Unspoken Reality.

NABUBULOK AT DI-NABUBULOK

NABUBULOK AT DI-NABUBULOK
|Kuya Jaz|

Maupo ka muna saglit,
Uminom ng tubig at pumikit.
Basahin nang maigi sapagkat
Itong paksa ay nangangagat.

Nabubulok na pagkatao dinaig pa ang
Nabubulok na pagkatao ng kung sino.
Wala nang tunay isang halimbawa ay ako,
Pekeng kaibigan, pekeng pagkakakilanlan.

Dinaig na ang kahit sino ako'y nanloko,
Ang tunay ngayon ay naging peke.
Pekeng pakasino ng bawat indibiduwal.
Walang matapang na nagsabi ng totoo.

Kaibigan ko,
Nabubulok o di-nabubulok?
Ang aking mata sa iyo nakautok,
Hayan na, nagpataasan na ng ihi.

Di-nabubulok mayroon na ring nabubulok,
Kasi nga wala ng disiplina. Tama, diba?
Tamang pagtapon sana magawa ko rin
Sa mga pekeng kaibigan ngayon.

Lakas ng loob tawagin ang aking pangalan
Para lang hingin ang bawat sagot sa mga numero,
Ako namang si loko, maling sagot ang sinabi.
Tama ba ang nangyari, magplastikan?

Kaya polusyon sa bansa ay umaangat
Dahil sa sarili nating katamaran.
Heto ang bote, plastik, at papel.
Sila iyong literal na kaibigan.

Mapapel sa lipunan akala mo ay tama.
Ang plastik ng ugali parang hindi pader.
Ito pang isang bote na hindi ko malaman
Kung plastik o babasagin.

Babasagin ang bawat mali,
Aayusin gamit ang tama.
Disiplina lang naman ang kailangan.
Marunong magbasa hindi ba?

Oh bakit, ang bote ay nasa plastik?
Ikaw na mapapel bakit plastik?
Ang plastik bakit pumapapel?
Akin na nga at iaayos ko sa tama.

Basurang Kaibigan.