورديح 💁...
