بين الفقر والطغيان

17

#بين_الفقر_والطغيان
ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
🦋🌹 ﺍﻟﺒﺎﺭﺕ 17 🌹🦋
🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋
🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋
ﺩﻛﻴﺖ ﺍﻟﺒﺎﺏ ﻭﺟﺎﻥ ﺍﻧﺼﺪﻡ ﺑﺮﺟﺎﻝ ﻳﻄﻠﻊ ﻋﻤﺮﻩ ﺑﺎﻻﺭﺑﻌﻴﻦ ﻳﻌﻨﻲ ﻣﻮ ﺟﺒﻴﺮ
ﻣﺒﻴﻦ ﻋﻠﻲ ﺍﺑﻮﻫﺎ ﺑﺲ ﺍﻟﺼﺮﺍﺣﻪ ﺍﺗﻔﺎﺟﺎﺕ ﺑﻲ ﺟﺎﻥ ﺷﺨﺼﻴﻪ ﻣﻮ ﻃﺒﻴﻌﻲ ﻭﺯﻏﻴﺮ
ﺍﺗﻮﻗﻌﺘﻪ ﻣﺒﻬﺬﻝ ﻭﺍﺗﻮﻗﻌﺘﻪ ﺭﺟﺎﻝ ﺟﺒﻴﺮ
ﺳﻠﻤﺖ ﻋﻠﻲ ﻭﺟﺎﻥ ﻣﺒﻴﻦ ﻋﻠﻲ ﺍﻟﺼﺪﻣﻪ
ﺍﻛﻴﺪ ﻣﻌﺮﻓﻨﻲ
ﻋﺮﻓﺘﻪ ﻋﻦ ﻧﻔﺴﻲ
ﻛﺘﻠﻪ ﺍﻧﻲ ﺣﻴﺪﺭ ﺯﻭﺝ ﺯﻳﻨﺐ
ﻓﺮ ﺑﻴﻪ ﻭﺣﺴﻴﺖ ﺑﻲ ﻓﺮﺡ
ﺩﺧﻠﻨﻲ ﺑﺴﺮﻋﻪ
ﺗﻌﺎﻝ ﻋﻤﻮ ﺍﺗﻔﻀﻞ
ﺟﺎﻥ ﺑﻴﺘﻬﻢ ﺗﻌﺒﺎﻥ ﺑﺲ ﺑﻲ ﺣﺪﻳﻘﻪ ﻣﺮﺗﺒﻪ
ﺩﺧﻠﻨﻪ ﻟﻼﺳﺘﻘﺒﺎﻝ ﻭﺟﺎﻥ ﺍﻟﺘﺮﺗﻴﺐ ﻭﺍﻟﻨﻈﺎﻓﻪ ﻃﺎﻏﻴﻪ ﻋﻠﻴﻪ
ﺻﺎﺡ ﺯﻳﻨﺐ ... ﺯﻳﻨﺐ .....
ﺗﻌﺎﻟﻲ ﺑﺎﺑﺎ ﻫﺬﺍ ﺯﻭﺟﺞ ﺍﺟﻪ
ﺭﺍﺡ ﺟﺎﺑﻠﻲ ﻣﻲ ﻭﺍﺟﻪ
ﻛﺎﻝ ﺭﺍﺡ ﺗﺠﻲ ﺯﻳﻨﺐ
ﻛﻌﺪﻧﻪ ﻛﻠﻲ ﺍﻟﺤﻤﺪ ﻟﻠﻪ ﻉ ﺍﻟﺴﻼﻣﻪ
ﺍﻟﻠﻪ ﻳﺴﻠﻤﻚ
ﻣﺎﺍﻋﺮﻑ ﻳﺪﺭﻱ ﺑﻴﻪ ﻣﺘﺰﻭﺝ ﻟﻮ ﻻ
ﻭﺑﺪﻩ ﻳﺴﺎﻟﻨﻲ ﻋﻦ ﺩﻭﺍﻣﻲ ﻭﺍﺟﺎﻭﺑﻪ
ﻣﺒﻴﻦ ﻋﻠﻲ ﻣﺜﻘﻒ ﺑﺸﻜﻞ
ﻳﺤﺠﻲ ﻭﺍﻧﻲ ﻓﺎﻙ ﺣﻠﻜﻲ ﻋﻠﻴﻪ
ﻣﻤﺘﺼﻮﺭﻩ ﻫﻴﺞ ﺍﺑﺪ
ﻭﺭﻩ ﺷﻮﻳﻪ ﺍﺟﺘﻲ ﺯﻳﻨﺐ ﻭﺟﺎﻧﺖ ﻣﺼﺪﻭﻣﻪ ﻣﻦ ﺷﺎﻓﺘﻨﻲ ﻣﺜﻞ 👈 😳😳
ﺳﻠﻤﺖ ﻣﻦ ﻭﺭﻩ ﺧﺸﻤﻬﺎ ﻭﺍﺿﺢ ﻋﻠﻴﻬﺎ
ﺍﺧﺬﺕ ﻧﻈﻮﺭﻱ ﻭﺑﻮﺳﺘﻪ ﻭﻫﻮ ﻓﺮﺣﺎﻥ ﺍﻧﻄﻴﺘﻪ ﻋﻼﻛﺔ ﺍﻟﺤﻠﻮﻳﺎﺕ
ﺟﺒﺘﻬﻦ ﻣﻦ ﺍﻟﻄﺮﻳﻖ
ﻧﻮﺭ ﺍﻟﺤﻘﻴﺮﻩ ﻭﻻ ﺍﺟﺖ ﻭﻻ ﺷﻔﺘﻬﺎ
ﺍﺧﺬﻫﻦ ﻭﻃﻠﻊ
ﻛﻮﻣﻲ ﺑﺎﺑﺎ ﺳﻮﻱ ﻏﺪﻩ ﻟﺰﻭﺟﺞ
ﻻﻋﻤﻲ ﺗﺴﻠﻢ ﻣﺘﻐﺪﻱ ﻭﺷﺒﻌﺎﻥ ﺑﺲ ﺟﺎﻱ ﺑﺪﻭﻥ ﺯﺣﻤﻪ
ﺍﺑﻮﻫﺎ ﺍﺗﺮﺧﺺ ﻛﺎﻝ ﺍﻧﻲ ﺍﺟﻴﺐ ﺍﻟﺠﺎﻱ ﻭﺍﺟﻲ ﺍﺧﺬ ﺭﺍﺣﺘﻚ ﺍﺑﻨﻲ
ﺍﺗﻘﺪﻣﺖ ﻋﻠﻴﻬﺎ ﻫﻲ ﺭﺟﻌﺖ ﻟﻮﺭﻩ ﻟﻤﻦ ﻭﺻﻠﺖ ﻟﻠﺤﺎﻳﻂ
ﺻﺎﺭﺕ ﻣﻘﺎﺑﻴﻠﻲ
ﻭﺧﺮ ﻋﻔﻴﻪ ﻻ ﻳﺠﻲ ﺑﺎﺑﺎ
ﻭﺍﺫﺍ ﺍﺟﻪ ﻗﺎﺑﻞ ﺷﻤﺴﻮﻱ
ﺷﻠﻮﻥ ﺩﺧﻠﺖ ﻟﺒﻴﺘﻨﻪ ﻣﺨﻔﺖ ﻉ ﺣﺬﺍﺋﻚ ﻭﻣﻼﺑﺴﻚ ﻳﺘﻮﺳﺨﻦ
ﻫﺬﺍ ﻣﻮ ﺷﻐﻠﺞ
ﺿﺮﺑﺘﻬﺎ ﺭﺍﺟﺪﻱ ﻛﺘﻠﻬﺎ ﻫﺎﻱ ﻻﻥ ﻃﻠﻌﺘﻲ ﺑﺪﻭﻥ ﻋﻠﻤﻲ
ﺿﺮﺑﺘﻬﺎ ﺍﻟﺜﺎﻧﻲ ﻫﺎﻱ ﻻﻥ ﺻﻌﺪﺗﻲ ﻭﻱ ﺍﻣﻴﺮ ﻭﺑﺪﻭﻥ ﻣﻮﺍﻓﻘﺘﻲ
ﺿﺮﺑﺘﻬﺎ ﺍﻟﺜﺎﻟﺚ ﻛﺘﻠﻬﺎ ﻫﺬﺍ ﻻﻥ ﻣﺎﻗﺪﺭﺗﻲ ﺟﻴﺖ ﺍﻫﻠﻲ ﺍﻟﺞ
بيج قصص عراقيه حقيقيه من واقعنا.روعه الطائي
ﺿﺮﺑﺘﻬﺎ ﺍﻟﺮﺍﺑﻊ ﻫﺬﺍ ﻻﻥ ﺟﻬﺎﺯﺝ ﻣﻘﻔﻮﻝ
ﻫﻲ ﻣﻨﻄﻘﺖ ﻭﻻ ﺣﺮﻑ
ﺑﺲ ﻭﺟﻬﺎ ﺻﺎﺭ ﺍﺣﻤﺮ
ﻻﻥ ﺑﻴﻀﻪ ﻭﺍﻛﻴﺪ ﺍﻗﻞ ﺿﺮﺑﻪ ﻳﺒﻴﻦ ﻋﻠﻴﻬﺎ
ﻳﻠﻪ ﺟﻬﺰﻱ ﻧﻔﺴﺞ ﺧﻠﻲ ﻧﺮﺟﻊ
ﻛﻮﻩ ﺗﺤﺠﻲ ﻭﻫﻲ ﻣﺪﻧﻜﻪ
ﺑﺲ ﻣﺎﺍﺭﻳﺪ ﺍﺭﺟﻊ ﻭﻳﺎﻙ
ﺧﻠﻴﻨﻲ ﻫﻨﺎ ﺍﺭﻳﺢ ﺍﻟﻲ ﻭﺍﻟﻚ
ﺧﻠﻲ ﻋﻴﻨﺞ ﺑﻌﻴﻨﻲ ﻭﺍﺣﺠﻲ
ﺑﻘﺖ ﻣﺪﻧﻜﻪ ﺍﻛﻴﺪ ﻛﻮﻩ ﺗﺤﺠﻲ ﻣﺎﺍﻋﺮﻑ ﺧﻮﻑ ﻟﻮ ﺧﺠﻞ
ﺭﻓﻌﺖ ﻭﺟﻬﺎ ﺑﺎﺻﺒﻌﻲ
ﺑﺲ ﺍﻧﻲ ﺗﺪﺭﻳﻦ ﺑﻄﺒﻌﻲ ﻣﺎﺍﺣﺐ ﺍﻋﻴﺪ ﺍﻟﻜﻼﻡ ﻣﺮﺗﻴﻦ
ﻭﺍﻧﻲ ﻫﻢ ﻣﺎﺍﻛﺪﺭ ﺍﺭﺟﻊ ﻭﻳﺎﻙ
ﺣﺒﻴﺖ ﺍﺳﻮﻳﻠﻬﺎ ﻛﺮﺻﺔ ﺍﺫﻥ
ﺣﺘﻰ ﻣﺘﻌﻴﺪﻫﺎ ﻣﺮﻩ ﺛﺎﻧﻴﻪ
ﻛﻠﺖ ﺧﻞ ﺍﺧﺒﺚ ﺷﻮﻳﻪ ﻭﻳﺎﻫﺎ ﻭﺍﻟﻌﺐ ﻉ ﺍﻋﺼﺎﺑﻬﺎ
ﺑﺲ ﺧﻞ ﻳﺠﻲ ﺍﺑﻮﻫﺎ
ﻋﻔﺘﻬﺎ ﻭﻛﻌﺪﺕ
ﻫﻲ ﺑﻘﺖ ﻭﺍﻛﻔﻪ
ﻃﺒﻌﺎ ﻻﺑﺴﻪ ﺻﺎﻳﻪ ﻭﺣﺠﺎﺏ
ﺩﺧﻞ ﺍﺑﻮﻫﺎ ﺟﺎﺏ ﺟﺎﻱ
ﻛﺘﻠﻪ ﺭﺣﻢ ﺍﻟﻠﻪ ﻭﺍﻟﺪﻳﻚ ﺗﻌﺒﺘﻚ ﻭﻳﺎﻱ
ﺍﺣﺲ ﺭﺍﺳﻲ ﻳﺮﻳﺪ ﻳﻨﻔﺠﺮ ﻣﻦ ﺻﺪﻙ
ﺍﻟﺘﻔﺘﺖ ﻋﻠﻴﻬﺎ ﺭﻭﺣﻲ ﺟﻴﺒﻴﻠﻲ ﺣﺒﺎﻳﻪ ﺑﻨﺪﻭﻝ ﺍﺫﺍ ﺍﻛﻮ
ﻫﺴﻪ ﺍﺟﻴﺒﻠﻚ
ﺭﺍﺣﺖ ﻟﺤﻀﺎﺕ ﻭﺍﺟﺖ ﺟﺎﻳﺒﻪ ﺍﻟﺤﺒﺎﻳﻪ ﻭﻣﻲ
ﻫﺎﻱ ﺍﻟﻤﻦ ﻻﺑﺴﻪ ﺣﺠﺎﺏ ﻭﺻﺎﻳﻪ
ﺍﺑﻮﻫﺎ ﻫﻢ ﻛﺎﻟﻠﻬﺎ ﺻﺪﻙ ﺑﺎﺑﺎ ﻣﻨﺘﺒﻬﺘﻠﺞ ﻫﺎﻱ ﺷﻼﺑﺴﻪ
ﻣﺎﻛﻮ ﻏﺮﻳﺐ ﺑﺲ ﺯﻭﺟﺞ
ﻫﻲ ﺍﺭﺗﺒﻜﺖ ﻛﺎﻟﺖ ﻋﺒﺎﻟﻲ ﺟﺎﻱ ﺍﺣﺪ ﻭﻳﺎﻩ
ﻣﻌﺒﺎﻟﻲ ﻭﺣﺪﻩ
ﻟﻌﺪ ﺍﻧﺰﻋﻲ ﺍﻟﺤﺠﺎﺏ ﻭﺍﻟﺼﺎﻳﻪ ﺑﺎﺑﺎ ﺣﺎﺭﻩ ﺣﻴﻞ
ﻓﻌﻼ ﻧﺰﻋﺘﻪ ﺑﺲ ﺷﻨﻮ ﺍﻟﺨﺠﻞ ﻭﺍﺿﺢ ﻋﻠﻴﻬﺎ
ﻳﺎﺍﻟﻠﻪ ﺷﻜﺪ ﺣﻠﻮﻩ ﺑﺪﻭﻥ ﺣﺠﺎﺏ
ﺷﻌﺮﻫﺎ ﺟﺎﻧﺖ ﺿﺎﻓﺮﺗﻪ
ﺍﻭﻝ ﻣﺮﻩ ﺍﺣﺲ ﺑﻴﻬﺎ ﺍﻟﺨﺠﻞ ﻃﺎﻏﻲ ﻋﻠﻴﻪ ﻣﺴﺘﺤﻴﻞ ﺗﺼﻨﻊ ﻫﺬﺍ ﺧﺠﻠﻬﺎ
ﻧﺰﻋﺖ ﺍﻟﺼﺎﻳﻪ ﺑﻴﻬﺎ ﺳﺤﺎﺏ
ﺟﺎﻧﺖ ﻻﺑﺴﻪ ﺗﺮﺍﻙ ﻧﻔﺲ
بيج قصص عراقيه حقيقيه من واقعنا.روعه الطائي
ﻫﺎﻱ ﺍﻛﻴﺪ ﻧﺎﻭﻳﻪ ﺗﺠﻴﺐ ﺍﺧﺮﺗﻲ ﻉ ﺍﻳﺪﻫﺎ
ﻣﺎﺍﻛﺪﺭ ﺍﺑﺎﻭﻉ ﻋﻠﻴﻬﺎ ﻋﻴﺐ ﻣﻦ ﺍﺑﻮﻫﺎ
ﻛﻌﺪ ﺍﺑﻮﻫﺎ
ﻛﻠﻠﻬﺎ ﺗﻌﺎﻱ ﺑﺎﺑﺎ ﺍﻛﻌﺪﻱ
ﻻ ﺧﻠﻴﻨﻲ ﻫﻴﺞ ﺍﺣﺴﻦ
ﻟﻴﺶ ﺑﺎﺑﺎ ﺷﺒﻴﺞ
ﻣﺒﻴﻪ ﺷﻲ ﻣﻮ ﺍﺭﻳﺪ ﺍﺷﻮﻑ ﺍﺑﻨﻲ
ﻛﺘﻠﻪ ﻋﻤﻲ ﺍﻟﻴﻮﻡ ﺍﻧﻲ ﺟﺎﻱ ﻭﺣﺎﺏ ﺍﺷﺘﻜﻴﻠﻚ ﻣﻦ ﺯﻳﻨﺐ
ﺣﺴﻴﺖ ﺑﻴﻬﺎ ﻭﺟﻬﺎ ﺻﺎﺭ ﺍﺻﻔﺮ
ﺍﻧﻲ ﻣﺘﺎﻛﺪ ﺍﻟﻲ ﻳﺬﺑﺤﻬﺎ ﻣﻴﻠﻜﻲ ﻗﻄﺮﺓ ﺩﻡ
ﻋﺒﺎﻟﻬﺎ ﺭﺍﺡ ﺍﺣﺠﻲ ﻋﻠﻴﻬﺎ ﻭﻉ ﻣﺮﻭﺍﻥ
ﻛﺎﻝ ﺍﺣﺠﻲ ﻋﻤﻲ ﻣﻴﻜﻮﻥ ﺧﺎﻃﺮﻙ ﺍﻟﻪ ﻃﻴﺐ
ﻛﺘﻠﻪ ﺗﻘﺒﻞ ﺍﺳﺎﻓﺮ
ﺗﺠﺬﺏ ﻉ ﺍﺧﻮﻳﻪ ﻭﺗﻜﻠﻪ ﺣﻴﺪﺭ ﻛﺎﻝ ﺩﺯﻧﻲ ﻻﻫﻠﻲ
ﻭﺗﺪﺭﻱ ﺑﻴﻪ ﻣﺎﺍﻗﺒﻞ ﺗﻄﻠﻊ ﺍﻟﻪ ﺑﻌﻠﻤﻲ
ﻭﺍﺟﺘﻜﻢ ﺑﺪﻭﻥ ﻋﻠﻤﻲ
ﻭﻣﻮ ﻫﺎﻱ ﺍﻟﻤﺸﻜﻠﻪ
ﺍﻟﻤﺸﻜﻠﻪ ﺟﻬﺎﺯﻩ ﻗﺎﻓﻠﺘﻪ
ﺣﺒﻴﺖ ﺍﻃﻤﺎﻥ ﻉ ﺍﺑﻨﻲ ﻭﺍﺳﻤﻊ ﺻﻮﺗﻪ ﻫﻲ ﻋﻨﺎﺩ ﺑﻴﻪ ﻗﺎﻓﻠﺘﻪ
ﻭﺍﺟﻮﻱ ﺍﻣﻲ ﻭﺍﺑﻮﻳﻪ ﻳﺮﺩﻭﻥ ﻳﺮﺟﻌﻮﻫﺎ ﺧﻄﻴﻪ ﺗﻔﺸﻠﻬﻢ ﻭﻣﺘﺠﻲ ﻭﻳﺎﻫﻢ
ﻫﻲ ﻣﻨﻄﻘﺖ ﻭﻻ ﺑﺤﺮﻑ
ﻭﺍﻟﻠﻪ ﻳﺎﻋﻤﻲ ﺷﺎﻟﻌﻪ ﻛﻠﺒﻲ ﺑﻌﻨﺎﺩﻫﺎ
ﻭﺍﻧﻲ ﻫﺴﺘﻮﻧﻲ ﺭﺍﺟﻊ ﻣﻦ ﺍﻟﺴﻔﺮ
ﻭﺟﺎﻥ ﺍﻟﻜﻴﻬﺎ ﻫﻲ ﻭﺍﺑﻨﻲ ﻣﺎﻛﻮ
ﺷﺘﺘﻮﻗﻊ ﺭﺩﺓ ﻓﻌﻠﻲ
ﻭﻫﺴﻪ ﺍﻛﻠﻬﺎ ﻛﻮﻣﻲ ﺧﻞ ﻧﺮﺟﻊ ﺗﻜﻮﻟﻲ ﻣﺎﺍﺭﺟﻊ ﻭﻳﺎﻙ
ﺍﺭﻳﺪ ﺍﺑﻘﻰ ﻫﻨﺎ
ﺍﺫﺍ ﺗﻘﺒﻠﻬﺎ ﻫﺴﻪ ﺍﻋﻮﻓﻬﺎ ﻭﺍﺭﻭﺡ
ﻭﻳﺎﺭﻳﺖ ﺗﺴﺎﻟﻬﺎ ﻉ ﺍﻟﺴﺒﺐ ﺍﻟﻲ ﺧﻼﻫﺎ ﺗﻌﻮﻑ ﺍﻟﺒﻴﺖ ﻭﺗﺠﻴﻜﻢ ﺑﺪﻭﻥ ﻋﻠﻤﻲ
ﺍﻟﺘﻔﺖ ﻋﻠﻴﻬﺎ ﻭﺳﺎﻟﻬﺎ
ﻫﺬﺍ ﺍﻟﺤﺠﻲ ﺍﻟﻲ ﺣﺠﺎ ﺯﻭﺟﺞ ﺻﺤﻴﺢ
ﻛﺎﻟﺖ ﺍﻱ
ﻳﻌﻨﻲ ﺟﺎﻳﻪ ﺑﺪﻭﻥ ﻋﻠﻤﻪ
ﺍﻱ
ﺑﻌﺪﻫﻲ ﻫﺴﺘﻮﻫﺎ ﻧﻄﻘﺖ
ﻭﺟﺎﻥ ﻳﻀﺮﺑﻬﺎ ﺭﺍﺟﺪﻱ ﺩﻭﺧﻬﺎ ﺑﻲ
ﻭﺿﺮﺑﻬﺎ ﻣﺮﻩ ﺛﺎﻧﻴﻪ
ﺍﻧﻲ ﺍﻋﺘﻘﺪ ﺭﺑﻴﺘﺞ ﻭﻋﻠﻤﺘﺞ ﻉ ﺍﻟﺼﺪﻕ ﻭﻣﻌﻠﻤﺘﺞ ﻋﺎﻟﻜﺬﺏ ﺍﺑﺪ
ﻳﻌﻨﻲ ﺟﺬﺑﺘﻲ ﻋﻠﻴﻪ ﻭﻣﻜﻠﺘﻲ ﺟﺎﻳﻪ ﺯﻋﻼﻧﻪ
ﻭﺍﺟﻮﻱ ﺍﻟﻌﺎﻟﻢ ﻳﺮﺟﻌﻮﺝ ﻭﺍﻧﺖ ﺗﻔﺸﻠﻴﻬﻢ
ﻫﻲ ﻣﺪﻧﻜﻪ ﻣﻨﻄﻘﺖ ﻭﻻ ﺑﺤﺮﻑ ﺍﺑﺪ
ﺑﺲ ﺩﻣﻮﻋﻬﺎ ﺗﺠﺮﻱ
ﺍﻭﻝ ﻣﺮﻩ ﺍﻧﻘﻬﺮ ﻋﻠﻴﻬﺎ
ﺣﺴﻴﺖ ﺑﻴﻬﺎ ﺣﻴﻞ ﺿﺎﺟﺖ ﻣﻦ ﺿﺮﺑﻬﺎ ﺍﺑﻮﻫﺎ
ﻳﻤﻜﻦ ﻣﻦ ﺿﺮﺑﺘﻬﺎ ﺍﻧﻲ ﻋﺎﺩﻱ
بيج قصص عراقيه حقيقيه من واقعنا.روعه الطائي
ﺑﺲ ﻣﻦ ﺿﺮﺑﻬﺎ ﺍﺑﻮﻫﺎ ﻛﺎﻣﺖ ﺗﺒﺠﻲ
ﻛﻠﻠﻬﺎ ﻫﺴﻪ ﺗﻠﻤﻴﻦ ﻣﻼﺑﺴﺞ ﻭﺗﻨﺴﻴﻦ ﻋﻨﺪﺝ ﺍﻫﻞ ﻭﺗﺠﻴﻦ ﺯﻋﻼﻧﻪ
ﺭﺟﻠﺞ ﺍﻛﺴﺮﻫﺎ ﺍﺫﺍ ﻋﺪﺗﻴﻬﺎ
ﺍﻧﻲ ﻣﻌﻨﺪﻱ ﺑﻨﻴﻪ ﺗﺠﻲ ﺯﻋﻼﻧﻪ ﻭﺗﺠﺬﺏ
ﺍﻟﻤﻔﺮﻭﺽ ﻣﻨﺞ ﺗﺼﺎﺭﺣﻴﻨﻪ ﻣﻦ ﺍﻟﺒﺪﺍﻳﻪ
ﺑﺲ ﺍﻧﻲ ﻣﺘﺎﻛﺪ ﻟﻮ ﻋﺎﻳﻞ ﺑﻴﺞ ﺟﺎﻥ ﺻﺎﺭﺣﺘﻴﻨﻪ
ﻭﻛﺘﻲ ﻫﻴﺞ ﻭﻫﻴﺞ ﺍﻟﺴﺎﻟﻔﻪ
ﺑﺲ ﺍﻛﻴﺪ ﺍﻟﺨﻠﻞ ﺑﻴﺞ ﻭﻣﻜﺪﺭﺗﻲ ﺗﺤﺠﻴﻦ
ﺑﺲ ﺑﺎﺑﺎ ﺍﻋﺬﺭﻧﻲ ﻣﺎﺍﻛﺪﺭ ﺍﺭﻭﺡ ﻭﻳﺎ
ﺯﻳﻨﺐ ﻭﻻ ﻟﺤﻀﻪ ﺗﺒﻘﻴﻦ ﻫﻨﺎ
ﺣﺘﻠﻮ ﻫﻮ ﻋﺎﻳﻞ ﺑﻴﺞ ﻣﻦ ﺍﺟﻪ ﻟﺒﻴﺘﻨﻪ ﻫﻮ ﻭﺍﻫﻠﻪ ﻛﻠﺶ ﻛﺎﻓﻲ
ﺍﺻﻼ ﻣﻌﺎﻳﻞ ﺑﻴﻬﺎ ﻫﻲ ﺍﻟﻌﺎﻟﺖ ﺑﻴﻪ ﻫﺎﻱ ﻛﺪﺍﻣﻚ ﻭﺍﺳﺎﻟﻬﺎ
ﺍﻧﻲ ﻛﺎﻋﺪ ﻭﺳﺎﻛﺖ ﻭﻫﻲ ﺍﻟﻲ ﻗﺒﻞ ﻻﺍﺣﺠﻲ ﺣﺴﻴﺘﻬﺎ ﺍﻧﺘﻬﺖ ﻣﻦ ﺻﺪﻙ
ﻫﻲ ﺍﻟﻲ ﻋﺎﻟﺖ ﺑﻴﻪ ﻭﻛﺎﻣﺖ ﺗﺼﻴﺢ
ﻋﺮﻓﺘﺞ ﺍﻧﺖ ﺍﻟﻌﺎﻳﻠﻪ
ﺍﻧﺖ ﻟﻮ ﻣﺼﺎﺭﺣﺘﻨﻲ ﻭﻣﻔﻬﻤﺘﻨﻲ ﺍﻟﻤﺸﻜﻠﻪ ﺟﺎﻥ ﻛﺪﺭﺕ ﺍﺳﺎﻋﺪﺝ
ﺑﺲ ﻫﺴﻪ ﻻ ﺗﺮﺟﻌﻴﻦ ﻭﺗﺴﻜﺘﻴﻦ
ﻫﻲ ﺑﺪﻭﻥ ﺻﻮﺕ ﺳﺤﺒﺖ ﻧﻔﺴﻬﺎ ﻭﻃﻠﻌﺖ
ﺣﻴﻞ ﺿﺎﺟﺖ ﻣﺒﻴﻦ ﻋﻠﻴﻬﺎ
ﺍﺗﺒﺎﺩﻟﻨﻪ ﺍﻻﺭﻗﺎﻡ ﺍﻧﻲ ﻭﺍﺑﻮﻫﺎ
ﻭﺍﺧﺬﺕ ﺻﻔﺤﺘﻪ ﻭﺻﺎﺩﻗﺘﻪ
ﻛﺎﻝ ﻋﻤﻲ ﺍﺣﺴﺒﻬﺎ ﻋﻠﻴﻪ
ﺯﻳﻨﺐ ﺑﻌﺪﻫﻲ ﻃﻔﻠﻪ ﻭﺍﻛﻴﺪ ﻣﺘﻔﺘﻬﻢ
ﻣﺨﻠﻴﻬﺎ ﺑﻌﻴﻮﻧﻲ ﻭﻫﺎﻱ ﻛﺪﺍﻣﻚ ﻭﺍﺳﺎﻟﻬﻪ
ﺍﻧﻲ ﻫﻢ ﻣﺤﺠﻴﺖ ﺷﻲ ﺑﻌﺪ
ﺍﻧﻲ ﺍﺗﻮﻗﻌﺖ ﻳﺠﻦ ﺍﻣﻬﺎ ﻭﺍﺧﻮﺍﺗﻬﺎ ﻳﺪﺧﻠﻦ ﻳﻤﻨﻪ
ﺑﺲ ﻓﺎﺟﺄﻧﻲ ﻭﻻ ﻭﺣﺪﻩ ﺩﺧﻠﺖ
ﻟﺤﻀﺎﺕ ﻭﺍﺟﺖ ﻣﺒﺪﻟﻪ ﻟﻨﻈﻮﺭﻱ
ﺍﺧﺬﺗﻪ ﻣﻨﻬﺎ ﻛﺘﻠﻬﺎ ﻳﻠﻪ
ﺍﺑﻮﻫﺎ ﻛﺎﻝ ﺍﺑﻘﻮﺍ ﺍﺗﻌﺸﻮﺍ ﻭﺑﺎﺗﻮ ﻭﺑﺎﺟﺮ ﺍﺭﺟﻌﻮﺍ
ﺍﺗﻮﺳﻞ ﺑﻴﻨﻪ
ﻛﺘﻠﻪ ﻣﺎﺍﻛﺪﺭ ﺩﻭﺍﻡ ﻋﻨﺪﻱ ﺑﺎﺟﺮ
ﻻﺯﻡ ﺍﺭﻭﺡ ﺍﻟﻴﻮﻡ ﻏﻴﺮ ﻳﻮﻡ ﺍﻥ ﺷﺎﺀ ﺍﻟﻠﻪ
ﻛﺘﻠﻪ ﺍﻡ ﺯﻳﻨﺐ ﻭﻳﻦ ﺣﺎﺏ ﺍﺳﻠﻢ ﻋﻠﻴﻬﺎ ﻫﻲ ﻭﺍﻟﺒﻨﺎﺕ
ﻛﺎﻝ ﺍﻱ ﻫﺴﻪ
ﺍﺟﺘﻲ ﺍﻣﻬﺎ ﻭﻫﻢ ﺟﺎﻧﺖ ﺻﺪﻣﻪ ﺍﻟﻲ
ﺯﻏﻴﺮﻩ ﺣﻴﻞ ﻳﺠﻮﺯ ﺑﻌﻤﺮﻱ ﻣﺒﻴﻦ ﻋﻠﻴﻬﺎ ﻋﻤﺮﻫﺎ ﺑﺎﻟﺜﻼﺛﻴﻦ
ﻭﺟﺎﻧﺖ ﻧﺴﺨﻪ ﻣﻦ ﺯﻳﻨﺐ ﻋﺒﺎﻟﻚ ﺗﻮﻡ
ﺳﻠﻤﺖ ﻋﻠﻴﻬﺎ ﻭﺣﺘﻰ ﺍﺳﺘﺤﻲ ﺍﻛﻠﻬﺎ ﺧﺎﻟﻪ ﻟﻮ ﻋﻤﻪ
ﺟﺎﻧﺖ ﻧﺎﺯﻛﻪ ﺑﺸﻜﻞ
ﻛﺎﻝ ﺍﻟﺒﻨﺎﺕ ﻧﺎﻳﻤﺎﺕ
ﺍﻧﻲ ﻣﺘﺎﻛﺪ ﺟﺬﺏ ﻣﻨﺎﻳﻤﺎﺕ ﺑﺲ ﺍﺣﺘﻤﻞ ﻳﺴﺘﺤﻦ
ﺍﺗﺮﺧﺼﺖ ﻣﻨﻬﻢ
ﻭﻫﻲ ﺑﻮﺳﺖ ﺍﻣﻬﺎ
ﺣﺴﻴﺖ ﺑﻴﻬﺎ ﺑﻌﺪﻫﺎ ﺗﺒﺠﻲ
ﻃﻠﻌﻨﻪ ﻭﻃﻠﻊ ﺍﺑﻮﻫﺎ ﻭﺭﺍﻧﻪ
ﺻﻌﺪﺕ ﻭﺭﻩ ﻣﺼﻌﺪﺕ ﺑﺎﻟﺼﺪﺭ
ﻛﺘﻠﻬﺎ ﺗﻌﺎﻟﻲ ﻫﻨﺎ ﺻﻌﺪﻱ
ﻛﺎﻟﺖ ﻣﻮ ﺍﺧﺎﻑ ﻳﻨﺎﻡ ﺍﺑﻨﻲ ﻣﺎﺍﻛﺪﺭ ﻫﻨﺎﻙ
ﻫﻨﺎ ﺍﺭﻳﺢ ﺣﺘﻰ ﺍﻧﻴﻤﻪ ﺑﺼﻔﻲ
ﻻﺣﻀﺖ ﻣﻼﺑﺲ ﻧﻈﻮﺭﻱ ﺑﻌﻼﻛﻪ
ﻣﺸﻴﻨﻪ ﺑﺲ ﻫﺎﻟﻤﺮﻩ ﻣﺎﺍﻣﺸﻲ ﺳﺮﻳﻊ ﺍﻣﺸﻲ ﺑﻄﻴﺊ
ﺍﺗﻤﻨﻰ ﺍﺑﻘﻰ ﺍﺳﻮﻕ ﻟﻠﺼﺒﺢ
ﺍﺗﻤﻨﻴﺖ ﺍﺷﻮﻓﻬﺎ ﺑﺲ ﺍﻟﺒﻮﺷﻴﻪ ﻣﻐﻄﻴﺘﻬﺎ
ﺍﻟﻬﺪﻭﺀ ﻋﻢ ﺍﻟﻤﻜﺎﻥ
ﻧﻈﻮﺭﻱ ﻫﺎﺩﺉ ﻋﻠﻴﻬﺎ ﺍﻛﻴﺪ
ﺳﺎﻟﺖ ﻧﻮﺭ ﺍﺷﺘﺮﻳﻠﺞ ﻛﺎﻟﺖ ﺑﻜﻴﻔﻚ
ﻭﻛﻔﺖ ﻳﻢ ﺳﻮﺑﺮ ﻣﺎﺭﻛﺖ
ﺍﺷﺘﺮﻳﺖ ﻣﻲ ﻭﻋﺼﺎﺋﺮ ﻭﻧﺴﺎﺗﻞ
ﺍﻧﻄﻴﺘﻬﺎ ﺍﻟﻌﻼﻛﻪ
ﺑﺲ ﻭﻻ ﺍﻫﺘﻤﺖ ﺍﺧﺬﺗﻬﺎ ﻭﺧﻠﺘﻬﺎ ﺑﺼﻔﻬﺎ
ﻛﺘﻠﻬﺎ ﺍﺷﺮﺑﻲ ﻣﻲ ﻭﻏﺴﻠﻲ
ﻭﺧﻞ ﻳﻜﻮﻥ ﺑﻌﻠﻤﺞ ﻫﺎﻱ ﺑﺲ ﺗﺤﺬﻳﺮ ﺍﻟﺞ
ﻣﺮﻩ ﻟﺦ ﺍﺳﻮﻟﻔﻠﻪ ﻛﻠﺸﻲ ﻋﻨﺞ
ﺍﻟﻈﺎﻫﺮ ﻣﻴﻌﺮﻓﻮﻥ ﺍﺑﻨﺘﻬﻢ ﺷﻨﻮ
ﺍﺫﺍ ﺳﺎﻟﻔﻪ ﺑﺴﻴﻄﻪ ﺿﺮﺑﺞ
ﻟﻌﺪ ﺍﺫﺍ ﻳﺪﺭﻱ ﺑﻴﺞ ﻣﺘﺰﻭﺟﻪ ﺑﺎﻟﺴﺮ ﺷﺮﺍﺡ ﻳﺴﻮﻱ
ﻣﻨﻄﻘﺖ ﻭﻻ ﺑﺤﺮﻑ
ﻭﻻ ﻋﺒﺎﻟﻚ ﺍﺣﺠﻲ ﻭﻳﺎﻫﺎ
ﻣﻮﺍﺣﺠﻲ ﻭﻳﺎﺝ ﻟﻴﺶ ﺳﺎﻛﺘﻪ
ﺷﺎﺣﺠﻲ ﻣﺘﻜﻠﻲ ﺍﻧﺖ ﻧﺎﻭﻱ ﺍﻧﺘﺤﺮ ﻳﻠﻪ ﺗﻔﻮﺕ ﺣﺎﻟﻲ
ﻳﺎﺭﻳﺖ ﺗﺴﻮﻟﻔﻠﻪ ﺍﻟﺤﻘﻴﻘﻪ ﻻﻥ ﺗﻌﺒﺖ ﺑﺲ ﻣﻦ ﺗﻬﺪﻳﺪﻙ ﻭﺍﻟﻠﻪ
ﺣﻘﺞ ﻳﺎﺑﻪ ﻣﺘﺨﺎﻓﻴﻦ
ﻣﻨﻄﻘﺖ ﺑﻌﺪ
ﻭﻳﻦ ﺟﻨﻄﺔ ﻧﻈﻮﺭﻱ ﻟﻴﺶ ﻣﻼﺑﺴﻪ ﺑﻌﻼﻛﻪ
ﺣﺘﻰ ﺍﺫﺍ ﺍﺳﺮﻕ ﺷﻲ ﻳﺒﻴﻦ ﻣﻦ ﺍﻟﻌﻼﻛﻪ
ﻻﻥ ﺍﻟﺠﻨﻄﻪ ﻣﻴﺒﻴﻦ ﺷﻲ ﻣﻨﻬﺎ
ﺍﻫﺎ ﺧﻮﺵ ﻓﻜﺮﻩ ﻋﻔﻴﻪ ﻋﻠﻴﺞ
ﺯﻳﻨﺐ ﺍﺳﻤﻌﻴﻨﻲ ﺯﻳﻦ
ﻗﺴﻤﺎ ﺑﺎﻟﻠﻪ ﺍﺫﺍ ﻃﻠﻌﺘﻲ ﻣﺮﻩ ﺛﺎﻧﻴﻪ ﺑﺪﻭﻥ ﻋﻠﻤﻲ ﺍﻧﺪﻣﺞ ﻭﺍﻟﻠﻪ
ﺳﻜﺘﺖ
ﺍﻧﺖ ﺍﻟﻈﺎﻫﺮ ﻟﻬﺴﻪ ﻣﺘﻌﺮﻓﻴﻨﻲ ﺯﻳﻦ
ﺧﺎﺑﺮﻧﻲ ﺍﺑﻮﻳﻪ ﻛﺘﻠﻪ ﺑﺎﻟﻄﺮﻳﻖ
ﻛﻠﻲ ﺧﻮ ﻣﺎﺣﺠﻴﺖ ﺷﻲ ﻛﺪﺍﻡ ﺍﻫﻠﻬﺎ
ﻛﺘﻠﻪ ﺷﻨﻮ ﺍﻟﺴﺎﻟﻔﻪ ﻣﺎﺍﻓﺘﻬﻢ ﻗﺎﺑﻞ
ﻫﻢ ﺿﺮﺑﺘﻬﺎ
ﻻ ﻭﻋﻠﻴﻤﻦ ﺍﺿﺮﺑﻬﺎ
ﻗﺎﺑﻞ ﺷﻤﺴﻮﻳﻪ
ﺧﻄﻴﻪ ﻳﺎﺑﻪ ﻟﺘﻀﺮﺑﻬﺎ
ﺍﻟﻠﻪ ﻳﺮﺿﻰ ﻋﻠﻴﻚ
ﻛﻠﻠﻬﺎ ﻣﺸﺘﺎﻗﻴﻦ ﻟﻨﻈﻮﺭﻱ ﺣﻴﻞ ﺍﻟﺒﻴﺖ ﺑﺪﻭﻧﻜﻢ ﻇﻠﻤﻪ
بيج قصص عراقيه حقيقيه من واقعنا.روعه الطائي
ﻫﺴﻪ ﺍﻛﻠﻠﻬﺎ ﺗﺪﻟﻞ
ﻛﺘﻠﻬﺎ ﺍﺑﻮﻳﻪ ﻳﻜﻮﻝ ﻣﺸﺘﺎﻗﻴﻦ ﻟﻨﻈﻮﺭﻱ ﻭﺍﻟﺒﻴﺖ ﺑﺪﻭﻧﻜﻢ ﻇﻠﻤﻪ
ﻳﻠﻪ ﻳﺎﺑﻪ ﺍﻟﻠﻪ ﻭﻳﺎﻙ
ﺳﻜﺘﺖ ﺍﻟﻴﻮﻡ ﺫﺍﺑﺘﻪ ﻉ ﺍﻟﺼﺎﻣﺖ
ﺧﺎﺑﺮﺗﻨﻲ ﺣﻨﺎﻥ ﺳﺎﻟﺘﻨﻲ ﻭﻳﻦ ﺻﺮﺕ
ﻃﺒﻌﺎ ﺧﺒﺮﺗﻬﺎ ﻛﺘﻠﻬﺎ ﺍﺟﻴﺐ ﺯﻭﺟﺘﻲ ﻣﻦ ﺍﻫﻠﻬﺎ
ﻛﺘﻠﻬﺎ ﺭﺍﺟﻊ ﺑﺎﻟﻄﺮﻳﻖ
ﺳﺎﻟﺘﻨﻲ ﺍﺳﻮﻳﻠﻚ ﻋﺸﻪ
ﻛﺘﻠﻬﺎ ﻻ ﺍﺟﻴﺐ ﻭﻳﺎﻳﻪ ﺟﺎﻫﺰ
ﺍﺫﻥ ﺑﺎﻟﻄﺮﻳﻖ
ﺳﺎﻟﺘﻬﺎ ﺟﻮﻋﺎﻧﻪ ﺍﻧﻤﺮ ﺑﻤﻄﻌﻢ
ﻭﻻ ﻛﺎﻧﻮ ﺍﺣﺠﻲ ﻭﻳﺎﻫﺎ
ﻣﻮ ﺍﺣﺠﻲ ﻭﻳﺎﺝ
ﻻﺯﻡ ﺑﻌﺪﺝ ﻣﺼﺎﺭﺗﻠﺞ ﻋﺒﺮﻩ
ﻳﺎﺭﻳﺖ ﺗﻌﻮﻓﻨﻲ ﺑﺤﺎﻝ ﺳﺒﻴﻠﻲ ﻻﻥ ﺍﻟﺒﻴﻪ ﻣﻜﻔﻴﻨﻲ ﻭﺍﻟﻠﻪ
ﻭﻫﺴﻪ ﺷﻤﺴﻮﻳﻠﺞ ﻗﺎﺑﻞ
ﺍﺷﻮ ﻛﻞ ﺍﻟﻲ ﺩﻳﺼﻴﺮ ﻣﻦ ﺟﻮﻩ ﺭﺍﺳﺞ
ﻫﻢ ﺻﺪﻙ ﻛﻠﻪ ﻣﻦ ﺟﻮﻩ ﺭﺍﺳﻲ ﻻﻥ ﺍﻧﻲ ﻭﺣﺪﻩ ﺍﻛﺒﺮ ﻏﺒﻴﻪ
ﻭﻣﻌﻨﺪﻱ ﻛﺮﺍﻣﻪ
ﻟﻮ ﺑﻴﻪ ﺣﻆ ﺟﺎﻥ ﻣﺼﺪﻛﺖ ﺑﺎﻟﺒﻨﺎﺕ
ﻻﻥ ﺍﻋﺘﻘﺪ ﻋﺮﻓﺖ ﻃﺒﻌﻚ ﻭﺍﺩﺭﻱ ﺑﻴﻚ ﺍﻧﺎﻧﻲ
ﻣﺴﺘﺤﻴﻞ ﺗﻔﻜﺮ ﺑﻐﻴﺮﻙ
ﻋﻔﺘﻬﺎ ﻣﺠﺎﻭﺑﺘﻬﺎ ﻻﻥ ﻣﺒﻴﻦ ﻭﺍﺻﻠﻬﺎ ﻭﻳﺎﻫﺎ ﺣﺪﻫﺎ
ﻭﺻﻠﻨﻪ ﻟﻤﺤﺎﻓﻈﺘﻨﻪ
ﺍﺧﺬﺕ ﻋﺸﻪ ﻭﻳﺎﻳﻪ ﺍﻧﻪ ﻛﻠﻨﻪ
ﻧﻈﻮﺭﻱ ﺍﻟﻄﺮﻳﻖ ﻛﻠﻪ ﻧﺎﻳﻢ ﺧﻄﻴﻪ
ﻭﺻﻠﻨﻪ ﻟﻠﺒﻴﺖ
ﺩﺧﻠﺖ ﻭﻳﺎﻫﺎ ﺧﻠﻴﺖ ﺍﻟﻌﺸﻪ ﻉ ﺍﻟﻜﺎﻭﻧﺘﺮ
ﺳﻠﻤﺖ ﻉ ﺍﻣﻲ ﻭﺍﺑﻮﻳﻪ ﻭﺟﺎﻧﻮ ﻓﺮﺣﺎﻧﻴﻦ
ﻭﻓﺎﻃﻤﻪ ﻫﻤﻴﻦ ﺳﻠﻤﺖ ﻋﻠﻴﻬﺎ
ﺍﺧﺬﺕ ﺍﺑﻨﻬﺎ ﻭﺻﻌﺪﺕ
ﻛﻠﺖ ﻟﻔﺎﻃﻤﻪ ﺭﺍﺡ ﺍﺭﻭﺡ ﺍﺑﺪﻝ ﻭﺍﺻﻠﻲ
ﺣﺘﻰ ﻧﺘﻌﺸﻪ ﺳﻮﻳﻪ
ﺭﺣﺖ ﻟﻠﺒﻴﺖ ﻭﻃﻠﺒﺖ ﻣﻦ ﺣﻨﺎﻥ ﺗﺠﻬﺰ ﺍﻟﻌﺸﻪ ﻭﻱ ﻓﺎﻃﻤﻪ
ﺍﻧﻲ ﺳﺒﺤﺖ ﻭﺑﺪﻟﺖ
ﻭﺭﺣﺖ ﻟﻠﻤﻄﺒﺦ
ﺧﺎﺑﺮﻧﻪ ﻉ ﻣﺤﻤﺪ ﻭﺯﻭﺟﺘﻪ
ﺍﻟﻜﻞ ﺍﻟﺘﻢ
ﻛﻠﺖ ﻟﻔﺎﻃﻤﻪ ﺻﻴﺤﻲ ﺯﻳﻨﺐ ﻭﻧﻈﻮﺭﻱ ﺧﻠﻲ ﻳﺘﻌﺸﻮﻥ ﻭﻳﺎﻧﻪ
ﺻﻌﺪﺕ ﻭﺭﻩ ﻟﺤﻀﺎﺕ ﻧﺰﻟﺖ
ﻛﺎﻟﺖ ﺗﻜﻮﻝ ﻣﺎﺍﺷﺘﻬﻲ ﻭﺗﻌﺒﺎﻧﻪ ﺑﺲ ﺍﺭﻳﺪ ﺍﻧﺎﻡ
ﺍﻣﻲ ﻋﺰﻟﺖ ﺍﻟﻬﺎ ﻭﻻﺑﻨﻬﺎ
ﻛﻌﺪﻧﻪ ﻧﺎﻛﻞ ﺷﻔﺖ ﺣﻨﺎﻥ ﺑﺴﺮﻋﻪ ﺍﻧﺴﺠﻤﺖ ﻭﻳﺎﻫﻢ
ﻭﺗﺴﻮﻟﻒ ﻭﺗﻀﺤﻚ
ﻋﻜﺲ ﺯﻳﻨﺐ
ﺻﺪﻓﻪ ﺍﺷﻮﻓﻬﺎ ﺗﻜﻌﺪ ﻭﻳﺎﻧﻪ
بيج قصص عراقيه حقيقيه من واقعنا.روعه الطائي
ﻭﺍﻟﻠﻪ ﺩﻭﺧﺘﻨﻲ ﺑﺘﺼﺮﻓﺎﺗﻬﺎ
ﻣﻌﻘﻮﻟﻪ ﻫﺎﻱ ﺳﺎﻗﻄﻪ ﻻ ﻣﺴﺘﺤﻴﻞ
ﻟﻬﺎﻱ ﺍﻟﻠﺤﻀﻪ ﻣﺸﺎﻳﻔﻬﺎ ﺗﻀﺤﻚ ﺍﺑﺪ
ﻣﻦ ﺍﺟﺘﻨﻲ ﺫﺍﻙ ﺍﻟﻴﻮﻡ ﺍﻛﻴﺪ ﻻﻥ ﺗﻘﺸﻤﺮﺕ
ﻳﻌﻨﻲ ﻣﺴﺘﺤﻴﻞ ﺗﺴﻮﻳﻬﺎ
ﺍﻭﻝ ﺷﻐﻠﻪ ﺻﺎﺭﺕ ﺑﻌﺪ ﺫﻳﺞ ﺍﻟﻠﻴﻠﻪ ﺍﻟﺸﻔﺘﻬﺎ ﺑﻴﻬﺎ
ﺍﺗﻨﺪﻣﺖ ﻉ ﺯﻭﺍﺟﻲ ﻭﺣﺴﻴﺖ ﺣﻴﻞ ﺍﺳﺘﻌﺠﻠﺖ
ﻧﻀﺮﺗﻲ ﺍﺗﻐﻴﺮﺕ ﺍﺗﺠﺎﻫﺎ 180 ﺩﺭﺟﻪ
ﻛﻤﺖ ﺍﺗﻤﻨﻰ ﺍﺷﻮﻓﻬﺎ ﻛﻞ ﺷﻮﻳﻪ ﻛﺒﺎﻟﻲ
ﻣﺤﻤﺪ ﻛﻠﻲ ﻣﻦ ﺗﻜﻤﻞ ﻋﺸﺎﻙ ﺍﻃﻠﻊ ﻟﻠﺤﺪﻳﻘﻪ ﻧﺸﺮﺏ ﺟﺎﻱ
ﺣﺎﺏ ﺍﺣﺠﻲ ﻭﻳﺎﻙ
ﺻﺎﺭ ﻭﺍﻧﻲ ﺍﻋﺮﻑ ﺷﻴﺮﻳﺪ ﻳﺤﺠﻲ
ﻛﻤﻠﻨﻪ ﺍﻟﻌﺸﻪ ﻭﺑﻘﻴﻨﻪ ﻧﺴﻮﻟﻒ
ﻓﺎﻃﻤﻪ ﺍﺧﺬﺕ ﺍﻟﻌﺸﻪ ﻭﺻﻌﺪﺕ
ﻧﺰﻟﺖ ﻓﺎﻃﻤﻪ ﻧﻈﻮﺭﻱ ﻭﺑﻴﺪﻫﺎ ﺍﻟﻌﺸﻪ
ﻛﺎﻟﺖ ﺍﺑﺪ ﻣﺎﺗﺸﺘﻬﻲ ﺗﻜﻮﻝ ﺍﻛﻠﺖ ﻋﻨﺪ ﺍﻫﻠﻲ ﻗﺒﻞ ﻻﺍﺟﻲ
ﺧﻠﻴﺖ ﻧﻈﻮﺭﻱ ﺑﻴﺪﻱ ﻭﺍﻭﻛﻞ ﺑﻲ
ﺍﻣﻮﺕ ﻋﻠﻲ ﻣﻦ ﻳﺼﻴﺤﻠﻲ ﺑﺎﺑﺎ
ﺑﺪﻩ ﻳﻌﺮﻓﻨﻪ ﻳﺼﻴﺢ ﺟﺪﻭ ﻭﺑﻴﺒﻲ ﻭﻳﺼﻴﺢ ﻟﻨﻮﺭ ﻧﻮﻧﻪ
ﻻﻣﻴﺮ ﻳﻜﻠﻪ ﺍﻣﻮﻳﻲ
ﻭﻟﻤﺤﻤﺪ ﻳﻜﻠﻪ ﺑﺎﺑﺎ
ﺧﻠﺺ ﺍﻛﻠﻪ
ﺍﺧﺬﻩ ﺍﺑﻮﻳﻪ ﻭﻃﻠﻊ
ﻭﻫﺬﺍ ﻓﺮﺣﺎﻥ ﺣﻴﻞ
ﺣﺠﻴﺖ ﻭﻱ ﺍﻣﻲ ﻛﺘﻠﻬﺎ ﻳﻮﻡ ﺭﺍﺡ ﻧﻄﺒﺦ ﺍﺑﻴﺘﻨﻪ ﺑﻮﺣﺪﻧﻪ
ﺣﺘﻰ ﺍﺭﻳﺤﻜﻢ ﻣﻨﻲ
ﻛﺎﻟﺖ ﺍﻣﻲ ﻟﻚ ﻳﺎﺗﺮﻳﺤﻨﻲ
ﻫﻮ ﺍﻧﻲ ﺍﻛﺪﺭ ﺍﻛﻞ ﺑﺪﻭﻧﻜﻢ
ﻛﺘﻠﻬﺎ ﻣﺜﻞ ﻣﺤﻤﺪ ﺍﺳﻮﻱ
ﺍﻟﻐﺪﻩ ﺍﺑﻴﺘﻲ ﻭﺍﻟﻌﺸﻪ ﻳﻤﻜﻢ
ﻛﺎﻟﺖ ﻳﻮﻡ ﺷﻨﻮ ﺍﻟﻲ ﻳﺮﻳﺤﻜﻢ ﺳﻮﻭ
ﺍﺣﻨﻪ ﻧﻄﺒﺦ ﻟﻠﻜﻞ ﺑﺎﻱ ﻭﻗﺖ ﺗﻌﺎﻟﻮ ﺍﻛﻠﻮ ﻫﻠﻪ ﺑﻴﻜﻢ
ﺭﺣﺖ ﻟﻠﺤﺪﻳﻘﻪ ﺍﻧﻲ ﻭﻣﺤﻤﺪ
ﺣﻴﺪﺭ ﺍﻧﺖ ﺟﺒﻴﺮ ﻣﻮ ﻃﻔﻞ ﻭﻧﻌﻠﻤﻚ ﺷﻨﻮ ﺍﻟﺼﺢ ﻭﺷﻨﻮ ﺍﻟﻐﻠﻂ
ﺍﻧﺖ ﺗﺰﻭﺟﺖ ﻭﺍﺳﺘﻘﺮﻳﺖ
ﻳﺎﺭﻳﺖ ﺗﻌﻮﻑ ﺯﻳﻨﺐ ﺑﺤﺎﻟﻬﺎ
ﺍﺷﻮ ﺍﻟﺒﻨﻴﻪ ﻻ ﻃﻠﻌﻪ ﻭﻻ ﻃﺒﻪ
ﻣﺨﻠﻴﻬﺎ ﻫﻨﺎ ﺧﺪﺍﻣﻪ
ﻣﺎﻳﻮﻡ ﺷﻜﺖ ﻭﻻﺣﺠﺖ ﻭﻻ ﺍﻋﺘﺮﺿﺖ
ﺛﻖ ﺑﺎﻟﻠﻪ ﻳﺎﺣﻴﺪﺭ ﺍﺫﺍ ﺳﻤﻌﺘﻚ ﻏﺎﺛﻬﺎ
ﻟﻮ ﻣﺴﻤﻌﻬﺎ ﻛﻼﻡ ﻣﻮ ﺯﻳﻦ
ﺭﺍﺡ ﺍﺭﺍﻭﻳﻚ ﺷﻲ ﻣﻴﻌﺠﺒﻚ ﺍﺑﺪ
ﺗﺪﺭﻱ ﺍﻛﺒﺮ ﻏﻠﻂ ﺳﻮﻳﻨﺎ ﺷﻨﻮ
ﺧﻠﻴﻨﺎﻙ ﺍﻧﺖ ﺗﺰﻭﺟﻬﺎ ﻋﺒﺎﻟﻨﻪ ﻳﺼﻴﺮ ﺑﺮﺍﺳﻚ ﺧﻴﺮ
ﻭﺍﻟﻠﻪ ﻟﻮ ﺍﺩﺭﻱ ﺑﻴﻚ ﻫﻴﺞ ﺭﺍﺡ ﺗﻌﺎﻣﻠﻬﺎ
ﺟﺎﻥ ﺍﻧﻲ ﺗﺰﻭﺟﺘﻬﺎ ﻭﻻ ﺍﺧﻠﻴﻚ ﻫﻴﺞ ﺗﺬﻟﻬﺎ
ﺍﻧﻲ ﻣﻨﻄﻘﺖ ﻭﻻ ﺣﺮﻑ
ﺍﻣﺎﻡ ﻣﺤﻤﺪ ﺍﺧﻮﻱ ﺍﻧﻲ ﻻ ﺷﻲﺀ
ﻳﺎﺭﻳﺖ ﺗﺤﺎﻭﻝ ﺗﺒﺘﻌﺪ ﻋﻨﻬﺎ ﻭﺧﻠﻴﻬﺎ ﻋﺎﻳﺸﻪ ﺑﺴﻼﻡ
ﻋﺎﻓﻨﻲ ﻭﺭﺍﺡ
ﺭﺣﺖ ﻟﺒﻴﺘﻨﻪ
ﺍﺗﻔﻘﺖ ﻭﻱ ﺣﻨﺎﻥ
ﻛﺘﻠﻬﺎ ﺭﻭﺣﻲ ﻳﻢ ﺍﻫﻠﻲ ﺳﺎﻋﺪﻳﻬﻢ
ﻭﺷﻮﻓﻲ ﻭﺿﻌﺞ ﺗﺮﺩﻳﻦ ﺍﻃﺒﺨﻴﻦ ﺍﻫﻨﺎ ﺗﺮﺩﻳﻦ ﺗﺴﺎﻋﻴﻬﻦ ﺑﺎﻟﻄﺒﺦ ﻭﻫﻨﺎﻙ ﻧﺎﻛﻞ
ﻣﺎﺍﺭﻳﺪ ﺗﻜﻌﺪﻳﻦ ﻭﺗﺴﻜﺘﻴﻦ
ﺍﻫﻢ ﺷﻲ ﻋﻨﺪﻱ ﺍﻣﻲ
ﺍﺫﺍ ﻳﻮﻡ ﺷﻜﺖ ﻣﻨﺞ ﺍﺣﺴﺒﻲ ﺭﻭﺣﺞ ﻣﻨﻮﻟﺪﺗﻲ
ﻛﺎﻟﺖ ﺑﺎﺟﺮ ﺍﺭﻭﺡ ﻳﻤﻬﻢ ﻭﺍﺷﻮﻑ ﺍﻟﻮﺿﻊ
ﺑﻌﺪﻳﻦ ﺳﺎﻟﺘﻨﻲ ﻋﻦ ﺯﻳﻨﺐ
ﻛﺎﻟﺖ ﻟﻴﺶ ﻣﻨﺰﻟﺖ ﺣﺎﺑﻪ ﺍﺷﻮﻓﻬﺎ
ﻛﺘﻠﻬﺎ ﻣﻮ ﺳﻔﺮ ﻭﺗﻌﺐ ﻭﺗﻌﺮﻓﻴﻦ
ﺑﺎﺟﺮ ﺍﻛﻴﺪ ﺭﺍﺡ ﺗﺘﻌﺮﻓﻦ ﻉ ﺑﻌﺾ
ﺑﺲ ﻣﻦ ﻫﺴﻪ ﺍﻛﻠﺞ
ﻣﺎﺍﺣﺐ ﻣﺸﺎﺣﻨﺎﺕ ﺍﺑﻴﻨﺎﺗﺠﻦ
ﻭﻻ ﺍﺭﻳﺪ ﻣﺸﺎﻛﻞ
ﻛﺎﻟﺖ ﻻ ﻳﻤﻌﻮﺩ ﺷﻌﻠﻴﻪ ﺑﻴﻬﺎ
ﻭﻫﻲ ﻣﺮﻳﻀﻪ ﺧﻄﻴﻪ
ﺍﻧﻲ ﻣﺘﺎﻛﺪ ﺣﺘﻰ ﺍﺫﺍ ﺗﻌﻴﻞ ﺑﻴﻬﺎ ﺣﻨﺎﻥ ﻣﺮﺍﺡ ﺍﺩﺍﻓﻊ ﻋﻦ ﻧﻔﺴﻬﺎ
ﻻﻥ ﺷﺨﺼﻴﺘﻬﺎ ﺿﻌﻴﻔﻪ ﻭﻫﺬﺍ ﻭﺍﺿﺢ ﻋﻠﻴﻬﺎ
ﺯﻳﻨﺐ : ﻣﻦ ﺣﺠﻪ ﻭﻳﺎﻳﻪ ﺣﻴﺪﺭ
ﺍﻭﻝ ﻣﺮﻩ ﺍﺣﺲ ﺑﻨﺒﺮﺗﻪ ﻫﺪﻭﺀ ﻭﻭﺑﺮﻭﺩﺓ ﺍﻋﺼﺎﺏ ﻳﺤﺠﻲ
ﺧﺒﺮﺗﻨﻲ ﺧﺎﻟﻪ ﻋﻦ ﺍﻟﺒﻨﺎﺕ
ﺣﻴﻞ ﺿﺠﺖ ﻳﻌﻨﻲ ﺧﻠﻨﻲ ﺑﻤﻮﻗﻒ ﻣﺎﺍﻧﺤﺴﺪ ﻋﻠﻲ
ﺑﺲ ﻛﻠﺖ ﺧﻄﻴﻪ ﻣﻦ ﺻﺎﻟﺤﻲ ﻫﻴﺞ ﺳﻮﻥ
ﻋﺒﺎﻟﻬﻦ ﺍﺧﻮﻫﻦ ﺻﺎﺣﻲ ﻭﺭﺍﺡ ﻳﻨﻌﺠﺐ ﺑﻴﻪ
ﺍﻧﻲ ﻣﺘﺎﻛﺪﻩ ﻟﻮ ﻳﻤﻮﺕ ﻣﺮﺍﺡ ﻳﻌﺘﺮﻑ ﺑﻴﻪ
ﻭﺍﻧﻲ ﻛﺬﻟﻚ
ﺭﻓﻀﺖ ﺍﺭﻭﺡ ﻭﻱ ﺧﺎﻟﻪ
ﻧﻮﺭ ﺑﻘﻴﺘﻬﺎ ﻳﻤﻲ
ﻫﻤﺰﻳﻦ ﺟﻬﺎﺯﻱ ﻋﻔﺘﻪ ﺑﺎﻟﺒﻴﺖ
ﺟﺎﻥ ﻫﺴﻪ ﺳﺎﺑﻴﻨﻲ ﺳﺒﺎﻳﻪ
ﻣﻤﻬﺘﻤﻪ ﻟﺮﺩﺓ ﻓﻌﻠﻪ
ﺛﺎﻧﻲ ﻳﻮﻡ ﺍﻟﻌﺼﺮ ﺍﻧﺪﻙ ﺍﻟﺒﺎﺏ ﻭﻃﻠﻊ ﺑﺎﺑﺎ
ﺟﺎﻥ ﻳﻜﻮﻝ ﺯﻭﺟﺞ ﺍﺟﻪ ﻭﺩﺧﻠﺘﻪ ﻟﻼﺳﺘﻘﺒﺎﻝ
ﺍﻧﻲ ﺍﻧﺼﺪﻣﺖ ﺍﻟﺼﺮﺍﺣﻪ
ﻣﻌﻘﻮﻟﻪ ﺍﺟﻪ ﺑﻨﻔﺴﻪ ﻭﺩﺧﻞ ﺍﺑﻴﺘﻨﻪ
ﻫﺬﺍ ﺍﻟﻤﻐﺮﻭﺭ ﺍﻟﻲ ﻣﻴﻌﺠﺒﻪ ﺍﻟﻌﺠﺐ
ﺍﻟﻲ ﻳﺨﺎﻑ ﻉ ﺣﺬﺍﺋﻪ ﺗﺘﻮﺳﺦ ﺍﺑﻴﺘﻨﻪ
ﺑﺪﻩ ﺍﻟﺨﻮﻑ ﻳﺎﻛﻞ ﺑﻴﻪ ﺍﻛﻞ
ﺭﺣﺖ ﺩﺧﻠﺖ ﻭﺳﻠﻤﺖ ﻋﻠﻲ
ﺑﺲ ﺍﻧﻲ ﻟﻮﻧﻲ ﺍﻧﺨﻄﻒ ﺣﻴﻞ ﺧﺎﻳﻔﻪ ﻣﻨﻪ
ﻃﻠﻊ ﺍﺑﻮﻳﻪ ﻭﺿﺮﺑﻨﻲ
4 ﺭﺍﺟﺪﻳﺎﺕ ﺣﺴﻴﺖ ﺑﺮﺍﺳﻲ ﺍﻓﺘﺮ
ﻣﺤﺠﻴﺖ ﺷﻲ
ﺍﺣﺮﺟﻨﻲ ﻛﺪﺍﻡ ﺑﺎﺑﺎ ﻭﻧﺰﻋﺖ
ﺑﺲ ﺷﻌﻮﺭﻱ ﺻﻌﺐ ﺍﻭﺻﻔﻪ
ﻻ ﻫﻢ ﺍﻃﻠﻊ ﺍﻏﺮﻩ ﺑﻠﺒﺴﻲ
ﺑﺲ ﻣﻦ ﺣﺠﻪ ﻭﻱ ﺑﺎﺑﺎ ﻭﺑﺪﻩ ﻳﺮﻳﺪ ﻳﺼﺎﺭﺣﻪ ﺍﻧﻲ ﻫﻨﺎ ﺍﻧﺘﻬﻴﺖ
ﺣﺴﻴﺖ ﺑﻨﻔﺴﻲ ﺻﻔﺮ ﺩﻣﻲ
ﻭﺻﺨﻨﺖ
ﻛﻠﺖ ﺭﺍﺡ ﻳﻌﺘﺮﻑ ﺑﻜﻠﺸﻲ
ﺑﺪﻩ ﻳﺸﻜﻴﻠﻪ
ﺍﻟﺼﺮﺍﺣﻪ ﻣﻦ ﺿﺮﺑﻨﻲ ﺑﺎﺑﺎ
ﻫﻨﺎ ﺟﺎﻧﺖ ﺻﺪﻣﻪ ﺍﻟﻴﻪ
ﺍﻭﻝ ﻣﺮﻩ ﻳﻀﺮﺑﻨﻲ ﻭﺍﻭﻝ ﻣﺮﻩ ﻣﻴﺴﺎﻟﻨﻲ ﻋﻦ ﺍﻟﺴﺒﺐ
ﺣﻴﻞ ﺿﺠﺖ ﻭﺍﻧﻘﻬﺮﺕ
ﺍﻟﻤﻔﺮﻭﺽ ﻳﺴﺎﻟﻨﻲ ﻟﻴﺶ ﻫﻴﺞ ﺳﻮﻳﺘﻲ
ﻭﺷﻨﻮ ﺍﻻﺳﺒﺎﺏ
ﻭﺍﺩﻭﺭ ﺯﻭﺩﻫﺎ ﻋﻠﻴﻪ ﻣﻦ ﻃﺮﺩﻧﻲ ﻣﻦ ﺍﻟﺒﻴﺖ
ﺣﻴﻞ ﺍﻧﻬﻀﻤﺖ
ﺍﻧﻲ ﺟﻨﺖ ﻧﺎﻭﻳﻪ ﺍﺑﻘﻰ ﻭﻣﺎﺍﺭﺟﻊ ﻭﻳﺎ ﺍﺑﺪ
ﺑﺲ ﻣﻦ ﺳﻮﻩ ﻫﻴﺞ ﺑﺎﺑﺎ ﻗﺮﺭﺕ ﺍﺭﺟﻊ ﻭﻳﺎ ﻭﺑﻌﺪ ﻣﺎﺍﺟﻲ ﻻﻫﻠﻲ ﺍﺑﺪ
ﺳﺎﻟﻨﻲ ﻣﺎﻣﺎ ﻭﺍﻟﺒﻨﺎﺕ ﻛﺘﻠﻬﻦ ﻣﺎﻛﻮ ﺷﻲ
ﺧﻞ ﺑﺎﺑﺎ ﻳﺴﻮﻟﻒ ﻣﻦ ﺍﺭﻭﺡ
ﺷﺎﻓﻦ ﺩﻣﻮﻋﻲ ﻣﺎﻣﺎ ﺗﺨﺒﻠﺖ
ﺗﻌﺎﻱ ﻣﺎﻣﺎ ﺳﻮﻟﻔﻴﻠﻲ ﺷﻜﻮ
ﺑﺎﺑﺎ ﺿﺮﺑﻨﻲ ﻭﻃﺮﺩﻧﻲ
ﻟﻮ ﺍﻣﻮﺕ ﺑﻌﺪ ﻣﺎﺍﺟﻴﻜﻢ
ﻛﻠﻴﻠﻪ ﻟﺒﺎﺑﺎ ﺗﻜﻮﻝ ﺯﻳﻨﺐ ﺷﻜﺮﺍ ﻉ ﻛﻠﺸﻲ
ﻉ ﺷﻨﻮ ﺿﺮﺑﺞ
ﻭﺭﺟﻠﺞ ﺷﻜﻠﻪ
ﻋﻔﺘﻬﺎ ﻭﺭﺣﺖ
ﺑﺪﻟﺖ ﻻﺑﻨﻲ ﻭﻧﻮﺭ ﻣﺎﺍﻛﺪﺭ ﺍﺣﺠﻲ
ﺣﻴﻞ ﻣﻬﻈﻮﻣﻪ ﻭﻣﻦ ﺍﻗﺮﺏ ﺍﻟﻨﺎﺱ
ﻃﻠﻌﺖ ﺑﺲ ﺣﺴﻴﺖ ﺑﻨﻔﺴﻲ ﻣﻜﺴﻮﺭﻩ
ﻣﺎﻛﻌﺪﺕ ﺑﺎﻟﺼﺪﺭ ﺍﺑﺪ
ﺍﺧﺮ ﺷﻲ ﻳﻔﻜﺮ ﺑﻲ ﺍﻛﻌﺪ ﻳﻤﻪ
ﻳﺤﺠﻲ ﻭﻳﺎﻳﻪ ﻭﺍﻧﻲ ﻓﺎﺻﻠﻪ ﻋﻦ ﺍﻟﻌﺎﻟﻢ
ﺍﻟﻄﺮﻳﻖ ﻛﻠﻪ ﺩﻣﻮﻋﻲ ﺗﺠﺮﻱ
ﻭﺻﻠﻨﻪ ﺳﻠﻤﺖ ﻉ ﺍﻟﻜﻞ ﻭﺍﺧﺬﺕ ﺍﺑﻨﻲ ﻭﺻﻌﺪﺕ
ﺻﺎﺣﻮﻧﻲ ﻉ ﺍﻟﻌﺸﻪ
ﺍﺑﺪ ﻣﺎﺍﺷﺘﻬﻲ ﻭﻻ ﺍﻟﻲ ﻧﻔﺲ ﺍﻛﻞ
ﺍﺧﺬﺕ ﺍﺑﻨﻲ ﻓﺎﻃﻤﻪ ﻭﻧﺰﻟﺖ ﻛﺎﻟﺖ ﺍﻋﺸﻲ
ﺩﺧﻠﺖ ﺳﺒﺤﺖ ﻭﺍﺭﺗﺎﺣﻴﺖ ﺷﻮﻳﻪ
ﻟﻬﻴﺖ ﻧﻔﺴﻲ ﺑﺘﻨﻈﻴﻒ ﺍﻟﻐﺮﻓﻪ ﻭﺭﺗﺒﺖ ﺍﻟﻤﻼﺑﺲ
ﺍﺣﺲ ﺑﻜﻠﺒﻲ ﻳﻨﺰﻑ ﺩﻡ
ﻭﺭﻩ ﻓﺘﺮﻩ ﺍﺟﺘﻲ ﻓﺎﻃﻤﻪ ﺟﺎﺑﺖ ﻧﻈﻮﺭﻱ
ﻭﺍﻋﺘﺬﺭﺕ ﻣﻨﻲ
ﻛﺎﻟﺖ ﻭﺍﻟﻠﻪ ﺳﻮﻳﻨﻪ ﻫﺬﺍ ﺍﻟﺸﻲ ﻟﻤﺼﻠﺤﺘﻜﻢ
ﻋﺒﺎﻟﻨﻪ ﺍﺩﻣﻲ ﺣﻴﺪﺭ
ﺑﺲ ﻭﺍﻟﻠﻪ ﻣﻴﺴﺘﺎﻫﻞ ﺍﺿﻔﺮ ﻣﻦ ﺍﺿﺎﻓﻴﺮﺝ
ﻛﺘﻠﻬﺎ ﻋﺎﺩﻱ ﻣﺼﺎﺭ ﺷﻲ
ﺑﺎﻟﻌﻜﺲ ﻫﺬﺍ ﺍﻟﻤﻮﻗﻒ ﻭﻋﺎﻧﻲ ﻉ ﻫﻮﺍﻱ ﺍﺷﻴﺎﺀ
ﺧﻼﻧﻲ ﻟﻠﻤﻮﺕ ﺍﺧﻠﻲ ﺣﺎﺟﺰ ﺑﻴﻨﻲ ﻭﺑﻴﻨﻪ
ﻭﺧﻼﻧﻲ ﺍﻋﺮﻑ ﺣﺪﻭﺩﻱ ﺑﺎﻟﻈﺒﻂ
ﺑﻘﻴﻨﻪ ﻧﺴﻮﻟﻒ ﻓﺘﺮﻩ ﻭﺭﺍﺣﺖ ﻟﻐﺮﻓﺘﻬﺎ
ﻧﻄﻮﺭﻱ ﻣﻘﺒﻞ ﻳﻨﺎﻡ ﻻﻥ ﺍﻟﻄﺮﻳﻖ ﻛﻠﻪ ﻧﺎﻳﻢ
ﻧﻮﺭ ﺧﻄﻴﻪ ﻧﺎﻣﺖ
ﺍﻧﻲ ﺍﺣﺲ ﺑﺮﺍﺳﻲ ﻳﺮﻳﺪ ﻳﻨﻔﺠﺮ
ﺑﺲ ﺍﺑﺠﻲ ﻭﺍﺳﺎﻓﺮ ﺍﺩﻣﺮ ﺩﻣﺎﺭ ﻣﻦ ﺍﻟﻢ ﺭﺍﺳﻲ
ﺍﻧﻲ ﻫﻢ ﻧﻌﺴﺎﻧﻪ ﺑﺲ ﻣﺎﺍﻛﺪﺭ ﺍﻧﺎﻡ ﻭﺍﻋﻮﻓﻪ ﻻﺑﻨﻲ
ﻓﺠﺄﻩ ﺍﻧﺪﻙ ﺍﻟﺒﺎﺏ
ﻟﺒﺴﺖ ﺣﺠﺎﺑﻲ ﻭﻓﺘﺤﺘﻪ
ﺟﺎﻥ ﺍﺷﻮﻑ ﺣﻴﺪﺭ ﻛﺒﺎﻟﻲ
ﻛﻠﻲ ﻭﻳﻦ ﺟﻬﺎﺯﺝ
ﻛﺘﻠﻪ ﻧﺴﻴﺘﻪ ﻋﻨﺪ ﺍﻫﻠﻲ
ﻟﻴﺶ ﺗﺠﺬﺑﻴﻦ
ﺟﻬﺎﺯﺝ ﻭﻳﻦ
ﻗﺎﻓﻠﺘﻪ ﻭﺿﺎﻣﺘﻪ
ﺍﻱ ﺍﺩﺭﻱ ﺑﻴﺞ
ﺭﻭﺣﻲ ﺍﻓﺘﺤﻲ ﻫﺴﻪ
ﻻ ﻣﺎﺍﻓﺘﺤﻪ ﻣﺎﺍﺣﺐ ﺍﺣﺪ ﻳﺰﻋﺠﻨﻲ
ﺧﻠﻲ ﺭﺍﺳﻲ ﺑﺎﺭﺩ ﻣﺎﺍﺭﻳﺪ ﺍﺳﻤﻊ ﺍﻟﺮﺯﺍﺋﻞ ﺍﺭﻳﺪ ﺍﺭﺗﺎﺡ
ﻟﻮ ﺣﺘﻰ ﻫﺎﻱ ﻣﻤﻨﻮﻋﻪ ﻋﻠﻴﻪ
ﺍﺑﻮﺝ ﺍﺗﺼﻞ ﺑﻴﻪ ﻭﻳﺮﻳﺪ ﻳﺤﺎﺟﻴﺞ
ﻟﺘﺘﺼﺮﻓﻴﻦ ﺗﺼﺮﻓﺎﺕ ﺍﻻﻃﻔﺎﻝ
ﺑﻬﺎﻻﺛﻨﺎﺀ ﺩﻙ ﺟﻬﺎﺯﻩ
ﻛﻠﻲ ﻫﺎﺝ ﻫﺬﺍ ﺍﺑﻮﺝ ﺍﺣﺠﻲ ﻭﻳﺎ
ﻻ ﻣﺎﺍﺣﺠﻲ ﻭﻳﺎ
ﻟﺞ ﻋﻴﺐ ﻣﻨﻪ ﻫﻮﺍﻱ ﺧﺎﺑﺮﻧﻲ
ﻣﻮ ﻣﺸﻜﻠﺘﻲ ﻛﻠﻪ ﻧﺎﻳﻤﻪ
ﻣﺎﺍﺣﺐ ﺍﺣﺠﻲ ﻭﻱ ﺍﻱ ﺍﺣﺪ
ﺭﻓﻊ ﺧﻂ
ﻛﻠﻪ ﻧﺎﻳﻤﻪ ﻭﺧﻄﻴﻪ ﻣﺎﺍﻛﺪﺭ ﺍﻛﻌﺪﻫﺎ
ﻣﻨﺎ ﻟﻠﺼﺒﺢ ﺗﻔﺘﺤﻪ ﺟﻬﺎﺯﻫﺎ ﺍﻥ ﺷﺎﺀ ﺍﻟﻠﻪ
ﻃﺒﻜﻪ ﺑﻌﺪﻳﻦ ﺣﺠﻪ
ﺍﺳﻤﻌﻴﻨﻲ ﺯﻳﻦ
ﻟﺘﺼﻴﺮﻳﻦ ﻃﻔﻠﻪ ﻭﻫﻴﺞ ﺗﺘﺼﺮﻓﻴﻦ
ﻭﻟﻮ ﻫﻮ ﺍﻧﺖ ﺷﻨﻮ
ﻋﻘﻞ ﻧﻮﺭ ﻳﺠﻮﺯ ﺍﻛﺒﺮ ﻣﻦ ﻋﻘﻠﺞ
ﺳﻜﺘﺖ ﻻﻥ ﺷﺎﺭﻳﺪ ﺍﺟﺎﻭﺑﻪ
ﺟﻴﺒﻲ ﺟﻬﺎﺯﺝ ﻫﺴﻪ ﻛﺪﺍﻣﻲ ﻭﺍﻓﺘﺤﻲ
ﻣﺎﺍﻟﻚ ﺣﻖ ﺗﺠﺒﺮﻧﻲ ﺍﻓﺘﺤﻪ
ﻻ ﺍﻟﻲ ﺣﻖ ﻭﻏﺼﺒﺎ ﻋﻠﻴﺞ
ﺍﺗﻘﺮﺏ ﻋﻠﻴﻪ ﺭﺍﺡ ﺍﺭﺍﻭﻳﺞ ﺷﻠﻮﻥ ﺍﻟﻲ ﺣﻖ
ﺍﻧﻲ ﻛﻤﺖ ﺍﺭﺟﻊ ﻭﻫﻮ ﻳﺘﻘﺪﻡ ﻋﻠﻴﻪ
ﺷﺘﺮﻳﺪ ﺗﺴﻮﻱ
ﻛﺘﻠﻪ ﻟﺘﻨﺴﻪ ﺑﺲ ﺗﺤﺎﻭﻝ ﺗﻠﻤﺴﻨﻲ ﺑﺎﻟﻠﺤﻀﻪ ﺍﻃﻠﻜﻨﻲ
ﻭﻣﻨﻮ ﻛﻠﺞ ﺣﺎﺏ ﺍﻟﻤﺴﺞ
ﺑﺲ ﺣﺎﺏ ﺍﺑﻮﺳﺞ ﻻﻥ ﺍﻟﺒﻮﺳﻪ ﻣﻮ ﻣﻦ ﺿﻤﻦ ﺍﻻﺗﻔﺎﻕ
ﺍﻧﻲ ﺍﺗﺨﺒﻠﺖ
ﻻ ﻣﻮ ﺑﻜﻴﻔﻚ
ﻭﺍﻟﻠﻪ ﻭﺩﺍﻋﺖ ﻧﻈﻮﺭﻱ ﺍﺧﺮ ﺷﻲ ﺍﻓﻜﺮ ﺍﺧﻠﻴﻚ ﺗﺒﻮﺳﻨﻲ
ﺍﻣﻮﺕ ﻭﻻ ﺍﺗﻘﺒﻠﻚ ﺍﺑﺪ
ﻉ ﻛﻴﻔﺞ ﻳﺎﺑﻪ ﻟﻄﻴﺮﻳﻨﻪ
ﻉ ﺍﺳﺎﺱ ﺍﻧﻲ ﻣﻴﺖ ﻋﻠﻴﺞ
ﻫﺴﻪ ﻃﻠﻌﻲ ﺍﻟﺠﻬﺎﺯ ﻭﺍﻓﺘﺤﻲ
ﺍﺣﺴﻦ ﻣﺎﺍﺧﻠﻴﺞ ﺗﺘﻨﺪﻣﻴﻦ
ﺧﻔﺖ ﻣﻨﻪ
ﺭﺣﺖ ﻟﻠﻜﻨﺘﻮﺭ ﻃﻠﻌﺘﻪ ﻭﻓﺘﺤﺘﻪ
ﻛﻠﻲ ﻋﻔﻴﻪ ﺑﺎﻟﺤﺒﺎﺑﻪ ﻭﺍﻟﻤﻄﻴﻌﻪ
ﺍﺗﺨﺒﻞ ﻣﻦ ﻭﺣﺪﻩ ﻋﻨﻮﺩﻳﻪ
ﺧﻠﻴﻬﺎ ﺣﻠﻘﻪ ﺑﺎﺫﻧﺞ
ﺑﺲ ﺗﻌﺎﻧﺪﻳﻨﻲ ﺭﺍﺡ ﺗﺘﻨﺪﻣﻴﻦ
ﺳﻜﺘﺖ
ﻟﻴﺶ ﻣﺘﻌﺸﻴﺘﻲ
ﻣﻮ ﺟﻮﻋﺎﻧﻪ
ﺷﻮﻛﺖ ﻧﺎﻭﻳﻪ ﺗﺒﻄﻠﻴﻦ ﺍﻟﺠﺬﺏ
ﺗﻜﻠﻴﻦ ﻟﻔﺎﻃﻤﻪ ﻣﺎﻛﻠﻪ ﻋﻨﺪ ﺍﻫﻠﻲ ﻗﺒﻞ ﻻ ﺍﺟﻲ
ﻻ ﻣﺠﺬﺑﺖ ﻻﻥ ﺍﻛﻠﺖ ﺿﺮﺏ ﻭﺍﻫﺎﻳﻦ ﻫﻮﺍﻱ ﻭﺷﺒﻌﺖ
ﺍﻫﺎ ﻫﻢ ﺻﺪﻙ ﻧﺴﻴﺖ
ﺑﺲ ﺗﺮﺩﻳﻦ ﺍﻟﺼﺪﻙ ﺗﺴﺘﺎﻫﻠﻴﻦ
ﺣﺘﻰ ﻣﺮﻩ ﺛﺎﻧﻴﻪ ﻣﺘﻔﻜﺮﻳﻦ ﺍﻃﻠﻌﻴﻦ ﺧﻄﻮﻩ ﻭﺣﺪﻩ ﺑﺪﻭﻥ ﻋﻠﻤﻲ
ﺍﺧﺬ ﻧﻈﻮﺭﻱ ﻭﻛﻌﺪ ﻉ ﺍﻟﻔﺮﺍﺵ
ﺍﻟﻴﻮﻡ ﻣﻨﺎﻭﻱ ﺗﻨﺎﻡ ﺣﺒﻴﺒﻲ
ﺍﻭﻝ ﻣﺎﻓﺘﺤﺘﻪ ﻟﻠﺠﻬﺎﺯ ﺟﺎﻥ ﺗﺠﻴﻨﻲ ﺭﺳﺎﺋﻞ ﻭﺣﺪﻩ ﻭﺭﻩ ﺍﻟﻠﺦ
ﺫﺑﻴﺘﻪ ﻉ ﺍﻟﻤﻴﺰ
ﺑﻘﻪ ﻭﻱ ﻧﻈﻮﺭﻱ ﺗﻘﺮﻳﺒﺎ ﻧﺺ ﺳﺎﻋﻪ
ﻭﻫﺬﺍ ﻓﺮﺣﺎﻥ ﻭﻳﻀﺤﻚ
ﺑﻌﺪﻫﺎ ﻛﺎﻡ ﻳﺒﺠﻲ ﺟﺎﻉ ﺍﻛﻴﺪ
بيج قصص عراقيه حقيقيه من واقعنا.روعه الطائي
ﻛﻠﻲ ﺷﺒﻲ
ﻛﺘﻠﻪ ﺟﻮﻋﺎﻥ
ﺭﺍﺡ ﻓﺘﺢ ﺍﻟﺜﻼﺟﻪ ﻭﺟﺎﻥ ﻳﻔﻚ ﺣﻠﻜﻪ ﻣﻦ ﻳﺸﻮﻓﻬﺎ 😵😵😵
ﻛﻠﻲ ﺷﻨﻮ ﻫﺎﻱ ﺍﻟﺤﻠﻮﻳﺎﺕ
ﺍﻧﻌﻞ ﺍﺑﻮ ﺍﻟﺴﻮﺑﺮ ﻣﺎﺭﻛﺖ ﺍﺫﺍ ﻟﺤﻜﺞ ﺑﺎﻟﺤﻠﻮﻳﺎﺕ
ﺷﻨﻮ ﻣﺘﻨﻄﻴﻦ ﺍﻟﺠﻬﺎﻝ ﺍﺑﺪ
ﻻ ﻫﻤﻪ ﻣﻴﺎﻛﻠﻮﻥ ﻣﻮ ﺯﻳﻦ ﻋﻠﻴﻬﻢ ﺍﻟﺤﻠﻮﻳﺎﺕ
ﺍﻱ ﻋﺎﺩﻱ ﺍﻛﻠﻴﻬﻦ ﺍﻧﺖ
ﺍﻧﻲ ﻫﻢ ﻣﺎﺍﺣﺒﻬﻦ
ﻟﻌﺪ ﺧﻠﻲ ﺍﺧﺬ ﻣﻨﻬﻦ ﻳﻔﻴﺪﻧﻪ ﺍﻧﻲ ﻭﻋﺮﻭﺳﺘﻲ
ﺍﺫﺍ ﻣﺎﻋﻨﺪﺝ ﻣﺎﻧﻊ
ﺍﺧﺬﻫﻦ ﻛﻠﻬﻦ ﻳﺎﺭﻳﺖ ﺗﺨﻠﺼﻨﻲ ﻣﻨﻬﻦ
ﻓﻌﻼ ﺍﻧﻄﻴﺘﻪ ﻋﻼﻛﻪ ﻭﻛﺎﻡ ﻳﺎﺧﺬ ﻣﻨﻬﻦ
ﻛﺎﻝ ﺍﻧﻲ ﻣﺎﺍﺣﺐ ﺍﻱ ﺷﻲ ﺑﺲ ﺍﻟﺴﻨﻴﻜﺮ ﻭﺍﻟﻜﻴﺖ ﻛﺎﺕ
ﺍﻛﻮ
ﺍﻱ ﺍﻛﻮ ﺩﻭﺭ ﻭﺍﺧﺬ
ﺧﻞ ﺍﺧﺎﺑﺮ ﺣﺒﻴﺒﺘﻲ ﺷﺘﺤﺐ ﺗﺎﻛﻞ
ﺧﺎﺑﺮﻫﺎ
ﻫﻠﻮ ﺣﺒﻲ
ﺷﺘﺤﺒﻴﻦ ﺣﻠﻮﻳﺎﺕ ﻻﻥ ﺍﻧﻲ ﻫﺴﻪ ﻳﻢ ﺍﻟﺴﻮﺑﺮ ﻣﺎﺭﻛﺖ
ﺧﻞ ﺍﺷﻮﻑ ﺍﻛﻮ ﻧﻮﺗﻴﻼ
ﺍﻱ ﺣﺒﻴﺒﺘﻲ ﺍﻛﻮ ﻭﺑﻌﺪ
ﺭﺍﺡ ﺍﺟﻴﺒﻠﺞ ﻉ ﺫﻭﻗﻲ
ﻛﺎﻡ ﻳﺨﻠﻲ ﺑﺎﻟﻌﻼﻛﻪ
ﺍﻧﻲ ﻭﻻ ﺍﻫﺘﻤﻴﺘﻠﻪ
ﻋﺒﺎﻟﻪ ﻳﻐﺜﻨﻲ
ﻧﻈﻮﺭﻱ ﻛﺎﻡ ﻳﺒﺠﻲ ﺍﻛﺜﺮ
ﺍﺧﺬ ﻧﺴﺘﻠﻪ ﻭﺭﺍﺩ ﻳﻨﻄﻴﻬﻴﺎ
ﻛﺘﻠﻪ ﻻ ﻣﻴﺮﻳﺪ ﻳﺎﻛﻞ
ﻟﻌﺪ ﻣﻮ ﺗﻜﻮﻟﻴﻦ ﺟﻮﻋﺎﻥ
ﺍﻱ ﻳﺮﻳﺪ ﻳﺮﺿﻊ ﺟﻮﻋﺎﻥ
ﺍﻫﺎ ﻟﻌﺪ ﻣﺘﺮﺿﻌﻲ
ﻟﻤﻦ ﺗﻄﻠﻊ ﻳﻠﻪ ﺍﻛﺪﺭ ﺍﺭﺿﻌﻪ
ﻟﻴﺶ ﻳﺎﺑﻪ
ﺷﻨﻮ ﻟﻴﺶ ﻳﻌﻨﻲ ﺍﺭﺿﻌﻪ ﻛﺪﺍﻣﻚ
ﻋﻮﺩ ﻉ ﺍﺳﺎﺱ ﺍﻧﺖ ﺗﺴﺘﺤﻴﻦ
ﺷﺤﺎﻝ ﻟﻮ ﻣﺎﺍﺟﻴﺘﻴﻨﻲ ﺑﺮﺟﻠﻴﺞ ﺑﻤﻨﻀﺮ ﻣﺴﺘﺤﻴﻞ ﺍﻧﺴﺎﻩ
ﺣﻴﻞ ﺧﺠﻠﺖ ﻭﺍﻟﻠﻪ ﻋﻴﺐ ﻳﺎﺍﻟﻠﻪ ﺷﻜﺪ ﺍﺣﺘﻘﺮ ﻧﻔﺴﻲ ﻣﻦ ﺍﺗﺬﻛﺮ
بيج قصص عراقيه حقيقيه من واقعنا.روعه الطائي
ﻭﻫﻮ ﺑﻌﺪ ﺍﺣﻘﺮ ﻻﺯﻡ ﻳﺬﻛﺮﻧﻲ
ﺳﻜﺘﺖ ﻣﺤﺠﻴﺖ ﻣﺎﺍﻋﺮﻑ ﺷﺎﺟﺎﻭﺑﻪ
ﻫﺬﺍ ﺍﺑﻨﻲ ﻛﺎﻡ ﻳﺠﺮ ﺑﺪﺷﺪﺍﺗﻲ ﺧﻄﻴﻪ ﺟﺎﻉ
ﻭﻫﺬﺍ ﻭﻻ ﻋﻨﺪﻩ ﺍﺣﺴﺎﺱ ﺍﺑﺪ
ﻛﺘﻠﻪ ﻣﺘﺮﻭﺡ ﻟﻠﻌﺮﻭﺱ ﺧﻄﻴﻪ ﻣﻨﺘﻈﺮﺗﻚ
ﻫﺎ ﺻﺪﻙ ﻭﺍﻟﻠﻪ ﻧﺴﻴﺖ
ﺍﺧﺮ ﺷﻲ ﻃﻠﻊ ﺷﻜﺪ ﻏﺜﻴﺚ ﻭﻣﻜﺮﻭﻩ
ﺭﺿﻌﺘﻪ ﺧﻄﻴﻪ ﺣﻴﻞ ﺟﻮﻋﺎﻥ ﺑﻌﺪﻫﺎ ﻧﺎﻡ
ﺑﺪﻳﺖ ﺍﺑﺎﻭﻉ ﻉ ﺍﻟﻤﻮﺑﺎﻳﻞ
ﻟﻜﻴﺖ ﻫﻮﺍﻱ ﺍﺗﺼﺎﻝ ﻣﻨﻪ ﺣﻴﺪﺭ ﻭﻫﻮ ﺟﺎﻥ ﻣﺴﺎﻓﺮ
ﺩﺍﺯ ﺭﺳﺎﺋﻞ ﻳﺴﺎﻝ ﻋﻦ ﻧﻈﻮﺭﻱ
ﻳﺴﺎﻟﻨﻲ ﻟﻴﺶ ﻗﺎﻓﻠﻪ ﺍﻟﺠﻬﺎﺯ
ﺑﻌﺪﻫﺎ ﻟﻜﻴﺖ ﺭﺳﺎﺋﻞ ﻣﻦ ﺍﻫﻠﻲ
ﺑﺎﺑﺎ ﺩﺍﺯﻟﻲ ﺍﺳﻒ ﺑﺎﺑﺎ ﻻﻥ ﺿﺮﺑﺘﺞ
ﺑﺲ ﺍﻧﺖ ﺍﻭﻝ ﻣﺮﻩ ﺗﺠﺬﺑﻴﻦ ﻋﻠﻴﻨﻪ ﻭﻣﺘﻜﻮﻧﻴﻦ ﺻﺮﻳﺤﻪ ﻭﻳﺎﻳﻪ
ﻭﺍﻧﻲ ﺧﻄﺄﺕ ﻣﻦ ﺿﺮﺑﺘﺞ
ﺍﻟﻤﻔﺮﻭﺽ ﺍﺳﺎﻟﺞ ﻭﺍﻋﺮﻑ ﺍﻟﺴﺒﺐ
ﻛﻤﺖ ﺍﺑﺠﻲ ﺣﻴﻞ ﺿﺎﻳﺠﻪ ﻣﻦ ﻧﻔﺴﻲ ﻭﻣﻦ ﺣﻴﺎﺗﻲ
ﻟﻮ ﻳﺪﺭﻱ ﺑﻨﺘﻪ ﻋﺎﻳﺸﻪ ﺣﻴﺎﺗﻬﺎ ﻛﻠﻬﺎ ﺑﻜﺬﺑﻪ ﻭﺭﻩ ﻛﺬﺑﻪ
ﻛﻮﻩ ﻛﺪﺭﺕ ﺍﻧﺎﻡ
ﺛﺎﻧﻲ ﻳﻮﻡ ﻛﻌﺪﺕ ﻣﺘﺎﺧﺮﻩ ﺏ 11 ﻛﻌﺪ ﺍﺑﻨﻲ ﺑﺪﻟﺘﻠﻪ ﻭﻏﺴﻠﺘﻠﻪ ﻭﺍﻧﻲ ﻫﻤﻴﻦ ﻧﺰﻟﺖ ﺍﻧﻲ ﻭﻧﻈﻮﺭﻱ ﻧﻮﺭ ﻋﻔﺘﻬﺎ ﻧﺎﻳﻤﻪ
ﻟﻜﻴﺖ ﺧﺎﻟﻪ ﺑﺎﻟﻤﻄﺒﺦ
ﻭﻭﻳﺎﻫﺎ ﻭﺣﺪﻩ ﺍﻋﺘﻘﺪ ﻫﻲ ﺯﻭﺟﺔ ﺣﻴﺪﺭ
ﺳﻠﻤﺖ ﻭﺑﺎﺭﻛﺘﻠﻬﺎ ﺧﺎﻟﻪ ﻋﺮﻓﺘﻬﺎ ﻋﻠﻴﻪ
ﺣﺴﻴﺖ ﺑﻴﻬﺎ ﻣﺘﻔﺎﺟﺌﻪ ﺑﻴﻪ
ﻛﻠﺖ ﻟﺨﺎﻟﻪ ﺍﺳﻔﻪ ﻟﻬﺴﻪ ﻧﺎﻳﻤﻪ ﻣﺎﺍﺩﺭﻱ ﺑﻨﻔﺴﻲ ﻭﻧﻈﻮﺭﻱ ﺑﺎﻟﻠﻴﻞ ﻛﻮﻩ ﻧﺎﻡ
ﻛﺎﻟﺖ ﻉ ﺭﺍﺣﺘﺞ ﺣﺒﻴﺒﺘﻲ ﻣﺎﻋﺪﻧﻪ ﺷﻲ
ﻟﻜﻴﺖ ﺧﺎﻟﻪ ﻫﻲ ﻭﺯﻭﺟﺖ ﺣﻴﺪﺭ ﻣﺠﻬﺰﺍﺕ ﺍﻟﻐﺪﻩ
ﺍﻧﻲ ﺟﻨﺖ ﺟﻮﻋﺎﻧﻪ ﺣﻴﻞ
ﺧﺎﻟﻪ ﺍﺧﺬﺕ ﺍﺑﻨﻲ ﻣﻨﻲ
ﺳﻮﻳﺖ ﺍﻛﻞ ﺍﻟﻲ ﻭﻻﺑﻨﻲ
ﺍﻧﻲ ﺻﺪﻓﻪ ﺍﺗﺮﻳﻚ ﻣﺎﺍﺣﺐ ﺍﻟﺮﻳﻮﻙ
ﺑﺲ ﺍﻟﻴﻮﻡ ﺟﻮﻋﺎﻧﻪ ﻻﻥ ﺑﻼ ﻋﺸﻪ
ﺍﺗﺮﻳﻜﻨﻪ ﺑﻌﺪﻫﺎ ﺍﺟﻪ ﻋﻤﻮ ﻭﺍﺧﺬ ﺍﺑﻨﻲ
ﺍﻧﻲ ﺑﺪﻳﺖ ﺍﻧﻈﻒ
ﻃﻠﺒﺖ ﻣﻨﻲ ﺧﺎﻟﻪ ﺍﺳﻮﻱ ﻛﻴﻚ
ﻻﻥ ﺍﻟﻤﺪﺭﺳﺎﺕ ﻳﺮﺩﻥ ﻳﺠﻦ ﻉ ﺣﺴﺎﺏ ﺣﻴﺪﺭ
ﻛﺘﻠﻬﺎ ﺑﺲ ﺧﻠﻲ ﺍﺻﻠﻲ ﻭﺍﺳﻮﻱ
ﻓﻌﻼ ﺑﺪﻳﺖ ﺍﺟﻬﺰ ﺑﺎﻟﻜﻴﻚ
ﺍﺣﺘﺎﺟﻴﺖ ﻛﺮﻳﻤﺎ ﻭﺷﻜﻮﻻﺗﻪ ﺧﺎﻡ
ﺩﺯﻳﻨﻪ ﻋﻤﻮ ﻭﺍﺧﺬ ﻧﻈﻮﺭﻱ ﻭﻳﺎ ﺭﻏﻢ ﻣﺎﺣﺎﺭﻩ ﺣﻴﻞ ﺑﺲ ﻫﻮ ﻳﺒﺠﻲ ﻭﺭﻩ ﺟﺪﻩ
ﺟﺎﺑﻠﻲ ﺍﻻﺷﻴﺎﺀ
ﺳﻮﻳﺖ 2 ﻭﺣﺪﻩ ﻋﺎﺩﻳﻪ ﺑﺎﻟﺸﻜﻮﻻﺗﻪ
ﻭﺍﻟﺜﺎﻧﻴﻪ ﺍﺳﻔﻨﺠﻴﻪ
ﺍﺳﺘﻮﻥ ﻭﺑﺮﺩﺗﻬﻦ ﻭﺧﻠﻴﺘﻬﻦ ﺑﺎﻟﻤﺠﻤﺪﻩ
ﺻﺒﻴﺘﻠﻬﻢ ﻏﺪﻩ ﻭﺍﺗﻐﺪﻭﺍ
ﻓﺎﻃﻤﻪ ﻭﺍﻣﻴﺮ ﺍﺟﻮﻱ ﻣﻦ ﻭﻛﺖ ﻻﻥ ﻋﺪﻫﻢ ﺍﻣﺘﺤﺎﻧﺎﺕ
ﺍﻣﻴﺮ ﺍﻟﺴﻨﻪ ﺍﻻﺧﻴﺮﻩ ﺍﻟﻪ ﺭﺍﺡ ﻳﺘﺨﺮﺝ
ﺳﻮﻳﺖ ﺍﻟﻜﺮﻳﻤﻪ ﻭﻛﻠﺖ ﻟﺨﺎﻟﻪ ﺭﺍﺡ ﺍﺻﻌﺪ ﺍﺳﻮﻳﻬﻦ ﺑﺎﻟﻐﺮﻓﻪ
ﻛﺎﻟﺖ ﻣﻮ ﺑﺎﻟﻤﻄﺒﺦ ﺍﺣﺴﻦ ﺍﺧﺎﻑ ﺗﻨﻌﺪﻡ ﺍﻟﻐﺮﻓﻪ
ﻛﺘﻠﻬﺎ ﻻ ﺧﺎﻟﻪ ﺍﺧﺬ ﺭﺍﺣﺘﻲ ﻫﻨﺎﻙ
ﺍﻧﻲ ﺍﻟﺼﺮﺍﺣﻪ ﻣﺎﺍﺣﺐ ﺍﺷﻮﻑ ﺍﻟﻤﻐﺮﻭﺭ ﺍﺑﺪ ﻻﻥ ﻭﻗﺖ ﺭﺟﻮﻋﻪ
ﺍﺟﺘﻲ ﻓﺎﻃﻤﻪ ﻭﻳﺎﻳﻪ
ﻓﺮﺷﻨﻪ ﻧﺎﻳﻠﻮﻥ ﺑﺎﻟﻜﺎﻉ ﻭﻛﻌﺪﺕ
ﺑﺪﻳﺖ ﺍﺯﻳﻦ ﺑﻴﻬﺎ
ﻛﻤﻠﺘﻬﻦ ﻭﺧﻠﻴﺘﻬﻦ ﺑﺎﻟﺜﻼﺟﻪ
ﻛﺎﻟﺖ ﻓﺎﻃﻤﻪ ﻳﺠﻦ ﺏ 6 ﺟﻬﺰﻱ ﻧﻔﺴﺞ
ﻛﺘﻠﻬﺎ ﻻﺍﻧﺰﻝ ﻳﻤﻬﻦ ﻭﻻ ﺍﻛﻌﺪ
ﻣﺎﺍﻟﻲ ﺧﻠﻚ ﺍﺧﻮﺝ ﻳﺴﻮﻳﻠﻲ ﺳﺎﻟﻔﻪ
ﻛﺎﻟﺖ ﺷﻨﻮ ﻳﺴﻮﻳﻠﺞ ﺳﺎﻟﻔﻪ
ﻫﻨﻪ ﻧﺴﻮﺍﻥ ﻭﺍﺑﻴﺘﻨﻪ
ﺣﺘﻰ ﻟﻮ ﺧﻠﻴﻨﻲ ﺑﻤﻜﺎﻧﻲ ﺍﺣﺴﻦ
ﻣﺎﻣﺎ ﻣﺘﻘﺒﻞ ﻭﺍﻟﻠﻪ
ﻫﻲ ﻛﻠﺘﻠﻲ ﺧﻞ ﺗﻠﺒﺲ ﻣﻼﺑﺲ ﺣﻠﻮﻩ
ﻟﺞ ﻭﺣﻴﺪﺭ
ﺷﺤﺪﻩ ﻳﺤﺠﻲ ﻧﻠﻌﺐ ﺑﻲ ﺟﻮﻟﻪ
ﺍﻟﻠﻪ ﻛﺮﻳﻢ
ﺯﻳﻦ ﺣﻴﺪﺭ ﻭﺍﻣﻴﺮ ﻫﻢ ﻳﺒﻘﻮﻥ ﺑﺎﻟﺒﻴﺖ ﻟﻮ ﻻ
ﻻ ﻣﺎﻣﺎ ﺧﺒﺮﺗﻬﻢ ﻳﻄﻠﻌﻮﻥ ﺏ 5
ﺍﺗﺼﻞ ﺑﻴﻪ ﺑﺎﺑﺎ
ﺭﻓﻌﺖ ﺧﻂ ﻛﻠﺖ ﺧﻄﻴﻪ
بيج قصص عراقيه حقيقيه من واقعنا.روعه الطائي
ﺣﺠﻴﺖ ﻭﻳﺎ ﻭﺍﻋﺘﺬﺭ ﻣﻨﻲ
ﺳﺎﻟﻨﻲ ﻟﻴﺶ ﻫﻴﺞ ﺳﻮﻳﺖ
ﻛﺘﻠﻪ ﻻﻥ ﺳﺎﻓﺮ ﻭﻣﻘﺒﻞ ﻳﺎﺧﺬﻧﻲ ﻭﻳﺎ
ﻭﻛﺘﻠﻪ ﺍﺗﺼﺎﻟﺤﻨﻪ ﻭﻟﻴﻀﻞ ﺑﺎﻟﻜﻢ ﻋﻠﻴﻪ
ﻓﺮﺡ ﺧﻄﻴﻪ
ﺑﻌﺪﻳﻦ ﺣﺠﻴﺖ ﻭﻱ ﻣﺎﻣﺎ ﺷﻮﻳﻪ ﻭﻃﺒﻜﺘﻪ
ﺻﺎﺭﺕ ﺏ 5 ﺩﺧﻠﺖ ﺳﺒﺤﺖ ﻭﻟﺒﺴﺖ ﻟﺒﺲ ﻣﻦ ﻣﻼﺗﻲ ﺍﻟﻘﺪﻳﻤﺎﺕ
ﻋﻨﺪﻱ ﻓﺴﺘﺎﻥ ﻟﻮﻥ ﺟﻮﻳﺘﻲ ﺭﺑﻊ ﺭﺩﻥ ﻃﻮﻳﻞ ﻭﺑﻲ ﻓﺘﺤﻪ ﻟﻠﺮﻛﺒﻪ
ﻟﺒﺴﺘﻪ ﻭﺷﻌﺮﻱ ﺭﻓﻌﺘﻪ ﻟﻔﻮﻙ ﻭﻃﻠﻌﺖ ﻣﻨﻪ ﺧﺼﻞ
ﺍﺟﺘﻲ ﻓﺎﻃﻤﻪ ﺑﻘﺖ ﺻﺎﻓﻨﻪ ﻋﻠﻴﻪ
ﻟﺞ ﻟﻴﺶ ﺩﺍﻓﻨﻪ ﻧﻔﺴﺞ ﻋﺪﻟﻪ
ﻳﻠﻪ ﺗﻠﺒﺴﻴﻦ ﺍﻟﻠﻮﺍﻥ ﺑﻴﺒﻲ
ﻟﺞ ﻣﻮ ﺍﺧﻮﺝ ﺍﻟﻐﺜﻪ ﻣﺎﻧﻌﻨﻲ ﻣﻦ ﻫﻴﺞ ﺍﻟﻠﻮﺍﻥ
ﻛﻮﻟﻲ ﻭﺍﻟﻠﻪ
ﺍﻱ ﻭﺍﻟﻠﻪ
ﻫﺬﺍ ﺷﻨﻮ ﻗﺼﺪﻩ ﺍﻛﻴﺪ ﻳﻐﺎﺭ ﻋﻠﻴﺞ
ﻫﻬﻬﻪ ﻫﺎﻱ ﻳﺎﻏﻴﺮﻩ ﻳﻤﻌﻮﺩﻩ
ﻛﻮﻟﻲ ﺍﻧﺎﻧﻲ ﺍﻱ
ﻛﺎﻟﺖ ﺗﻌﺎﻱ ﺍﺧﻠﻴﻠﺞ ﻛﺤﻞ ﻭﺣﻤﺮﻩ
ﺻﺪﻙ ﺧﻠﻴﺖ ﻛﺤﻠﻪ ﻭﺍﻳﻼﻳﻨﺮ ﻭﺣﻤﺮﻩ
ﺍﺑﺎﻭﻉ ﻉ ﻧﻔﺴﻲ ﻃﻠﻌﺖ ﻏﻴﺮ ﺷﻜﻞ ﺭﻏﻢ ﻣﺎﺗﻐﻴﺮ ﺑﺴﻴﻂ
ﻛﻠﺘﻠﻲ ﺧﻠﻲ ﺍﻧﻀﻔﻠﺞ ﻭﺟﻬﺞ
ﻣﻘﺒﻠﺖ
ﻛﺘﻠﻬﺎ ﺍﻧﺰﻟﻲ ﺍﺗﺎﻛﺪﻱ ﻣﻦ ﺍﻟﻮﻟﺪ
ﺑﺪﻟﺖ ﻟﻨﻮﺭ ﻭﻟﻨﻈﻮﺭﻱ
ﺻﻌﺪﺕ ﻓﺎﻃﻤﻪ ﻛﺎﻟﺖ ﻣﺎﻛﻮ ﺍﺣﺪ ﺍﻃﻤﺄﻧﻲ
ﻧﺰﻟﻨﻪ ﻭﻧﺰﻟﻨﻪ ﺍﻟﻜﻴﻚ
ﺟﻬﺰﻧﻪ ﻛﻠﺸﻲ ﺍﻟﻌﺼﺎﺋﺮ ﻭﻛﺼﺼﻨﻪ ﺍﻟﻜﻴﻚ
ﺧﺎﻟﻪ ﻛﻠﺖ ﻟﻔﺎﻃﻤﻪ ﺻﻴﺤﻲ ﻣﺮﺕ ﺍﺧﻮﺝ
ﺍﻧﺪﻙ ﺍﻟﺒﺎﺏ ﺭﺍﺣﺖ ﺧﺎﻟﻪ ﻓﺘﺤﺘﻪ
ﻛﺎﻟﺖ ﺗﻌﺎﻟﻦ ﺟﻴﺒﻦ ﺍﻟﻜﻴﻚ ﻭﺍﻟﻌﺼﺎﺋﺮ ﻭﺭﺍﻱ
ﻓﻌﻼ ﺩﺧﻠﻨﻪ ﻭﺟﺎﻧﻦ ﻫﻮﺍﻱ ﻣﺪﺭﺳﺎﺕ
ﺍﻟﻜﻞ ﺍﺗﻔﺎﺟﺊ ﺑﻴﻪ ﻋﺒﺎﻟﻬﻢ ﺍﻧﻲ ﺍﻟﻌﺮﻭﺱ
ﺑﺲ ﺩﺧﻠﻨﻪ ﺍﺷﻮ ﻛﺎﻣﻦ ﻳﻬﻠﻬﻠﻦ ﻋﺒﺎﻟﻬﻦ ﺍﻧﻲ ﺍﻟﻌﺮﻭﺱ 😅😅😅😅
ﺍﻧﻲ ﻫﻢ ﻋﺸﺖ ﺍﻟﻠﺤﻀﻪ ﻭﻓﻜﻴﺖ ﺣﻠﻜﻲ 😁😁😁
ﺣﺘﻰ ﻫﺎﻱ ﺍﻻﺟﻮﺍﺀ ﺍﻧﺤﺮﻣﺖ ﻣﻨﻬﺎ ﺑﺴﺒﺐ ﻏﺒﺎﺋﻲ
ﻻ ﻟﺒﺴﺖ ﺑﺪﻟﻪ ﻭﻻ ﻓﺮﺣﺖ ﺯﻭﺍﺟﻲ ﻣﺜﻞ ﺍﻟﺒﻨﺎﺕ 😔😔😔😔
ﻛﺎﻣﻦ ﻳﺼﻠﻦ ﻉ ﺍﻟﻨﺒﻲ
ﻛﻠﺘﻠﻬﻦ ﺧﺎﻟﻪ ﻻ ﻫﺎﻱ ﺯﻭﺟﺘﻪ ﺍﻟﺜﺎﻧﻴﻪ
ﻛﺎﻟﻦ ﺣﺮﺍﻣﺎﺕ ﻟﻴﺶ ﺍﺗﺰﻭﺝ ﻋﻠﻴﻬﺎ
ﻭﻫﻲ ﺣﻠﻮﻩ ﻭﺯﻏﻴﺮﻩ
ﻛﺘﻠﻬﻦ ﻣﺮﻳﻀﻪ ﻣﻨﻌﻨﻲ ﺍﻟﺪﻛﺘﻮﺭ ﻣﻦ ﺍﻟﺮﺟﺎﻝ
ﻛﺎﻟﺖ ﺧﻄﻴﻪ ﺍﻟﻠﻪ ﻳﺸﺎﻓﻴﺞ
ﺍﺗﺸﻜﺮﺕ ﻣﻨﻬﻦ
ﻛﻌﺪﺕ ﻳﻤﻬﻦ
ﺑﺲ ﻣﺎﺿﺠﺖ ﻣﻦ ﺣﺠﻴﻬﻦ ﻳﻤﻜﻦ ﻻﻥ ﻣﺜﻘﻔﺎﺕ ﻣﺤﺴﺴﻨﻲ ﺑﺸﻲ
ﺳﺎﻟﻨﻲ ﺷﻤﺨﻠﺼﻪ
ﻛﺘﻠﻬﻦ ﺳﺎﺩﺱ ﺍﻋﺪﺍﺩﻱ
ﺷﻌﺠﺐ ﻣﻤﻜﻤﻠﻪ
ﻇﺮﻭﻑ ﺟﺒﺮﺗﻨﻲ ﻣﺎﺍﻛﻤﻞ
ﺍﺟﺘﻲ ﺯﻭﺟﺔ ﺣﻴﺪﺭ
ﻣﻦ ﺷﺎﻓﺘﻨﻲ ﺣﺴﻴﺖ ﺑﻴﻬﺎ ﺿﺎﻳﺠﻪ
ﺳﻠﻤﺖ ﻉ ﺍﻟﻜﻞ
ﻓﺎﻃﻤﻪ ﺑﺼﻔﻲ ﺗﺬﺏ ﺣﺠﻲ
ﺗﻜﻠﻲ ﻟﺞ ﻓﺮﻕ ﺑﻴﻦ ﺍﻟﺴﻤﻪ ﻭﺍﻟﻜﺎﻉ
ﺑﻴﻨﺞ ﻭﺑﻴﻨﻬﺎ
ﺍﻧﺖ ﻭﻳﻦ ﻭﻫﻲ ﻭﻳﻦ
ﺿﺤﻜﺖ ﻛﺘﻠﻬﺎ ﺷﻜﺪ ﻓﺮﻕ ﺑﻴﻦ ﺍﻻﺛﻨﻴﻦ
ﺍﻛﻮ ﻣﺪﺭﺳﻪ ﺳﺎﻟﺘﻨﻲ ﻫﻢ ﻋﻨﺪﺝ ﺍﺧﻮﺍﺕ
ﻛﺘﻠﻬﺎ ﺍﻱ
ﻫﻢ ﻫﻴﺞ ﺣﻠﻮﺍﺕ ﻣﺜﻠﺞ
ﻛﺘﻠﻬﺎ ﺍﻱ ﺣﻠﻮﺍﺕ
ﻛﺎﻟﺖ ﺍﻟﻠﻪ ﻳﺨﻠﻴﻬﻦ
ﺷﻜﺮﺍ
ﻃﺎﻟﺒﺎﺕ ﺑﻌﺪﻫﻦ
ﺍﻱ
ﺍﻛﻠﻦ ﺍﻟﻜﻴﻚ
ﻛﺎﻟﺘﻠﻬﻦ ﺧﺎﻟﻪ ﺫﻧﻲ ﺳﻮﺗﻬﻦ ﺟﻨﺘﻲ ﺯﻧﻮﺑﻪ
ﺍﺗﻌﺠﺒﻦ ﻛﺎﻟﻦ ﻋﻤﻲ ﻫﻨﻴﺎﻟﻪ ﺯﻭﺟﻬﺎ ﻫﻢ ﺣﻠﻮﻩ ﻭﻫﻢ ﻓﻨﺎﻧﻪ
ﺣﺴﻴﺖ ﺑﺰﻭﺟﺘﻪ ﺗﺮﻳﺪ ﺗﻨﻔﺠﺮ
ﻛﻤﻠﻦ ﺍﻛﻞ ﻭﺷﺮﺑﻦ ﺍﻟﻌﺼﺎﺋﺮ
ﻛﻤﻨﻪ ﺍﻧﻲ ﻭﻓﺎﻃﻤﻪ ﺍﺧﺬﻧﻪ ﺍﻟﺼﻮﺍﻧﻲ
ﻭﺭﺣﻨﻪ ﻟﻠﻤﻄﺒﺦ
ﺑﺪﻳﺖ ﺍﻋﺰﻝ ﺍﻟﻤﻮﺍﻋﻴﻦ ﻭﺍﻭﺧﺮ ﺍﻟﻜﻴﻚ
ﮔﻠﺖ ﻟﻔﺎﻃﻤﻪ ﻫﺎﻱ ﺯﻭﺟﺔ ﺍﻟﻤﻐﺮﻭﺭ ﺷﺒﻴﻬﺎ ﺑﺲ ﺗﺒﺎﻭﻋﻠﻲ ﻣﻦ ﻓﻮﻙ ﻟﺠﻮﻩ
ﺍﻋﺘﻘﺪ ﻋﺪﺍﻫﺎ ﺍﺧﻮﺝ ﻏﺮﻭﺭ ﻭﺍﻧﺎﻧﻴﻪ
بيج قصص عراقيه حقيقيه من واقعنا.روعه الطائي
ﻛﺎﻟﺖ ﻓﺎﻃﻤﻪ ﻻ ﻭﻟﺞ
ﻫﺎﻱ ﺍﻟﻐﻴﺮﻩ ﺍﻟﻘﺎﺗﻠﻪ
ﻣﻦ ﺷﺎﻓﺘﺞ ﻫﻴﺞ ﺍﻧﺼﺪﻣﺖ
ﻫﻬﻬﻬﻪ ﺣﻘﻬﺎ ﻫﻴﺞ ﺍﻧﺼﺪﻣﺖ
ﻟﺞ ﺍﻧﻲ ﻣﻦ ﺷﻔﺖ ﻧﻔﺴﻲ ﺑﺎﻟﻤﺮﺍﻳﻪ ﺍﻧﺼﺪﻣﺖ
ﻓﺪﻳﺘﻨﻲ ﺷﻜﺪ ﺣﻠﻮﻩ ﻃﺎﻟﻌﻪ ﺑﺲ ﺍﻻﻋﻤﻰ ﻣﻴﺸﻮﻑ ﺟﻤﺎﻟﻲ
ﻟﺞ ﺑﺲ ﺣﻠﻮﻩ ﻏﻴﺮ ﺗﺨﺒﺸﻴﻦ ﻭﺍﻟﻠﻪ
ﻭﻳﻦ ﺭﺍﺡ ﻋﻨﺞ ﺣﻴﺪﺭ
ﺍﻫﻮﻭﻭ ﻫﺴﻪ ﺍﻟﻪ ﺗﺬﻛﺮﻳﻨﻲ ﺑﺎﻟﻐﺜﻪ ﻭﺗﻌﻜﺮﻳﻦ ﻣﺰﺍﺟﻲ
ﻟﺞ ﺧﻞ ﻳﻮﻟﻲ ﻫﺬﺍ ﺍﻟﻤﻐﺮﻭﺭ ﺷﺎﻳﻒ ﻧﻔﺴﻪ ﺷﻮﻓﻪ
ﻋﺒﺎﻟﻪ ﻗﺤﻂ ﻇﺎﺑﻂ
ﻣﻴﻌﺠﺒﻪ ﺍﻟﻌﺠﺐ
ﻟﺞ ﻭﺍﻟﻠﻪ ﻣﻴﺴﺘﺎﻫﻞ ﺍﺿﻔﺮ ﻣﻦ ﺍﺿﺎﻓﻴﺮﻱ
ﻫﻮ ﻫﺎﻱ ﺍﻟﻌﺠﻮﺯ ﺗﻮﺍﻟﻤﻪ ﻭﻫﻢ ﻫﻮﺍﻱ ﻋﻠﻲ
ﻋﻴﻮﻧﻪ ﺍﻛﻴﺪ ﺑﻴﻬﻦ ﺷﻲ ﻭﻣﻴﺸﻮﻓﻦ ﺟﻤﺎﻟﻲ ﻳﺠﻮﺯ ﺍﻋﻤﻰ
ﻋﻴﻮﻧﻪ ﻣﺘﺸﻮﻑ ﺍﻟﺤﻠﻮﺍﺕ ﺗﺸﻮﻑ ﺑﺲ ﺍﻟﺠﻜﻤﺎﺕ ﻻﻥ ﻫﻮ ﺍﺳﺎﺳﺎ ﻣﻮ ﺣﻠﻮ
ﻋﺎﺑﺖ ﺍﻟﻪ ﻭﻟﺸﻜﻠﻪ
ﻭﺍﻻ ﺍﻛﻮﻟﺞ ﻫﻢ ﺯﻳﻦ ﻫﻴﺞ ﻳﺴﻮﻱ
ﻻﻥ ﺍﻧﻲ ﻣﺎﺍﻃﻴﻘﻪ ﻭﻻ ﺍﻃﻴﻖ ﺍﺷﻮﻓﻪ ﺍﺑﺪ
ﺑﻌﺪﻳﻦ ﺍﺗﺬﻛﺮﺕ ﺍﻟﻐﺪﻩ
ﻛﻠﺖ ﻟﻔﺎﻃﻤﻪ ﺧﻞ ﺍﺷﻮﻑ ﻃﺒﺨﻬﺎ ﻟﻤﺮﺓ ﺍﻟﻤﻐﺮﻭﺭ ﻫﻢ ﻃﻴﺐ ﻟﻮ ﻻ
ﻣﺴﻮﻳﻪ ﺗﻤﻦ ﻭﺑﺎﻣﻴﻪ
ﻣﺘﻨﻮﻛﻞ ﺍﺑﺪ ﻭﻛﻠﻬﺎ ﺩﻫﻦ ﺣﻴﻞ ﻣﻮﻃﻴﺒﻪ
ﺍﻭﻝ ﻣﺤﻄﻴﺘﻬﺎ ﺑﺤﻠﻜﻲ ﺫﺑﻴﺘﻬﺎ
ﻛﺘﻠﻬﺎ ﻟﺞ ﻓﺎﻃﻤﻪ ﺷﻨﻮ ﻫﺬﺍ ﻃﺒﺨﻬﺎ ﻳﺴﺪ ﺍﻟﻨﻔﺲ ﻣﺜﻞ ﺷﻜﻠﻬﺎ
ﻛﻠﻬﺎ ﺩﻫﻦ ﻭﺍﻧﻲ ﺍﻛﻮﻝ ﻟﻮﻳﺶ ﺳﻤﻴﻨﻪ
ﻻﻥ ﺍﻛﻠﻬﺎ ﻭﻃﺒﺨﻬﺎ ﻣﻮ ﺻﺤﻲ
ﻟﺞ ﻫﺎﻱ ﻟﻮ ﻣﺎﻣﺎ ﺗﺸﻮﻓﻬﺎ ﻟﻬﺎﻱ ﺍﻟﻤﺮﻛﻪ ﺟﺎﻥ ﺫﺑﺘﻬﺎ
ﻻﻥ ﺗﻜﻮﻝ ﻣﻮ ﺻﺤﻲ ﺍﻟﺪﻫﻦ ﻭﻳﺎﺫﻱ
ﺍﺷﻮ ﺍﺗﺨﻮﺭﺳﺘﻲ ﻣﺘﺤﺠﻴﻦ ﺷﺒﻴﺞ
ﺩﺭﺕ ﻭﺟﻬﻲ ﻭﺟﺎﻥ ﺍﻧﺼﺪﻡ ﺑﺤﻴﺪﺭ ﻭﺍﻛﻒ ﻉ ﺍﻟﻜﺎﻭﻧﺘﺮ ﻭﻭﻣﻜﺘﻒ ﺍﺩﻱ
ﻳﺎﻓﺸﻠﺖ ﺍﻟﻔﺸﻠﻪ ﻳﺒﻮﻭﻭﻭ ﻋﻠﻴﻪ ﻭﺍﻟﻠﻪ ﻋﻴﺐ
ﺍﻧﻲ ﺗﺬﺑﺤﻮﻧﻲ ﻗﻄﺮﺓ ﺩﻡ ﻣﺎﻛﻮ ﺑﻴﻪ
ﺍﺑﺎﻭﻉ ﻉ ﻓﺎﻃﻤﻪ ﺯﺑﺪﻩ ﻭﻣﺎﻋﺖ ﻣﺎﺍﻟﻬﺎ ﺍﺛﺮ
ﺍﻱ ﻛﻤﻠﻲ ﻟﻴﺶ ﺳﻜﺘﻲ
ﺭﺩﺕ ﺍﺷﺮﺩ ﺍﺻﻌﺪ ﻟﻔﻮﻙ ﻫﻢ ﺍﺑﺪﻝ ﻭﻫﻢ ﺍﻫﺮﺏ ﻣﻨﻪ
ﻣﺎﺍﻋﺮﻑ ﺷﻨﻮ ﺍﻟﻲ ﺳﻤﻌﻪ ﻭﺷﻨﻮ ﺍﻟﻲ ﻣﺴﻤﻌﻪ
ﺭﺩﺕ ﺍﻃﻠﻊ ﻭﺟﺎﻥ ......... ﻳﺨﻠﺺ ﺍﻟﺒﺎﺭﺕ
ﺗﻮﻗﻌﺎﺗﻜﻢ ﺣﺒﺎﻳﺐ ﺳﻤﻊ ﺍﻟﺤﺠﻲ ﻛﻠﻪ ﻟﻮ ﻻ ......
ﻭﺍﺫﺍ ﺳﻤﻌﻪ ﺷﺮﺍﺡ ﺗﻜﻮﻥ ﺭﺩﺓ ﻓﻌﻠﻪ ........
ﺭﺍﺡ ﻳﻌﺎﻗﺒﻬﺎ ﻟﻮ ﻻ .......
ﺯﻳﻦ ﻭﻟﺒﺴﻬﺎ ﺷﻠﻮﻥ ﻫﺎﻟﻤﺮﻩ ﻫﻢ ﺭﺍﺡ ﻳﻜﺎﺑﺮ ﻟﻮ ﻣﻴﺘﺤﻤﻞ .......
ﻫﺴﺘﻮﻧﻲ ﻳﻠﻪ ﻛﻤﻠﺖ ﺯﻳﺎﺭﻩ ﻭﺭﻏﻢ ﻣﺘﻌﺒﺎﻧﻪ ﻣﻜﺪﺭﺕ ﻣﺎﺍﻧﺰﻝ
ﻭﻣﻨﺴﻴﺖ ﻛﻠﻤﻦ ﻃﻠﺐ ﻣﻨﻲ ﺍﻟﺰﻳﺎﺭﻩ ﻭﺍﻟﺪﻋﺎﺀ
ﺍﺭﺟﻮ ﺍﻟﻤﻌﺬﺭﻩ ﻋﻦ ﺍﻟﺘﺎﺧﻴﺮ
ﺗﺤﻴﺎﺗﻲ ﻟﻠﺠﻤﻴﻊ 😘😘