★*★*★كرونيك انتقام انثى باللهجة الجزائرية★*★*★

🔥البارت 05🔥

# الحلقة 5 ^^

دخلت عند خالتي لقيتها مدايرتلي طاجين لفرماج نسيت كلش 😂😂( كرشي سر سعادتي) طحت فيها بيديا ورجليا تقول جامي كليت خلصت غسلت وطلعت عند نينا
-نينااااا
-لاه تندبي يادراع طاوة
-وش رايك نروحو رحلة 🤔
-قولي وراس عينيك وشكون يدينا شيفور تاع باباك
-نو شيفور تاع بابانا
-كيفاه
-والو والو نحاولو آسر يدينا
(هي كي تسمع سيرة آسر عينيها يوليو قلوب 😍😍 مسكينة تعشق فيه)
-آسر آسر 😍😍
-نو بن خربوقة مالا 😒 هيه آسر آسر
-أوكي باينة نروح mais وش نلبس
-ألبسي بيكيني تشيني وديري فوقو sortie de bain تاع إيمان وروحي عند آسر قوليلو بدلنا direction l'hotel وش رايك ؟؟
-تزعقي بيا لياان ماما محال تعطيني sortie de bain تاعها 😓😓
-هههههه واقيلا أمنتي يا الجايحة رايحين لبارك ميش لبحر البسي جبة ودخليها ف 👙ههههه
-لياااان قودي لازم نجي شابة
-بطلت منروحش
-اااااه 😭😭😭😭 نروحو بسيف
-خلاص خلاص نتفاهم مع آسر ونعيطلك وجدي روحك
-أوكي نحبك 😘😘(تلاحت عليا كي لمكلوبة تحضن وتبوس هههه البهلولة هاذي ضهرت ختي)
-أنا نروح درك فليل نعيطلك أوكي
-أوكي باي
خرجت حكمت طاكسي وروحت وصلت لدار تڨلب وجهي دخلت نسمع في ماما تقولي واش ليان وليتي متبانيش
طفيتها وطلعت محكيت معاها حتى كلمة دخلت لبيتي دوشت وحليت تيليفوني بقيت نكنكتي مع آسر ساعة وأنا نحاول فيه يدينا للبارك والو محبش يديرلي في قوالب حدة منيش قاعد... منيش مليح... منعرف واش ...قوتلو منحبش نفهم نحب نروح وخلاص سينو نزيد نتقيالك فوق الطونوبيل 😁😁
-بلعي يا الفقمة نتي ماتتربايش😠
-نروح وخلاص 😌
-أوكي mais منديوش بنت خالتك لجايحة تعرفيني منطيقهاش
-ختي هاذيك يا المقفول رجلي على رجلها 😠
-من وكتاه ختك 😕
-ههههه lsl تروح معانا
-خرية أوكي
-ياااع نحبك يا بقة😘
-ههههه أنا تاني نحبك ياوجه القصدير 😍
عيطت لنينا قتلها وجدي روحك صباح نجيوك وهيا تزغرت هههه كوبيت وخليتها علابالي تبات قاعدة وجدت حوايجي ورقدت 😴

يتبع......