بين الفقر والطغيان

5

ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
🦋🌹 ﺍﻟﺒﺎﺭﺕ 5 🌹🦋
🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋
🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋
ﻗﺮﺭﺕ ﻻﺯﻡ ﺍﻟﺘﺠﺄ ﻻﻫﻠﻪ ﻭﺍﺣﺎﻭﻝ ﺍﺣﺠﻲ ﻭﻱ ﺍﺣﺪ ﺍﺧﻮﺗﻪ
ﻻﺯﻡ ﻳﺴﺎﻋﺪﻭﻧﻲ ﻻﺟﻞ ﺍﻟﻄﻔﻞ ﺍﻟﻲ ﺍﺑﻄﻨﻲ
ﺍﺩﺭﻱ ﻫﺎﻱ ﺍﻟﺨﻄﻮﻩ ﺭﺍﺡ ﺗﻜﻮﻥ ﺍﺻﻌﺐ ﺷﻲ ﺑﺤﻴﺎﺗﻲ
ﺑﺲ ﻻﺯﻡ ﺍﺟﺎﺯﻑ
ﻗﺮﺭﺕ ﺍﺧﺎﺑﺮ ﻉ ﻧﻔﺲ ﺭﻗﻢ ﻣﺮﻭﺍﻥ ﻭﺍﻱ ﺍﺣﺪ ﻳﻄﻠﻌﻠﻲ ﺍﺣﺠﻲ ﻭﻳﺎ
ﺍﻧﺘﻈﺮﺕ ﻟﻠﻴﻞ ﻭﺩﻛﻴﺖ
ﻻﺯﻡ ﺍﺿﺤﻲ ﺑﻌﺪ ﺑﺲ ﻫﺎﻟﻤﺮﻩ ﻟﺨﺎﻃﺮ ﺍﺑﻨﻲ ﺍﻟﻲ ﺍﺑﻄﻨﻲ
ﺍﻭﻝ ﺗﻀﺤﻴﻪ ﻟﺨﺎﻃﺮ ﺍﺧﻮﻳﻪ ﻭﺩﻓﻌﺖ ﺍﻟﺜﻤﻦ ﻏﺎﻟﻲ
ﻭﻫﺴﻪ ﺍﻟﺘﻀﺤﻴﻪ ﻟﺨﺎﻃﺮ ﺍﺑﻨﻲ ﻭﺍﻛﻴﺪ ﺭﺍﺡ ﺍﺩﻓﻊ ﺍﻟﺜﻤﻦ ﺍﻏﻠﻰ
ﺍﻧﻲ ﻣﺘﺎﻛﺪﻩ ﺑﺲ ﻣﻮ ﻣﻬﻢ
ﺣﻴﺪﺭ : ﺍﻟﺒﻴﺖ ﺍﺟﻮﺍﺋﻪ ﻣﺘﻨﻄﺎﻕ ﺍﺑﺪ
ﺍﻟﻜﻮﻝ ﺣﺰﻧﺎﻥ ﻭﻧﺸﻌﺮ ﺑﺬﻧﺐ ﺟﺒﻴﺮ ﻻﻥ ﻟﺤﻴﻨﻪ ﻋﻠﻲ ﻭﺧﻠﻴﻨﺎ ﻳﺠﻲ
ﺯﻭﺟﺘﻪ ﺭﺍﺣﺖ ﻻﻫﻠﻬﺎ ﻻﻥ ﻣﻴﺼﻴﺮ ﺗﺒﻘﻪ ﻭﻳﺎﻧﻪ
ﻻﺯﻡ ﺗﻠﺰﻡ ﻋﺪﻩ ﻣﺜﻞ ﻣﻜﺎﻟﺖ ﺍﻣﻲ
ﺍﺑﻮﻳﻪ ﺍﻟﺼﻐﻂ ﻋﻠﻚ ﻭﻳﺎ ﻭﺍﺧﺬﻧﺎ ﻟﻠﺪﻛﺘﻮﺭ
ﺍﻣﺎ ﻧﺒﻊ ﺍﻟﺤﻨﺎﻥ ﻫﺎﻱ ﻗﺼﻪ ﺑﻮﺣﺪﻫﺎ
ﻣﻮﺗﺘﻨﻪ ﻣﻮﺕ
ﺗﺒﺠﻲ ﻟﻴﻞ ﻧﻬﺎﺭ ﺍﺑﺪ ﻣﺘﺴﻜﺖ
ﻧﺴﻴﺖ ﻣﺴﺎﻟﺖ ﻭﺻﻴﺔ ﻣﺮﻭﺍﻥ ﺍﻟﻠﻪ ﻳﺮﺣﻤﻪ ﺍﺑﻨﻲ ﺍﻣﺎﻧﻪ
ﻛﻠﺖ ﻳﺠﻮﺯ ﻣﺎﻳﺪﺭﻱ ﺑﻨﻔﺴﻪ
ﻗﺮﺭﻧﻪ ﺍﻟﺸﺮﻛﻪ ﻧﻐﻠﻘﻬﺎ
ﻻﻥ ﻣﺤﺪ ﻣﻦ ﻋﺪﻧﻪ ﻳﻜﺪﺭ ﻳﺪﻳﺮﻫﺎ
ﻻﺯﻡ ﻧﺒﻴﻌﻬﺎ ﻭﻧﺼﻔﻴﻬﺎ
ﺑﻌﺪ ﻣﺮﻭﺭ 10 ﺍﻳﺎﻡ ﺍﻭ ﺍﻛﺜﺮ
ﺟﻨﺖ ﺍﺑﻴﺘﻲ ﻧﺎﻳﻢ ﺑﻮﺣﺪﻱ
ﻭﺟﻬﺎﺯﻩ ﻟﻤﺮﻭﺍﻥ ﺑﻴﺪﻱ
ﺍﻛﻠﺐ ﺑﻲ
ﺑﻲ ﻫﻮﺍﻱ ﺍﺭﻗﺎﻡ ﻟﺒﻨﺎﺕ
ﻛﻠﺒﺖ ﺑﺼﻔﺤﺘﻪ ﻭﺑﺎﻟﻤﺎﺳﻨﺠﺮ
ﺟﻬﺎﺯﻩ ﺑﻲ ﺑﺮﻧﺎﻣﺞ ﺍﻟﺤﺴﺎﺑﻴﻦ ﺍﻭﻧﻼﻳﻦ
ﻓﺘﺤﺖ ﺍﻟﺤﺴﺎﺏ ﺍﻟﺜﺎﻧﻲ ﻣﺴﻮﻱ ﺣﺴﺎﺏ ﺑﻨﻴﻪ
ﺑﺲ ﻣﻤﺮﺍﺳﻞ ﺑﻲ ﻭﻻﺩﺍﺧﻞ ﻛﺮﻭﺑﺎﺕ
ﺍﻟﻮﺍﺿﺢ ﻋﻠﻲ ﻣﺴﻮﻱ ﺣﺴﺎﺏ ﺑﻨﻴﻪ ﺑﺲ ﻉ ﻣﻮﺩ ﺷﺨﺺ ﻣﻌﻴﻦ
ﺛﺎﺭ ﺍﻧﺘﺒﺎﻫﻲ ﺍﻛﻮ ﺑﺲ ﺑﻨﻴﻪ ﻣﻘﻔﻮﻟﻪ ﺍﻟﻤﺤﺎﺩﺛﻪ ﻣﺎﻟﺘﻬﻢ
ﻳﻌﻨﻲ ﻣﺘﻨﻔﺘﺢ ﺍﻟﻪ ﺑﺮﻣﺰ
ﺟﺮﺑﺖ ﻫﻮﺍﻱ ﺍﺭﻗﺎﻡ ﺑﺲ ﻓﺸﻠﺖ
ﺍﺣﺲ ﺍﻛﻮ ﻏﻤﻮﺽ ﺑﻤﺮﻭﺍﻥ ﻫﻮﺍﻱ
ﺑﺲ ﻣﻌﺮﻓﺖ ﺷﻲ ﻋﻨﻪ
ﺻﺎﺭﺕ ﺍﻟﺴﺎﻋﻪ ﺏ 12 ﺭﺩﺕ ﺍﻧﺎﻡ ﻻﻥ ﻋﻨﺪﻱ ﺩﻭﺍﻡ
بيج قصص عراقيه حقيقيه من واقعنا.روعه الطائي
ﺩﻙ ﺍﻟﺠﻬﺎﺯ ﻭﺟﺎﻥ ﺍﻟﺮﻗﻢ ﻧﻔﺲ ﺍﻟﺒﻨﻴﻪ ﺍﻟﻲ ﻛﺎﺗﺐ ﻋﻠﻴﻬﺎ ﺳﻴﻮﻓﻲ
ﻣﺎﺍﺩﺭﻱ ﻟﻴﺶ ﺍﺣﺴﺎﺳﻲ ﻳﻜﻮﻟﻲ ﻫﺎﻱ ﺍﻟﺒﻨﻴﻪ ﻣﻮ ﺧﺎﻟﻴﻪ
ﻻﺯﻡ ﺍﻛﻮ ﺳﺮ ﺑﻴﻨﻬﺎ ﻭﺑﻴﻦ ﻣﺮﻭﺍﻥ
ﻻﻥ ﻣﺴﺘﺤﻴﻞ ﻣﻮﺿﻔﻪ ﻭﺗﺬﺑﺢ ﻧﻔﺴﻬﺎ ﻫﻴﺞ
ﺭﻓﻌﺖ ﺧﻂ ﻛﻠﺖ ﺍﻟﻮﻭﻭﻭ ......
ﻣﺎﻛﻮ ﺻﻮﺕ !!!!!!!!!!
ﺻﺤﺖ ﺍﻟﻮﻭﻭﻭﻭﻭﻭ ﻣﺮﻩ ﻟﺦ .........
ﻫﻢ ﻣﺎﻛﻮ ﺻﻮﺕ !!!!!!!!!
ﺍﺫﺍ ﻣﻨﺎﻭﻳﻪ ﺗﺤﺠﻴﻦ ﻟﻮﻳﻦ ﺗﺘﺼﻠﻴﻦ ﺑﻴﻪ
ﺗﺮﻩ ﻣﺎﻟﻲ ﺧﻠﻚ ﺳﻮﺍﻟﻔﺞ ﺍﻟﺘﻌﺒﺎﻧﻪ
ﻃﺒﻜﺘﻪ ﻭﺭﻩ ﺷﻮﻳﻪ ﺩﻛﺖ ﻣﺮﻩ ﻟﺦ
ﺭﻓﻌﺖ ﺧﻂ ﺍﻟﻮﻭﻭﻭﻭﻭ ......
ﻫﻢ ﻣﺎﻛﻮ ﺻﻮﺕ
ﺍﻟﻠﻬﻢ ﺻﺒﺮﺝ ﻳﺎﺭﻭﺡ
ﻟﻮ ﺗﺤﺠﻴﻦ ﻟﻮ ﺑﻌﺪ ﻟﺘﺘﺼﻠﻴﻦ ﺑﻴﻪ
ﻛﻠﺖ ﺍﻛﻴﺪ ﺗﺮﻳﺪ ﺗﻨﺴﻖ ﻭﻳﺎﻳﻪ
ﺑﺲ ﺍﻧﻲ ﻣﺎﻟﻲ ﺧﻠﻚ ﺍﺑﺪ
ﺭﺩﺕ ﺍﻃﺒﻜﻪ ﻭﺟﺎﻥ ﻳﺠﻴﻨﻲ ﻧﻔﺲ ﺍﻟﺼﻮﺕ ﺍﻟﻨﺎﻋﻢ
ﻛﺎﻟﺖ ﺍﻟﻮﻭﻭﻭﻭ
ﺻﻠﻮﺍﺕ ﻣﻦ ﺣﺠﻴﺘﻲ ﻋﺒﺎﻟﻲ ﺧﺮﺳﻪ
ﺍﻧﻲ ﺍﺳﻔﻪ ﺍﺗﺼﻠﺖ ﺑﻴﻚ ﺑﻬﻴﺞ ﻭﻗﺖ
ﻻ ﻋﺎﺩﻱ ﺑﻌﺪﻧﻲ ﻣﻨﺎﻳﻢ
ﺍﺗﻔﻀﻠﻲ ﺍﻛﻮ ﺷﻲ
ﻋﻨﺪﻱ ﻣﻮﺿﻮﻉ ﻭﻳﺎﻙ ﻳﺨﺼﻨﻲ ﻭﻳﺨﺺ ﻣﺮﻭﺍﻥ
ﻛﻌﺪﺕ ﻉ ﺣﻴﻠﻲ
ﺍﺣﺠﻲ ﺍﺳﻤﻌﺞ
ﺍﻧﻲ ﻗﺒﻞ ﻻﺍﺣﺠﻲ ﺍﺭﻳﺪﻙ ﺗﺴﻤﻌﻨﻲ ﻟﻼﺧﻴﺮ ﻭﻣﻄﺒﻜﻪ ﻟﻠﺨﻂ ﻣﻬﻤﺎ ﻳﺼﻴﺮ
ﺍﻱ ﺍﺣﺠﻲ ﺍﺳﻤﻌﺞ ﻭﻳﺎﺭﻳﺖ ﺗﺴﺘﻌﺠﻠﻴﻦ
ﺍﻧﻲ ﺯﻭﺟﺘﻪ ﻟﻤﺮﻭﺍﻥ
ﺷﻨﻮﻭﻭﻭﻭﻭﻭﻭﻭﻭ ﻟﺞ ﺷﻜﺎﻋﺪ ﺗﺤﺠﻴﻦ
ﺍﻛﻴﺪ ﺩﺗﺠﺬﺑﻴﻦ
ﻣﻮ ﻛﺘﻠﻚ ﺍﺳﻤﻌﻨﻲ ﻟﻼﺧﻴﺮ
ﺻﺎﺭﻧﻪ ﺷﻬﺮﻳﻦ ﻣﺘﺰﻭﺟﻴﻦ ﺑﺲ ﺑﺎﻟﺴﺮ
ﺍﻫﻠﻲ ﻣﻴﺪﺭﻭﻥ ﻭﻻ ﺍﻧﺘﻮ ﺗﺪﺭﻭﻥ
ﺷﻨﻮ ﻣﻌﻨﻰ ﻫﺬﺍ ﺍﻟﺤﺠﻲ
ﻫﺴﻪ ﺟﺎﻳﻪ ﺗﺤﺠﻴﻦ
ﺷﻨﻮ ﺍﻟﺘﺮﺩﻱ ﻣﻨﻲ
ﺍﻥ ﺷﺎﺀ ﺍﻟﻠﻪ ﺗﺮﺩﻳﻦ ﺍﺗﺰﻭﺟﺞ ﻭﺍﺳﺘﺮﺝ
ﻻ ﻣﻮ ﻫﻴﺞ ﻗﺼﺪﻱ
ﻟﻌﺪ ﺷﻨﻮ ﻗﺼﺪﺝ
ﺍﻧﻲ ﺣﺎﻣﻞ ﻫﺴﺘﻮﻧﻲ ﻣﻦ ﺍﺧﻮﻙ
ﻟﺞ ﺍﺳﻤﻌﻲ ﻫﺎﻱ ﺍﻟﺴﻮﺍﻟﻒ ﺍﻟﺘﻌﺒﺎﻧﻪ ﻣﺎﺭﺍﺕ ﻋﻠﻴﻪ ﻛﻠﻬﻦ
ﻫﺎﻱ ﻛﻠﺠﻦ ﺳﺎﻗﻄﺎﺕ ﻭﺗﻨﺎﻣﻦ ﻭﻱ ﺷﻜﻢ ﻭﺍﺣﺪ ﻭﻳﺎﻫﻮ ﺍﻟﻲ ﻳﻌﺠﺒﺠﻦ ﻭﻋﻨﺪﻩ ﻓﻠﻮﺱ ﺗﺬﺑﻦ ﺑﻼﻭﻳﺠﻦ ﺑﻲ
ﺧﻠﻲ ﺍﻃﻤﻨﺞ ﺑﺸﻐﻠﻪ ﻣﺮﻭﺍﻥ ﺍﻟﻠﻪ ﻳﺮﺣﻤﻪ ﻣﺎﻳﺼﻴﺮ ﻋﻨﺪﻩ ﺟﻬﺎﻝ
ﻭﻋﻨﺪﻱ ﺍﻻﺩﻟﻪ ﺗﺤﺎﻟﻴﻠﻪ
ﺍﺩﺭﻱ ﻫﻢ ﻛﻠﻲ
ﺑﺲ ﻫﻮ ﻛﻠﻲ ﺍﻛﻮ ﺍﺣﺘﻤﺎﻝ ﻭﺿﻌﻴﻒ
بيج قصص عراقيه حقيقيه من واقعنا.روعه الطائي
ﻭﻫﺬﺍ ﺍﻻﺣﺘﻤﺎﻝ ﺍﻟﻀﻌﻴﻒ ﺧﻼﻧﻲ ﺣﺎﻣﻞ
ﺣﻴﻞ ﻋﺼﺒﺖ ﻭﺿﺠﺖ
ﻟﺞ ﺍﻧﺖ ﺷﻨﻮ ﻫﻢ ﺳﺎﻗﻄﻪ ﻭﻫﻢ ﻭﻛﺤﻪ
ﻳﻌﻨﻲ ﺷﻠﻮﻥ ﻻﻥ ﻣﺎﺕ ﺗﺮﺩﻳﻦ ﺗﺘﺒﻠﻴﻦ ﻋﻠﻲ
ﻻﻭﺍﻟﻠﻪ ﺍﺑﺪ ﻣﺎﺍﺗﺒﻠﻪ ﻋﻠﻲ
ﻭﺍﻧﻲ ﺯﻭﺟﺘﻪ ﻉ ﺳﻨﺔ ﺍﻟﻠﻪ ﻭﺭﺳﻮﻟﻪ
ﻭﻭﺍﻋﺪﻧﻲ ﻳﻔﺎﺗﺤﻜﻢ ﺑﺎﻟﻤﻮﺿﻮﻉ ﺑﺲ ﺑﻴﻮﻣﻬﺎ ﺍﻧﺘﻮ ﺧﺎﺑﺮﺗﻮ ﻭﺍﺟﺎﻛﻢ ﻭﺻﺎﺭ ﺍﻟﺤﺎﺩﺙ
ﺯﻳﻦ ﺍﻧﺖ ﺗﺪﺭﻳﻦ ﺑﻲ ﻣﺘﺰﻭﺝ
ﺍﻱ ﺍﺩﺭﻱ
ﻟﻌﺪ ﺷﻠﻮﻥ ﻭﺍﻓﻘﺘﻲ ﺗﺘﺰﻭﺟﻴﻨﻪ ﺑﺎﻟﺴﺮ
ﻋﻨﺪﻱ ﻇﺮﻭﻓﻲ ﺍﻟﺨﺎﺻﻪ
ﺍﻛﻮ ﺩﻟﻴﻞ ﻋﻨﺪﺝ ﻳﺜﺒﺖ ﺯﻭﺍﺟﺞ ﻣﻨﻪ
ﻻ ﺍﻟﻌﻘﺪ ﻋﻨﺪﻩ ﺿﺎﻣﻪ
ﻟﺞ ﺑﺎﺑﺎ ﺷﻮﻓﻴﻠﺞ ﺯﻭﺝ ﻭﺍﺿﺤﻜﻲ ﻋﻠﻲ
ﺍﻧﻲ ﺿﺎﺑﻂ ﺗﺤﻘﻴﻖ ﻭﺍﻋﺮﻑ ﻫﺎﻱ ﺍﻟﻜﻼﻭﺍﺕ ﻛﻠﻬﻦ
ﻭﺍﻟﻨﺒﻲ ﻣﺪﺍ ﺍﻛﺬﺏ
ﺯﻳﻦ ﻫﻢ ﺭﺍﺡ ﺍﺟﻲ ﻭﻳﺎﺝ
ﺍﻛﻮ ﺩﻟﻴﻞ ﻫﺬﺍ ﺍﻟﻄﻔﻞ ﺍﻟﻲ ﺍﺑﻄﻨﺞ ﻣﻦ ﻣﺮﻭﺍﻥ
ﻫﺎﻱ ﻟﻴﺶ ﻛﺎﻋﺪ ﺗﻘﻠﻞ ﻣﻦ ﻗﻴﻤﺘﻲ
ﻫﺎﻱ ﺍﻟﻔﻘﻴﺮ ﻋﻨﺪﻛﻢ ﺭﺧﻴﺺ ﻟﻬﺎﻟﺪﺭﺟﻪ
ﻣﺎﻋﻨﺪﻱ ﺍﻱ ﺩﻟﻴﻞ
ﺑﺲ ﺍﻗﺴﻤﻠﻚ ﻗﺴﻢ ﺑﺎﻟﻘﺮﺍﻥ ﻫﺬﺍ ﺍﺑﻨﻪ ﻻﺧﻮﻙ ﺍﻟﻲ ﺍﺑﻄﻨﻲ
ﻭﺗﻜﺪﺭ ﺗﺘﺎﻛﺪ ﻣﻦ ﺍﻭﻟﺪﻩ ﺣﻠﻠﻮﺍ ﻭﺷﻮﻓﻮﺍ
ﺯﻳﻦ ﺍﻫﻠﺞ ﻳﺪﺭﻭﻥ ﺑﻴﺞ ﻟﻮ ﻻ
ﻫﻲ ﻫﺎﻱ ﺍﻟﻤﺸﻜﻠﻪ
ﻟﻮ ﺍﻫﻠﻲ ﻳﺪﺭﻭﻥ ﺟﺎﻥ ﻣﺨﺎﺑﺮﺗﻚ ﻭﺫﻟﻴﺖ ﻧﻔﺴﻲ
ﺟﺎﻥ ﻭﻟﺪﺗﻪ ﻭﺭﺑﻴﺘﻪ ﺑﻮﺣﺪﻱ
ﻟﻌﺪ ﺷﻜﺪ ﺷﺮﻳﻔﻪ ﺍﻧﺖ
ﺳﻜﺘﺖ ﻣﺤﺠﺖ ﺷﻲ
ﺯﻳﻦ ﺍﻟﻤﻄﻠﻮﺏ ﺷﻨﻮ
ﺭﺍﻳﺪﻩ ﻣﻨﻜﻢ ﺗﺴﺘﺮﻭﻥ ﻋﻠﻴﻪ
ﺷﻠﻮﻥ ﻳﻌﻨﻲ
ﺍﺭﻳﺪ ﺍﺣﺪ ﻳﺨﻄﺒﻨﻲ ﺑﺎﻟﺠﺬﺏ ﻣﻦ ﺍﻫﻠﻲ
ﻭﻉ ﺍﺳﺎﺱ ﻧﺘﺰﻭﺝ
ﺧﻠﻮﻧﻲ ﻳﻤﻜﻢ ﻉ ﻣﺎﺍﺟﻴﺐ ﻃﻔﻠﻲ
ﺍﺭﺟﻊ ﻻﻫﻠﻲ ﻭﺍﻛﻮﻝ ﺍﻃﻠﻜﺖ
ﻟﺞ ﺷﻨﻮ ﻣﻦ ﺗﻔﻜﻴﺮ ﺗﻔﻜﻴﺮﺝ
ﺍﻧﺖ ﺗﺼﻠﺤﻴﻦ ﺑﺎﻟﺒﺮﻟﻤﺎﻥ
ﻻﻥ ﻋﻠﻴﺞ ﺍﻓﻜﺎﺭ ﺟﻬﻨﻤﻴﻪ
ﺷﻨﻮ ﻳﻌﻨﻲ ﻗﺸﻤﺮﺗﻲ ﻉ ﻭﺍﺣﺪ ﻣﻜﻔﺎﺝ
ﻧﺎﻭﻳﻪ ﺗﻘﺸﻤﺮﻳﻦ ﺍﻟﺜﺎﻧﻲ
ﻟﻮ ﺗﻤﻮﺗﻴﻦ ﻣﺎﻧﻌﺘﺮﻑ ﺑﺎﺑﻨﺞ
ﻭﻻ ﻧﻌﺘﺮﻑ ﺑﻴﺞ ﻙ ﺯﻭﺟﻪ ﻻﺧﻮﻳﻪ
ﻻﻥ ﻣﺎﻛﻮ ﺍﻱ ﺩﻟﻴﻞ ﻳﺜﺒﺖ ﺍﻧﺖ ﺯﻭﺟﺘﻪ
ﻟﻮ ﺍﻟﻲ ﺍﺑﻄﻨﺞ ﺍﺑﻨﻪ
ﻋﻨﺪﺝ ﻧﺴﺨﻪ ﻣﻦ ﺍﻟﻌﻘﺪ
ﻻ ﻣﺎﻋﻨﺪﻱ
ﻟﻌﺪ ﺭﻭﺣﻲ ﺷﻮﻓﻴﻠﺞ ﺯﻭﺝ ﻭﻛﻤﺶ ﻏﻴﺮﻧﻪ ﻭﺍﺿﺤﻜﻲ ﻋﻠﻲ
ﻃﺒﻜﺘﻪ ﺑﻮﺟﻬﺎ
ﺳﺎﻗﻄﻪ ﺑﻨﺖ ﺍﻟﺴﺎﻗﻄﻴﻦ
ﻋﺒﺎﻟﻬﺎ ﺗﻌﺒﺮﻫﺎ ﻋﻠﻴﻨﻪ
ﻣﺴﺘﺤﻴﻞ ﻳﺘﺰﻭﺝ ﺑﺎﻟﺴﺮ
ﻳﻜﺪﺭ ﻳﺘﺰﻭﺝ ﻋﻠﻨﻲ ﻣﺤﺪ ﻳﻤﻨﻌﻪ ﺍﺑﺪ
ﻣﺎﻛﻮ ﺳﺒﺐ ﻭﺍﺣﺪ ﻳﺨﻠﻲ ﻳﺘﺰﻭﺝ ﺑﺎﻟﺴﺮ
ﻣﺎﺍﻋﺮﻑ ﺷﻨﻮ ﺍﻟﺴﺒﺐ ﺍﻟﻲ ﻳﺨﻠﻴﻨﻲ ﻣﺒﻘﻲ ﺟﻬﺎﺯﻩ ﺍﻟﻤﺮﻭﺍﻥ ﻣﻔﺘﻮﺡ
ﻛﻠﺖ ﺧﻠﻲ ﺍﻗﻔﻠﻪ ﻟﻠﺠﻬﺎﺯ
ﻭﺍﻛﻴﺪ ﺭﺍﺡ ﺗﻤﻞ ﻭﺗﺸﻮﻓﻠﻬﺎ ﻭﺍﺣﺪ ﻏﻴﺮﻧﻪ ﺗﻠﻌﺐ ﻋﻠﻴﻬﻢ
ﻧﻤﺖ ﻭﺛﺎﻧﻲ ﻳﻮﻡ ﺩﺍﻭﻣﺖ
ﻃﺒﻌﺎ ﻭﺻﻴﺘﻪ ﻟﻤﺮﻭﺍﻥ ﻧﺴﻴﺘﻬﺎ ﻭﻻ ﺍﺟﺖ ﺍﺑﺎﻟﻲ
ﻣﺸﺖ ﺍﻻﻳﺎﻡ ﻋﺎﺩﻱ ﻣﺼﺎﺭ ﺷﻲ
ﻭﺭﻩ 3 ﺍﻳﺎﻡ ﻛﻠﺖ ﺧﻠﻲ ﺍﻓﺘﺤﻪ ﻟﻠﺠﻬﺎﺯ
ﻣﺎﺍﻋﺮﻑ ﺷﻨﻮ ﺍﻟﺨﻼﻧﻲ ﺍﻓﺘﺤﻪ
ﻟﻜﻴﺖ ﺭﺳﺎﺋﻞ ﻣﻦ ﻧﻔﺲ ﺍﻟﺮﻗﻢ
ﻛﺎﺗﺒﻪ
ﺍﻟﻠﻪ ﻳﺨﻠﻴﻚ ﺍﺳﺘﺮ ﻋﻠﻴﻪ
ﻻ ﻳﺤﺴﻮﻥ ﺑﻴﻪ ﺍﻫﻠﻲ ﻭﻳﻜﺘﻠﻮﻧﻲ ﻭﺍﻧﺖ ﺭﺍﺡ ﺗﺘﺤﻤﻞ ﺧﻄﻴﺘﻨﻪ
ﻻﻥ ﻭﺍﻟﻘﺮﺍﻥ ﻭﺩﺍﻋﺖ ﺍﻟﻲ ﺍﺑﻄﻨﻲ ﺍﻧﻲ ﺯﻭﺟﺘﻪ ﻟﻤﺮﻭﺍﻥ ﻉ ﺳﻨﺔ ﺍﻟﻠﻪ ﻭﺭﺳﻮﻟﻪ
ﻭﻫﺬﺍ ﺍﺑﻨﻪ ﻭﻣﻦ ﻋﺮﻑ ﺑﻴﻪ ﺣﺎﻣﻞ ﺭﺍﺩ ﻳﻔﺎﺗﺤﻜﻢ ﺑﺎﻟﻤﻮﺿﻮﻉ ﺑﺲ ﺷﺎﺀ ﺍﻟﻘﺪﺭ ﻭﺍﺗﻮﻓﻪ ﺑﺎﻟﻄﺮﻳﻖ
ﺍﻟﻠﻪ ﻳﺨﻠﻴﻜﻢ ﺷﻮﻓﻮﻟﻲ ﺣﻞ
ﻣﻮ ﻟﺨﺎﻃﺮﻱ ﺍﻧﻲ ﻟﺨﺎﻃﺮ ﺍﺑﻨﻜﻢ
ﻣﺎﺍﻛﺪﺭ ﺍﺿﺤﻲ ﺑﻲ ﻭﺍﺳﻘﻄﻪ ﻟﻠﻄﻔﻞ
ﺣﺮﺍﻡ ﻋﻠﻴﻪ ﻭﻭﺻﺎﻧﻲ ﻫﻮﺍﻱ ﺑﻲ
ﺣﺘﻰ ﺍﻻﺳﻢ ﻫﻮ ﺳﻤﺎﻩ ﻗﺒﻞ ﻟﻴﻤﻮﺕ
ﺍﺣﺴﺒﻮﻧﻲ ﺧﺪﺍﻣﻪ ﻟﻤﻦ ﺍﺟﻴﺐ
ﻭﻣﻮ ﺍﻟﻪ ﻟﻤﻦ ﺍﺟﻴﺐ
ﻓﺪ ﺷﻬﺮﻳﻦ ﻟﻮ 3 ﺍﺷﻬﺮ
ﻭﺍﺭﺟﻊ ﻻﻫﻠﻲ ﻭﺍﻛﻮﻝ ﺯﻋﻼﻧﻪ
ﻓﺪﻭﻩ ﻟﺨﺎﻃﺮ ﻫﺬﺍ ﺍﻟﻄﻔﻞ
ﻭﺍﻟﻠﻪ ﺍﻻﻳﺎﻡ ﻛﺎﻋﺪ ﺗﻔﻮﺕ ﻭﺍﺧﺎﻑ ﺍﻫﻠﻲ ﻳﺤﺴﻮﻥ ﺑﺎﻟﺤﻤﻞ
ﺩﺧﺖ ﺑﻴﻬﺎ ﻫﺎﻱ ﺍﻟﺴﺎﻟﻔﻪ
ﺣﺘﻰ ﺍﺫﺍ ﺻﺪﻙ ﺯﻭﺟﺘﻪ ﻣﻨﻮ ﻳﻜﻮﻝ ﺍﻟﻄﻔﻞ ﻣﻨﻪ
ﻻﻥ ﻫﺎﻱ ﺍﻟﺒﻨﻴﻪ ﺍﻛﻴﺪ ﻣﻮ ﺷﺮﻳﻔﻪ
ﻟﻮ ﺷﺮﻳﻔﻪ ﻣﺠﺎﻧﺖ ﺍﺗﺰﻭﺟﺖ ﺑﺎﻟﺴﺮ ﺑﺪﻭﻥ ﻋﻠﻢ ﺍﻫﻠﻬﺎ
ﻣﺎﺍﺩﺭﻱ ﺩﺧﺖ
ﻭﺭﻩ ﺷﻮﻳﻪ ﺩﺯﺗﻠﻲ ﺭﺳﺎﻟﻪ
ﻭﺍﻟﻠﻪ ﻣﺴﺘﻌﺪﻩ ﺍﻱ ﺷﻲ ﺍﻧﻔﺬﻩ ﺍﻟﻜﻢ ﺑﺲ ﻛﻮﻥ ﺗﺴﺘﺮﻭﻥ ﻋﻠﻴﻪ
ﺍﻟﻠﻪ ﻋﻠﻴﻚ ﺳﻮﻳﻠﻲ ﺷﻲ
ﺩﺯﻳﺘﻠﻬﺎ ﺍﺳﺎﻟﺞ ﺳﺆﺍﻝ ﻟﻤﻦ ﺍﺗﺰﻭﺟﺘﻲ ﺑﺎﻟﺴﺮ ﻣﺘﻮﻗﻌﺘﻲ ﻳﻌﻮﻓﺞ
ﻳﻤﻮﺕ ﻟﻮ ﻳﺮﺟﻊ ﻻﻫﻠﻪ
ﺷﻠﻮﻥ ﻭﺍﻓﻘﺘﻲ
ﻃﺒﻌﺎ ﻫﺎﻱ ﻟﻮ ﻛﺒﺎﻟﻲ ﺍﻟﻪ ﺍﺧﻠﻲ ﻃﻠﻘﻪ ﺑﺮﺍﺳﻬﺎ ﻟﻬﺎﻱ ﺍﻟﻌﺎﺭ
بيج قصص عراقيه حقيقيه من واقعنا.روعه الطائي
ﺍﻟﻈﺮﻭﻑ ﺟﺒﺮﺗﻨﻲ
ﻫﻬﻬﻪ ﻫﺎﻱ ﺍﻟﻜﻼﻭﺍﺕ ﻣﺘﻌﺒﺮ ﻋﻠﻴﻪ
ﻳﺎﺑﻪ ﺍﻧﻲ ﺍﻟﻜﺪﺍﻣﺞ ﻣﻮ ﻃﻔﻞ ﻭﺗﻀﺤﻜﻴﻦ ﻋﻠﻲ
ﺍﻋﺮﻑ ﻛﻼﻭﺍﺗﻜﻢ ﻛﻠﺶ ﺯﻳﻦ
ﺳﻜﺘﺖ
ﻳﺎﺑﻪ ﺍﺟﻴﺒﻬﺎ ﺍﻟﺞ ﻣﻦ ﺍﻻﺧﻴﺮ ﻟﻮ ﺗﻤﻮﺗﻴﻦ ﻣﺎﻧﻌﺘﺮﻑ ﺑﻴﺞ ﻻ ﺍﻧﺖ ﻭﻻ ﺍﺑﻨﺞ
ﺍﻟﻠﻪ ﻣﻮﺟﻮﺩ ﻫﻮ ﺍﻟﻲ ﺭﺍﺡ ﻳﻄﻠﻌﻨﻲ ﻣﻦ ﻫﺎﻱ ﺍﻟﻤﺼﻴﺒﻪ
ﻭﺍﻧﻲ ﺍﻟﻈﺎﻫﺮ ﻫﻮﺍﻱ ﺍﺗﻨﺎﺯﻟﺖ ﻟﺨﺎﻃﺮ ﺍﻟﻄﻔﻞ
ﺑﺲ ﻟﻬﻨﺎ ﻭﻛﺎﻓﻲ
ﺧﻄﻴﺘﻲ ﻭﺧﻄﻴﺖ ﺍﺑﻨﻲ ﺑﺮﻛﺒﺘﻚ
ﻣﻦ ﺻﺪﻙ ﻧﺮﻓﺰﺗﻨﻲ ﺑﻬﺬﺍ ﺣﺠﻴﻬﺎ
ﺩﺯﻳﺘﻠﻬﺎ ﺩﻭﻟﻲ ﻋﺎﺭ ﻟﻮ ﺑﻴﺞ ﺧﻴﺮ ﻣﺎﺍﺗﺰﻭﺟﺘﻲ ﺑﺎﻟﺴﺮ
ﻣﺠﺎﻭﺑﺖ ﺑﻌﺪ
ﺭﺩﺕ ﺍﻧﺎﻡ ﻣﺎﺍﻛﺪﺭ
ﻣﻌﻘﻮﻟﻪ ﻳﻄﻠﻊ ﺍﺑﻨﻪ ﻟﻤﺮﻭﺍﻥ ﻣﻦ ﺻﺪﻙ
ﺑﻌﺪﻳﻦ ﺻﺪﻓﻪ ﺍﺟﻪ ﺍﺑﺎﻟﻲ
ﻣﻦ ﻣﺮﻭﺍﻥ ﻳﺤﺘﻈﺮ ﻗﺒﻞ ﻟﻴﻤﻮﺕ ﻣﻦ ﻟﺰﻡ ﺍﻳﺪﻱ ﻭﻛﻠﻲ
ﺍﺑﻨﻲ ﺍﻣﺎﻧﻪ
ﻟﻌﺪ ﺍﻧﻲ ﺷﻜﺪ ﻏﺒﻲ ﻧﺴﻴﺖ
ﺑﺲ ﻫﻢ ﻣﻮ ﺍﻛﻴﺪ ﺍﺑﻨﻪ
ﻫﻲ ﺍﺣﺘﻤﺎﻝ ﻭﻫﻤﺘﻪ ﻉ ﺍﺳﺎﺱ ﺍﺑﻨﻪ
ﺍﻧﻲ ﻟﻮ ﻣﺎ ﺭﺍﻳﺢ ﻭﺳﺎﻣﻊ ﺍﻟﺪﻛﺘﻮﺭ ﺷﻜﺎﻝ ﻋﻠﻲ
ﺟﺎﻥ ﺻﺪﻛﺖ ﻫﺬﺍ ﺍﺑﻨﻪ
ﺑﺲ ﻫﻮﺍﻱ ﺍﻃﺒﺎﺀ ﺍﻛﺪﻭﺍ ﻣﻴﺼﻴﺮ ﻋﻨﺪﻩ ﺟﻬﺎﻝ
ﻻﺯﻡ ﺍﻧﺎﻗﺶ ﺍﻟﻤﻮﺿﻮﻉ ﻭﻱ ﺍﻫﻠﻲ ﻭﺍﺷﻮﻓﻠﻲ ﺣﻞ
ﺛﺎﻧﻲ ﻳﻮﻡ ﻣﻦ ﺭﺟﻌﺖ ﻣﻦ ﺍﻟﺪﻭﺍﻡ
ﺣﺠﻴﺖ ﻭﻱ ﺍﺑﻮﻳﻪ ﻭﺍﻣﻲ
ﻭﻓﻬﻤﺘﻬﻢ ﺍﻟﺴﺎﻟﻔﻪ
ﻃﺒﻌﺎ ﻫﻤﻪ ﺷﻜﻮﺍ ﻣﺜﻠﻲ ﺑﺎﻟﻤﻮﺿﻮﻉ
ﻭﻣﺴﺘﺤﻴﻞ ﺍﻧﺼﺪﻙ ﻫﺬﺍ ﺍﺑﻨﻪ
ﺑﺲ ﺍﺑﻮﻳﻪ ﻛﺎﻝ
ﻻﺯﻡ ﺍﻧﻔﺬ ﻭﺻﻴﺖ ﺍﺧﻮﻙ
ﺍﺫﺍ ﺟﺎﻥ ﺍﺑﻨﻪ ﺍﻭ ﻻ
ﻣﺪﺍﻡ ﻭﺻﺎﻙ ﻻﺯﻡ ﻧﺴﺘﺮ ﻉ ﺍﻟﺒﻨﻴﻪ
ﻭﻟﺘﻨﺴﻮﻥ ﺑﻴﻬﺎ ﺍﺟﺮ ﻭﺛﻮﺍﺏ ﺳﺘﺮ ﺍﻟﺒﻨﻴﻪ
ﺍﻣﻲ ﻛﺎﻟﺖ ﻣﻴﺼﻴﺮ ﺗﺘﺰﻭﺝ ﺍﺣﺪ ﺍﻟﻪ ﻟﻤﻦ ﺗﺠﻴﺐ
ﺟﺎﻥ ﺯﻭﺟﻨﺎﻙ ﻣﻨﻬﺎ
ﺍﻧﻲ ﺍﻧﻔﻌﻠﺖ ﺣﻴﻞ
ﻛﺘﻠﻬﺎ ﻣﺴﺘﺤﻴﻞ ﺍﺗﺰﻭﺟﻬﺎ ﻟﻬﺎﻱ ﺍﻟﺴﺎﻗﻄﻪ
ﺍﺫﺍ ﺍﻫﻠﻬﺎ ﺍﻟﻲ ﺭﺑﻮﻫﺎ ﺧﺎﻧﺘﻬﻢ ﻭﺍﺗﺰﻭﺟﺖ ﺑﺪﻭﻥ ﻋﻠﻤﻬﻢ
ﻟﻌﺪ ﺍﻧﻲ ﺷﺮﺍﺡ ﺗﺴﻮﻱ ﺑﻴﻪ
ﻛﺎﻟﺖ ﺍﻣﻲ ﺍﺣﺴﻦ ﺣﻞ
ﻧﺠﻴﺒﻬﺎ ﻟﻠﺒﻨﻴﻪ ﻭﻉ ﺍﺳﺎﺱ ﺯﻭﺟﺘﻚ ﻛﺪﺍﻡ ﺍﻫﻠﻬﺎ
ﻭﻣﻦ ﺗﺠﻴﺐ ﺗﺮﻭﺡ ﺗﺰﻋﻞ ﻋﻨﺪ ﺍﻫﻠﻬﺎ
ﻭﺑﻌﺪﻫﺎ ﻉ ﺍﺳﺎﺱ ﺍﻃﻠﻜﻬﺎ
ﻻﻥ ﻻﺯﻡ ﺗﻠﺰﻡ ﻋﺪﻩ ﻟﻤﻦ ﺗﺠﻴﺐ
بيج قصص عراقيه حقيقيه من واقعنا.روعه الطائي
ﻛﻠﻠﻬﺎ ﺍﺑﻮﻳﻪ ﺷﻠﻮﻥ ﻳﻌﻨﻲ
ﻳﻌﻨﻲ ﻣﻤﻨﻮﻉ ﺭﺟﺎﻝ ﻳﺸﻮﻓﻬﺎ ﺍﻭ ﻳﺤﺠﻲ ﻭﻳﺎﻫﺎ ﺍﺑﺪ ﻟﻤﻦ ﺗﺠﻴﺐ
ﻣﺪﺍﻡ ﻣﺮﺍﺡ ﺍﺗﺰﻭﺟﻬﺎ ﻋﺎﺩﻱ ﻣﺎﻛﻮ ﻣﺸﻜﻠﻪ
ﻭﻋﻮﺩ ﺧﻠﻲ ﺗﺠﻴﺐ ﺍﺫﺍ ﺛﺒﺖ ﺍﺑﻨﻪ ﻟﻤﺮﻭﺍﻥ ﻧﺎﺧﺬﻩ ﻣﻨﻬﺎ
ﻭﺍﺫﺍ ﻻ ﻧﻀﺮﺑﻬﺎ ﺟﻼﻕ ﻫﻲ ﻭﺍﺑﻨﻬﺎ
ﺑﻌﺪﻳﻦ ﻛﺎﻝ ﺍﺑﻮﻳﻪ ﺷﻠﻮﻥ ﺭﺍﺡ ﻧﻘﻨﻊ ﺍﻫﻠﻬﺎ
ﻭﻧﺠﻴﺒﻬﺎ ﺑﺪﻭﻥ ﻋﻘﺪ ﻛﺪﺍﻣﻬﻢ
ﻛﺘﻠﻪ ﻳﺎﺑﻪ ﻫﺎﻱ ﺍﻟﺴﺎﻟﻔﻪ ﻋﻮﻓﻬﺎ ﻋﻠﻴﻪ
ﻛﻠﺖ ﺑﺎﻟﻠﻴﻞ ﺍﺗﻮﺍﺻﻞ ﻭﻳﺎﻫﺎ ﻭﺍﺷﻮﻑ ﺣﻞ
ﺭﺍﺡ ﺍﺩﻭﺥ ﺑﻬﺬﺍ ﺍﻟﻤﻮﺿﻮﻉ ﻫﻮﺍﻱ
ﻣﺎﺍﻋﺮﻑ ﺷﻠﻮﻥ ﺭﺍﺡ ﻧﻘﻨﻊ ﺍﻫﻠﻬﺎ
ﻻﺯﻡ ﻧﺠﻴﺒﻬﺎ ﺍﻟﻨﻪ ﺑﺪﻭﻥ ﻋﻘﺪ ﻻﻥ ﻣﻴﺠﻮﺯ ﺍﻟﻌﻘﺪ ﺭﺍﺡ ﻳﻜﻮﻥ ﺑﺎﻃﻞ
ﻓﻤﺎﺍﻋﺮﻑ ﺷﻠﻮﻥ ﺭﺍﺡ ﺍﺭﻫﻤﻪ ﻟﻠﻤﻮﺿﻮﻉ
ﺍﻧﺘﻈﺮﺕ ﻟﻠﻴﻞ ﺣﺘﻰ ﺍﺭﺍﺳﻠﻬﺎ
ﺩﺯﻳﺘﻠﻬﺎ ﻫﻠﻮﻭﻭﻭﻭ
ﻣﻨﻘﺮﺕ ﺍﻟﺮﺳﺎﻟﻪ
ﻭﺭﻩ ﻧﺺ ﺳﺎﻋﻪ ﺍﻧﻘﺮﺕ ﺑﺲ ﻣﺎﻛﻮ ﺟﻮﺍﺏ
ﺩﺯﻳﺘﻠﻬﺎ ﺭﺳﺎﻟﻪ
ﺑﻌﺪﺝ ﻋﺪﻟﻪ ﻟﻮ ﺍﻫﻠﺞ ﻛﺘﻠﻮﺝ ﻭﻃﻤﻮ ﻋﺎﺭﺝ
ﻫﻢ ﺍﻧﻘﺮﺕ ﺑﺲ ﻣﺎﻛﻮ ﺟﻮﺍﺏ
ﻣﺎﺍﻋﺮﻑ ﻟﻴﺶ ﻣﺪﺗﺠﺎﻭﺑﻨﻲ
ﺩﺯﻳﺘﻠﻬﺎ ﺟﺎﻭﺑﻲ ﻋﻨﺪﻱ ﻣﻮﺿﻮﻉ ﻭﻳﺎﺝ ﻇﺮﻭﺭﻱ
ﻫﻢ ﻣﺎﻛﻮ ﺟﻮﺍﺏ
ﺍﺳﺘﻐﺮﺑﺖ ﺷﻨﻮ ﺍﻟﺴﺎﻟﻔﻪ
ﺣﻴﻞ ﺿﺠﺖ ﺷﻨﻮ ﻣﻌﻨﺎﻫﺎ ﻫﺬﺍ ﺍﻟﺘﺠﺎﻫﻞ
ﺩﻛﻴﺖ ﻋﻠﻴﻬﺎ ﻛﻠﺖ ﺍﺧﺮ ﻣﺮﻩ
ﺍﻧﻄﺘﻪ ﺭﻓﺾ
ﺩﺯﻳﺘﻠﻬﺎ ﻻﺯﻡ ﻟﻜﻴﺘﻲ ﺍﻟﺒﺪﻳﻞ ﻭﺭﺍﺡ ﺗﻀﺤﻜﻴﻦ ﻋﻠﻲ
ﻭﺍﺗﺬﺑﻴﻦ ﺑﻼﻭﻳﺞ ﻋﻠﻲ
ﺑﺎﻟﻠﺤﻀﻪ ﺍﺟﺎﻧﻲ ﺍﻟﺮﺩ
ﻣﺎﻛﻮ ﺩﺍﻋﻲ ﻟﻠﺴﺨﺮﻳﻪ
ﻳﺎﺭﻳﺖ ﺗﻤﺴﺤﻪ ﻟﺮﻗﻤﻲ ﻭﺑﻌﺪ ﻣﺎﺗﺰﻋﺠﻨﻲ ﺍﺑﺪ
ﻭﺍﻧﺴﻪ ﺍﺟﻴﺘﻚ ﻭﻃﻠﺒﺖ ﻣﻨﻚ ﻣﺴﺎﻋﺪﻩ
ﺍﻧﻲ ﻋﻨﺪﻱ ﺣﻞ ﺭﺍﺡ ﻳﺮﻳﺤﻨﻲ ﻣﻨﻚ ﻭﻣﻦ ﺍﻣﺜﺎﻟﻚ ﺍﻟﻲ ﺗﺤﻜﻤﻮﻥ ﻉ ﺍﻟﺸﺨﺺ ﺑﺪﻭﻥ ﺩﻟﻴﻞ
ﻭﺷﻨﻮ ﻫﺬﺍ ﺍﻟﺤﻞ ﻣﻤﻜﻦ ﺍﻋﺮﻓﻪ
ﻫﺬﺍ ﺍﻟﺸﻲ ﺧﺎﺹ ﺑﻴﻪ ﻣﺎﺍﻟﻚ ﻋﻼﻗﻪ ﺑﻴﻪ
ﻻ ﺍﻟﻲ ﻋﻼﻗﻪ ﺑﻴﺞ
ﻣﻨﺎ ﻟﻤﻦ ﺗﻮﻟﺪﻳﻦ ﻭﺭﺍﺡ ﻧﺘﺎﻛﺪ ﻣﻦ ﺍﻟﻄﻔﻞ ﻫﻞ ﻫﻮ ﺍﺑﻦ ﺍﺧﻮﻳﻪ ﻟﻮ ﻻ
ﻭﻫﺴﻪ ﺗﺴﻤﻌﻴﻨﻲ ﻭﻣﺘﻘﺎﻃﻌﻴﻨﻲ ﺍﺑﺪ
ﺍﻧﻲ ﻭﺍﻓﻘﺖ ﺭﺍﺡ ﺍﺟﻴﺒﺞ ﺍﺧﻠﻴﺞ ﻳﻤﻨﻪ ﺑﺲ ﺑﺸﺮﻭﻁ
ﺍﻭﻝ ﺷﻲ ﻻﺯﻡ ﺗﻠﺰﻣﻴﻦ ﻋﺪﻩ ﻳﻌﻨﻲ ﻣﻤﻨﻮﻉ ﺍﻱ ﺭﺟﻞ ﻳﺸﻮﻓﺞ ﻟﻤﻦ ﺗﺠﻴﺒﻴﻦ ﻳﻠﻪ ﺗﺨﻠﺺ ﺍﻟﻌﺪﻩ
ﻭﺛﺎﻧﻴﻪ ﻭﺑﻌﺪ ﻣﻤﻨﻮﻉ ﺍﻃﻠﻌﻴﻦ ﻣﻦ ﺑﺎﺏ ﺍﻟﻐﺮﻓﻪ ﻣﺎﻟﺘﺞ ﺍﻟﻲ ﺭﺍﺡ ﻧﺨﺼﺼﻬﺎ ﺍﻟﺞ
ﻭﺛﺎﻟﺚ ﺷﻲ ﻣﻤﻨﻮﻉ ﺗﺤﺎﻭﻟﻴﻦ ﺗﻐﺮﻳﻦ ﺷﺨﺺ ﻣﻦ ﻋﺪﻧﻪ ﻭﺗﻘﺸﻤﺮﻳﻨﻪ ﻣﺜﻞ ﻣﻘﺸﻤﺮﺗﻲ ﺍﺧﻮﻳﻪ
ﻭﺍﺧﻴﺮﺍ ﻻﺯﻡ ﺗﻔﻜﺮﻳﻦ ﺑﺤﻞ ﻻﻫﻠﺞ
ﺷﻠﻮﻥ ﺭﺍﺡ ﻧﻘﻨﻌﻬﻢ ﻉ ﺍﺳﺎﺱ ﺍﺗﺰﻭﺟﺞ ﺍﻧﻲ ﺑﺲ ﺑﺪﻭﻥ ﻫﻮﺳﻪ ﻭﻻ ﻋﻘﺪ ﻳﻤﻜﻢ
ﻻﺯﻡ ﻧﻜﻠﻠﻬﻢ ﻋﺪﻧﻪ ﺑﻤﺤﺎﻓﻀﺘﻨﻪ
ﻭﻫﺴﻪ ﻛﻮﻟﻲ ﺍﻛﻮ ﺍﻋﺘﺮﺍﺽ ﻉ ﺷﻲ
ﻻ ﻣﺎﻛﻮ ﺍﻋﺘﺮﺍﺽ
ﻭﺑﺎﻟﻨﺴﺒﻪ ﻻﻫﻠﻲ ﺑﺴﻴﻄﻪ
ﻣﺮﻭﺍﻥ ﺍﻟﻠﻪ ﻳﺮﺣﻤﻪ ﺍﻧﻄﺎﻧﻲ 15 ﻣﻠﻴﻮﻥ ﻣﻘﺎﺑﻞ ﺍﻟﺰﻭﺍﺝ
ﺍﻧﻄﻴﺘﻬﻦ ﻻﻫﻠﻲ ﻭﻛﺘﻠﻬﻢ ﺳﻠﻔﻪ ﺍﻧﻄﺎﻧﻴﺎﻫﺎ
ﺗﻒ ﻋﻠﻴﺞ ﻭﻉ ﻫﻴﺞ ﺗﺮﺑﻴﻪ
ﻳﻌﻨﻲ ﺑﻌﺘﻲ ﺷﺮﻓﺞ ﺏ 15 ﻣﻠﻴﻮﻥ
ﻭﺍﻟﻌﺘﺐ ﻉ ﺍﻫﻠﺞ ﺷﻠﻮﻥ ﺛﻘﻮﺍ ﺑﻴﺞ ﻭﺻﺪﻛﻮﺝ
ﻳﺎﺭﻳﺖ ﻣﺘﺤﻜﻢ ﻋﻠﻴﻪ
ﻋﻨﺪﻱ ﻇﺮﻭﻑ ﺟﺒﺮﺗﻨﻲ ﺍﺳﻮﻱ ﻫﻴﺞ
ﻣﻮ ﻣﻬﻢ ﻛﻤﻠﻲ
ﺭﺍﺡ ﻳﺠﻮﻥ ﺍﻫﻠﻚ ﻭﻳﻜﻮﻟﻮﻥ ﺑﻤﻜﺎﻥ ﺍﻟﻔﻠﻮﺱ
ﻧﺘﺰﻭﺝ ﺑﻨﺘﻜﻢ ﻭﻻﺯﻡ ﺳﻜﺘﺎﻭﻱ
ﻻﻥ ﻫﺴﺘﻮﻩ ﻣﻴﺖ ﺍﺑﻨﻪ
ﻭﺍﺫﺍ ﻣﺎﻭﺍﻓﻘﻮﺍ
ﺍﻧﻲ ﺭﺍﺡ ﺍﻗﻨﻌﻬﻢ
ﻻﻥ ﻣﺎﻋﺪﻧﻪ ﻧﺮﺟﻌﻠﻜﻢ ﺍﻟﻔﻠﻮﺱ
ﻭﺍﻟﻠﻪ ﻳﻌﻤﻲ ﺍﺣﻴﻴﺞ ﻉ ﻫﺬﺍ ﺗﻔﻜﻴﺮﺝ ﺍﻟﺠﻬﻨﻤﻲ
ﺍﻧﺖ ﺍﻟﻤﻔﺮﻭﺽ ﻳﺨﻠﻮﻧﺞ ﻭﻱ ﺍﻟﺪﻭﺍﻋﺶ ﻻﻥ ﺗﺨﻄﻴﻄﺞ ﺟﻬﻨﻤﻲ
ﻣﺠﺎﻭﺑﺖ ﺷﻲ
ﺍﻧﻲ ﻫﻢ ﺳﻜﺘﺖ
ﺛﺎﻧﻲ ﻳﻮﻡ ﺩﺯﺗﻠﻲ ﻛﺎﻟﺖ ﺍﺗﻔﻘﺖ ﻭﻱ ﺍﻫﻠﻲ ﻭﻭﺍﻓﻘﻮﺍ
ﺑﻴﻮﻡ ﺍﻟﻲ ﻳﺠﻮﻥ ﺍﻫﻠﻚ ﺍﺭﻭﺡ ﻭﻳﺎﻫﻢ
ﺟﺎﻭﺑﺘﻬﺎ ﻟﻌﺪ ﺷﻜﺪ ﻣﺴﺘﻌﺠﻠﻪ
ﻭﺍﻫﻠﺞ ﺍﻛﻴﺪ ﻣﺎﻋﻮﻟﻮﺍ ﻳﺨﻠﺼﻮﻥ ﻣﻨﺞ
ﻭﻣﺼﺪﻛﻮ ﺍﺟﺎﻫﻢ ﺿﺎﺑﻂ
ﻣﻮ ﻣﺴﺎﻟﺖ ﻣﺴﺘﻌﺠﻠﻪ ﺑﺲ ﻣﻮ ﻣﻦ ﺻﺎﻟﺤﻲ ﺍﻟﺘﺎﺧﻴﺮ ﺍﺧﺎﻑ ﻳﺒﻴﻦ ﺑﻴﻪ ﺍﻟﺤﻤﻞ
ﻟﻌﺪ ﻳﻮﻡ ﺍﻟﺠﻤﻌﻪ ﺍﺩﺯ ﺍﻣﻲ ﻭﺍﺑﻮﻳﻪ ﺑﺲ ﺩﺯﻳﻠﻲ ﺍﻟﻌﻨﻮﺍﻥ
ﺑﻘﻴﺖ ﺍﻓﻜﺮ ﻣﻌﻘﻮﻟﻪ ﻉ ﻣﻮﺩ ﺷﻜﻢ ﻓﻠﺲ ﺑﺎﻋﺖ ﺍﻫﻠﻬﺎ ﻭﻗﺒﻠﺖ ﺗﺰﻭﺝ ﺑﺎﻟﺴﺮ
ﻃﺒﻌﺎ ﺭﺣﺖ ﺻﻔﻴﺖ ﺍﻟﺸﺮﻛﻪ ﻭﺻﺮﻓﺖ ﺭﻭﺍﺗﺐ ﻭﺑﻌﺘﻬﺎ
ﻛﻠﻔﻨﻪ ﻣﺤﺎﻣﻲ
ﺭﺣﺖ ﻟﻠﺒﻴﺖ ﻣﺎﻟﺘﻪ ﺍﻟﻠﻪ ﻳﺮﺣﻤﻪ
ﻛﻌﺪﺕ ﺍﻛﻠﺐ ﺑﺎﻟﺒﻴﺖ ﺍﺭﻳﺪ ﺩﻟﻴﻞ ﻉ ﺯﻭﺍﺟﻬﻢ
ﺩﺧﻠﺖ ﻟﻠﻐﺮﻓﻪ ﻓﺘﺤﺖ ﺍﻟﻜﻨﺘﻮﺭ
ﻟﻜﻴﺘﻪ ﻛﻠﻪ ﻣﻼﺑﺲ ﻧﻮﻡ
ﺍﻛﻴﺪ ﻣﻘﺸﻤﺮﺗﻪ ﺑﻬﺎﻱ ﺍﻟﺴﻮﺍﻟﻒ
ﻋﻨﺪﻩ ﻗﺎﺻﻪ ﺣﺎﻭﻟﺖ ﺍﻓﺘﺤﻬﺎ ﺍﺑﺪ ﻣﻨﻔﺘﺤﺖ ﻻﻥ ﺍﺭﻗﺎﻡ ﺳﺮﻳﻪ ﺑﻴﻬﺎ
ﺟﺒﺖ ﻭﺍﺣﺪ ﺣﺎﻭﻝ ﻳﻔﺘﺤﻬﺎ ﺑﺲ ﻣﻜﺪﺭ
ﺑﻌﺪﻳﻦ ﺍﺟﻪ ﺍﺑﺎﻟﻲ ﺍﺧﺎﺑﺮ ﺍﻟﺒﻨﻴﻪ ﺍﻟﻲ ﻣﺘﺰﻭﺟﻬﺎ
ﺍﺗﺼﻠﺖ ﺑﻴﻬﺎ ﺑﺲ ﺗﻨﻄﻴﻨﻲ ﺭﻓﺾ
ﺩﺯﺗﻠﻲ ﻣﺎﺍﻛﺪﺭ ﺍﺣﺠﻲ ﺍﻛﺘﺐ
ﺍﻫﻠﻲ ﻳﻤﻲ
ﺍﺭﻳﺪ ﺍﺳﻤﺞ ﻭﻣﻮﺍﻟﻴﺪﺝ
ﻓﻜﺮﺕ ﻛﻠﺖ ﺑﻠﻜﻲ ﻣﺨﻠﻲ ﺍﻻﺣﺮﻑ ﻣﺎﻟﺖ ﺍﺳﻤﻬﺎ ﺍﻭ ﻣﻮﺍﻟﻴﺪﻫﺎ
ﺩﺯﺗﻠﻲ ﻟﻮﻳﺶ ﺷﻨﺎﻭﻱ ﺗﺴﻮﻱ
ﻣﺎﺍﻟﺞ ﻋﻼﻗﻪ ﺩﺯﻳﻬﻦ ﺑﺴﺮﻋﻪ
ﻓﻌﻼ ﺩﺯﺗﻠﻲ ﺯﻳﻨﺐ ﻭﻣﻮﺍﻟﻴﺪﻫﺎ 8/2/1996
ﺣﻴﻞ ﺿﺠﺖ ﻳﻌﻨﻲ ﺑﻌﺪﻫﻲ ﺑﻌﻤﺮ ﺍﻟﻮﺭﺩ ﻭﻫﻴﺞ ﻣﺴﻮﻳﻪ
ﻟﻌﺪ ﺍﺫﺍ ﻛﺒﺮﺕ ﺷﺘﺴﻮﻱ
ﺩﺧﻠﺖ ﺍﻻﺳﻢ ﻣﺎﻛﻮ ﺩﺧﻠﺖ ﺑﺲ ﺳﻨﺔ ﻣﻴﻼﺩﻫﺎ
ﻣﺎﻛﻮ
ﺩﺧﻠﺖ ﺍﻟﻤﻮﺍﻟﻴﺪ ﻛﺎﻣﻠﻪ ﻫﻢ ﻣﺎﻛﻮ
ﺩﺧﻠﺖ ﺍﻟﺸﻬﺮ ﻭﺍﻟﻴﻮﻡ ﻭﺍﻻﺳﻢ ﺳﻮﻳﻪ ﻫﻢ ﻣﺎﻛﻮ
ﺑﻴﻮﻣﻬﺎ ﺍﺗﺎﺧﺮﺕ ﺍﻇﻄﺮﻳﺖ ﺍﺑﺎﺕ
ﺑﺎﻟﻠﻴﻞ ﻃﻠﻌﺖ ﺍﺗﻌﺸﻴﺖ
ﻭﺭﺟﻌﺖ ﺑﻌﺪﻳﻦ
ﺭﺍﺳﻠﺘﻬﺎ ﻛﻠﺘﻠﻬﺎ ﺍﻧﻄﻴﻨﻲ ﺗﺎﺭﻳﺦ ﺍﻟﻌﻘﺪ
ﺩﺯﺗﻪ ﺍﻟﻴﻪ
ﻓﻌﻼ ﺍﻭﻝ ﻣﺪﺧﻠﺘﻪ ﻓﺘﺤﺖ ﺍﻟﻘﺎﺻﻪ
ﻭﺍﺧﻴﺮﺍ
ﻓﺘﺤﺘﻬﺎ ﻟﻜﻴﺖ ﺍﻟﻌﻘﺪ ﻣﺎﻟﺘﻬﻢ ﻳﻌﻨﻲ ﺻﺪﻙ ﻣﺘﺰﻭﺟﻴﻦ
ﻣﻮ ﺟﺬﺏ
ﺑﺲ ﺍﻛﻴﺪ ﻣﺮﺍﺡ ﺍﺣﺠﻲ ﺷﻲ ﻛﺪﺍﻡ ﺍﻫﻠﻲ
ﻻﻥ ﻓﻘﺮﻩ ﻭﺍﻛﻴﺪ ﺭﺍﺡ ﻳﺼﺪﻛﻮﻥ ﺍﻟﻄﻔﻞ ﻣﻨﻪ
ﻭﺍﻧﻲ ﺑﻴﺪﻱ ﺍﺧﺬﺗﻪ ﻭﺭﺣﺖ ﻟﺘﺮﻛﻴﺎ ﻟﻠﺪﻛﺘﻮﺭ
ﻛﺎﻝ ﻧﺴﺒﻪ ﺿﺌﻴﻠﻪ ﻳﺼﻴﺮ ﻋﻨﺪﻩ ﻃﻔﻞ
ﺯﻳﻨﺐ : ﺍﺗﺼﻠﺖ ﺑﻲ
ﺭﺍﺳﺎ ﺭﻓﻊ ﺧﻂ
ﺑﺲ ﻣﻜﺪﺭﺕ ﺍﺣﺠﻲ ﻣﺎﻋﻨﺪﻱ ﺍﻟﺸﺠﺎﻋﻪ ﺍﻟﻜﺎﻓﻴﻪ
ﺑﻌﺪﻫﺎ ﻃﺒﻜﻪ ﺑﻮﺟﻬﻲ
ﻻﺯﻡ ﺍﺗﺸﺠﻊ ﻭﺍﺣﺠﻲ
ﺍﺩﺭﻱ ﺻﻌﺒﻪ ﻛﻠﺶ ﻋﻠﻴﻪ
ﺑﺲ ﻣﺠﺒﻮﺭﻩ ﺷﺎﺳﻮﻱ
ﻣﺮﻩ ﺛﺎﻧﻴﻪ ﺧﺎﺑﺮﺕ ﻛﻮﻩ ﺣﺠﻴﺖ
ﻭﺧﺠﻼﻧﻪ ﺑﺲ ﻫﻮ ﺣﻴﻞ ﺟﺮﺣﻨﻲ ﺑﻜﻼﻣﻪ
ﻭﻣﺘﺼﻮﺭﻧﻲ ﺳﺎﻗﻄﻪ ﻭﺟﺎﻱ ﺍﻗﺸﻤﺮ ﻋﻠﻲ
ﻣﺎﻳﺪﺭﻱ ﺍﻧﻲ ﻟﻮ ﻣﺎ ﺍﻟﻄﻔﻞ ﺍﻟﻲ ﺍﺑﻄﻨﻲ
ﻟﻮ ﻳﻤﻮﺕ ﻣﺎﺍﺗﺼﻞ ﺑﻲ
ﺍﺧﺮ ﺷﻲ ﻃﺒﻜﻪ ﺑﻮﺟﻬﻲ
ﻣﺎﺻﺪﻛﻨﻲ
ﺍﻟﺪﻧﻴﻪ ﺿﺎﻛﺖ ﺑﻮﺟﻬﻲ ﺣﻴﻞ
ﺣﺮﺕ ﺷﺎﺳﻮﻱ ﻭﺍﻻﻳﺎﻡ ﻛﺎﻋﺪ ﺗﺮﻛﺾ ﺭﻛﺾ
ﻣﺎﺍﻋﺮﻑ ﺷﻀﺎﻣﻠﻲ ﺍﻟﺰﻣﻦ ﺑﻌﺪ
ﺍﻫﻠﻲ ﺑﺪﻭﺍ ﻳﺸﻜﻮﻥ ﺑﺘﺼﺮﻓﺎﺗﻲ
ﻣﻦ ﻳﺴﺎﻟﻮﻧﻲ ﺍﻛﻠﻬﻢ ﻉ ﺍﻟﻔﻠﻮﺱ
ﺷﻠﻮﻥ ﺍﺫﺍ ﺩﺍﻋﻮﻧﻪ ﺍﻫﻠﻪ ﺑﻴﻬﻦ
ﺑﺎﺑﺎ ﻳﻜﻮﻝ ﺍﻟﻠﻪ ﻛﺮﻳﻢ ﺑﻨﻴﺘﻲ
ﺑﻌﺪﻳﻦ ﺭﺍﺳﻠﻨﻲ ﺑﺎﻟﺒﺪﺍﻳﻪ ﻣﺠﺎﻭﺑﺘﻪ
بيج قصص عراقيه حقيقيه من واقعنا.روعه الطائي
ﺍﺩﺭﻱ ﺑﻲ ﺑﺲ ﻳﺮﻳﺪ ﻳﺠﺮﺣﻨﻲ
ﺑﻌﺪﻳﻦ ﺣﻴﻞ ﺍﺫﺍﻧﻲ ﻣﻦ ﻛﻠﻲ ﻻﺯﻡ ﻟﻜﻴﺘﻴﻠﺞ ﻭﺍﺣﺪ ﺗﺘﺒﻠﻴﻦ ﻋﻠﻲ
ﺟﺎﻭﺑﺘﻪ ﻭﺍﺗﻔﻖ ﻭﻳﺎﻱ ﺭﺍﺡ ﻳﺠﻮﻥ ﺍﻫﻠﻪ
ﺑﻘﺖ ﻣﺸﻜﻠﺔ ﺍﻫﻠﻲ
ﻻﺯﻡ ﺍﻗﻨﻌﻬﻢ
ﺣﺠﻴﺖ ﻭﻱ ﻣﺎﻣﺎ
ﻛﺘﻠﻬﺎ ﺍﻟﺸﺮﻛﻪ ﺍﻧﺤﻠﺖ
ﻭﻻﺯﻡ ﻧﺪﺑﺮ ﺍﻟﻔﻠﻮﺱ ﻣﻨﻴﻦ ﻧﺠﻴﺒﻬﻦ
ﻛﺎﻟﺖ ﻏﻴﺮ ﻣﺘﻔﻘﻴﻦ ﻛﻞ ﺷﻬﺮ 500
ﻣﺎﻣﺎ ﻣﻨﻴﻦ ﻧﺠﻴﺐ ﻛﻞ ﺷﻬﺮ 500 ﻭﺍﺣﻨﻪ ﻳﺎﺩﻭﺏ ﻣﻠﺤﻜﻴﻦ ﻉ ﺍﻟﻌﻴﺸﻪ
ﻛﺎﻟﺖ ﺷﻨﻮ ﺍﻟﺤﻞ ﻟﻌﺪ
ﻛﺘﻠﻬﺎ ﻣﺎﻣﺎ ﺭﺍﺡ ﺍﺗﺰﻭﺝ ﺍﺧﻮ ﻟﻠﻤﺪﻳﺮ
ﻣﺎﻣﺎ ﺍﺗﺨﺒﻠﺖ ﻛﺎﻟﺖ ﻣﺴﺘﺤﻴﻞ ﺍﻭﺍﻓﻖ
ﻟﺞ ﺭﺍﺡ ﻳﺬﻟﻮﺝ ﻭﺭﺍﺡ ﻣﻴﺤﺴﺒﻮﻧﺞ ﺍﻧﺴﺎﻧﻪ
ﻳﺤﺴﺒﻮﻧﺞ ﺣﺎﻟﺞ ﺣﺎﻝ ﺍﻟﻔﺼﻠﻴﻪ
ﻻ ﻣﺎﻣﺎ ﺍﺣﻨﻪ ﺑﻴﺎﺯﻣﻦ ﻗﺎﺑﻞ
ﺭﺍﺡ ﺯﻣﻦ ﺍﻟﻔﺼﻠﻴﻪ
ﻛﺎﻟﺖ ﻣﺎﻣﺎ ﻣﺎﺍﻭﺍﻓﻖ ﻟﻮ ﺷﻴﺼﻴﺮ
ﻛﺘﻠﻬﺎ ﻣﺎﻣﺎ ﺣﺎﻟﺘﻬﻢ ﺯﻳﻨﻪ ﺑﻠﻜﻲ ﻳﺨﻠﻮﻧﻲ ﺍﻛﻤﻞ ﺩﺭﺍﺳﻪ
ﻭﺭﺍﺡ ﺍﺭﺗﺎﺡ ﻭﻳﺎﻫﻢ
ﻭﺍﻛﻴﺪ ﺑﺲ ﻳﻌﺮﻓﻮﻥ ﻇﺮﻭﻓﻲ ﺭﺍﺡ ﻳﻘﺪﺭﻭﻥ ﻣﻮﻗﻔﻲ
ﺗﻌﺒﺘﻨﻲ ﺣﻴﻞ ﺭﺍﻓﻀﻪ
ﺑﻌﻴﻦ ﺍﺟﻪ ﺑﺎﺑﺎ
ﻭﺣﺠﻴﺘﻠﻪ ﺍﻟﺴﺎﻟﻔﻪ
ﺑﺎﻟﺒﺪﺍﻳﻪ ﺭﻓﺾ ﻫﻤﻴﻦ
ﺑﻌﺪﻳﻦ ﻗﻨﻌﺘﻪ
ﻛﺘﻠﻪ ﺑﺎﺑﺎ ﺍﻧﻲ ﻣﻮﺍﻓﻘﻪ
ﻧﺎﺱ ﻣﺜﻘﻔﻴﻦ ﻭﻧﺎﺱ ﻭﺍﺻﻠﻴﻦ
ﺭﺍﺡ ﺍﺭﺗﺎﺡ ﻭﻳﺎﻫﻢ ﺍﻛﻴﺪ
ﻭﺑﻨﻔﺲ ﺍﻟﻮﻗﺖ ﺭﺍﺡ ﻧﺨﻠﺺ ﻣﻦ ﺍﻟﺪﻳﻦ
ﺑﺎﺑﺎ ﻫﻢ ﻉ ﻛﻠﺒﻨﻪ ﺍﻟﺪﻳﻦ
ﺭﺍﺡ ﺍﻧﺴﺘﺮ ﻭﺍﺗﺰﻭﺝ ﺍﺣﺴﻦ ﻣﺎﺍﺑﻘﻪ ﻣﺪﺓ ﺳﻨﺘﻴﻦ ﺍﺷﺘﻐﻞ ﻭﺍﻋﺮﺽ ﻧﻔﺴﻲ ﻟﻠﻴﺴﻮﻩ ﻭﺍﻟﻲ ﻣﻴﺴﻮﻩ
ﻛﻮﻩ ﺍﻗﺘﻨﻊ ﺑﺎﺑﺎ ﻭﺑﻌﺪﻳﻦ ﺍﻗﺘﻨﻌﺖ ﻣﺎﻣﺎ ﺑﺲ ﻣﻮ ﺑﺮﺿﺎﺗﻬﺎ ﺍﻛﻴﺪ
ﻛﺘﻠﻬﺎ ﻣﺎﻣﺎ ﻻﺯﻡ ﺍﺭﻭﺡ ﻭﻳﺎﻫﻢ ﺳﻜﺘﺎﻭﻱ
ﻻﻥ ﺍﺧﻮﻳﻪ ﻫﺴﺘﻮﻩ ﻣﺘﻮﻓﻲ ﻭﻫﻤﻪ ﺍﺑﻨﻬﻢ ﻫﻤﻴﻦ
ﺯﻳﻦ ﺑﺎﺑﺎ ﺷﻠﻮﻥ ﻋﺮﻓﺘﻲ ﺭﺍﺡ ﻳﺠﻮﻥ ﻋﻠﻴﺞ
ﻫﻤﻪ ﺍﺗﺼﻠﻮ ﺑﻴﻪ ﻭﻃﻠﺒﻮﺍ ﺍﻟﻔﻠﻮﺱ
ﻛﺘﻠﻬﻢ ﻣﺎﻋﻨﺪﻱ
ﻛﻠﻮﻟﻲ ﺑﺎﻻﻗﺘﺮﺡ
ﺑﺎﺑﺎ ﻛﻠﻲ ﻻ ﻻﺯﻡ ﺍﻟﻌﻘﺪ ﺍﻣﺎﻣﻲ
ﻛﺘﻠﻪ ﺑﺎﺑﺎ ﺍﻻﻣﺎﻣﻚ ﻭﺍﻻ ﻻ ﻗﺎﺑﻞ ﺍﺣﻨﻪ ﺭﺍﺡ ﻳﻬﻤﻨﻲ ﺍﻟﺤﺎﺿﺮ ﻭﺍﻟﻐﺎﻳﺐ
ﻭﻋﺪﻫﻢ ﻇﺮﻭﻑ ﺍﻛﻴﺪ ﺍﻟﻲ ﺗﺨﻠﻴﻬﻢ ﻫﻴﺞ ﻳﺴﻮﻭﻥ
ﻃﻠﺒﺖ ﻣﻦ ﻣﺎﻣﺎ ﺍﺭﻭﺡ ﻟﻠﺴﻮﻙ ﺍﺷﺘﺮﻱ ﻣﻼﺑﺲ
ﻻﻥ ﻣﻤﻌﻘﻮﻟﻪ ﺍﺑﻘﻪ ﺑﺬﻧﻲ ﻣﻼﺑﺴﻲ ﻛﺪﺍﻣﻬﻢ ﻻﻥ ﻟﺒﺴﻲ ﻛﻠﻪ ﻗﺼﻴﺮ ﻭﺗﺮﺍﻛﺎﺕ ﻭﺑﺮﻣﻮﺩﻩ
ﺭﺣﻨﻪ ﺍﻧﻲ ﻭﻣﺎﻣﺎ ﺻﺮﻓﺖ ﺍﻻﻭﺭﺍﻕ
ﺳﺎﻟﺘﻨﻲ ﻣﻨﻴﻠﺞ
ﻛﺘﻠﻪ ﺍﻧﻄﺎﻧﻴﺎﻫﻦ ﻣﻜﺎﻓﺌﻪ ﻻﻥ ﺍﺩﺍﻭﻡ ﺍﺿﺎﻓﻲ
ﺟﺒﺖ ﻣﻼﺑﺲ ﺭﺩﻥ ﻣﺎﺟﺒﺖ ﺗﺮﺍﻛﺎﺕ ﺍﺑﺪ ﻭﻻ ﺟﺒﺖ ﻗﺼﻴﺮ
ﻭﻛﻠﻬﻦ ﻣﻼﺑﺲ ﺍﺳﻮﺩ
ﻣﺎﻣﺎ ﺍﺳﺘﻐﺮﺑﺖ ﻛﻠﺘﻠﻲ ﻻﺯﻡ ﺗﺸﺘﺮﻳﻦ ﻣﻼﺑﺲ ﻧﻮﻡ
ﺭﻓﻀﺖ ﻛﺘﻠﻬﺎ ﻣﺎﻣﺎ ﺍﻧﻲ ﺣﺰﻳﻨﻪ ﻭﻫﻤﻪ ﻫﻢ ﺣﺰﺍﻧﻪ
ﻋﻮﺩ ﺍﺫﺍ ﺟﺒﺮﻭﻧﻲ ﺫﺍﻙ ﺍﻟﻮﻗﺖ ﺍﺧﻠﻴﻬﻢ ﻫﻤﻪ ﻳﺸﺘﺮﻭﻟﻲ
ﻣﺎﻣﺎ ﻛﻠﺘﻠﻲ ﻛﻠﺒﻲ ﺣﺎﺳﻨﻲ ﺍﻛﻮ ﻏﻠﻂ ﺑﺎﻟﻤﻮﺿﻮﻉ
ﺣﺎﻭﻟﺖ ﻭﻳﺎﻳﻪ ﺗﻌﺮﻑ ﺍﻟﻤﻮﺿﻮﻉ
ﺑﺲ ﺍﻧﻲ ﺟﻨﺖ ﻣﻠﺘﺰﻣﻪ ﺍﻟﺼﻤﺖ
ﺯﻳﻦ ﻣﺎﻣﺎ ﺷﻠﻮﻥ ﻛﺎﻋﺪ ﻳﺘﻮﺍﺻﻠﻮﻥ ﻭﻳﺎﺝ ﻭﻣﻨﻴﻦ ﺟﺎﺑﻮ ﺭﻗﻤﺞ
ﻛﺘﻠﻬﺎ ﻣﻮ ﺑﺎﻟﻮﺻﻮﻻﺕ ﻣﻜﺘﻮﺏ ﻣﻌﻠﻮﻣﺎﺕ ﻛﺎﻣﻠﻪ ﻋﻨﻲ
ﻭﺍﻟﻤﺒﻠﻎ ﺍﻟﻲ ﻣﺎﺧﺬﺗﻪ ﻭﺍﻟﺮﻗﻢ
ﻭﻭﺍﺣﺪ ﻣﻦ ﺍﺧﻮﺗﻪ ﻫﻮ ﺍﻟﻲ ﺍﺗﻮﺍﺻﻞ ﻭﻳﺎﻳﻪ
ﻭﺍﻧﺖ ﻳﺎﻣﺎﻣﺎ ﺷﻠﻮﻥ ﺗﻘﺒﻠﻴﻦ ﺗﺘﻮﺍﺻﻠﻴﻦ ﻭﻱ ﺍﻟﻐﺮﺑﻪ
ﻣﺎﻣﺎ ﺷﺠﺎﺑﺮﻙ ﻉ ﺍﻟﻤﺮ ﻏﻴﺮ ﺍﻻﻣﺮ ﻣﻨﻪ
ﻣﺠﺒﻮﺭﻩ ﺍﺗﻮﺍﺻﻞ ﻭﻳﺎﻫﻢ
ﻫﺎﻱ ﺍﻟﻔﺘﺮﻩ ﺍﻟﻲ ﺭﺍﺣﺖ ﺍﺑﻮﻳﻪ ﻛﺎﻋﺪ ﻳﺪﻭﺭ ﻉ ﺑﻴﺖ ﻟﻼﻳﺠﺎﺭ
ﻻﻥ ﺍﻟﻤﺪﻩ ﺭﺍﺡ ﺗﻨﺘﻬﻲ
ﻳﻮﻡ ﺍﻟﺨﻤﻴﺲ ﺭﺍﺳﻠﻨﻲ ﺍﺧﻮ ﻣﺮﻭﺍﻥ ﻭﺍﺗﻔﻖ ﻭﻳﺎﻳﻪ ﺑﻴﺶ ﺍﻟﺴﺎﻋﻪ ﻳﺠﻮﻥ
ﻭﺍﻧﻄﻴﺘﻪ ﺍﻟﻌﻨﻮﺍﻥ ﻛﺎﻣﻞ ﻭﺍﻗﺮﺏ ﻧﻘﻄﻪ
ﻛﻠﻲ ﺟﻬﺎﺯﺝ ﻻﺯﻡ ﺗﺨﻠﻲ ﻗﺮﻳﺐ ﻋﻠﻴﺞ
ﺧﺎﻑ ﻳﺘﺼﻠﻮﻥ ﺑﻴﺞ
ﺍﺟﺖ ﺍﻟﺠﻤﻌﻪ ﻭﺟﻬﺰﻧﻪ ﻏﺪﻩ ﺍﺧﺎﻑ ﻳﺠﻮﻥ ﻻﻥ ﻣﻦ ﻏﻴﺮ ﻣﺤﺎﻓﻀﻪ
ﺍﻋﺘﺮﻑ ﺟﻨﺖ ﺣﻴﻞ ﺧﺎﻳﻔﻪ ﻭﺷﻌﻮﺭﻱ ﻣﻴﻨﻮﺻﻒ
ﻣﺎﺍﻋﺮﻑ ﺷﻀﺎﻣﺘﻠﻲ ﺍﻻﻳﺎﻡ
ﻣﺎﺍﻋﺮﻑ ﺫﻭﻟﻪ ﺍﻟﻨﺎﺱ ﺭﺍﺡ ﻳﻌﺎﻣﻠﻮﻧﻲ ﺯﻳﻦ
ﻟﻮ ﺭﺍﺡ ﻳﺠﺮﺣﻮﻧﻲ ﻭﻛﺎﻧﻮ ﺑﻨﺖ ﻟﻴﻞ ﻳﺤﺴﺒﻮﻧﻲ
ﺍﻟﺘﻬﻴﺖ ﺑﺎﻟﻐﺪﻩ ﻭﻱ ﻣﺎﻣﺎ ﻭﺍﺭﺗﺐ ﺍﻟﺒﻴﺖ
ﺍﺗﺬﻛﺮﺕ ﺟﻬﺎﺯﻱ ﻓﻮﻙ ﻧﺎﺳﻴﺘﻪ
ﺭﺣﺖ ﺍﺭﻛﺾ
ﻟﻜﻴﺖ ﺍﻟﺠﻮ ﻣﺤﺘﺮﻙ
50 ﻣﻜﺎﻟﻤﻪ ﻓﺎﺋﺘﻪ
ﻭﺭﺳﺎﺋﻞ ﻫﻮﺍﻱ
ﻓﺘﺤﺘﻬﻦ
ﻟﺞ ﺛﻮﻟﻪ ﺍﻧﻲ ﻣﻮ ﻛﺘﻠﺞ ﺧﻠﻲ ﻗﺮﻳﺐ ﻋﻠﻴﺞ
ﺍﻫﻠﻲ ﺻﺎﺭﻟﻬﻢ ﺳﺎﻋﻪ ﻳﻔﺘﺮﻭﻥ ﺑﺎﻟﻤﻨﻄﻘﻪ
ﻋﻔﺖ ﺍﻟﺮﺳﺎﺋﻞ ﻭﺍﺗﺼﻠﺖ ﺑﻲ
ﺑﻌﺪﻧﻲ ﻣﺎﺍﺗﺼﻠﺖ ﻭﺟﺎﻧﺖ ﺗﺠﻴﻨﻲ ﺍﻟﻌﺎﺻﻔﻪ
ﻛﺎﻡ ﻳﺼﻴﺢ ﻭﻳﻐﻠﻂ
ﺳﻜﺘﺖ ﻣﺠﺎﻭﺑﺘﻪ
ﻛﻠﻲ ﺧﻄﻴﻪ ﺍﻫﻠﻲ ﻳﺪﻭﺭﻭﻥ ﻭﻣﺎﻛﻮ ﻭﺭﺍﺩﻭﺍ ﻳﺮﺟﻌﻮﻥ
ﺷﻨﻮ ﻣﻦ ﺑﺸﺮ ﺍﻧﺖ
ﻛﺘﻠﻪ ﻭﺍﻟﻠﻪ ﺍﻟﺘﻬﻴﺖ ﺑﺎﻟﻐﺪﻩ ﻭﻧﺴﻴﺖ ﺍﻟﺠﻬﺎﺯ ﺑﻐﺮﻓﺘﻲ ﻓﻮﻙ
ﻳﺼﻴﺮ ﺧﻴﺮ ﻳﺎﺑﻨﺖ ﺍﻟﺤﻼﻝ
ﻃﺒﻜﻪ ﺑﻮﺟﻬﻲ
ﻭﺭﻩ ﻟﺤﻀﺎﺕ ﺧﺎﺑﺮﻧﻲ ﻛﻠﻲ ﺭﺍﺡ ﻳﺪﺧﻠﻮﻥ ﺑﺎﻟﻔﺮﻉ
ﻣﺎﻳﻌﺮﻓﻮﻥ ﺑﻴﺖ ﻣﻨﻮ
ﺭﺍﺡ ﺍﺧﻠﻲ ﺑﺎﺑﺎ ﻳﻮﻛﻔﻠﻬﻢ ﺑﺎﻟﺒﺎﺏ
ﻛﻠﻴﻠﻪ ﺳﻴﺎﺭﺗﻬﻢ ﺟﻜﺴﺎﺭﻩ ﻋﺎﻟﻴﻪ
ﺭﺍﺩ ﻳﻄﺒﻜﻪ ﻛﺘﻠﻪ
ﺍﻟﻠﻪ ﻳﺨﻠﻴﻚ ﻛﻠﻠﻬﻢ ﻻﻫﻠﻚ ﻻ ﻳﻔﻠﺘﻮﻥ ﺑﺎﻱ ﺣﺠﻴﻪ ﻛﺪﺍﻡ ﺍﻫﻠﻲ
ﻭﻣﺮﺍﺡ ﺍﻧﺴﻪ ﺟﻤﻴﻠﻚ ﻟﻠﻤﻮﺕ
ﻫﻬﻬﻪ ﺧﺎﻳﻔﻪ
ﻭﺍﻟﻨﺒﻲ ﺍﻧﺬﺑﺢ
ﻟﺞ ﻟﻮ ﻋﻨﺪﺝ ﺫﺭﺓ ﺧﻮﻑ ﻟﻮ ﺫﺭﺓ ﺧﺠﻞ ﻣﺠﺎﻥ ﺳﻮﻳﺘﻲ ﺍﻟﻲ ﺳﻮﻳﺘﻲ
ﺳﻜﺘﺖ ﻣﺎﻋﻨﺪﻱ ﺍﻱ ﺟﻮﺍﺏ
ﻳﻠﻪ ﻟﺞ ﻃﻠﻌﻲ ﻻﺑﻮﺝ ﺩﺧﻠﻮ ﺑﺎﻟﻔﺮﻉ
ﻧﺰﻟﺖ ﺣﺠﻴﺖ ﻭﻱ ﺑﺎﺑﺎ
ﻓﻌﻼ ﻃﻠﻊ ﺑﺎﻟﺒﺎﺏ
ﻟﺤﻀﺎﺕ ﻭﺩﺧﻞ ﻛﺎﻝ ﺳﻮﻭ ﻃﺮﻳﻖ
ﻃﺒﻌﺎ ﻣﺎﺍﻋﺮﻑ ﻣﻨﻮ ﺍﻟﻲ ﺟﺎﻱ ﻣﻨﻬﻢ
ﻭﻫﺬﺍ ﺍﺧﻮ ﻣﺮﻭﺍﻥ ﺍﻟﻐﺜﻪ ﺟﺎﻱ ﻟﻮ ﻻ
ﺩﺧﻠﻬﻢ ﻟﻼﺳﺘﻘﺒﺎﻝ ﻭﻭﺩﺍﻟﻬﻢ ﻣﻲ ﺑﺎﺭﺩ ﻭﺧﻠﻴﻨﺎﻟﻬﻢ ﻋﺼﺎﺋﺮ ﻭﻛﻴﻚ
ﺳﻮﻳﺘﻠﻬﻢ ﻋﺼﻴﺮ ﻃﺒﻴﻌﻲ ﻭﻗﺒﻞ ﻳﻮﻡ ﺟﻬﺰﺗﻠﻬﻢ ﻛﻴﻜﻪ
ﻣﺎﻣﺎ ﺩﺧﻠﺖ ﻭﻳﺎﻫﻢ
ﻭﺭﻩ ﺷﻮﻳﻪ ﺻﺎﺣﺘﻨﻲ
ﻛﺘﻠﻬﺎ ﻣﻨﻮ ﻭﻳﺎﻫﻢ
ﻛﺎﻟﺖ ﺑﺲ ﺍﻻﻡ ﻭﺍﻻﺏ
ﻛﻠﺒﻲ ﻛﺎﻡ ﻳﺪﻭﻙ ﺳﺮﻳﻊ ﺣﻴﻞ ﺧﻔﺖ ﻣﺎﺍﻋﺮﻑ ﻟﻮﻳﺶ
ﺍﺧﺎﻑ ﺍﺣﺪ ﻳﺰﻝ ﻟﺴﺎﻧﻪ ﻭﺍﻧﺘﻬﻲ ﺍﺫﺍ ﺻﺎﺭ ﻫﺬﺍ ﺍﻟﺸﻲ
ﺩﺧﻠﺖ ﺑﺲ ﺭﺟﻠﻴﻪ ﻣﺎﺍﺣﺲ ﺑﻴﻬﻦ ﻭﺍﺣﺴﻬﻦ ﻛﻮﻩ ﺍﺳﺤﻞ ﺑﻴﻬﻦ
ﺳﻠﻤﺖ ﻭﺟﻨﺖ ﻣﻨﺪﻛﻪ
ﻛﺎﻣﺖ ﺍﻣﻪ ﻟﻤﺮﻭﺍﻥ ﺑﻮﺳﺘﻨﻲ
ﻭﻛﺎﻟﺖ ﺻﻠﻮﺍﺕ ﻉ ﻣﺤﻤﺪ ﻓﺪﻩ ﺷﻨﻮ ﻫﺎﻟﺠﻤﺎﻝ
ﺑﺪﺍﺧﻠﻲ ﻓﺮﺣﺖ ﻻﻥ ﺑﺪﺍﻳﺘﻬﺎ ﺯﻳﻨﻪ
ﻭﺍﺑﻮ ﺍﻟﻤﺮﻭﺍﻥ ﻫﻤﻴﻦ ﻛﺎﻝ ﺷﻠﻮﻧﺞ ﻋﻤﻮ
ﻛﺘﻠﻪ ﺍﻟﺤﻤﺪ ﻟﻠﻪ
ﻛﻌﺪﺕ ﺑﺲ ﻛﻠﺒﻲ ﻳﺪﻭﻙ ﻳﻤﻜﻦ ﺑﺎﻟﺪﻗﻴﻘﻪ ﺍﻟﻒ ﺩﻛﻪ
ﻛﺎﻣﻮ ﻳﺤﺠﻮﻥ ﺑﺎﻟﺘﻔﺎﺻﻴﻞ ﻛﺎﻧﻮ ﺧﻄﺒﻪ ﺣﻘﻴﻘﻴﻪ
ﺣﺠﻮﺍ ﺑﺎﻟﺤﺎﻇﺮ ﻭﺍﻟﻐﺎﻳﺐ
ﻭﻃﻠﻌﻮﺍ ﻋﻠﺒﻪ ﺑﻴﻬﻦ ﺫﻫﺐ
ﻭﻗﺪﻣﺘﻪ ﺍﻟﻴﻪ
ﺑﻴﻬﺎ ﻃﻘﻢ ﻛﺎﻣﻞ ﻭﺑﺘﻮﺕ 6 ﻛﺎﻟﻮ ﺍﺣﻨﻪ ﻫﻨﺎﻙ ﻧﺠﻬﺰﻫﺎ ﺟﻬﺎﺯ ﻛﺎﻣﻞ
ﺷﻔﺖ ﺍﻟﻔﺮﺣﻪ ﺑﻮﺟﻪ ﺍﻫﻠﻲ ﻣﺎﻣﺎ ﻭﺑﺎﺑﺎ
ﮔﻠﻮﻟﻲ ﺟﻬﺰﻱ ﻧﻔﺴﺞ ﺣﺘﻰ ﻧﺮﻭﺡ
ﻭﺑﺎﺟﺮ ﻧﻌﻘﺪﻟﻜﻢ ﻋﻘﺪ ﺳﻴﺪ
ﻭﺍﻻﺣﺪ ﻋﻘﺪ ﺍﻟﻤﺤﻜﻤﻪ
ﺍﺑﻮ ﻟﻤﺮﻭﺍﻥ ﻛﺎﻝ ﺍﺫﺍ ﺣﺎﺑﻴﻦ ﺗﺠﻮﻥ ﻭﻳﺎﻧﻪ ﺍﻫﻼ ﻭﺳﻬﻼ
ﻛﻠﻠﻬﻢ ﺑﺎﺑﺎ ﻻ ﺍﻧﻲ ﺭﺍﺡ ﺍﺳﻠﻤﻬﺎ ﺍﻟﻜﻢ ﺍﻣﺎﻧﻪ ﻭﺍﻧﺘﻮ ﺑﻌﺪ ﺍﻫﻠﻬﺎ
ﻛﺎﻟﻮ ﺍﺣﻨﻪ ﻣﺮﺍﺡ ﻧﻜﺪﺭ ﻧﺴﻮﻱ ﺣﻔﻠﻪ ﻻﻥ ﺗﻌﺮﻓﻮﻥ ﺍﺑﻨﻪ ﺑﻌﺪﻩ ﻣﻄﺎﻟﻊ ﺍﻻﺭﺑﻌﻴﻦ
ﻛﻠﻠﻬﻢ ﺑﺎﺑﺎ ﻋﺎﺩﻱ ﻣﺎﻋﺪﻧﻪ ﻣﺎﻧﻊ
ﺍﺗﺮﺧﺼﺖ ﻣﻨﻬﻢ ﻭﻃﻠﻌﺖ ﺟﻬﺰﺕ ﺍﻟﻐﺪﻩ
ﺳﻮﻳﻨﻪ ﺳﻤﻚ ﺷﻮﻱ ﻭﺗﻤﻦ ﻋﻠﻲ ﺣﺸﻮ ﻭﻣﺮﮒ ﺑﺎﻣﻴﺎ ﻭﺷﻮﻳﺖ ﺩﺟﺎﺝ
ﺍﺗﻐﺪﻭﺍ ﻭﺻﺒﻴﻨﻪ ﺍﻟﺠﺎﻱ ﻭﺟﺎﻥ ﻳﺠﻲ ﻣﻮﻋﺪ ﺍﻟﻔﺮﺍﻕ
ﻣﺠﻨﺖ ﻫﻴﺞ ﻣﺘﺼﻮﺭﺗﻪ ﺍﺑﺪ
ﺩﻣﻮﻋﻲ ﻛﺎﻣﺖ ﺗﺠﺮﻱ ﺍﻧﻬﺎﺭ
ﺍﺧﻮﺍﺗﻲ ﻛﺎﻣﻦ ﻳﺒﺠﻦ
ﻣﺎﻣﺎ ﻛﺬﻟﻚ
ﺍﻣﺎ ﺑﺎﺑﺎ ﻓﻬﺬﺍ ﺑﻮﺣﺪﻩ ﻗﺼﻪ
ﺣﺴﻴﺖ ﺑﻲ ﻳﺮﻳﺪ ﻳﻨﻐﻤﻲ ﻋﻠﻲ
ﻳﻤﺴﺢ ﺑﻜﺼﺘﻪ
ﻛﻠﺒﻨﺎﻫﺎ ﻣﻨﺎﺣﻪ
ﻛﺎﻝ ﺍﻟﺮﺟﺎﻝ ﺻﻠﻮ ﻉ ﻣﺤﻤﺪ
ﻫﺎﻱ ﺷﻨﻮ ﻳﺎﺑﻪ ﻫﻮ ﻛﻠﻪ ﺍﻟﻄﺮﻳﻖ 3 ﺳﺎﻋﺎﺕ
ﺷﻮﻛﺖ ﻣﻴﻌﺠﺒﻬﺎ ﻧﺠﻴﺒﻬﺎ ﺍﻟﻜﻢ
ﻭﺍﻧﺘﻮ ﺷﻮﻛﺖ ﻣﻴﻌﺠﺒﻜﻢ ﺗﺠﻮﻥ ﺍﻫﻼ ﻭﺳﻬﻼ
ﻭﺩﻋﺘﻬﻢ ﻭﻃﻠﻌﻨﻪ
ﺍﺗﺤﺮﻛﺖ ﺍﻟﺴﻴﺎﺭﻩ ﻭﺟﺎﻥ ﺗﺸﻤﺮ ﻋﻠﻴﻪ ﻋﻼﻛﻪ ﺧﺎﻟﻪ
ﻭﻛﺎﻟﺖ ﻫﺎﺝ ﺑﺴﺮﻋﻪ ﺍﻟﺒﺴﻲ
ﻓﺘﺤﺘﻬﺎ ﻭﺟﺎﻧﺖ ﻋﺒﺎﻳﻪ ﻭﺑﻮﺷﻴﻪ
ﻛﺎﻟﺖ ﻻ ﻋﺒﺎﻟﺞ ﻓﺮﺣﺎﻧﻴﻦ ﺑﻴﺞ
ﺳﻮﻳﻨﺎﻫﺎ ﻟﻮﺟﻪ ﺍﻟﻠﻪ
ﺍﻧﺖ ﺳﺎﻗﻄﻪ ﻭﺗﺒﻘﻴﻦ ﺳﺎﻗﻄﻪ
ﺩﻣﻮﻋﻲ ﻛﺎﻣﺖ ﺗﺠﺮﻱ
ﻛﺎﻡ ﻳﺤﺠﻲ ﻋﻠﻴﻬﺎ ﻋﻤﻮ
ﻛﻠﻠﻬﺎ ﻳﺎﻣﺮﻩ ﺳﻤﻲ ﺑﺎﻟﺮﺣﻤﻦ
ﺧﻞ ﻧﻮﺻﻞ ﻭﺍﺗﻔﺎﻫﻤﻲ ﻣﻮ ﺑﺎﻟﺸﺎﺭﻉ
ﻛﻠﺘﻠﻲ ﺑﺴﺮﻋﻪ ﺍﻟﺒﺴﻲ ﺍﻟﻌﺒﺎﻳﻪ ﻭﺍﻟﺒﺴﻲ ﺍﻟﺒﻮﺷﻴﻪ
ﻭﺭﺍﺡ ﻳﺼﻌﺪ ﻭﻳﺎﻧﻪ ﺍﺑﻨﻲ
ﺍﻳﺎﻟﺞ ﻭﺍﺑﺎﻟﺞ ﺍﺳﻤﻊ ﻧﻔﺲ ﻣﻨﺞ ﻟﻮ ﺷﻴﺼﻴﺮ
ﻻﺯﻡ ﻣﻦ ﻫﺎﻱ ﺍﻟﻠﺤﻀﻪ ﺗﻠﺰﻣﻴﻦ ﺍﻟﻌﺪﻩ
ﻟﺒﺴﺘﻬﻦ ﻭﺩﻣﻮﻋﻲ ﺗﺠﺮﻱ
ﺑﻌﺪ ﻛﻠﺸﻲ ﻣﺎﺍﺷﻮﻑ
ﻟﺤﻀﺎﺕ ﻭﻛﻔﺖ ﺍﻟﺴﻴﺎﺭﻩ
ﻃﺒﻌﺎ ﻣﺎﺍﺷﻮﻑ ﻛﻠﺸﻲ
ﺑﺲ ﺳﻤﻌﺖ ﺍﻟﺒﺎﺏ ﺍﻧﻔﺘﺤﺖ
ﺍﺟﺘﻲ ﺧﺎﻟﻪ ﻳﻤﻲ
ﻳﻤﻜﻦ ﺍﺧﻮ ﻟﻤﺮﻭﺍﻥ ﺟﺎﻥ ﻣﻨﺘﻈﺮﻫﻢ
ﻭﺟﺎﻥ ﻳﺠﻴﻨﻲ ﺍﻟﺼﻮﺕ ﻣﺜﻞ ﺍﻟﺮﻋﺪ
ﺟﺎﻥ ﻳﻜﻮﻝ .....
ﻃﺒﻌﺎ ﻭﻓﻘﻨﻲ ﺍﻟﻠﻪ ﻭﺯﺭﺕ ﻣﻮﻻﻱ ﻋﻠﻲ ﻋﻠﻴﻪ ﺍﻟﺴﻼﻡ ﻭﺯﺭﺕ ﻧﻴﺎﺑﻪ ﻋﻦ ﻛﻞ ﻣﻦ ﻗﻠﺪﻧﻲ ﺍﻟﺰﻳﺎﺭﻩ ﻭﺍﻟﺪﻋﺎﺀ
ﺍﺳﻔﻪ ﻉ ﺍﻟﺘﺎﺧﻴﺮ ﻗﺒﻞ ﺷﻮﻳﻪ ﻭﺻﻠﺖ ﻭﺍﻟﻠﻪ ﻭﺭﻏﻢ ﺗﻌﺒﻲ ﻧﺰﻟﺖ ﺍﻟﻜﻢ ﺍﻟﺒﺎﺭﺕ ﻭﺗﺪﻟﻠﻮﻥ ﻋﻠﻴﻪ