ရှင်ဘုရင်ငယ်နှင့် နဂါးကြီး (Myanmar Translation)

အခန်း(၆) လက်တွေ့ဖြစ်လာတဲ့ အိပ်မက်တခု

အနှစ်ချုပ်: ဖရူဝီက တကယ်ကို ကြီးကျယ်မြင့်မြတ်တဲ့နဂါးကြီးတကောင်လို့ ကျွန်တော်ထင်တယ်။

🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱

အရှင်ကယ်လာရဲ့တိုင်းပြည်ကို သိမ်းပိုက်ပြီးသည်နှင့်တပြိုင်နက် ကျွန်တော်တို့ဟာ ဖီနန့်တိုက်ရဲ့ အရှေ့မြောက်ပိုင်းတခွင်မှာ အင်အားအကြီးဆုံးဖြစ်လာခဲ့ပါတယ်။ တခြားသောတိုင်းပြည်အကြီးကြီးတွေဟာတော့ ကျွန်တော်တို့ကို ကျားတကောင်မှ သားရဲကိုကြည့်သောမျက်လုံးမျိုးဖြင့် စောင့်ကြည့်လျှက်။ အလယ်အလတ်နဲ့ သေးငယ်တဲ့တိုင်းပြည်လေးတွေကတော့ ကျွန်တော်တို့ကို သစ္စာခံဖို့ရန် လာရောက်နေကြပါပြီ။

အောင်မြင်ခြင်းစစ်တေးသံကို တလျှောက်လုံးဆိုလာခဲ့ကြပြီး ကျွန်တော်တို့တွေ အထိအခိုက်အနာအကျင်နည်းသည်မှာလည်း ဖရူဝီကူညီမှုကြောင့်သာ ဖြစ်လေသည်။ တပ်သားတွေနဲ့ အရာရှိတွေဟာ ကိုယ့်ကိုယ်ကို စိတ်ကြီးဝင်နေကြကာ ယခုလို အောင်မြင်လာမှုကို ဖုံးမနိုင်ဖိမရ မိမိကိုယ်ကို ကျေနပ်အားရမှုများ အထင်းသားနှင့်။ အန်ဒီနဲ့ ကျွန်တော်တို့ ဒီအချင်းအရာတွေကို မြင်နေသော်လည်း စိုးရိမ်နေရုံမှအပ ဘာမှမတတ်နိုင်ပါ။

နောက်တကြိမ် ကျွန်တော်တို့ စစ်ပွဲနိုင်သောအခါမှာတော့ ကျွန်တော်တို့ရဲ့ နယ်နိမိတ်ကြီးဟာ အနောက်ဘက်ကိုတောင် ရောက်လုနီးနေပါပြီ။

ဒီတခါမှာတော့ ဖရူဝီဟာ တိုက်ပွဲပြီးလျှင် သူ့ကိုပေးတဲ့ရတနာပုံကြီးဆီကို ပျံသွားပြီး အိပ်စက်ခြင်းမပြုတော့ပါဘူး။ သူဟာ သူ့အတွက်ပေးတဲ့ ဝေစုကိုတောင် ငြင်းဆိုလာပြီး ပြောပါတယ်။

"ငါတော်တော်လေး သက်သာနေပါပြီ၊ မင်း ငါ့ကို ဒီလောက်အများကြီးပေးဖို့မလိုတော့ပါဘူး၊ မင်းရဲ့ မြားပစ်မျှော်စင်နဲ့ မီးကျည်လောက်လွှဲတွေကိုသာ သေချာပြန်ပြင်ပါ၊ မင်းရဲ့ ခုခံတဲ့ခံတပ်ကိုလည်း ပြန်ကြည့်ဦး၊ အမှိုက်ထက်သာတာများ မင်းတွေ့သလား"

သူ့ကြည့်ရတာ အေးစက်နေပြီး သဘောမကျနေသည့်ပုံနှင့်ပါ။ နဂါးတွေမှာ မျက်နှာအမူအယာဟာ လူသားတွေလို အသေးစိတ် သိသိသာသာ မပြပါ။ သို့ပေမယ့်လည်း ဖရူဝီဟာ တကယ်ကို တိုင်းပြည်အတွက် စိုးရိမ်နေခြင်းပင်။ ကျွန်တော်လည်း ဖရဏာပီတိ ဂွမ်းဆီထိကာ ဘာပြန်ပြောရမယ်မှန်းကို မသိတော့ပါ။့ သူ့ကို မျက်လုံးလေးပင့်ပြီး မျက်ရည်လေးဝဲကာ မော့ကြည့်ပြီး