بارت9
.......سليمان (الجد) :لغاو لجان يتعشى
احمد :مريم روحي لغاي لخوتك
مريم تحكي
طلعت نوضت علي ومشيت نوض جان كلما نقرب لشمبرته نحس بلي حاجة خايبة غادي تصرا دقيت لولا مردش زدت دقة زاوجة تاني مردش قلت بلاك راه راقد مين دخلت نتلاقا جان مغمي عليه وجه صفر ملقيتش شندير بديت نزقي ونلغا لبابا
احمد :جان جان علي عاوني نهودوه لطنوبيل ............
طبيب : ميسيو تقدر تتفضل للبيرو
احمد : واه شكاين وشبيه
طبيب :تفضل معايا للبيرو نهدرو
عند طبيب
طبيب :ولدك جاته جلطة قلبية مي خفيفة قدرنا ننقدوه نحمدو ربي خطرش جبتوه فلوقت صحيح
احمد : جلطة قلبية فهمني
طبيب : على حساب لزناليز عندة مرض القلب موقت طويل يعني مصغره مي دوك حالة تاعه تازمت يعني ظروف ليراه فيهم خلاو الحالة تاعه تتأزم في هذ السن ميقدرش يتحمل ضغوط على قلبه ديق تنفس ودوخة هذ صوالح كانو يصراوله مقلبه
احمد :مكانش حل باش يريح
طبيب :كاين حل واحد نديروله عملية زراعة قلب
احمد : نديروله في اي وقت
طبيب : لمشكل مشي هنا لازم قلب ومارهش اي ولدك راهم بزاف يعني نسبة تع وجود القلب ضعيفة بزاف غادي نعطيه دواء يكالميله لوجع و لازم كل شهر يجي نديروله دواء هنا فسبيطار وانا بنفسي نشرف على حالة تاعه دورك درناله ابرة مسكنة ولازم ميتقلقش يبعد على صوالح ليضرو يعني ميتقلقش ميزعفش ...
احمد : وينتا نقدر نخرجه
طبيب :لكمل سيروم تقدر تخرجه وربي يجيب الشفا
احمد :امين
علي :شقالك
احمد : {حكاله شقاله طبيب }
علي : راك تتمسخر
احمد :كيفاه نتمسخر منيتك راه مرض نكذب ونقول ولدي راه مريض
علي :صحا كيفاه نخبروه وكيفاه نخبرو ماما راها اي تعيط
احمد :معلباليش دورك نتا ديه لدار وانا راني ماشي نشريله دواء
علي :لماما سقساتني شنقولها
احمد :قولها منقدوش ندرڨو عليها
❄❄❄❄❄❄❄❄❄❄❄
ريان خرجت درت شوية وليت لدار تلقيت ياقوت خارجةمشومبرا وبلا متشوفني حكمتها مشعرها
ريان :بلعي فمك نسمع حسك متفراش
ياقوت :والله منعاودها كنت نحرش معاك برك
ريان: قتلك حسك منسمعهش نتي قافزة
ياقوت :شعري طلقني دورك نخبره لبابا
ريان :مزال تحل فمها
طلقتها ودخلت لشمبرتها علابالي دبدوبها نقطة ضعفها حكمه
ياقوت :حط بوبي والله وتصراله حاجة
ريان :اوبس بوبي راسه طار متخافيش انا نتكفل بلجنازة نتاعه ههه
ياقوت :مااااماااا ريان قتلي بوبي ليوم نقتلك
هههه خرجتلها لساني وخرجت باش متعاودهاش
ياقوت :😭😭😭😭😭😭
سليمة :علاش راكي تبكي
ياقوت :ولدك هذاك لحمار قتلي بوبي
سليمة :كبيرة وجايحة خيطيه وسكتي عليا على دبدوب درتيلي مندبة قاع جوارين سمعو حسك
ياقوت :دورك يشوف شندير فيه
ياقوت تحكي
يلعبها رجلة عليا صحا دوك يشوف
ياقوت :ماما كاين تفاح
سليمة :شديري بيه تفاح
ياقوت :ناكله ناس شيديرو بيه
سليمة :راني ماشية عند عمتك ونجي منطولش حلي عينك ديري كاش حاجة
ياقوت: روحي ومتخافيش
سليمة :مين يجي باباك وريان دريلهم القهوة
ياقوت كي تخاف على ولدها ريان عنده حساسية متفاح لكان ياكله كرشه توجعه ويتقيا ويخرجله لحب ههههه ليوم نعدبك نعرف كرشه كبيرة ......
❄❄❄❄❄❄❄❄❄❄❄جان يحكي
ملي خرجنا مسبيطار بابا مشا وعلي اي يسقسي لكاش حاجا راها درني توسوست مين وصلنا لدار وشت بابا فدار طلعت ديركت لشمبرتي مخصنيش هدرا زايدة
دينيز :جان ولدي رواح نهدر
احمد :خليه يريح
سليمان :ماله وجهك راه صفر جان ماله
احمد :علي يخبركم ماله ماشي نريح شوية
مريم :نطق ماله جان
علي هود راسه وحكاله شقال طبيب ل احمد
دنيز :راكم تكدبو ولدي مبيه والو والو ياك علي مبيه والو نطق 😭😭😭
علي :هذا لقاله الطبيبة
مريم :كلشي بسبتك نتا هذرت معاه هذيك لهذرا نتا سبة
علي :مشي بسبتي على هدرا زايد ناقص يمرض ديجا طبيب قال بلي عنده مصغره
مريم :سكتوني بهدرة هذي ديجا نتا مبكري ونتا تغير منه بقات على دورك فرحت دوركا فرحت
علي تنارفيت معبيتش بروحي غير مين ماما زقات عليا
سليمان :علي مهبلتش
دينيز :علييي
مريم : تضربني واه شبقا غير هذا
دينيز :سكتوني انا ربي يعلم بحالتي ونتوما تضاربو ونتا علي موينتا ونتا تضرب ختك ها قول موينتا
علي :نارفاتني
سليمان :كل واحد لشمبرته
دينيز: بعدوني منشوفش وجوهكم قدامي روحوا
مريم :ماما
دينيز:قلت روحوا
سليمان :راني خارج
🌙🌙🌙🌙🌙🌙🌙🌙🌙🌙🌙🌙
رمضان كريم انشاء الله تكونو ملاح
تفاعلو فلكرونيك راها بينتلي نمحيها لخطرش متلقيتش فيها تفاعل نتممى تتفاعلو ياك باطل
