ياقوت:كيش نفهمها كيما نحب قريب تقولي متحكيش مع خوك وباك
جان :راكي باغية تحبسي الخدمة وزيد متخرجيش حتى نقبل
ياقوت:كيفاه راني باغية
جان:تسكتي وتروحي لخدمتك ولا نبدا نوريك عقليتي
ياقوت:خلاص راني ماشية (راحت تكمل خدمتها وجان كيف كيف)
ليلى :واش بيك مشنفا على صباح ربي مسقستي عليا لبارح لا ليوم
ياقوت:وانا علاش نسقسي عليك
ليلى:ياو جواد جا لبارح خطبني يالبهيمة نسيتي ولا
ياقوت:منيش لاهيا بيك نتي درك
ليلى:واش بيك
ياقوت:عشية غطي عليا غادي نخرج بكري
ليلى:نتي تخرحي علاه شكاين غير لخير
ياقوت:😁 ماشيا نخير خاتم تع خطبة
ليلى:معامن شكون غادي يتزوج
ياقوت :😀 انا
ليلى:😕 وليتي لاسلام
ياقوت:جاو خطبوني لبارح
ليلى:شكون هذا وكيفاه حتى قبلتي
ياقوت:مرت ريان خوها
ليلى:خوها مشي متزوج
ياقوت:هذك لكبير خوها توام
ليلى:وسمو شباب ولا نو
ياقوت:شوفي موراك شباب فيهم هو
ليلى:(بعد مشافت) تتمسخري بيا جان يجي يخطبك نتي وزيد خو مرت خوك تعرفي تكدبي
ياقوت :حمارة انا نكدب صحا مامنتيش عشية تشوفي بعينيك
ليلى:دقيقة لا كان قد مريم مالا قدك نتيا
ياقوت:كبير عليا ب 3شهور ونزيدلك كنا نقراو مع بعض فليسي وكنت خارجة معاه نقبل بردتي درك.
ليلى: ياحد قردة وعلابيها مكنتيش تحبي تهدري معاه قوليلي شدار ومشي كان فترك وسميته
ياقوت :تهدري بزاف قودي عليا نكمل خدمتي باش نروح نشري خاتم ونتي قعدي تخمي علاه لخطرش منقولكش .......
جان بعد مكنل الخدمة وقت الراحة دا ياقوت تختار خاتم
جان:السلام عليكم
.....:وعليكم السلام تفضلو مرحبا بيكم
جان: تقدر توريني خواتم تع الخطبة
جبدله وياقوت بقات تخير وحتى حاجة معجبتها خرجو لحانوت اخر ومعجبها والو
جان:مربك نتي خيري وخلينا نولو لدار مزال عندي خدمة فالليل
ياقوت:حابة حاجة منندمش عليها
جان:كيش محباش تندمي كامل هذو تندمي عليهم خيري وخلينا نروحو
ياقوت:صحا نروحو لواحد خلاف
جان:تمشاي الحانوت هذا ومنزيدش شيطتيني
ياقوت بعد مجبدلها خواتم
ياقوت:هذا شباب
جان:شيطتيني علا هذا كامل عندهم خواتم خير منه
بعد مشرالها خاتم رجعها لدار ورجع يكمل خدمته
🌛فالليل🌜
ياقوت بعد متعشات وخملت هي ومريم عيطت لجان لي كان مزاله فالخدمة
جان:توحشتيني
ياقوت:محبيتش منعاودش نعيط
جان:شقلت انا سقسيت لا توحشتيني
ياقوت: وي توحشتك بردت درك
جان: هههه حتا انا توحشت قزمتي مي رزيتيني فالخاتم بزاف
ياقوت:خصارة فيا مشي نتا حاب نتزوجو دبر راسك وزيد قتلي خيري لي تعجبك
جان :مشي خصارة فاعينيا لعمر اي حاولي عليا ومتشرطيش بزاف ومتزيديش تشيطيني فالحوانت
ياقوت:متخافش نحاول على عمري
جان:تعشيتي
ياقوت:تعشيت ونتا
جان:مزال شوية هكا ونخرج كولي غاية
ياقوت:ناكل على حسابي باش منسمانش
جان:لكان ديري ريجيم ندبحك
ياقوت:نو منديرش ريجيم متخافش
جان:سمانة جاية نجو نلبسولك الخاتم
ياقوت:علاه مقلق هكذا وانا منوجدش صوالحي وجهازي
جان:مكنتيش موجدة قبل
ياقوت:موجدة بصح
جان:مكان لابصح لاوالو شهر. ونزوجو
ياقوت:شهر واش بيك مزروب هكذا
جان:مكفاكش 6 سنين وانا نستنا نزيد كثر
ياقوت: قولي نعيشو مع طاطا دينيز
جان:نو وحدنا اليامات لوالا برك قد منجمع دراهم تع الدار وقش تاعها ونسكنو وحدنا
ياقوت:علاه تحب لخصارة دراهم تع الدار نديرو بيهم حجا اخرى وديجا راهم اي وحدهم عادي لسكنا معاهم
جان:حاب نسكن وحدي
ياقوت:انا حاب. نسكن معاهم مريم مين راها ساكنة معانا كاش مخصها حتى حنا نسكنو مع والديك
جان:انا توالفت نسكن وحدي نخب سكات مخصنيش لحس تع ولشششادهم
ياقوت:كنت ساكن وحدك
جان:وي
ياقوت:معندكش لفامي تما تقعد عندهم
جان:عندي بصح ميحبونيش
ياقوت:مالا ين كنت قاعد
جان:قبل ميرحعو الباك بابا شرالي دار زعما كادو للباك
ياقوت:ودار كبيرة
جان:نو صغيرة على حسابي وجدي هو لي تكفل بقرايتي حتى مات ربي يرحمه
ياقوت: لله يرحمه. جان عندي فكرة نتوما داركم كبيرة علاه مندوش طابق لفوق ونسكنو فيه فيه نرجعو شومبرا مشنابر كوزينة وخلاص هكدا نكونو وحدنا ومع والديك
جان:مبعد نشوف غدوة نكملو عندي خدمة
ياقوت:ربي يعاونك تهلا في روحك
جان:بونوي
بعد مرور اسبوع لي فات على ابطالنا نفس الروتين بين الخدمة ودار وبعد متفاهمو على كامل الشروط ونهار الخطبة
دينيز:جان مزال موجدت روحك خف
جان:وجدو رواحكم وانا متخميش عليا
دينيز:كامل رانا واجدين بقيت غير نتا وجد روحك
جان:اوكي نص ساعة ونكون واجد ......
*دينيز وجدت كامل صوالح لي يخصو للخطبة داو فاكية بتيسري....*
🥀🥀🥀🥀🥀🥀🥀🥀🥀
مريم:اووف هبلتيني ركحي شوية راكي غير دوري كي ذبانة
بنت عمة ياقوت:ههههه علبالك راني مقلقة كثر منك حابة نشوف لعريس
ياقوت:عينيك نقلعهملك تكحلي عليه
بنت عمة:زعما شباب كامل هكذا ولا غير تاكلي روحك فلباطل
ياقوت:نتشارطو حبيبتي
بنت عمها:وي تشارطو ولا عجبنا لعريس تمدلك حاجة ولا معجبناش نتي تمديلها
بنت عمة :نمدلك 2000 الف
ياقوت: اوكي لعجبكم كيما راكم تمديلي ومكانش انسحاب وانا ومريم منشاركوش ولا معجبكمش انا نمدلك 2000 الف
بنت عمها 2:نتي باينة متشاركيش بصح مريم علاش
ياقوت:لخطرش خوها
بنت عمة:خوك
مريم:وي 😅
عمة ياقوت:هاهوما وصلو
*بنات كامل خرجو ريسانهم يقارعو فيهم يدخلو باش يشوفو جان *
بنت عمة:شكون فيهم راهم زوج
مريم:لي لابس كوستيم
بنت خالتها :قليع قلبي بقلاوة معسلة
ياقوت:عينيكم نخرجهم فوتو منا فوتو
بنت عمة:ياقوت غدوة نجيبلك 2000 الف 😢 محسادنيش شباب رزيت روحي في 2000 الف تالية عندي
مريم:تقسميها معايا
ياقوت:ياكي علاه راجلك شراه يدير
مريم:نروح نشكمها لجان بلي تشارطتي عليه ونشوفو شايدير
ياقوت :بياعة مالا شكامة تع خوك
بنت خالتها: صبرو صبرو انا مسمعتش مليح ولا نتي قلتي جان دورك
بنت عمها:متقوليش وسمو جان
ياقوت:😁 بقلاوتي تركية شح مح فيكم موتو غيارات
بنت عمة:راكم منيتكم
خالتها:هيا لبنات خرجو جمعو مع ضياف باغيين تبقو هنا ياقوت نتي بقاي هنا حتى نعيطولك
ياقوت:شكون لي جا قاع
خالتها:ماماك و مرت خوك وعمتك
مريم:عمتي وينتا جات مشفتهاش 😱 ياقوت مشات فيك ياجدك سكانار عدلي روحك وضحكي وعرفي كي تجمعي متتحركيش
خالتها:واش بيك نتي علاه مسكينة تخوفي فيها ياقوت مديريش عليها عمتها ناس ملاح
*خرجو كامل وبقات ياقوت ترجف وخايفة من عمة جان شوية وجات مريم تقولها تدي ليهم القهوة دخلت وهي رافدة صنية سلمت على دينيز وعمة جان و سلمى سرباتلهم القهوة وجمعت قدام دينيز *
عمته: متزعفيش مني بصح جان لله يبارك طويل ونتي راني نشوف فيك قصيرة بزاف. وصغيرة
دينيز:خديجة طول نخليوه لرجال
عمة ياقوت:شوفي على شطارة مشي على طوليا
عمته:ايه نشوفو وشعال في عمرك
مريم غمزت لياقوت لي وجها حمار ملحشمة
مريم:عمتي جان كبير عليها ب3 شهور برك اي تبان صغيرة وزيد تخدم فرملية
عمته:مليح تتوالمو عائلة طبية متحتاجوش طبيب
ياقوت:😊
عمتة:ايا مزال طبيب ميجي يلبس للفرملية تاعنا خاتم
دينيز وهي توشوش لياقوت: متخافيش هيا رضات عليك
*جان دخل يلبس خاتم مريم جابت صنية لي فيها الخواتم لبسلها الخاتم وقصو لباتيسري وبقاو يتصورو بعد القصرة طويلة كل واحد رجع لداره جان بعد ماوصل لدار دوش ورقد اما ياقوت فدوشت وجمعت تقصر مع لبنات *
سمحولي على تاخير وزيد منقدرش نحط يامات هذو منيش فدار ولقدرت نكتب نحطلكم
نتمنى تفاعل للبارت تفاعل راه ميت
