مريم:نوضي غسلي وجهك ورواحي نتعشو وفهمي موك وباك بلعقل متتفاعليش بزاف
ياقوت:راني خايفة ريان كاش ميدير
مريم:متخافيش ميجيش درك وديجا انا نهدر معاه متتقلقيش
ناضت غسلت وجها وجمعت تاكل
سليمة:ريحتي كليتي جنونك فهمينا درك
ياقوت:شبغيتني نفهمك مزال مفهمتي بلي متزوج
عبدالرحمن:ياقوت هدري بلعقل وبشوية هو مكانش مخبرك
ياقوت:مكانش مخبرني وحتى لخبرني منقبلش
سليمة:علاش متقبليش مشي حرام
ياقوت:هههههه تقبلي بابا يجيبلك وحدة اخرى لدار نو مالا حتى وحدة متقبلها على روحها ومدام انا منقبلهاش على روحي منقبلها حتى على وحدة
سليمة:بصح
عبدالرحمن:خلاص خليها دير شماتبغي هي اصلا مكانتش حابة هذ الزواج خليها
ياقوت:تصبحو بخير
سليمة:متاكليش
ياقوت:شبعت
⛅ صباح جديد ⛅
ياقوت:بففف راني نبان كي مومياء
دارت شوية مكياج خفات بيه اثار تع البكاء ولبست وخرجت لخدمتها نولو لجان لي مولاش بكري لدار مفاقش حتى لفطور ناض غسل وبدل ونزل يفطر باش يروح لخدمته
سلمى:جان سمعت بلي خطبت
جان:خطبتك نتي ومعلاباليش قيلي $@#_
سلمى:واش بيك راني نتمسخر برك علاش راك تاكل في جنونك
جان:قيلي @#$@ متمسخريش @$&@
علي:عرف شراك تخرج مل خنز تع فمك
جان:قيل #$#@ نتا تاني @$_## مخصنيش $_$##__
علي:واش بي عزرينك درك نهرسلك فمك قادر لي كبير عليك شوية
جان:#$_#
دينيز:جان وين ماشي مزال مفطرت
جان:منفطرش
خرج ديركسيون لسبيطار ودجاج لكحل داير بيه ملغش
علي:شهدرك معاه
سلمى:شقلت انا وشبيكم نتمسخر مكليتهش
دينيز:شكاين فهموني
علي:ولا طبيب حسب روحه كبر يحتارم لي كبير عليه
دينيز:شكاين
سلمى:خلاص ماما جمعي تاكلي هدرت معاه كلا روحه بلا والو
🥀🥀🥀🥀🥀🥀🥀🥀🥀🥀🥀🥀
جواد:ياقوت طلعي فوق راهم مسحقينك
ياقوت:مسحقيني انا ولا نتا راك مسحقها
جواد:متكتريش الهدرة وقودي عليا
ياقوت:راني ماشيا (غمزت ليلى وخرجت)
بعد مخرجت وجات طالعة فل لسنسار تلاقات بجان داخل دارت و بقات تعصر وين ماجات باش تخرج حتى بلوكا ومحبش ينفتح
ياقوت:اوووف هذا مخصني دورك
جان:مناكلش باش كنتي ديري كي لي شافو غول قدامه
ياقوت:😒😒 متهدرش معايا (وبقات تسيي تحله مي محبش ينحل)
جان:متفهمينيش شصرا لبارح
ياقوت :معندي منفهمك
جان:معليه انا نفهمك
ياقوت:متفهمني منفهمك عطيني سكوتك برك
جان: كنت حاب نقعد نكمل قرايتي هنا ومور تخرج نخدم مع بابا حتى لقيت روحي فتركيا وفسبيطار داير عملية على قلبي
ياقوت قعدت مسمرة في بلاصتها وهي تسمع شكان يقول
جان: كنت مريض بالقلب هذك نهار صراتلي جلطة ميقدرو يديرو والو هنا فدزاير داوني لترك مريم مكانش علابالها محبيناش نفسدولها فرحتها حتى ريحت شوية بعد عملية وخبرناها وانا وصيتها متخبركش
ياقوت:🙁😢
جان:محبيتش نولي نعلقك بيا ممبعد نموت ونخليك قعدت مرمد فسبيطارات بعد عملية وبعد مريحت قررت نكمل قرايتي ونحقق حلم تاعنا لي كنا حبين نحقوه مع بعض عاودت الباك لخطرش نقطة تاعي معندها مديرلي عاودته قريت وحققت الحلم لي كنا نبنو فيه منسيتكش وجامي ننساك عشت بأمل نعاود نشوفك كنت كلما نحب نولي يصرا بروبلام ومنقدرش نولي حتى فقدت امل نهار لي جيت خفت نشوفك ونتي بولادك ومع واحد غيري ومدام هذ شي مصراش فنتي تاعي وحدي غير الموت لي تفرقني عليك
ياقوت:شكون قالك انا تاعك مشي تاعك انا
جان:😨 عندي ساعة وانا نهدر ونتمسكن باش تسمحيلي
ياقوت:سمعلي انا منحبكش ونقولك لكان تبقى نتا فهذ الدنيا منديكش
جان:🙂اوكي وانا نقولك اي نتي لي نديك وانتي لي تدخلي داري كيما دخلتي لقلبي ومحبيتيش تخرجي
ياقوت:كنت حاب تنساني وتقولي درك مننساكش
جان:هههههههه امممم انا عايش باش نعاود نشوفك ونتي تقولي تنساني حتى ولا حبيت هذا(اشار على قلبه) جامي ينساك
ياقوت:انا نسيتك فهمها هذي ودخلها لعقلك
