Love at its Toughest (Love Series #2)

Chapter 16: A Tough Test

Chapter 16: A Tough Test

"For you know that the testing of your faith produces steadfastness." -James 1:3

❤❤❤

"HINDI naman na kasalanan pa ng asawa mo kung ang dating girlfriend niya, eh, dating girlfriend din ng kapatid mo noon. Kahit naman sino walang kasalanan dahil wala naman kayong alam na magkaka-konektado kayo."

"I know that, of course," mahinang sabi ni Eunice kay Alfred. "Nagulat lang talaga ako. Sobrang dami ng nangyayari nitong mga nakaraan na lagi na lang akong ginugulat. And it's not really helping me." Eunice drank her hot tea.

Kaninang lunchtime nang magkagulatan sila ay mabilis na umalis si Frances nang hindi nila alam kung bakit. Si Terrence ay takang-taka na nandito sa bansa ang ex-girlfriend nito. She also saw a hint of anger in his eyes.

Halata namang nagulat talaga silang tatlo sa magkakakilala o magkakakonektado sila. When Frances left, mabilis na nagpaliwanag si Terrence sa kanya na hindi daw nito alam kung bakit nandito ngayon ang babae sa bansa. Nagpaliwanag ito kahit hindi niya hinihingi, but it somehow calmed her nerves.

At kahit halata ring wala na silang gana pareho ni Terrence na kumain ay kumain na lang rin sila. Parehas silang tahimik. Pareho silang nag-iisip, nagtataka.

"I'll take you home," sabi ni Terrence pagkatapos nilang kumain nang tahimik at walang imikan.

Umiling siya. "May gagawin pa 'ko. Makikipagkita pa 'ko kay Alfred mamayang hapon."

He looked surprise, again. "Nandito siya?"

"For work. Ngayong araw lang."

"Sasama ka sa kanya?" Kitang-kita ang pagtutol sa mga mata nito. "P-pero-"

"You know that he's my friend. Naging kaibigan ko na siya. Kaya walang masama kung lalabas kami mamaya. Afterall, I need company right now." Tumalikod na siya ngunit nahagip nito ang kamay niya.

"Eunice... We can't be like this forever. Iniiwasan mo 'ko. Kung hindi si Geoff ang lagi mong kausap, si Alfred naman. Tayo ang mag-asawa, dapat tayo ang nag-uusap. Tayo ang nagpapaliwanagan. Hinayaan na kita ng ilang araw. Naiintindihan kong ayaw mo pang marinig ang mga paliwanag ko. Hindi pa bukas ang isip mo na patawarin ako. Nagkamali ako, but please, hear me out," pakiusap nito. His eyes were begging, too.

Binawi niya ang kamay mula rito. "Sorry, Terrence, you loved a hard-headed girl."

"And I still love that hard-headed girl kahit lagi niya 'kong pinagseselos sa mga kaibigan niyang lalaki."

"Hindi kita pinagseselos! Nandyan lang talaga sina Geoff at Alfred para damayan ako."

"At alam mong mabilis nga akong magselos kapag sa'yo. At ngayon, parati mo pang ipiningangalandakan sa'kin na mas kailangan mo sila kaysa sa'kin. Kahit pa kaibigan mo sila, masakit sa'kin na mas alam nila kung anong nararamdaman mo at tumatakbo sa isip mo. Habang sa bahay, magkatabi nga tayong natutulog pero ang layo-layo mo naman," lumungkot ang tinig nito at mas humina ang boses. "Your coldness is killing me, baby," nahihirapang sabi nito.

Napayuko siya. "You know where I'm coming from, Terrence. And when I met you, I always looked up to you. I trusted you more than myself. Intindihin mo rin sana ako. Hirap pa 'kong i-live up ang mga natutunan ko noon about love and about faith. Hindi pa 'ko ganoon katatag." Then, she walked away from him...

Napabuntong-hininga si Eunice. "Alfred, alam mo bang naisip kong lumayo?"

Sumandal ito sa kinauupuan. "Lumayo? Gaano kalayo?"