ياقوت:قولي لخوك ميزيدش يضحك
مريم:هلاه راه يضحك مع صحابه
ياقوت:نهار ليردم هدوك لحفرات لفوجه خليه يضحك قلبي صغير لا يتحمل
مريم:بصح انا يعجبوني شفتي خويا كي شباب
ياقوت:شباب بصح سامط
مريم:كيما خوك تاني شباب بصح سامط
ياقوت:خويا رهج لكان جا بنادم مي حنين ويحبني
مريم:حتى خوتي حنان ويحبوني سيرتو توام روحي
ياقوت :كلما نهدر كلمة تقوليلي حتى سكتي وستغلي لهديك لخانزة تع اكرام راها دور بجان بزاف
مريم:مشي ستيل تاعه
ياقوت:علاه خوك عنده حتى ستيل فلبنات
مريم:جان ميخرجش وميهدرش وميقيمش وحدة حاسبة روحها ومتتمشاش بطبيعة تاعها ديما تصتصنع فضحكة تخرجها ملبنكرياس تاعها بلبسيف
خويا يحب وحدة كيما نتي محسباش روحك نتي راكي تقتلي فيهم مين يجي يهدر معاك
ياقوت:طلعتيلي لمورال شوية بزاف
مريم:خفي روحك جان يروح ويخليني هنايا
ياقوت:بلاك ريان يجي يوصلك
مريم:لكان جان يستخبر بيا يشنقني انا لهدرة مين نهدر معاه بتخبية تقوليلي يوصلك
ياقوت:مهدرش حتى علي لكبير يهدر جان
مريم:علي مكانش عايش معانا ملا ميهدرش معايا بصح جان يظل يعس معلباليش كيفاه مزال مفاقلي
ياقوت :ههههه دوك يحكمك ونجي ناكل زلافة طعام عندكم
مريم:حمارة تفولي عليا
ياقوت :مريم جري جان راه غادي يقلع
مريم:منبعد نتفاهم معاك
ياقوت:ههههه نشالله
🌸❄🌸❄🌸❄🌸❄🌸❄🌸
مليس قعدت نخمم فلهدرة تع خالتي فاطمة كيفاخ نخبره خفت مين قاتلي ميحبش ليجبد سيرا تع باباه امالا كيفاه نخبره قررت نقوله ولي يصرا يصرا
جنار:دراتي لفطور ولا جيت علا باطل
مليس:درت مالك تاكل في روحك
جنار:مكان مدخلك حطيلي خليني نروح
مليس:بغيت نخبرك بوهد الهدرة
جنار:هدري شهيالا
مليس:كمل ماكلتك ونقولك
جنار:هدري راني نسمع
مليس:ليوم خرجت
جنار:كيفاه خرجتي بلا خبري
مليس:تلاقيت بماماك برك
جنار:تتلاقاي بعزرائيل تخبريني هدري شكاين
ناضت جابت دوسي لمدتهلها فاطمة
مليس:هذا مدتهلي موك {حكاتله شقتلها فاطمة}
مليس:وين راك ماشي كمل فطورك
جنار ولا لشريكة وستكلف واحد يجيبله كامل اخبار على عمه وين راه ساكن
عمران(سكرتير جنار):سي جنار عندك اجتماع مع شركة****
جنار:مزال معرفتو شكون لي سرب معلومات شركة
عمران:المحامي لدرك مزال متلاقا والو
جنار:لغالي لباريش
عمران:اجتماع
جنار:لغالي لباريش دور نجي
باريش:هذو هوما مامل المعلومات لطلبتهم مني وبغيت نخبرك بلي خسرنا دراهم بزاف على صفقة وهسرناها رانا وصلنا لمرحلة افلاس
جنار:اوك دوك ندبر حل تقد تخرج
معنديش حل باش نتقد شركة ملافلاس غير نطالب عمي بحقي قررت نروح عنده بعد ماعرفت عنوان تاعه
❄🌸❄🌸❄🌸❄🌸❄🌸❄
مريم:جان تكلم لماما
جان:تحرشي بيا باش تضربني قولها راه راقد
مريم: ماااامااا قالك راني راقد
جان:اه ياربي عندي حمارة فدار
مريم:ومتا حلوف لازم تاكل حقك ضرب جامي شفت واحد يسمح في حقه
دينيز:جااان
جان:شاوا
دينيز:روح شريلي
جان:كاين غير انا قواي لعلي راني عيان
دينيز:قاع حياتك ونتا عيان غادي ندير غراتان نتا دبر شتاكل مبغيتش تروح تشري
جان:خلاص نروح نشري
مريم:ديني معاك
جان:بعدي عزريني
دينيز:دي ختك معاك مالك داير هكذا
جان:تقعد فدار قالك ديها معاك
مريم:ديني معاك😭😭😭
جان:دمعي تحسب شمعة مالكي دوب وحدك
دينيز:ديها معاك
جان:ماما
دينيز:جاان
جان:تمشي هذا مخصني نمشي معايا بكاية
مريم هههههه دموعي ينجحو مبغاش يديني بلملاحا ليوم نفلسه
مريم:جان شريلي كوجاك. وشكولا وشريلي شيبس
جان شرا صوالح لقاتله عليهم مه وجا خارج حتى شاف مريم بدات دمع عاود ولا وشرالها شبغات
مريم:زيد شريلي نوتيلا
جان:$&$#$ تمشي قدامي منيش نخدم دراهم نوتيلا قولي لباك يشريهاله مجبتكش ونسيتك
مريم:😢بصح عندك ختك وحدة وتوام تاعه هكذا تخليها تبكي
جان:مريم تزيدي كلمة صوالح لشريتهم نردهم
مريم:صحا صييي علاش مجبتش طنوبيل خير متمشيا علابالك اكرام راها تعشق فيك شوف هذاك قط كي شباب جان علابالك مين تضحك وجك يحفر روحه عنيك شابين علاش نتا طويل راك تلعب سبور ديني للمانيج جان حنا نتسمتو تركيين علاه سماوك جان وانا مريم علاش جيت توام تاعي كنت تجي بنت مشي خير وصلنا لدار قاع محسيش كنا تمشاو خفيف ماما جان شرالي كوجاك
جان:منهار تع اليوم مريم متبعني متمشا معايا شكليتي مبغاتش تسكت
مريم:كنت شايخة معاك
جان:ينعل ساعة لخممت فيها في كرشي لكان حسادني تكليلي راسي نبات بجوع ومنروحش نشي
دينيز:تلاقيت ليحكي معاك
جان:😲 هذي هكات معايا كلاتلي راسي راني ماشي نرقد حسك منسمعش
مريم:نتا عندك 3 صوالح جامي تخليهم رقاد ماكلة وسبور عيش حياتك شويا خرج حوس وباينا تديني معاك جان ديني لبحر
جان:😠 ماما سكتيها بلعي مفك معييتيش
مريم:😇😇😇نو
🌸❄🌸❄🌸❄🌸❄🌸❄🌸
ياقوت:مامااا راني جيعانا
ريان:حياتك ونتي جيعانا متشبعيش
عبد الرحمن:خليلي بنتي كولي على روحك
ريان:حتى انا ولدك
ياقوت:مغيار
عبد الرحمن:ههههه روحي تاكلي دورك يكملك على ليد لخرا منسلككش
ياقوت:واه تجي مع ولدك وانا مسكينة شكون يدافع عليا
ريان:😁😝
ياقوت:بابا هليك كي راه يديرلي.
ريان :بابا زعما مراكش غالط هذي عندها 18 سنة
ياقوت:كبير وجايح
سليمة:ياقوت رواحي وجدي معايا لعشا
ياقوت:صحا مديلي ناكل
سليمة :روحي قولي لخوك يروح يجيب لخبز
ياقوت:لخبز برك
سليمة:واه روحي
ياقوت:ريان قاتلك ماما جيب اخبز وڨازوز وجيب لكريم
ريان:قاع هذو تحسب راني نخدم
ياقوت:واه خف روحك دورك يبلعو راه غدي يأذن
ريان:راني ما شي
سليمة:قلتي لخوك
ياقوت:واه قتله .......
ريان:ماما منيش نخدم باش توصيني علا قاع هذو
سليمة:وصيتك على لخبز برك هذا بلك بزاف
ريان:شوالا لخبز ياقوت قاتلي ڨازوز ولكريم.
سليمة:انا قلتلها على لخبز برك
ريان:يااااقوووت
ياقوت:واه عمري خويا لعزيز
ريان:علاه تكذبي حمارة
ياقوت:اييي ودني هليك شريت ڨازوز باش نفتو ولكريم باش نبردو
ريان:قزمة
ياقوت:نحبك عمري
ريان:تحبك كلبة مكلوبة نشالله
ياقوت:😘😝
تفاعل بليز😇😍
