بين الفقر والطغيان

23

#بين_الفقر_والطغيان
بارت٢٣
ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
🦋🌹 ﺍﻟﺒﺎﺭﺕ 23 🌹🦋
🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋
🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋
ﻫﻮﺍﻱ ﺩﻛﻴﺖ ﻭﻣﺎﻛﻮ ﺟﻮﺍﺏ
ﻭﺟﺎﻥ ﻧﻮﺻﻞ
ﺑﺲ ﻛﻠﺒﻲ ﻧﺎﺭ
ﺍﻧﻲ ﻟﻮ ﻣﺎﺧﺬﻩ ﺣﺠﻲ ﺣﻴﺪﺭ ﻭﺟﺎﻳﻪ ﻗﺒﻞ ﻭﻗﺖ
ﻛﺎﻝ ﺣﻴﺪﺭ ﺍﺫﺍ ﻣﻤﺴﻮﻳﻦ ﻫﻮﺍﻱ ﺍﻛﻞ ﻧﺠﻴﺐ ﻣﻦ ﺑﺮﻩ ﻉ ﺍﻟﺴﺮﻳﻊ
ﻛﻠﻲ ﺑﺲ ﺍﺗﺎﻛﺪﻩ ﻭﻛﻠﻴﻠﻲ
ﺍﻭﻙ
ﺩﺧﻠﻨﻪ ﻭﻃﻠﻊ ﺑﺎﺑﺎ ﺍﻟﺤﻤﺪ ﻟﻠﻪ ﻣﺎﻛﻮ ﺷﻲ
ﻛﺘﻠﻪ ﻟﻴﺶ ﻣﺘﺠﺎﻭﺏ
ﻛﺎﻝ ﻭﺍﻟﻠﻪ ﺟﻨﺖ ﻣﻠﺘﻬﻲ ﻭﺭﺣﺖ ﻟﻠﺴﻮﻙ
ﺍﺳﺘﻘﺒﻞ ﻋﻤﺎﻣﻲ ﻭﺩﺧﻠﻬﻢ
ﺍﻧﻲ ﺭﺣﺖ ﻛﺒﻞ ﻟﻠﻤﻄﺒﺦ
ﺧﻄﻴﻪ ﺍﺧﻮﺍﺗﻲ ﺍﺧﺬﻥ ﻣﻨﺘﻈﺮ ﻣﻨﻲ
ﺭﺩﺕ ﺍﺳﺎﻋﺪﻫﻦ
ﻛﺎﻟﺖ ﻣﺎﻣﺎ ﻣﺠﻬﺰﻳﻦ ﻛﻠﺸﻲ
ﻛﺘﻠﻬﺎ ﻣﺎﻣﺎ ﻋﺪﺩﻫﻢ ﻫﻮﺍﻱ
ﻛﺎﻟﺖ ﻣﻮ ﻣﻬﻢ ﺣﺎﺳﺒﻴﻦ ﺣﺴﺎﺑﻨﻪ
ﺷﺴﻮﻳﺘﻮ
ﻛﺎﻟﺖ ﺍﺑﻮﺝ ﺟﺎﺏ ﺧﺮﻭﻑ ﻭﺳﻮﻳﻨﺎ ﻣﺤﺸﻲ
ﺍﻟﺮﻳﺤﻪ ﺗﺨﺒﻞ
ﻛﺘﻠﻬﺎ ﺷﻠﻮﻥ ﻟﺤﻜﺘﻮ ﻭﻣﻦ ﺷﻮﻛﺖ ﺧﻠﻴﺘﻮ ﺑﺎﻟﻔﺮﻥ
ﻛﺎﻟﺖ ﻣﻦ ﺍﻟﻠﻴﻞ ﺟﻬﺰﻧﻪ ﺍﻟﺪﻭﻟﻤﻪ ﻭﺍﻟﺘﻤﻦ ﻣﺎﻟﺖ ﺍﻟﺤﺸﻮ
ﻭﺍﻟﺨﺮﻭﻑ ﻣﻦ ﺍﻟﺒﺎﺭﺣﻪ ﺍﻟﺼﺒﺢ ﺧﻠﻴﻨﺎ ﺑﺎﻟﺘﺘﺒﻴﻠﻪ
ﻭﺭﻩ ﺍﻟﺼﻼﻩ ﻟﻔﻴﻨﺎ ﺑﺎﻟﺴﻴﻠﻔﻮﻥ ﻭﻉ ﻧﺎﺭ ﻫﺎﺩﺋﻪ ﻭﻟﻬﺴﻪ ﺑﻌﺪﻩ
ﻻﻥ ﺟﺒﻴﺮ ﺍﻟﺨﺮﻭﻑ
ﺍﻧﻲ ﻧﺰﻋﺖ ﺍﻟﻌﺒﺎﻳﻪ ﻭﺍﻟﺤﺠﺎﺏ ﻫﻤﻴﻦ
ﺍﻣﻨﺖ ﺑﻌﺪ ﻣﺤﺪ ﻳﺪﺧﻞ
ﺟﻨﺖ ﻣﺴﻮﻳﻪ ﺷﻌﺮﻱ ﺿﻔﻴﺮﻩ ﺻﻔﺢ
ﺍﺟﻪ ﺑﺎﺑﺎ ﻛﺎﻝ ﺻﺒﻮﺍ ﺍﻟﺠﺎﻱ
ﻣﺎﻣﺎ ﻣﺴﻮﻳﺘﻪ
ﺣﻤﻴﻨﺎ ﻭﻛﺎﻋﺪ ﺍﺧﻠﻲ ﺷﻜﺮ
ﺩﺧﻞ ﺑﺎﺑﺎ ﻛﻞ ﻟﻤﺎﻣﺎ ﻫﺬﺍ ﺣﻴﺪﺭ ﺭﺍﺡ ﻳﺪﺧﻞ ﺍﻟﺒﺴﻲ ﺣﺠﺎﺑﺞ
ﻭﺧﺒﺮﻱ ﺍﻟﺒﻨﺎﺕ ﻳﻠﺒﺴﻦ ﻫﻤﻴﻦ
ﻳﺮﻳﺪ ﻳﺴﻠﻢ ﻋﻠﻴﻜﻢ
بيج قصص عراقيه حقيقيه من واقعنا.روعه الطائي
ﻣﺎﻣﺎ ﻃﻠﻌﺖ ﺗﻠﺒﺲ ﺍﻟﺤﺠﺎﺏ
ﺍﻧﻲ ﻃﻔﺮﺕ ﺭﺩﺕ ﺍﻟﺒﺲ ﺣﺠﺎﺑﻲ
ﻛﻠﻲ ﺑﺎﺑﺎ ﻫﺎﻱ ﺷﺒﻴﺞ ﺣﻴﺪﺭ ﺯﻭﺟﺞ ﻟﺘﺘﻮﻫﻤﻴﻦ ﻣﻮ ﺍﺑﻦ ﻋﻤﺞ
ﻳﺒﻮﻭﻭ ﻫﺎﻱ ﺷﻠﻮﻥ ﻣﺸﻜﻠﻪ
ﻛﻠﻪ ﺍﺩﺧﻞ ﺑﺎﺑﺎ
ﻛﺎﻡ ﻳﻀﺤﻚ ﺑﺎﺑﺎ ﻛﻠﻪ ﻣﺮﺗﻚ ﻃﻔﺮﺕ ﺗﺮﻳﺪ ﺗﻠﺒﺲ ﺣﺠﺎﺑﻬﺎ
ﻛﺎﻡ ﻳﻀﺤﻚ ﺣﻴﺪﺭ
ﻛﻠﻲ ﻳﺠﻮﺯ ﻋﺒﺎﻟﻬﺎ ﺣﻴﺪﺭ ﺍﺑﻦ ﻋﻤﻬﺎ
ﺍﻧﻲ ﻫﻢ ﻫﻴﺞ ﻛﻠﺘﻠﻬﺎ
ﻛﺼﻨﻲ ﻛﺺ ﻣﻦ ﻓﻮﻙ ﻟﺠﻮﻩ ﻳﺒﺎﻭﻋﻠﻲ
ﻋﺎﻓﻨﻪ ﺑﺎﺑﺎ ﻭﻃﻠﻊ
ﻛﻠﻲ ﺍﺗﺼﺮﻓﻲ ﻃﺒﻴﻌﻲ ﻛﺪﺍﻣﻬﻢ ﻟﺘﺠﻴﺒﻴﻦ ﺍﻟﺸﺒﻬﺎ ﻟﻨﻔﺴﺞ
ﻛﻠﻲ ﻃﺎﺑﺨﻴﻦ ﻫﻮﺍﻱ ﻟﻮ ﻻ
ﻛﺘﻠﻪ ﺍﻱ ﻫﻮﺍﻱ ﻭﺯﻳﺎﺩﻩ
ﺍﻟﺤﻤﺪ ﻟﻠﻪ
ﺑﺲ ﻣﻮ ﻛﺘﻠﺞ ﺧﺒﺮﻳﻨﻲ
ﻧﺴﻴﺖ ﻭﺍﻟﻠﻪ
ﻳﺎﺍﻟﻠﻪ ﺷﻠﻮﻥ ﻫﻴﺞ ﺭﺍﺡ ﺍﺑﻘﻰ ﻭﺍﻟﻠﻪ ﺍﺳﺘﺤﻲ
ﺻﺒﻴﺘﻠﻪ ﺍﻟﺠﺎﻱ ﺍﺧﺬﻩ ﻭﺭﻩ ﺷﻮﻳﻪ ﺭﺟﻊ ﺩﻙ ﺍﻟﺒﺎﺏ
ﺳﻠﻢ ﻉ ﻣﺎﻣﺎ
ﻛﻠﻲ ﺻﺒﻲ ﺑﻌﺪ ﺑﺲ 10
ﺻﺒﻴﺖ ﻭﻫﻢ ﺍﺧﺬﻩ
ﻭﺭﺍﻫﺎ ﺭﺟﻊ
ﺍﻧﻲ ﻭﻣﺎﻣﺎ ﺑﺪﻳﻨﻪ ﻧﺠﻬﺰ ﺑﺎﻟﻄﺮﺷﻲ ﻭﺍﻟﺰﻻﻃﻪ
ﻟﻜﻴﺘﻬﺎ ﻣﺴﻮﻳﻪ ﻣﺮﻙ ﺑﺎﻣﻴﺎ ﻣﺠﻤﺪﻩ
ﻻﻥ ﺑﻮﻗﺘﻬﺎ ﺑﻌﺪﻫﻲ ﻣﻨﺎﺯﻟﻪ
ﻭﺳﻮﺏ ﺩﺟﺎﺝ
ﻛﺎﻝ ﺧﺎﻟﻪ ﻣﺤﺘﺎﺟﻪ ﻣﺴﺎﻋﺪﻩ
ﻛﻠﺘﻠﻪ ﺑﺲ ﺻﻴﺢ ﻋﻤﻚ ﺍﺑﻮ ﺳﻴﻒ
ﺻﺎﺣﻪ ﻭﺍﺟﻪ
ﻛﻠﺘﻠﻪ ﻣﺎﻣﺎ ﻳﻠﻪ ﺷﻐﻞ ﺍﻟﺤﻄﺐ ﺣﺘﻰ ﻧﺸﻮﻱ ﺍﻟﺴﻤﻚ
ﻛﻠﻪ ﺣﻴﺪﺭ ﺩﻟﻴﻨﻲ ﺑﻲ ﻭﺍﻧﻲ ﺍﺳﻮﻳﻬﻦ
ﻭﺭﻭﺡ ﺍﻧﺖ ﺍﻛﻌﺪ
ﻻﻋﻤﻲ ﻣﺎﺍﺭﻳﺪ ﺍﺗﻌﺒﻚ
ﻻﻋﻤﻲ ﺗﻌﺒﻚ ﺭﺍﺣﻪ
ﻛﻠﻲ ﺑﺎﺑﺎ ﺭﻭﺣﻲ ﻭﻳﺎ ﺍﻧﺖ ﻭﺍﺷﻮﻳﻬﻦ ﻭﺭﻩ ﺍﻟﺒﻴﺖ ﻣﺠﻬﺰ ﻛﻠﺸﻲ ﺍﻧﻲ
ﺭﺣﻨﻪ ﻭﺭﻩ ﺍﻟﺒﻴﺖ ﻭﺍﺧﺬﻧﻪ ﺍﻟﺴﻤﻚ ﻭﻳﺎﻧﻪ ﻭﺍﻟﺘﺘﺒﻴﻠﻪ
ﻛﺘﻠﻪ ﺧﻠﻴﻨﻲ ﺍﻧﻲ ﺍﺳﻮﻳﻬﻦ ﺍﺧﺎﻑ ﻣﻼﺑﺴﻚ ﺗﺘﻠﻒ ﻣﻦ ﺍﻟﺮﻳﺤﻪ ﻭﺍﻟﺪﻫﻦ
بيج قصص عراقيه حقيقيه من واقعنا.روعه الطائي
ﻋﺎﺩﻱ ﻣﻮ ﻣﺸﻜﻠﻪ ﺍﺧﻠﺺ ﻭﺍﻏﺴﻠﻴﻬﻦ ﻭﺍﻛﻮﻳﻬﻦ ﻓﺪ ﻣﺼﻴﺒﻪ
ﺳﻜﺘﺖ ﺑﺪﻩ ﺷﻌﻞ ﺍﻟﺤﻄﺐ ﻟﻤﻦ ﺻﺎﺭ ﻓﺤﻢ ﺧﻠﻴﻨﻪ ﺍﻟﺴﻤﻚ ﺑﺎﻟﻄﺒﺎﻛﻪ ﺍﻟﺨﺎﺻﻪ ﻭﺳﻄﺮﻧﺎﻫﻦ 5 ﺟﺎﻧﻦ
ﺷﻐﻠﻨﻪ ﺍﻟﻤﺮﻭﺣﻪ ﺑﺲ ﻉ ﺍﻟﺒﻄﻴﺊ
ﺟﺒﺘﻠﻪ ﻛﺮﺳﻲ ﻭﻛﻌﺪ
ﻛﺘﻠﻪ ﺍﻧﻲ ﺍﺳﻔﻪ ﺧﻠﻴﺘﻚ ﺗﻨﺠﺒﺮ ﺗﺪﺧﻞ ﺑﻴﺘﻨﻪ
ﻭﺍﻧﻲ ﻣﺘﺎﻛﺪﻩ ﻣﻮ ﻛﺪ ﻣﻘﺎﻣﻚ
ﻭﻣﻼﺑﺴﻚ ﺭﺍﺡ ﺗﺘﻠﻒ
ﺯﻳﻨﺐ ﺍﺳﻜﺘﻲ ﻟﺨﺎﻃﺮ ﺭﺑﺞ
ﻟﺘﺨﻠﻴﻨﻲ ﺍﻛﻮﻡ ﻭﺍﺷﻜﻜﻬﻦ ﺍﻟﻤﻼﺑﺲ ﻛﺪﺍﻣﺞ
ﻛﺘﻠﺞ ﻣﺎﻛﻮ ﻣﺸﻜﻠﻪ
ﻛﺘﻠﻪ ﺭﺍﺡ ﺍﺑﺪﻝ ﻭﺍﺭﺟﻊ
ﻟﻴﺶ ﺷﺒﻴﻬﻦ ﻣﻼﺑﺴﺞ
ﺍﺧﺎﻑ ﺍﺳﺎﻋﺪ ﻣﺎﻣﺎ ﺑﺎﻟﺨﺒﺰ
ﺷﻨﻮ ﺭﺍﺡ ﺗﺨﺒﺰﻭﻥ ﺑﺎﻟﺒﻴﺖ
ﺍﻱ
ﺍﻫﺎ ﻟﻌﺪ ﺭﻭﺣﻲ ﺑﺲ ﺍﻭﺻﻴﺞ ﻫﻢ ﺭﺩﻥ ﻭﺣﺠﺎﺏ ﺍﺧﺎﻑ ﺍﺣﺪ ﻳﺪﺧﻞ ﻟﻠﻤﻄﺒﺦ
ﻛﻠﺖ ﺑﻜﻠﺒﻲ ﻣﻨﻴﻠﻲ ﻳﺤﺴﺮﻩ ﺭﺩﻥ ﻭﻃﻮﻳﻠﻪ
ﺍﺫﺍ ﻫﻨﻪ ﺩﺷﺎﺩﻳﺶ ﺍﺻﻼ ﻣﺎﻋﻨﺪﻱ
ﻛﻠﻪ ﻓﺴﺎﺗﻴﻦ ﻗﺼﻴﺮﻩ ﻣﺎﻟﺖ ﺑﻴﺖ
ﻭﺑﺮﻣﻮﺩﺍﺕ ﻭﺗﺮﺍﻛﺎﺕ
ﺭﺣﺖ ﻭﺣﺎﻳﺮﻩ ﺷﺎﻟﺒﺲ
ﻃﻠﺒﺖ ﻣﻦ ﻣﺎﻣﺎ ﺩﺷﺪﺍﺷﻪ ﻣﻨﻬﺎ
ﻛﺎﻟﺖ ﻟﻴﺶ ﻣﺎﻛﻮ ﻏﺮﻳﺐ
ﻣﻮ ﺍﺧﺎﻑ ﻭﻟﺪ ﻋﻤﻮ ﻳﺪﺧﻠﻮﻥ ﻟﻮ ﻋﻤﺎﻣﻲ
ﻛﺎﻟﺖ ﻉ ﺭﺍﺣﺘﺞ ﺭﻭﺣﻲ ﺍﺧﺬﻱ ﻣﻦ ﺍﻟﻜﻨﺘﻮﺭ
ﻃﺒﻌﺎ ﻣﺎﻣﺎ ﻟﻬﺴﻪ ﻻﺑﺴﻪ ﺍﺳﻮﺩ ﻉ ﺳﻴﻮﻓﻲ
ﻫﻮﺍﻱ ﺣﺎﻭﻟﻨﻪ ﻭﻳﺎﻫﺎ ﺗﻨﺰﻋﻪ ﻣﻘﺒﻠﺖ ﺍﺑﺪ
ﻃﻠﻌﺖ ﺩﺷﺎﺩﻳﺶ ﻣﺎﻣﺎ ﺍﻟﻘﺪﻳﻤﺎﺕ ﺑﺲ ﻫﻢ ﻛﻠﻬﻦ ﻧﺺ ﺭﺩﻥ ﻭﺍﻟﻮﺍﻧﻬﻦ ﺷﺒﺎﺑﻴﻪ
ﻻﻥ ﻣﺎﻣﺎ ﺟﺎﻧﺖ ﺗﻠﺒﺲ ﻭﻳﺎﻧﻪ ﺣﺘﻰ ﺗﺮﺍﻛﺎﺕ ﻭﺑﺮﻣﻮﺩﻩ
ﻃﻠﻌﺖ ﺩﺷﺪﺍﺷﻪ ﻋﻮﺩ ﺍﻫﻮﻥ ﻭﺣﺪﻩ ﻟﻮﻧﻬﺎ ﻭﺭﺩﻱ
ﻃﻮﻳﻠﻪ ﺑﺲ ﺭﺑﻊ ﺭﺩﻥ
ﻭﻣﻮ ﻣﺨﺼﺮﻩ ﺯﻳﻨﻪ ﻋﻠﻴﻪ ﺍﻟﺤﻤﺪ ﻟﻠﻪ
ﻛﻠﺖ ﺍﻟﻤﺎﻣﺎ ﺧﻠﻲ ﻧﺨﺒﺰ
ﻛﺎﻟﺖ ﺭﻭﺣﻲ ﻭﻱ ﺣﻴﺪﺭ ﺧﻄﻴﻪ ﻭﺑﻌﺪﻳﻦ ﻧﺨﺒﺰ
ﺭﺣﺖ ﻳﻤﻪ ﻫﻢ ﻛﺎﻡ ﻳﺒﺎﻭﻉ ﻋﻠﻴﻪ ﻣﻦ ﻓﻮﻙ ﻟﺠﻮﻩ
ﻛﺘﻠﻪ ﻗﺒﻞ ﻟﺘﺤﺠﻲ ﻭﺍﻟﻠﻪ ﺍﺣﺴﻦ ﻭﺣﺪﻩ ﺑﻤﻼﺑﺲ ﻣﺎﻣﺎ ﻫﺎﻱ
بيج قصص عراقيه حقيقيه من واقعنا.روعه الطائي
ﻫﻮ ﺍﻧﻲ ﺷﺤﺠﻴﺖ ﻫﺴﻪ
ﺍﺧﺎﻑ ﺗﻌﺘﺮﺽ ﻭﺗﻜﻠﻲ ﺍﻟﺒﺴﻲ ﻏﻴﺮﻫﺎ
ﻟﻌﺪ ﺩﺷﺎﺩﻳﺸﺞ ﻭﻳﻦ
ﺑﺎﻟﺒﻴﺖ ﺍﺑﺪ ﻣﺎﺍﺟﻴﺐ ﻭﻳﺎﻳﻪ ﻣﻦ ﺍﺟﻲ ﻻﻫﻠﻲ
ﻟﻴﺶ ﻋﻮﺩ
ﺣﺘﻰ ﻳﺰﻓﻨﻲ ﻣﺎﻣﺎ ﻭﺍﺧﻮﺍﺗﻲ ﺑﺲ ﻳﻀﺤﻜﻦ ﻋﻠﻴﻪ
ﻟﻴﺶ ﺷﺒﻴﻬﻦ ﻣﻼﺑﺴﺞ
ﻣﺒﻴﻬﻦ ﺷﻲ ﺑﺲ ﺟﻨﻬﻦ ﻣﻼﺑﺲ ﺑﻴﺒﻲ ﻭﺍﻟﻠﻪ
ﻟﻌﺪ ﻫﻨﺎ ﺷﺘﻠﺒﺴﻴﻦ
ﺍﻟﺒﺲ ﻧﻔﺲ ﻟﺒﺴﻲ ﺍﻟﻘﺪﻳﻢ ﻗﺒﻞ ﻻ ﺍﺗﺰﻭﺝ
ﻣﺜﻞ ﺷﻨﻮ
ﺗﺮﺍﻛﺎﺕ ﻭﺑﺮﻣﻮﺩﺍﺕ ﻭﺩﺷﺎﺩﻳﺶ ﻗﺼﻴﺮﻩ
ﻭﻫﺴﻪ ﻟﻴﺶ ﻫﻴﺞ ﻟﺒﺴﺘﻲ ﺍﺧﺎﻑ ﻳﺸﻜﻮﻥ ﺍﻫﻠﺞ
ﻻ ﺍﻃﻤﺄﻥ ﻛﻠﺖ ﻟﻤﺎﻣﺎ ﺍﺧﺎﻑ ﺍﺣﺪ ﻳﺪﺧﻞ ﻣﻦ ﻭﻟﺪ ﻋﻤﻮ
ﻋﻔﻴﻪ ﻋﻠﻴﺞ ﺑﺎﻟﺠﺬﺏ ﻣﺤﺪ ﻳﻠﺤﻜﺞ
ﻛﻠﻲ ﺟﻬﺰﻱ ﺍﻟﺘﺘﺒﻴﻠﻪ
ﻣﻤﻜﻦ ﺳﺆﺍﻝ
ﺍﻱ ﺍﺗﻔﻀﻠﻲ
ﻭﻳﻦ ﺗﻌﺮﻑ ﻫﻴﺞ ﺗﺸﻮﻱ
ﻣﻮ ﺩﺍﺋﻤﺎ ﺟﻨﻪ ﻧﻄﻠﻊ ﺳﻔﺮﺍﺕ ﻭﻧﺸﻮﻱ ﻫﻨﺎﻙ
ﺍﻻﻛﻞ ﺟﺎﻫﺰ
ﺍﻱ ﺑﺲ ﺍﻟﺨﺒﺰ
ﻟﻤﻦ ﻧﺨﻠﺺ ﻧﺮﻭﺡ ﻧﺨﺒﺰ ﺍﻧﻲ ﻭﻣﺎﻣﺎ
ﺷﻨﻮ ﺗﻌﺮﻓﻴﻦ ﺗﺨﺒﺰﻳﻦ
ﺍﻱ ﺍﻋﺮﻑ
ﺣﻠﻮ ﻟﻌﺪ ﻫﻨﻴﺎﻟﻪ ﺍﻟﻤﺎﺧﺬﺝ
ﺑﻜﻠﺸﻲ ﺍﻧﺖ ﺗﻮﺏ
ﺑﺎﻟﻄﺒﺦ ﻭﺍﻟﺤﻠﻮﻳﺎﺕ ﻭﺍﻟﺘﺮﺗﻴﺐ ﻭﺍﻟﻬﺪﻭﺀ ﻭﻫﺴﻪ ﺭﺍﺡ ﺗﺨﺒﺰﻳﻦ ﻭﻧﺸﻮﻑ ﺧﺒﺰﺝ
ﻫﺴﻪ ﻫﻮ ﻗﺎﺑﻞ ﺭﺍﺿﻲ ﻋﻠﻴﻪ
ﻳﺪﻭﺭﻟﻪ ﺯﻟﻪ ﻋﻠﻴﻪ ﺣﺘﻰ ﻳﻬﻴﻨﻲ ﻭﻳﺬﻟﻨﻲ
ﻟﻌﺪ ﻫﺬﺍ ﺷﻜﺪ ﻣﻄﻔﻲ ﻭﻣﻴﻌﺮﻑ ﻗﻴﻤﺘﺞ
ﺑﺲ ﺍﻣﻨﻲ ﻣﻨﺎ ﻭﺭﺍﻳﺢ ﺭﺍﺡ ﺍﻣﻠﺺ ﺍﺫﺍﻧﺎﺗﻪ ﺣﺘﻰ ﻳﺼﻴﺮ ﺯﻳﻦ ﻭﻳﺎﺝ
ﺍﻧﻲ ﻣﺎﺍﺭﻳﺪﻩ ﻳﺼﻴﺮ ﺯﻳﻦ ﻭﻳﺎﻳﻪ
ﺍﺭﻳﺪﻩ ﺑﺲ ﻳﻔﻚ ﻳﺎﺧﻪ ﻋﻨﻲ
ﺑﺲ ﻫﻢ ﺍﻟﻠﻪ ﻳﻌﻴﻨﻪ ﺍﻟﻤﺎﺧﺬﺝ ﺑﺲ ﻉ ﻋﻨﺎﺩﺝ ﺍﻟﻤﻮ ﻃﺒﻴﻌﻲ
ﺑﻜﻠﺒﻲ ﺍﻛﻮﻝ ﻣﻨﻚ ﻣﻦ ﺍﻟﺸﻴﻄﺎﻥ ﺗﻤﺪﺡ ﺑﻴﻪ
ﺧﻠﻴﻨﻪ ﺍﻟﺘﺘﺒﻴﻠﻪ ﻭﻃﻔﻴﻨﻪ ﺍﻟﻤﺮﻭﺣﻪ ﻭﺑﻌﺪ ﺍﻟﺴﻤﻚ ﺷﻮﻳﻪ ﻋﻦ ﺍﻟﻨﺎﺭ
بيج قصص عراقيه حقيقيه من واقعنا.روعه الطائي
ﻛﺎﻝ ﺑﻌﺪ ﺍﺑﺪ ﻣﻴﻬﻤﻬﻦ ﺷﻮﻛﺖ ﻣﻨﺮﻳﺪ ﻧﻠﻜﻴﻬﻦ ﺟﺎﻫﺰﺍﺕ
ﺍﺧﺎﻑ ﻳﺤﺘﺮﻛﻦ
ﻻ ﻣﻌﻠﻴﻬﻦ
ﺑﺲ ﺻﻴﺤﻲ ﻭﺣﺪﻩ ﻣﻦ ﺍﻟﺒﻨﺎﺕ ﺗﺮﺍﻗﺒﻬﻦ ﺍﺧﺎﻑ ﺗﺠﻲ ﺑﺰﻭﻧﻪ
ﺍﺭﻳﺪ ﺍﺭﻭﺡ ﻭﻳﺎﺝ ﺍﺷﻮﻓﺞ ﺷﻠﻮﻥ ﺗﺨﺒﺰﻳﻦ
ﻳﺒﻮﻭﻭ ﻋﻠﻴﻪ ﺍﻟﻴﻮﻡ ﻣﺪﺭﻱ ﺷﺒﻲ ﺣﻴﺪﺭ
ﺷﻠﻮﻥ ﺭﺍﺡ ﺍﻛﺪﺭ ﺍﺧﺒﺰ ﻛﺒﺎﻟﻪ ﻣﺎﺍﻋﺮﻑ
ﺭﺣﺖ ﺻﺤﺖ ﺭﻗﺎﻭﻱ ﺍﺟﺘﻲ ﻫﻲ ﻭﻧﻮﺭ
ﺣﻴﻞ ﻣﻨﺪﻣﺠﺎﺕ ﺳﻮﻳﻪ
ﺳﻠﻤﺖ ﻉ ﺣﻴﺪﺭ
ﺍﻧﺼﺪﻣﺖ ﻣﻦ ﻛﻠﻠﻬﺎ ﻫﻠﻮ ﺭﻗﺎﻭﻱ
ﻣﺎﺍﻋﺮﻑ ﻣﻨﻴﻦ ﻳﻌﺮﻑ ﺍﺳﻤﻬﺎ
ﺷﻠﻮﻧﺞ ﻭﻱ ﺍﻻﻭﻝ
ﺯﻳﻨﻪ
ﺣﺘﻰ ﻳﻌﺮﻓﻬﺎ ﺑﻴﺎ ﺻﻒ
ﻛﻌﺪﻧﺎﻫﺎ ﻳﻢ ﺍﻟﺴﻤﻚ
ﺭﺣﻨﻪ ﻟﻤﺎﻣﺎ
ﻛﺎﻟﺖ ﺧﻞ ﻧﻮﺧﺮ ﺍﻟﺴﻴﻠﻔﻮﻥ ﻣﻦ ﺍﻟﺨﺮﻭﻑ ﺣﺘﻰ ﻧﺤﻤﺮﻩ
ﺍﺟﻪ ﺣﻴﺪﺭ ﻭﻛﻮﻩ ﻃﻠﻌﻪ ﻣﻦ ﺍﻟﻔﺮﻥ
ﻭﺧﺮﻧﻪ ﺍﻟﺴﻴﻠﻔﻮﻥ ﻭﺟﺎﻥ ﻣﺴﺘﻮﻱ ﻳﺨﺒﻞ ﺻﺎﻳﺮ ﺣﺘﻰ ﻣﺘﺤﻤﺮ ﻣﻴﺤﺘﺎﺝ
ﺑﺲ ﻣﺎﻣﺎ ﻛﺎﻟﺖ ﻻ ﺑﻌﺪ ﻳﺤﺘﺎﺝ
ﺧﻠﻴﻨﺎﻟﻪ ﺩﺑﺲ ﺍﻟﺮﻣﺎﻥ ﻉ ﺍﻟﻮﺟﻪ ﻭﺭﺟﻌﻨﺎ ﻟﻠﻔﺮﻥ ﺑﺲ ﻉ ﺍﻫﺪﺀ ﺷﻲ
ﺣﻴﻞ ﻧﺼﺖ ﻣﺎﻣﺎ ﺍﻟﻨﺎﺭ
ﻛﻠﻲ ﺍﻛﻮﻝ ﻋﻠﻴﻤﻦ ﻃﺎﻟﻌﻪ ﺯﻳﻨﺐ ﻓﻨﺎﻧﻪ ﺑﺎﻟﻄﺒﺦ
ﺍﻛﻴﺪ ﻃﺎﻟﻌﻪ ﻋﻠﻴﺞ ﺧﺎﻟﻪ
ﻛﻠﺘﻠﻪ ﺍﻧﻲ ﻻﺷﻲﺀ ﺑﺎﻟﻨﺴﺒﻪ ﻟﺰﻧﻮﺑﻪ
ﻻ ﻣﺎﻣﺎ ﺍﻧﺖ ﺍﻻﺻﻞ ﻭﺍﻧﻲ ﺍﻟﻔﺮﻉ
ﻭﺍﻟﻠﻪ ﺍﻧﻲ ﻻﺷﻲﺀ ﺑﺎﻟﻨﺴﺒﻪ ﺍﻟﺞ
ﻛﺎﻟﺖ ﻣﺎﻣﺎ ﺑﻌﺪ ﺷﻮﻱ ﺯﻭﺟﺞ ﺭﺍﺡ ﻳﺤﻜﻢ ﻉ ﺍﻟﻄﺒﺦ
ﻣﻨﻮ ﺍﻻﻃﻴﺐ
ﻛﺎﻝ ﺍﻭﻙ
ﺍﺟﻨﻲ ﺭﻧﺎ ﻭﺗﺒﺎﺭﻙ ﺳﻠﻤﻦ ﻉ ﺣﻴﺪﺭ
ﻭﻳﻦ ﻧﻈﻮﺭﻱ
ﻧﺎﻡ ﺧﻄﻴﻪ
ﺑﺪﻟﺘﻠﻪ ﻟﻮ ﺑﻘﻪ ﺑﻤﻼﺑﺴﻪ
ﻻ ﺷﻨﻮ ﺍﻟﻘﺼﻪ ﺑﺪﻟﻨﺎﻟﻪ ﻭﻭﻛﻠﻨﺎ
ﻛﺎﻝ ﺣﻴﺪﺭ ﻧﺴﻴﺖ ﺷﻐﻠﻪ ﺑﺎﻟﺴﻴﺎﺭﻩ
بيج قصص عراقيه حقيقيه من واقعنا.روعه الطائي
ﺭﺍﺡ ﻭﺍﺟﻪ ﺍﻧﻄﺎﻫﻦ ﻋﻼﻛﺔ ﺍﻟﺤﻠﻮﻳﺎﺕ ﻛﺎﻝ ﻫﺎﺝ ﺧﺎﻟﻪ ﻫﺎﻱ ﻟﻠﺒﻨﺎﺕ
ﻛﻠﺘﻠﻪ ﻣﺎﻣﺎ ﻟﻮﻳﺶ ﺯﺣﻤﺖ ﻧﻔﺴﻚ ﻭﺍﻟﻠﻪ ﺍﻟﺒﻨﺎﺕ ﻣﻴﺤﺒﻨﻬﻦ ﻭﻣﺴﻮﻳﺎﺕ ﺭﺟﻴﻢ
ﻣﻴﺨﺎﻟﻒ ﺍﻛﻠﻴﻬﻦ ﺍﻧﺖ ﻭﻋﻤﻲ
ﺍﺧﺬﺗﻬﻦ ﻣﺎﻣﺎ
ﺭﺣﻨﻪ ﻧﺨﺒﺰ
ﺍﺷﻮ ﻫﺬﺍ ﻛﺎﺑﻠﻨﻪ ﺻﺪﻙ
ﻛﺘﻠﻬﺎ ﻣﺎﻣﺎ ﻟﻮﻳﺶ ﻣﺠﺒﺘﻮ ﻣﻦ ﺍﻟﺨﺒﺎﺯ ﻭﻻ ﻫﺎﻟﺪﻭﺧﻪ
ﺍﺑﻮﺝ ﻣﻘﺒﻞ ﻛﺎﻝ ﻋﻴﺐ ﻻﺯﻡ ﺧﺒﺰ ﺑﻴﺖ
ﺣﻴﺪﺭ ﻛﺎﻝ ﻟﻤﺎﻣﺎ
ﺗﻌﺮﻓﻴﻦ ﺻﺎﺭﻟﻲ ﺷﻜﺜﺮ ﻣﻤﺎﻛﻞ ﺧﺒﺰ ﺑﻴﺖ
ﺷﻜﺜﺮ
ﻳﻤﻜﻦ ﺧﻤﺲ ﺳﻨﻮﺍﺕ
ﺣﻴﻞ ﺷﻌﺠﺐ ﻣﺤﺪ ﻳﺨﺒﺰ ﻋﺪﻛﻢ
ﺍﻣﻲ ﺟﺎﻧﺖ ﺗﺨﺒﺰ ﺑﺲ ﺗﻌﺮﻓﻴﻦ ﺩﻭﺍﻡ ﻋﺪﻫﺎ ﻭﺻﺤﺘﻬﺎ ﻣﻮ ﻫﺎﻟﻜﺪ
ﻛﻤﻨﻪ ﻧﺠﻴﺐ ﻣﻦ ﺍﻟﺨﺒﺎﺯ
ﺑﺪﺕ ﻣﺎﻣﺎ ﺗﺨﺒﺰ ﻭﺍﻧﻲ ﺍﺷﻠﻊ ﺍﻟﺨﺒﺰ ﺑﺲ ﺑﻤﺎﺷﺎ ﻣﺎﺍﻋﺮﻑ ﺑﻴﺪﻱ
ﺑﻌﺪﻳﻦ ﻛﻠﺖ ﻟﻤﺎﻣﺎ ﺧﻞ ﺍﻛﻤﻞ ﻭﺭﻭﺣﻲ ﻭﻱ ﺍﻟﺒﻨﺎﺕ ﻛﻤﻠﻲ ﺍﻟﺘﺠﻬﻴﺰﺍﺕ
ﻣﻘﺒﻠﺖ ﺑﺲ ﺍﺻﺮﻳﺖ ﻋﻠﻴﻬﺎ
ﺧﻄﻴﻪ ﺍﺑﺪ ﻣﺘﻬﻮﻥ ﺑﻴﻪ
ﻭﺍﻧﻲ ﻛﻠﺖ ﺗﻌﺒﺖ ﺑﺎﻟﻄﺒﺦ ﻭﺍﻟﺘﺠﻬﻴﺰﺍﺕ
ﻫﺬﺍ ﻛﺎﻋﺪ ﻳﺎﻛﻞ ﺧﺒﺰ ﺧﺎﻟﻲ
ﻛﺘﻠﻪ ﻣﻮ ﺭﺍﺡ ﻧﺼﺐ ﻏﺪﻩ ﺍﺧﺎﻑ ﻣﺘﺸﺘﻬﻲ ﺑﻌﺪ
ﻟﺘﺨﺎﻓﻴﻦ ﻋﻠﻴﻪ ﺍﻛﻞ ﻭﻣﺎﺍﻓﻮﺕ ﺍﻟﻔﺮﺻﻪ ﻣﻨﻲ ﺍﺑﺪ
ﺧﺒﺰﺕ ﻭﺟﺎﻥ ﻳﻘﻠﺪ ﻋﻠﻴﻪ
ﻃﻠﻌﺘﻲ ﺻﺪﻙ ﺗﻘﻠﻴﺪ ﻣﻮ ﺍﺻﻠﻲ
ﻫﺎﻱ ﺍﻧﻐﺸﻴﺖ ﺑﻴﺞ ﺣﺮﺍﻣﺎﺕ
ﻣﺘﻌﺮﻓﻴﻦ ﺗﺨﺒﺰﻳﻦ
ﻃﻠﻌﺖ ﺍﻭﻝ ﺧﺒﺰﻩ ﺍﻟﻴﻪ
ﻛﺎﻝ ﺧﻠﻲ ﺍﻛﻞ ﻣﻨﻬﺎ ﻭﺍﺷﻮﻓﻬﺎ ﻃﻴﺒﻪ ﻻ
ﺍﻧﻲ ﺫﺑﻴﺘﻬﺎ ﻉ ﺍﻟﺼﺎﻣﺖ
ﺍﻛﻞ ﺍﻟﺨﺒﺰﻩ ﺟﺎﻥ ﻳﻜﻮﻝ
ﻭﺍﻟﻠﻪ ﺍﻃﻴﺐ ﺧﺒﺰﻩ ﻣﺎﻛﻠﻬﺎ ﺑﻌﻤﺮﻱ ﻭﺣﻴﺎﺗﻲ
ﻻ ﻋﻴﻨﻲ ﻃﻠﻌﺘﻲ ﺍﺻﻠﻲ ﻣﻮ ﺗﻘﻠﻴﺪ
ﻫﻨﻴﺎﻟﻪ ﺯﻭﺟﺞ ﻋﻠﻴﺞ
ﺍﻛﻴﺪ ﻣﺪﻟﻠﺘﻪ ﺑﺎﻻﻛﻞ ﻭﺍﻟﺨﺒﺰ ﻭﺍﻟﺤﻠﻮﻳﺎﺕ
بيج قصص عراقيه حقيقيه من واقعنا.روعه الطائي
ﺳﻜﺘﺖ ﺍﻛﻞ ﺧﺒﺰﺗﻴﻦ ﻭﺭﺍﺩ ﻳﺎﻛﻞ ﺍﻟﺜﺎﻟﺜﻪ
ﺍﻧﻲ ﻫﻨﺎ ﻓﺎﺭ ﺩﻣﻲ 😤😤😤😤
ﺿﺮﺑﺘﻪ ﻉ ﺍﻳﺪﻩ ﺧﻔﻴﻒ ﻭﻭﺧﺮﺕ ﺍﻟﺨﺒﺰﻩ ﻣﻦ ﺍﻳﺪﻩ
ﺭﺍﺡ ﻳﺨﻠﺺ ﺍﻟﺨﺒﺰ ﻣﻦ ﻭﺭﺍﻙ ﺷﺮﺍﺡ ﻧﻨﻄﻲ ﻟﻠﻌﺎﻟﻢ
ﻟﻜﻴﺘﻪ ﺻﺎﻓﻦ ﺑﻮﺟﻬﻲ
ﻟﺞ ﺗﻀﺮﺑﻴﻨﻲ ﻉ ﻣﻮﺩ ﺧﺒﺰﻩ
ﻣﺎﺍﺭﻳﺪ ﺑﻌﺪ ﻭﺣﺘﻰ ﻛﻠﺸﻲ ﻣﺎﺍﺭﻳﺪ ﺍﻛﻞ
ﻗﺤﻂ ﺧﺒﺰ 😏😏😏
ﻋﺎﻓﻨﻲ ﻭﺩﺧﻞ
ﻳﺒﻮﻭﻭ ﻋﻠﻴﻪ ﺷﻜﺪ ﻋﻴﺐ ﻣﻨﻪ ﻭﺍﻟﻠﻪ ﻓﺸﻠﻪ
ﻫﺴﻪ ﺍﻧﻲ ﺷﺤﺠﺎﻧﻲ
ﻟﻮ ﺗﺪﺭﻱ ﺑﻴﻪ ﻣﺎﻣﺎ ﺟﺎﻥ ﻟﻌﺒﺖ ﺟﻮﻟﻪ
ﻛﻤﻠﺖ ﺑﻌﺪ ﻣﻄﻠﻌﺖ ﺭﻭﺣﻲ
ﻫﻮﺍﻱ ﻋﺎﺟﻨﻪ ﻣﺎﻣﺎ
ﺍﺫﻥ ﺍﻟﻈﻬﺮ
ﺑﺪﻳﻨﻪ ﻧﺼﺐ
ﺻﺒﻴﻨﻪ ﺑﺼﻴﻨﻴﻪ ﺟﺒﻴﺮﻩ ﺍﻟﺘﻤﻦ ﻭﻓﻮﻛﺎﻩ ﺣﺸﻮ ﻭﺧﻠﻴﻨﻪ ﺍﻟﺨﺮﻭﻑ ﺑﺎﻟﻨﺺ
ﻭﺍﻟﺪﻭﻟﻤﻪ ﺩﺍﻳﺮ ﻣﺪﺍﻳﺮﻩ ﺭﺗﺒﻨﺎﻫﺎ
ﻃﻠﻊ ﺷﻜﻠﻬﺎ ﻳﺨﺒﺶ ﻭﻳﺸﻬﻲ ﻣﺜﻞ 👇
ﺻﺒﻴﻨﻪ ﺍﻟﻤﺮﻙ ﻭﺍﻟﺴﻮﺏ
ﻭﺍﻟﺪﺟﺎﺝ ﻟﻜﻴﺖ ﻣﺎﻣﺎ ﻣﻜﻠﻴﺘﻪ ﺻﺒﻴﻨﻪ ﺗﻤﻦ ﺍﺑﻴﺾ ﻭﺧﻠﻴﻨﺎ ﻓﻮﻛﺎﻩ ﻣﺜﻞ 👇
ﻭﺣﻴﺪﺭ ﺟﺎﺏ ﺍﻟﺴﻤﻚ ﻭﺟﺎﻥ ﺍﻟﻤﻨﻈﺮ ﻳﺨﺒﻞ ﺷﻜﻠﻨﺎﻫﻦ ﻛﻞ ﻭﺣﺪﻩ ﺷﻜﻞ ﻣﺜﻞ 👇
ﻫﻴﺞ ﻭﺣﺪﻩ 👇
ﻫﻴﺠﻮﺣﺪﻩ 👇
ﻭﻫﻴﺞ ﻭﺣﺪﻩ 👇
ﺍﺧﺮ ﻭﺣﺪﻩ ﻋﻔﻨﺎﻫﺎ ﺧﺎﻟﻴﻪ
ﻫﺬﺍ ﺍﻟﺤﺠﻲ ﻛﻞ ﻭﺣﺪﻩ ﺍﺗﻜﻠﻔﺖ ﺳﻤﻜﻪ
ﻟﻜﻴﺖ ﺣﻴﺪﺭ ﻓﺎﻙ ﺣﻠﻜﻪ ﻋﻠﻴﻨﻪ 😲😲
ﺑﺪﻩ ﻳﺎﺧﺬ ﺍﻻﻛﻞ ﻭﺍﺟﻪ ﺑﺎﺑﺎ ﻳﺴﺎﻋﺪﻩ
ﺟﻬﺰﻧﻪ ﺍﻟﻔﻮﺍﻛﻪ ﻭﺍﻟﺤﻠﻮﻳﺎﺕ
ﻉ ﺍﻟﻨﺺ ﺍﺟﻪ ﺣﻴﺪﺭ ﻛﺎﻝ ﺗﻌﺒﺖ ﻭﺍﻟﻠﻪ ﻭﻳﻀﺤﻚ
ﺍﻟﻤﻜﺎﻥ ﺑﻌﺪ ﻣﻴﻜﻔﻲ
ﻋﺒﺎﻟﻲ ﺻﺪﻙ
ﻛﺘﻠﻪ ﻳﺎ ﻣﺎﻣﺎ ﺷﻠﻮﻥ ﺑﺎﻟﺒﻘﻴﻪ
ﻛﺎﻝ ﺍﻧﻄﻴﻨﻲ ﺍﻧﺖ ﻣﻮ ﺍﻟﻮﺍﺣﺪ ﻻﺯﻡ ﻳﺸﺎﻗﻪ ﻭﻳﺎﺝ
ﺍﺟﺬﺏ ﻋﻠﻴﺞ
ﻛﻤﻞ ﻛﻠﺸﻲ ﺑﻘﻪ ﺑﺲ ﺍﻟﻤﻲ ﻭﺍﻟﻠﺒﻦ ﻭﺍﻟﺨﻀﺮﻩ
ﺍﻟﻤﻲ ﺟﺎﻳﺒﻴﻦ ﻛﺎﺳﺎﺕ ﻭﺍﻟﻠﺒﻦ ﺍﺑﻄﺎﻟﻪ ﺯﻏﺎﺭ
ﺍﺧﺬﻫﻦ ﻭﺭﺍﺡ
ﻭﺭﻩ ﺷﻮﻳﻪ ﺭﺟﻊ
ﺧﺎﻟﻪ ﻋﺎﺷﺖ ﺍﻳﺪﺝ ﻣﻦ ﺻﺪﻙ
ﺍﻟﻜﻞ ﻣﺼﺪﻭﻡ ﻣﻦ ﺍﻟﻤﻨﻈﺮ
ﻭﺍﻟﻠﻪ ﻧﺮﻓﻊ ﺭﺍﺳﻜﻢ ﻛﺪﺍﻣﻬﻢ
ﻛﺘﻠﻪ ﻟﻴﺶ ﻣﺎﺍﻛﻠﺖ ﻭﻳﺎﻫﻢ
ﻛﺎﻝ ﻣﻮ ﺍﺧﺎﻑ ﺍﺧﻠﺺ ﺍﻻﻛﻞ ﻣﺜﻞ ﺍﻟﺨﺒﺰ
ﻭﻣﺎﺍﺧﻠﻴﻬﻢ ﻳﺎﻛﻠﻮﻥ
ﺑﺲ ﻻ ﻳﺤﺠﻲ ﻛﺪﺍﻡ ﻣﺎﻣﺎ
ﻭﻫﺬﺍ ﺳﻮﺍﻫﺎ ﺻﺪﻙ ﻭﺯﻋﻞ
ﻛﻠﺘﻠﻪ ﻣﺎﻣﺎ ﺷﺒﻲ ﺍﻟﺨﺒﺰ
ﻛﻠﻠﻬﺎ ﺍﻛﻠﺖ ﺧﺒﺰﻩ ﻭﺭﺩﺕ ﺍﻛﻞ ﺍﻟﺜﺎﻧﻴﻪ ﺿﺮﺑﺘﻨﻲ ﻉ ﺍﻳﺪﻱ ﻭﻃﺮﺩﺗﻨﻲ
ﻛﺎﻟﺖ ﻛﻤﻠﺖ ﺧﺒﺰ ﺍﻟﺨﻄﺎﺭ
ﻫﺬﺍ ﻣﻮ ﺍﻟﻚ ﺧﺒﺰﻧﺎ
ﻋﺰﻩ ﺷﻜﺪ ﻳﺠﺬﺏ
ﻛﻠﺘﻠﻲ ﻣﺎﻣﺎ ﺻﺪﻙ ﻫﻴﺞ ﺣﺎﺟﻴﻪ ﻭﻳﺎ
ﻻ ﻭﺍﻟﻠﻪ ﻣﺎﻣﺎ ﺟﺬﺍﺏ
ﺍﺳﻤﻌﻲ ﻭﻓﻮﻛﺎﻫﺎ ﺗﺤﺠﻴﻬﺎ ﺑﻮﺟﻬﻲ ﻭﺗﻜﻠﻲ ﺟﺬﺍﺏ
ﺧﻞ ﺗﻮﻟﻲ ﻣﻌﻠﻴﻚ ﺑﻴﻬﺎ ﺍﻧﺖ ﺍﻻﻫﻢ ﺍﻛﻴﺪ
ﺫﻭﻻﻙ ﺍﻟﻌﺎﻟﻢ ﻣﻮ ﻣﻬﻤﻴﻦ
ﺗﻘﺼﺪ ﺑﻴﺖ ﻋﻤﻮ
ﻛﻠﻠﻬﺎ ﺷﻜﺮﺍ ﺧﺎﻟﻪ ﻫﺬﺍ ﻣﻦ ﻃﻴﺒﺞ ﻭﺍﺻﻠﺞ
ﺭﻭﺡ ﺧﺎﻟﻪ ﺍﺗﻐﺪﻩ ﻣﻌﻠﻴﻚ ﺑﻴﻬﺎ ﻫﺎﻱ ﻣﺨﺒﻠﻪ ﺍﻛﻴﺪ
ﻫﺎﻱ ﺷﻨﻮ ﻣﺎﻣﺎ ﻃﻠﻌﺘﻴﻨﻲ ﻣﺨﺒﻠﻪ
ﺍﺳﻜﺘﻲ ﺧﻞ ﻳﺠﻲ ﺍﺑﻮﺝ ﻭﺍﻋﻠﻤﺞ
ﻣﺘﺴﺘﺤﻴﻦ ﻫﻴﺞ ﺗﺤﺠﻴﻦ ﻭﻱ ﺯﻭﺟﺞ
ﻳﺎﺧﺎﻟﻪ ﺍﻧﺖ ﺍﺷﺎﻳﻔﻪ ﻭﺍﺷﺎﻳﻔﻪ ﻣﻨﻬﺎ
ﻟﻮ ﺍﺳﻮﻟﻔﻠﺞ ﻋﻠﻴﻬﺎ ﻳﻤﻜﻦ ﺗﺬﺑﺤﻴﻬﺎ ﻉ ﺍﻟﻘﺒﻠﻪ
ﻳﺎ ﻋﺰﻩ ﻫﺬﺍ ﺷﻴﻘﺼﺪ ﺑﺲ ﻻ ﺭﺍﺡ ﻳﺴﻮﻟﻔﻠﻬﺎ
ﺷﻤﺴﻮﻳﻪ ﻭﻳﺎﻙ
ﺑﻌﺪﻳﻦ ﺍﺳﻮﻟﻔﻠﺞ
ﺭﻭﺡ ﺍﺗﻐﺪﻩ ﻭﻣﻌﻠﻴﻚ ﺑﻴﻬﺎ
ﻻ ﻫﺎﻟﻤﺮﻩ ﺣﺎﺏ ﺍﺟﺮﺏ ﺍﻛﻞ ﺍﻟﻤﻄﺒﺦ ﻣﺜﻞ ﺑﻌﺾ ﺍﻟﻨﺎﺱ
ﺑﺲ ﻻ ﻳﺤﺠﻲ ﻫﺬﺍ ﻛﻠﺸﻲ ﻻﻫﻠﻲ
ﺑﻌﺪﻳﻦ ﻛﺎﻡ
ﺧﻞ ﺍﺷﻮﻓﻬﻢ ﺍﺧﺎﻑ ﻣﺤﺘﺎﺟﻴﻦ ﺷﻲ..بيج قصص عراقيه حقيقيه من واقعنا.روعه الطائي
ﺣﻴﺪﺭ : ﺣﻴﻞ ﺟﻨﺖ ﺧﺎﻳﻒ ﺍﺧﺎﻑ ﻣﻄﺎﺑﺨﻴﻦ ﻫﻮﺍﻱ
ﻟﻮ ﺍﻛﻞ ﺑﺴﻴﻂ
ﻻﻥ ﺣﺎﻟﺘﻬﻢ ﻣﻮ ﻫﺎﻟﻜﺪ
ﺣﺒﻴﺖ ﻳﻨﺮﻓﻊ ﺭﺍﺳﻬﻢ ﻛﺪﺍﻡ ﺫﻭﻟﻪ ﺍﻟﻨﺎﺱ
ﺣﺴﻴﺖ ﺑﻴﻬﻢ ﻳﻤﺴﻮﻧﻲ ﺣﻴﻞ
ﻣﻦ ﺧﺎﺑﺮﺗﻬﻢ ﺯﻳﻨﺐ ﻭﻣﺠﺎﻭﺑﻮﺍ ﺣﻴﻞ ﺧﻔﺖ ﻭﻗﻠﻘﺖ
ﺑﺲ ﻣﻦ ﻭﺻﻠﻨﻪ ﻭﺍﺳﺘﻘﺒﻠﻨﻪ ﺍﺑﻮﻫﺎ ﺍﺭﺗﺎﺣﻴﺖ
ﻋﺒﺎﻟﻲ ﺑﻴﻬﻢ ﺷﻲ
ﻛﻤﺖ ﻛﻠﺖ ﺧﻞ ﺍﺳﺎﻋﺪﻩ ﻭﺑﺼﻔﺘﻲ ﻧﺴﻴﺒﻬﻢ ﻣﺤﺪ ﻳﻌﺮﻑ ﺑﻴﻨﻪ ﺍﻧﻲ ﻭﺯﻳﻨﺐ
ﻛﻠﺖ ﻻﺯﻡ ﺍﺗﺼﺮﻑ ﻃﺒﻴﻌﻲ ﻛﺪﺍﻡ ﺍﻟﻜﻞ
ﺩﺧﻠﺖ ﻟﻠﻤﻄﺒﺦ ﻭﺟﺎﻥ ﺍﺷﻮﻓﻬﺎ ﻣﺜﻞ ﺍﻟﻐﺰﺍﻝ ﻛﺒﺎﻟﻲ
ﺗﺨﺒﻞ ﺑﺪﻭﻥ ﺣﺠﺎﺏ
ﺍﻛﺜﺮ ﺷﻲ ﺷﺪﻧﻲ ﺍﻟﻬﺎ ﺿﻔﻴﺮﺗﻬﺎ
ﺣﻴﻞ ﻃﻮﻳﻞ ﺷﻌﺮﻫﺎ ﻭﻋﺒﺎﻟﻚ ﻣﺼﺒﻮﻍ
ﻛﺎﻝ ﺍﺑﻮﻫﺎ ﺭﺍﺩﺕ ﺗﻠﺒﺲ ﺍﻟﺤﺠﺎﺏ
ﻋﺮﻓﺘﻬﺎ ﺭﺍﺡ ﺗﻨﺠﺒﺮ ﺗﺬﺑﻪ ﺑﺲ ﻣﺘﻜﺪﺭ ﺗﺒﻘﻰ ﺑﻲ
ﺍﺧﺬﺕ ﺍﻟﺠﺎﻱ
ﺑﺪﻭﺍ ﻳﺴﻮﻟﻔﻮﻥ ﻭﻳﺤﺠﻮﻥ
ﺍﻟﺸﺒﺎﺏ ﺍﻟﻮﻳﺎﻫﻢ 7 ﻣﻦ ﺿﻤﻨﻬﻢ ﺍﻟﺴﻜﻂ ﺍﻟﻲ ﻳﺒﺎﻭﻉ ﻉ ﻋﺮﺿﻪ
ﺍﻟﻲ ﻋﺮﻓﺘﻪ ﺍﺳﻤﻪ ﻋﻠﻲ
ﺍﺗﺮﺧﺼﺖ ﻭﻛﻤﺖ
ﻛﻠﺖ ﺧﻞ ﺍﺷﻮﻑ ﺷﻄﺎﺑﺨﻴﻦ
ﺣﺘﻰ ﺍﺫﺍ ﻣﻴﻜﻔﻲ ﺍﺟﻴﺐ ﺟﺎﻫﺰ ﺑﺪﻭﻥ ﻣﻴﺪﺭﻭﻥ
ﺩﺧﻠﺖ ﻃﺒﻌﺎ ﺍﻟﺒﻴﺖ ﺑﻲ ﺭﻳﺤﻪ ﺗﺴﻄﺮ ﺳﻄﺮ
ﻭﺩﺧﺖ ﺑﻴﻬﺎ ﻣﺎﺍﻋﺮﻑ ﻣﻦ ﺷﻨﻮ
ﺳﺎﻟﺘﻬﺎ ﻟﺰﻳﻨﺐ ﻛﺎﻟﺖ ﻫﻮﺍﻱ ﻭﻳﻜﻔﻲ
ﺍﻟﺤﻤﺪ ﻟﻠﻪ
ﺑﺲ ﻣﺘﻮﻗﻌﺖ ﺍﺑﺪ ﻫﻴﺞ ﻃﺎﺑﺨﻴﻦ ﻭﻣﺴﻮﻳﻦ
ﺍﻧﺼﺪﻣﺖ ﻣﻦ ﺷﻔﺖ ﺍﻟﺨﺮﻭﻑ ﻭﺷﻠﻮﻥ ﻣﺤﺸﻴﺎﺗﻪ
ﺑﺎﻟﻨﺴﺒﻪ ﻟﻠﺴﻤﺞ ﺍﻧﻲ ﻣﺤﺪ ﻳﻠﺤﻜﻨﻲ ﺑﻲ ﺍﺫﺍ ﻉ ﺍﻟﻔﺤﻢ
ﺩﺍﺋﻤﺎ ﻧﻄﻠﻊ ﻟﻠﺼﻴﺪ ﺳﻔﺮﺍﺕ
ﻭﻧﺸﻮﻱ ﺍﻧﻲ ﺍﺗﻜﻠﻔﻪ
ﺣﺴﻴﺖ ﺑﻨﻔﺴﻲ ﻗﺮﻳﺐ ﻋﻠﻴﻬﻢ ﻟﺪﺭﺟﻪ ﻛﺎﻧﻮ ﺍﺑﻨﻬﻢ
ﺍﺣﺴﺎﺳﻲ ﺟﺎﻥ ﺟﻤﻴﻞ ﻭﻣﻴﻨﻮﺻﻒ
ﻃﺒﻌﺎ ﺍﻋﺮﻑ ﺍﺧﻮﺍﺗﻬﺎ ﻭﺣﺪﻩ ﻭﺣﺪﻩ ﺍﺳﻤﺎﺋﻬﻦ ﻭﻛﻠﻤﻦ ﺑﻴﺎ ﺻﻒ
ﻃﺒﻌﺎ ﻫﺎﻱ ﺍﻟﻤﻌﻠﻮﻣﺎﺕ ﻣﻦ ﻧﻮﺭ
ﺍﻟﻬﺪﻭﺀ ﺍﻟﻲ ﺷﺎﻳﻼﺗﻪ ﻣﻮ ﻃﺒﻴﻌﻲ
ﺟﻬﺰﺕ ﺍﻟﻔﺤﻢ ﻭﺧﻠﻴﺖ ﺍﻟﺴﻤﺞ
ﺑﻌﺪﻫﺎ ﺭﺍﺣﺖ ﺑﺪﻟﺖ
ﺍﻭﻝ ﻣﺮﻩ ﺍﺷﻮﻓﻬﺎ ﻻﺑﺴﻪ ﺭﺑﻊ ﺭﺩﻥ
ﻭﺍﻟﻠﻮﻥ ﺣﻴﻞ ﻻﻳﻚ ﻋﻠﻴﻬﺎ
ﺑﺲ ﺿﺠﺖ ﻣﻦ ﻛﺎﻟﺖ ﺟﻨﻲ ﻟﺒﺲ ﺑﻴﺒﻲ
ﻓﻌﻼ ﻫﻮﺍﻱ ﺿﻠﻤﺘﻬﺎ ﻭﻳﺎﻳﻪ
ﺍﻛﻴﺪ ﻫﻨﺎ ﻟﺒﺴﻬﺎ ﻏﻴﺮ ﻫﻨﺎﻙ
ﻻﺯﻡ ﺑﻌﺪ ﻣﺎﺍﺿﺎﻳﻘﻬﺎ ﺑﺎﻟﻠﺒﺲ
ﻫﺎﻱ ﺣﻨﺎﻥ ﻟﻮ ﺷﺘﻠﺒﺲ ﻣﺎﺍﺣﺎﺳﺒﻬﺎ
بيج قصص عراقيه حقيقيه من واقعنا.روعه الطائي
ﺑﺲ ﺯﻳﻨﺐ ﻏﻴﺮ
ﺍﺣﺲ ﺍﺷﺘﻌﻞ ﻭﺍﺿﻮﺝ ﺍﺫﺍ ﻟﺒﺴﺖ ﺷﻲ ﻣﺜﻴﺮ
ﻣﺎﺍﻋﺮﻑ ﻻﻥ ﺣﻠﻮﻩ ﻭﺑﻴﻀﻪ ﻟﻮ ﻏﻴﺮ ﺷﻲ
ﻛﺎﻟﺖ ﺭﺍﺡ ﺍﺧﺒﺰ
ﻫﻮ ﺍﻧﻲ ﺍﻛﻮﻝ ﺍﻟﺸﻐﻠﻪ ﺍﻟﻮﺣﻴﺪﻩ ﺍﻟﻤﺘﻌﺮﻓﻠﻬﺎ ﻫﻲ ﺍﻟﺨﺒﺰ
ﺍﺣﺐ ﺧﺒﺰ ﺍﻟﺒﻴﺖ ﺣﻴﻞ
ﺑﺲ ﺗﺮﻛﻨﺎ ﻧﻬﺎﺋﻲ ﺻﺎﺭﻧﻪ ﺧﻤﺲ ﺳﻨﻮﺍﺕ
ﻓﺮﺣﺖ ﻣﻦ ﺭﺍﺡ ﺗﺨﺒﺰ ﻫﻲ ﻭﺍﻣﻬﺎ
ﻫﻨﻪ ﻳﺨﺒﺰﻥ ﻭﺍﻧﻲ ﺍﻛﻞ ﻧﺴﻴﺖ ﺭﻭﺣﻲ
ﻟﺤﺪ ﻣﺮﺩﺕ ﺍﻛﻞ ﺍﻟﺜﺎﻟﺜﻪ
ﺟﺎﻥ ﺗﻀﺮﺑﻨﻲ ﻉ ﺍﻳﺪﻱ ﻉ ﻛﻴﻒ ﻣﻮ ﻗﻮﻱ
ﻣﻦ ﺣﺠﺖ ﻭﻳﺎﻱ ﺳﻮﻳﺖ ﻧﻔﺴﻲ ﺯﻋﻠﺖ
ﺑﺲ ﺍﻟﺼﺮﺍﺣﻪ ﺑﻜﻠﺒﻲ ﺣﻴﻞ ﺿﺤﻜﺖ ﻣﻦ ﻣﻮﻗﻔﻬﺎ
ﺩﺭﺕ ﻭﺟﻬﻲ ﻋﻨﻬﺎ ﺍﺭﻳﺪ ﺑﺲ ﺍﺿﺤﻚ
ﺑﺪﻥ ﻳﺼﺒﻦ ﻭﺍﻧﻲ ﻓﺎﻙ ﺣﻠﻜﻲ
ﻟﻌﺪ ﺷﺒﻴﻬﻦ ﻧﺴﻮﺍﻧﻪ ﻓﺎﻫﻴﺎﺕ ﺩﺟﺎﺟﻪ ﻣﻴﺪﺑﺮﻧﻬﺎ
ﺍﺑﺎﻭﻉ ﻉ ﻣﻨﻈﺮ ﺍﻟﺨﺮﻭﻑ ﻳﻤﻮﺕ
ﻭﺍﻟﺴﻤﺞ ﻛﻞ ﻭﺣﺪﻩ ﺍﺧﺬﺕ ﻭﺣﺪﻩ ﻭﺯﻳﻨﺘﻬﺎ ﺷﻜﻞ
ﺍﺗﻤﻨﻴﺖ ﺑﻬﺎﻱ ﺍﻟﻠﺤﻀﻪ ﻛﻮﻥ ﺍﺳﻮﻱ ﻟﺠﻤﺎﻋﺘﻲ ﻫﻴﺞ ﺣﺘﻰ ﻳﻨﺘﺤﺮﻭﻥ
ﺑﺪﻳﺖ ﺍﺧﺬ ﺑﺎﻻﻛﻞ
ﻭﺑﺎﻧﺖ ﺍﻟﺼﺪﻣﻪ ﻉ ﺍﻟﺠﻤﻴﻊ
ﺍﻛﻴﺪ ﻣﻤﺘﻮﻗﻌﻴﻦ ﻫﻴﺞ ﺭﺍﺡ ﻳﺴﻮﻳﻠﻬﻢ
ﻻﻥ ﻉ ﻛﺪ ﺣﺎﻟﻪ ﺍﺑﻮ ﺯﻳﻨﺐ
ﺍﺑﺎﻭﻉ ﻋﻠﻴﻬﻢ ﻭﺍﺣﺪ ﻳﺒﺎﻭﻉ ﻋﺎﻟﺜﺎﻧﻲ
ﺣﻴﻞ ﻓﺮﺣﺖ ﻋﺒﺎﻟﻚ ﻋﺎﺋﻠﺘﻲ ﻭﺍﻓﺘﺨﺮ ﺑﻴﻬﻢ
ﻛﻠﺖ ﺧﻠﻲ ﺍﻃﻚ ﺻﻮﺭﻩ ﺟﻤﺎﻋﻴﻪ
ﺳﻮﻳﺖ ﻧﻔﺴﻲ ﻣﻴﺖ ﻋﻠﻴﻬﻢ
ﺍﻧﻲ ﺍﻟﺤﻘﻴﻘﻪ ﺭﺩﺕ ﺍﺻﻮﺭ ﺍﻟﺴﻔﺮﻩ 😅😅😅
ﻭﻓﻌﻼ ﺻﻮﺭﺗﻬﺎ ﻭﺍﺭﺗﺎﺣﻴﺖ
ﺩﺧﻠﺖ ﺍﻟﺮﻣﺰ
ﺩﺯﻳﺖ ﺍﻟﺼﻮﺭ ﻟﻤﺤﻤﺪ
ﺟﺎﻥ ﻳﺪﺯﻟﻲ 😋😋😋😲😲😵😵
ﺩﺯﻳﺘﻠﻪ ﻟﻚ ﻋﻮﺩ ﺫﻧﻲ ﻧﺴﻮﺍﻥ ﻭﺫﻧﻴﺞ ﻧﺴﻮﺍﻥ
ﺩﺯﻟﻲ
ﻟﻚ ﻻ ﺍﺧﺖ ﻭﻻ ﺯﻭﺟﻪ ﻭﻻ ﻋﺮﻑ ﻫﻴﺞ ﻳﻄﺒﺨﻦ
ﻓﺎﺗﺘﻚ ﻭﺍﻟﻠﻪ ﻟﻮ ﺗﺸﻮﻑ ﺍﻟﻮﺟﻮﻩ
😂😂😂😂
ﻛﻠﻮﻟﻲ ﺗﻌﺎﻝ ﺍﻛﻞ ﻛﺘﻠﻬﻢ ﻣﺎﺍﺷﺘﻬﻲ ﻭﺍﻟﻠﻪ
ﻭﻓﻌﻼ ﻣﺎﺍﺷﺘﻬﻲ ﺍﺫﺍ ﺍﻛﻠﺘﻠﻲ ﺧﺒﺰﺗﻴﻦ ﺑﻌﺪ ﺷﺎﻛﻞ
ﺳﻮﻳﺖ ﻧﻔﺴﻲ ﺯﻋﻼﻥ
ﻭﺣﺠﻴﺖ ﻭﻱ ﺍﻣﻬﺎ
ﺣﺴﻴﺖ ﺑﻴﻬﺎ ﻣﻤﺮﺗﺎﺣﻪ
ﺍﻛﻴﺪ ﻋﺒﺎﻟﻬﺎ ﺭﺍﺡ ﺍﺳﻮﻟﻒ
ﺑﺲ ﺭﺍﺡ ﺍﻟﻌﺐ ﻭﻳﺎﻫﺎ ﻟﻌﺒﺔ ﺷﺪ ﺍﻻﻋﺼﺎﺏ
ﺑﻌﺪﻳﻦ ﺭﺣﺖ ﻳﻤﻬﻢ ﺍﺧﺎﻑ ﻣﺤﺘﺎﺟﻴﻦ ﺷﻲ
ﻟﻜﻴﺖ ﺍﻟﺠﻤﺎﻋﻪ ﺩﺍﻳﺴﻴﻦ ﺩﻭﺳﻪ ﻭﻧﺺ
ﺍﻧﻲ ﻣﺘﺎﻛﺪ ﺑﻌﻤﺮﻫﻢ ﻭﺣﻴﺎﺗﻬﻢ ﻣﻤﺎﻛﻠﻴﻦ ﻫﻴﺞ ﺍﻛﻞ
ﺭﺣﺖ ﺳﺎﻟﺘﻬﻦ ﻉ ﺍﻟﺠﺎﻱ ﻛﺎﻟﻦ ﺟﺎﻫﺰ
ﻛﻤﻠﻮ ﻭﺑﺪﻳﺖ ﺍﺧﺬ ﺑﺎﻟﻤﻮﺍﻋﻴﻦ
ﺭﺍﺩﻭﺍ ﻳﺴﺎﻋﺪﻭﻧﻲ ﺍﻟﻮﻟﺪ ﻣﻘﺒﻠﺖ
ﻛﺘﻠﻬﻢ ﻣﺎﻛﻮ ﺩﺍﻋﻲ ﺍﺧﺬﻭﺍ ﺭﺍﺣﺘﻜﻢ
ﺍﻏﻠﺒﻴﺔ ﺍﻻﻛﻞ ﻣﺨﻠﺼﻴﻨﻪ
ﻻﻥ 17 ﻧﻔﺮ ﻭﺍﺑﻮﻳﻪ ﻭﺍﺑﻮﻫﺎ ﻟﺰﻳﻨﺐ
ﻳﻌﻨﻲ 19 ﻭﻣﻦ ﺯﻣﺎﻥ ﻣﺘﺮﻳﻜﻴﻦ ﻭﺳﻔﺮ
ﺍﻛﻴﺪ ﺟﻮﻋﺎﻧﻴﻦ ﺣﻴﻞ
ﺍﻟﺼﺮﺍﺣﻪ ﻛﻠﺖ ﺭﺍﺡ ﻳﺮﺟﻊ ﻋﺒﺎﻟﻲ ﻣﺜﻞ ﻣﻦ ﺍﺟﻮ ﺍﻫﻞ ﺯﻳﻨﺐ
ﻛﻞ ﺍﻻﻛﻞ ﺭﺟﻊ ﻉ ﺣﻄﺘﻪ
ﺟﺒﺘﻠﻬﻢ ﺟﺎﻱ ﻭﻛﻌﺪﺕ
ﺑﺪﻭﺍ ﻳﺤﺠﻮﻥ ﻃﻠﻊ ﻭﺭﺙ ﺍﻟﻪ ﺑﻴﺖ ﺑﻤﺤﺎﻓﻈﺘﻨﻪ ﻭﺳﻴﺎﺭﻩ ﻭﻓﻠﻮﺱ ﻣﺎﺍﻋﺮﻑ ﺷﻜﺜﺮ
ﻛﻠﻮﻟﻪ ﺗﺮﻳﺪ ﺗﺠﻲ ﻳﻤﻨﻪ ﺍﺣﺴﻦ ﺍﻟﻚ ﻻﻥ ﻫﻨﺎ ﻣﺎﻋﻨﺪﻙ ﺍﺣﺪ
ﻏﺮﻳﺐ ﺑﻬﺎﻱ ﺍﻟﻤﺤﺎﻓﻈﻪ
ﺗﺮﻳﺪ ﺗﺒﻴﻌﻪ ﺍﻟﺒﻴﺖ ﻭﺗﺒﻘﻰ ﻫﻨﺎ
ﺍﻟﻚ ﻣﻄﻠﻖ ﺍﻟﺤﺮﻳﻪ
ﻛﺎﻝ ﻣﺎﺍﻋﺮﻑ ﺍﻓﻜﺮ ﻭﺍﺧﺒﺮﻛﻢ ﺑﻌﺪﻳﻦ
ﻃﻠﺒﻮﺍ ﻣﻨﻪ ﻳﺼﻴﺢ ﺍﻟﺒﻨﺎﺕ ﻭﺍﻣﻬﻦ ﺣﺘﻰ ﻳﺴﻠﻤﻮﻥ ﻋﻠﻴﻬﻦ
ﺭﺍﺡ ﺷﻮﻳﻪ ﻭﺍﺟﺘﻲ ﺍﻡ ﺯﻳﻨﺐ ﺳﻠﻤﺖ ﻋﻠﻴﻬﻢ
ﺑﺲ ﺍﻟﺒﻨﺎﺕ ﻣﻘﺎﺑﻼﺕ ﻳﺪﺧﻠﻦ ﻛﺎﻝ ﻳﺴﺘﺤﻦ
ﺍﺻﺮﻭﺍ ﻋﻠﻲ ﻻﺯﻡ ﻧﺸﻮﻓﻬﻦ ﻟﻮ ﻧﺪﺧﻞ ﺍﻟﻬﻦ ﻟﺠﻮﻩ
ﻛﺘﻠﻬﻢ ﺍﻧﻲ ﺭﺍﺡ ﺍﺻﻴﺤﻬﻦ
ﺭﺣﺖ ﺑﺲ ﺍﺗﻔﺎﺟﺎﺕ ﺑﻴﻬﻦ
ﻛﻠﻬﻦ ﺭﺍﻓﻀﺎﺕ ﻭﺧﺎﺻﻪ ﺭﻧﺎ
ﻛﺘﻠﻬﻦ ﺍﺫﺍ ﻣﺪﺧﻠﺘﻦ ﻫﺴﻪ ﻫﻤﻪ ﺭﺍﺡ ﻳﺪﺧﻠﻮﻥ ﻟﻬﻨﺎ
ﺍﻻﻓﻀﻞ ﺍﻟﺠﻦ ﺍﺩﺧﻠﻦ ﺑﺲ ﺳﻼﻡ ﻭﺑﺎﻟﻠﺤﻀﻪ ﺍﻃﻠﻌﻦ
ﺍﻗﺘﻨﻌﻦ ﻫﻤﺰﻳﻦ
ﻛﺎﻣﻦ ﻭﺭﺍﺣﻦ ﻟﻠﻐﺮﻓﻪ ﻳﺠﻬﺰﻥ ﻧﻔﺴﻬﻦ
ﻛﺘﻠﻬﺎ ﻭﺍﻧﺖ ﻣﺎﺗﻜﻮﻣﻴﻦ
ﺍﻧﻲ ﺷﻜﻮ ﻣﻮ ﺷﻔﺘﻬﻢ ﻛﻠﻬﻢ
ﻣﻴﺨﺎﻟﻒ ﻋﻴﺐ ﻣﻨﻬﻢ ﺍﺩﺧﻠﻲ ﻭﺍﻃﻠﻌﻲ ﺑﺴﺮﻋﻪ
ﻫﻲ ﺍﻟﻮﺣﻴﺪﻩ ﻻﺑﺴﻪ ﻋﺒﺎﻳﻪ
ﺩﺧﻠﻦ ﺳﻠﻤﻦ ﻻﺣﻀﺖ ﺍﻟﺪﻛﺘﻮﺭ ﻋﻴﻨﻪ ﻉ ﺭﻧﺎ
ﺑﺎﻭﻋﻠﻬﺎ ﻟﺤﻀﺎﺕ ﻭﻧﺰﻝ ﻋﻴﻨﻪ
ﺍﻛﻴﺪ ﺧﻼﻫﺎ ﺍﺑﺎﻟﻪ ﻣﺒﻴﻦ ﻋﻠﻲ
ﺍﻟﻮﻟﺪ ﺍﻟﺒﻘﻴﻪ ﺣﺒﺎﺑﻴﻦ ﻣﺮﻓﻌﻮﺍ ﻋﻴﻨﻬﻢ ﺍﻟﻪ ﻫﺬﺍ ﺍﻟﺸﺎﺫ
ﺑﻮﺩﻱ ﺍﻓﺮﻍ ﺍﻟﻤﺴﺪﺱ ﺑﺮﺍﺳﻪ ﻟﻮ ﺍﻓﻜﺲ ﻋﻴﻮﻧﻪ
ﺑﺎﻭﻋﻠﻬﻦ ﻭﺣﺪﻩ ﻭﺣﺪﻩ ﻭﻛﺼﻬﻦ ﻛﺺ
ﺍﺷﺮﺕ ﻟﺰﻳﻨﺐ
ﺑﺴﺮﻋﻪ ﺍﺗﺮﺧﺼﺖ ﻭﻃﻠﻌﺖ
ﺑﻌﺪﻫﺎ ﺍﻟﺒﻨﺎﺕ ﻫﻤﻴﻦ
ﻃﻠﻌﻦ ﺍﺭﺗﺎﺣﻴﺖ ﺷﻮﻳﻪ
ﺑﻌﺪﻫﺎ ﺍﺗﺮﺧﺼﻮﺍ ﺭﺍﺩﻭﺍ ﻳﺮﻭﺣﻮﻥ
ﻛﻠﻲ ﺍﺑﻮﻳﻪ ﻫﻢ ﺟﻬﺰ ﻧﻔﺴﻚ
بيج قصص عراقيه حقيقيه من واقعنا.روعه الطائي
ﻛﺘﻠﻪ ﺍﻧﻲ ﺭﺍﺡ ﺍﺑﻘﻰ ﺍﻟﻴﻮﻡ ﻫﻨﺎ ﺍﺑﺎﺕ
ﻉ ﻣﻮﺩ ﻧﻮﺭ ﻳﻮﻡ ﺍﻻﺣﺪ ﻳﺒﺪﻱ ﺩﻭﺍﻣﻬﺎ ﻣﺎﺍﻛﺪﺭ ﺍﺧﻠﻴﻬﺎ ﻫﻨﺎ
ﻛﺎﻝ ﺍﺫﺍ ﺗﺒﺎﺕ ﺍﻧﻲ ﺍﺭﻭﺡ ﻭﻳﺎﻫﻢ
ﺍﻟﺴﻴﺎﺭﺕ ﻓﺎﺭﻏﻪ
ﻛﺘﻠﻪ ﺧﺎﻑ ﻋﻴﺐ ﻣﻨﻬﻢ ﺍﺑﻘﻰ ﻭﻳﺎﻳﻪ ﻭﻣﻦ ﺍﻟﺼﺒﺢ ﻧﺮﻭﺡ
ﻻ ﻣﺎﺍﻛﺪﺭ ﺩﻭﺍﻳﻪ ﻫﻨﺎﻙ ﻭﻣﺎﺍﺭﺗﺎﺡ ﺗﺪﺭﻱ ﺑﻴﻪ
ﻛﻠﻠﻬﻢ ﺍﺑﻮﻳﻪ ﺍﺭﺟﻊ ﻭﻳﺎﻛﻢ ﻭﺣﻴﺪﺭ ﺭﺍﺡ ﻳﺒﻘﻰ ﻫﻨﺎ
ﺍﻟﻤﻌﻠﻢ ﺍﻟﻲ ﻭﻳﺎ ﻛﻠﻪ ﺗﻌﺎﻱ ﻭﻳﺎﻱ ﺍﺑﻮ ﻣﺤﻤﺪ
ﻛﺎﻝ ﻋﻤﻲ ﺍﺑﻮ ﺯﻳﻨﺐ ﺍﺑﻨﻲ ﺣﺪﻭﺭﻱ ﺟﻴﺐ ﻣﻲ ﺑﺎﺭﺩ ﻳﺎﺧﺬﻭﺍ ﻟﻠﻄﺮﻳﻖ
ﻭﺑﺒﺴﻲ ﻫﻤﻴﻦ
ﻓﻌﻼ ﺭﺣﺖ ﺍﻧﻄﻴﺘﻬﻢ ﺍﺑﻄﺎﻟﻪ ﻣﺎﻟﺖ ﻣﻲ ﻭﺑﺒﺴﻲ
ﻻﺯﻡ ﺍﺑﻘﻰ ﻫﻨﺎ ﺣﺘﻰ ﺍﺧﺬ ﺭﺍﺣﺘﻲ ﻭﻱ ﺯﻧﻮﺑﺘﻲ
ﻻﺯﻡ ﺍﻧﺘﻬﺰ ﻛﻞ ﺍﻟﻔﺮﺹ ﺍﻟﻲ ﺗﻘﺮﺑﻨﻲ ﻣﻨﻬﺎ
ﻭﻟﻮ ﺍﺣﺲ ﺍﻟﻤﺴﺎﻓﻪ ﺑﻌﻴﺪﻩ ﺑﻴﻨﻲ ﻭﺑﻴﻨﻬﺎ
ﺑﺲ ﻣﺮﺍﺡ ﺍﺍﻳﺲ ﺍﺗﻘﺮﺏ ﺍﻟﻬﺎ ﺷﻮﻳﻪ ﺷﻮﻳﻪ
ﻟﻤﻦ ﺍﻟﻐﻲ ﺍﻟﻤﺴﺎﻓﻪ ﻛﻠﻬﺎ ﺍﻟﺒﻴﻨﺎﺗﻨﻪ
ﻛﻠﺖ ﻟﻌﻤﻲ ﺗﺮﻭﺡ ﻭﻳﺎﻱ ﻧﻮﺻﻠﻬﻢ ﻟﻠﺴﻴﻄﺮﻩ
ﻛﻠﺖ ﻫﻴﺒﻪ ﺍﻟﻪ
ﺧﻄﻴﻪ ﻓﺮﺡ ﻛﺎﻝ ﻳﺎﺭﻳﺖ
ﺭﺣﻨﻪ ﺑﺪﻭﻥ ﻣﻨﺨﺒﺮ ﺍﺣﺪ
ﺷﻮﻳﻪ ﻭﺍﺗﺼﻠﻮ ﺑﻲ
ﻛﻠﻠﻬﻢ ﻋﻨﺪﻱ ﺷﻐﻠﻪ ﺷﻮﻳﻪ ﻭﺍﺭﺟﻊ
ﺍﻛﻴﺪ ﻋﺒﺎﻟﻬﺎ ﺭﺣﺖ ﻭﻳﺎﻫﻢ
ﻭﺻﻠﻨﺎﻫﻢ ﻭﺭﺟﻌﻨﻪ
ﺩﺧﻠﻨﻪ ﻛﻠﻲ ﻋﻤﻲ ﺍﺧﺬ ﺭﺍﺣﺘﻚ ﻧﺎﻣﻠﻚ ﺷﻮﻳﻪ ﺧﺎﻑ ﻧﻌﺴﺎﻥ
ﻛﺘﻠﻪ ﺍﻱ ﻭﺍﻟﻠﻪ ﻳﺎﺭﻳﺖ
ﺑﺲ ﺑﻘﻴﺖ ﺑﺪﻭﻥ ﻏﺪﻩ ﻣﺎﺍﺷﺘﻬﻲ
ﻛﻠﺖ ﺧﻞ ﺍﻧﺎﻡ ﻭﺍﻛﻌﺪ ﻳﻠﻪ ﺍﻛﻞ
ﺟﺎﺑﻠﻲ ﻓﺮﺍﺵ ﻣﻘﺒﻠﺖ
ﻛﺘﻠﻪ ﺑﺲ ﻣﺨﺪﻩ ﻭﻏﻄﻪ
ﻫﺴﺘﻮﻧﻲ ﻏﻔﻴﺖ
ﻭﺟﺎﻥ ﺍﺳﻤﻊ ﺻﻮﺕ ﺯﻳﻨﺐ ﻋﺎﻟﻲ
ﻣﻤﺘﻌﻮﺩ ﻫﻴﺞ ﺍﺳﻤﻌﻪ
ﻟﺞ ﺭﻧﺎ ﻧﺮﺟﺲ ﺭﻗﺎﻭﻱ ﺗﻌﺎﻟﻦ ﻭﻳﺎﻳﻪ
ﺍﻻﺳﺘﻘﺒﺎﻝ ﻣﻴﻨﻄﺐ ﻣﻦ ﺭﻳﺤﺔ ﺍﻟﺠﻜﺎﻳﺮ
ﺧﻞ ﺍﻧﻈﻔﻪ
ﺭﻗﻴﻪ ﺳﻤﻌﺘﻬﺎ ﺗﻜﻠﻬﺎ ﺍﻧﻲ ﻧﻈﻮﺭﻱ ﻋﻨﺪﻱ
ﻭﺭﻧﺎ ﺗﻜﻠﻬﺎ ﻛﺎﻋﺪ ﺍﺩﺭﺱ ﻣﺎﺍﻛﺪﺭ ﻭﺍﻟﻠﻪ
ﺑﺪﺕ ﺗﻨﻈﻒ ﻭﺗﺤﺠﻲ ﺑﺼﻮﺕ ﻧﺎﺻﻲ
ﻳﺒﻮﻭﻭﻭ ﻋﺒﺎﻟﻲ ﺍﺭﺗﺎﺡ ﻣﻦ ﺍﻟﺘﻨﻈﻴﻒ
ﻭﻳﻦ ﻣﺎﺍﺭﻭﺡ ﻭﺭﺍﻳﻪ ﻭﺭﺍﻳﻪ ﺍﻟﺸﻐﻞ
ﻣﻌﻘﻮﻟﻪ ﻣﺸﺎﻓﺘﻨﻲ ﻧﺎﻳﻢ
ﻭﻟﻮ ﺍﻧﻲ ﻣﻐﻄﻲ ﺣﺘﻰ ﻭﺟﻬﻲ
ﻻﻥ ﻧﺰﻋﺖ ﻣﻼﺑﺴﻲ ﺑﻘﻴﺖ ﺑﺲ ﺍﻟﻤﻼﺑﺲ ﺍﻟﺪﺍﺧﻠﻴﻪ
بيج قصص عراقيه حقيقيه من واقعنا.روعه الطائي
ﻓﺠﺄﻩ ﻭﺟﺎﻥ ﻳﻨﺴﺤﺐ ﺍﻟﻐﻄﻪ ﻣﻨﻲ ﺑﻘﻮﻩ
ﺍﻫﻮﻭﻭ ﻫﺎﻱ ﺍﻟﺒﻄﺎﻧﻴﻪ ﻣﻨﻮ ﺟﺎﺑﻬﺎ ﻟﻬﻨﺎ
ﻭﺧﺮﺗﻬﺎ ﻋﻨﻲ ﻭﺟﺎﻥ ﻫﻲ ﺗﻨﺼﺪﻡ ﺑﻴﻪ
ﻭﺍﻧﻲ ﺍﻧﺼﺪﻡ ﺑﻤﻨﻈﺮﻫﺎ
ﺍﻛﻴﺪ ﺭﺍﺡ ﺗﺠﻠﻄﻨﻲ ﻫﺎﻱ ﺍﻟﺒﻨﻴﻪ
ﺷﻔﺘﻬﺎ ﻫﺴﺘﻮﻫﺎ ﻃﺎﻟﻌﻪ ﻣﻦ ﺍﻟﺤﻤﺎﻡ
ﻻﻓﻪ ﺍﻟﺨﺎﻭﻟﻲ ﻉ ﺭﺍﺳﻬﺎ
ﻭﻻﺑﺴﻪ ﻛﻴﻤﻮﻧﻪ ﻭﺑﺮﻣﻮﺩﻩ ﻟﻮﻥ ﺟﻮﻳﺘﻲ
ﻫﻲ ﻭﺟﻬﺎ ﻣﻴﻨﻮﺻﻒ ﺍﺑﺪ ﻣﺜﻞ 😳😳😳👈
ﻛﺎﻟﺖ ﻫﺎﻱ ﺍﻧﺖ ﻫﻨﺎ ﺷﺘﺴﻮﻱ
ﻳﻌﻨﻲ ﺷﺎﺳﻮﻱ ﻣﺘﺸﻮﻓﻴﻨﻲ ﻧﺎﻳﻢ
ﻫﺎ ﻣﺎﺍﺩﺭﻱ ﺑﻴﻚ ﺍﺳﻔﻪ
ﻳﻌﻨﻲ ﻣﻌﻘﻮﻟﻪ ﺗﻘﻨﻌﻴﻨﻲ ﺭﺟﺎﻝ ﺷﻄﻮﻟﻨﻲ ﻭﺷﻌﺮﺿﻨﻲ ﻣﻨﺘﺒﻬﺘﻲ ﻋﻠﻴﻪ
ﻟﻮ ﺍﻧﺖ ﻣﺘﻌﻮﺩﻩ ﺗﺘﺤﺎﺭﺷﻴﻦ ﺑﻴﻪ ﻛﻮﻩ
ﻫﺎ ﻻﻭﺍﻟﻠﻪ ﻭﺍﻟﻘﺮﺍﻥ ﻣﻨﺘﺒﻬﺖ ﻋﻠﻴﻚ
ﺭﺍﺩﺕ ﺗﺮﻭﺡ
ﺳﺤﺒﺘﻬﺎ ﺍﻟﻲ
ﻫﺎﻱ ﻭﻳﻦ ﺗﺮﺩﻳﻦ
ﺍﺭﻳﺪ ﺍﺑﺪﻝ ﻭﺍﺭﺟﻊ
ﻟﻴﺶ ﻋﻮﺩ
ﻫﺎ ﻻ ﻫﻴﺞ ﺑﺲ ﻣﻤﺮﺗﺎﺣﻪ ﺑﻴﻬﻦ
ﺑﺲ ﺣﻠﻮﺍﺕ ﻋﻠﻴﺞ ﻭﻣﺎﻛﻮ ﻏﺮﻳﺐ ﻫﻨﺎ
ﺑﺲ ﺍﺑﻮﺝ ﻭﺭﺟﻠﺞ
ﻭﺧﺮﺕ ﺍﻟﺨﺎﻭﻟﻲ ﻣﻦ ﺷﻌﺮﻫﺎ
ﻭﺟﺎﻥ ﻳﻨﺰﻝ ﻫﻮ ﻭﻗﻄﺮﺍﺕ ﺍﻟﻤﻲ ﺗﺘﻨﺎﺛﺮ ﻋﻠﻴﻪ
ﺭﺟﻌﺖ ﺧﻠﺘﻪ ﻉ ﺭﺍﺳﻬﺎ
ﺣﺘﻰ ﻟﻮ ﻣﻤﺮﺗﺎﺣﻪ ﺍﺑﺪ
ﻭﺷﺮﺍﺡ ﺗﻜﻮﻟﻴﻦ ﻛﺪﺍﻡ ﺍﻫﻠﺞ
ﺍﺳﺘﺤﻲ ﻣﻦ ﺭﺟﻠﻲ ﻫﻴﺞ ﺍﻟﺒﺲ
ﻛﺘﻠﺞ ﺍﺗﺼﺮﻓﻲ ﻃﺒﻴﻌﻲ ﻛﺪﺍﻡ ﺍﻫﻠﺞ
ﻟﺘﺠﻴﺒﻴﻦ ﺍﻟﺸﺒﻬﺎ ﻟﻨﻔﺴﺞ
ﻫﺎ ﺑﺲ ﻣﺘﺮﻫﻢ ﻫﻴﺞ ﺍﺑﻘﻰ ﻛﺪﺍﻣﻚ
ﺍﻧﺘﺒﻬﺖ ﺷﻼﺑﺴﻪ
ﻛﺘﻠﻬﺎ ﻫﺎﻱ ﺍﻧﺖ ﺷﻠﻮﻥ ﻛﺪﺭﺗﻲ ﺗﻠﺒﺴﻴﻦ ﻫﻴﺞ ﻛﺪﺍﻡ ﺍﺑﻮﺝ
ﻣﺎﺗﺨﺠﻠﻴﻦ ﻣﻨﻪ
ﻫﻮ ﺑﺎﺑﺎ ﻗﺎﺑﻞ ﺷﻨﻮ ﻏﺮﻳﺐ
ﻭﺍﺫﺍ ﺍﺑﻮﺝ ﻣﻮ ﻋﻴﺐ ﻫﻴﺞ ﻳﺸﻮﻓﺞ
ﺳﻜﺘﺖ
ﺯﻳﻦ ﺷﻠﻮﻥ ﻣﺘﺒﺮﺩﻳﻦ
ﻻ ﺍﻟﺠﻮ ﺣﻠﻮ
ﺷﻠﻮﻥ ﻳﻌﻨﻲ ﺍﻧﻲ ﺯﻭﺟﺞ ﺑﺎﻟﺸﺮﻉ ﻭﺍﻟﻘﺎﻧﻮﻥ ﻭﺗﺴﺘﺤﻴﻦ ﻣﻨﻲ
ﻭﺍﺑﻮﺝ ﻋﺎﺩﻱ ﻣﺘﺴﺘﺤﻴﻦ ﻣﻨﻪ
ﺑﺎﻟﻨﺴﺒﻪ ﺍﻟﻲ ﺯﻭﺍﺟﻨﻪ ﺯﻭﺍﺝ ﻣﺼﻠﺤﻪ ﻉ ﻭﺭﻕ ﻭﺑﺲ
ﻋﻘﺪﺕ ﺣﻮﺍﺟﺒﻲ
ﻫﺎﻱ ﻣﻨﻴﻠﺞ ﺍﻟﺴﺎﻟﻔﻪ
ﻟﺘﻨﺴﻰ ﺍﺗﻔﺎﻗﻨﻪ ﺑﺎﻟﺒﺪﺍﻳﻪ ﺷﻨﻮ
ﺍﻱ ﺑﺲ ﺗﺒﻘﻴﻦ ﺯﻭﺟﺘﻲ ﺷﺮﻋﺎ ﻭﻗﺎﻧﻮﻧﺎ
بيج قصص عراقيه حقيقيه من واقعنا.روعه الطائي
ﺍﻱ ﺑﺲ ﻣﺎﺍﻟﻚ ﺣﻖ ﻋﻠﻴﻪ ﺑﺸﻲ
ﺑﺲ ﻻﺯﻡ ﺗﺒﻘﻴﻦ ﻫﻴﺞ ﺍﻟﻴﻮﻡ ﺣﺘﻰ ﻣﺤﺪ ﻳﺸﻚ ﺑﺎﻟﻤﻮﺿﻮﻉ
ﻫﺰﺕ ﺭﺍﺳﻬﺎ ﺑﻤﻌﻨﻰ ﺍﻱ
ﻟﻴﺶ ﻣﺎﺭﺣﺖ ﻭﻳﺎﻫﻢ
ﻋﺎﺟﺒﻨﻲ ﺍﺑﺎﺕ ﻳﻢ ﻣﺮﺗﻲ
ﺍﻛﻮ ﻣﺎﻧﻊ
ﺳﻜﺘﺖ
ﺍﻧﻲ ﺭﺍﺡ ﺍﺑﻘﻰ ﻧﺎﻳﻢ ﻉ ﻣﺎ ﺗﻐﺴﻠﻴﻦ ﻣﻼﺑﺴﻲ
ﻭﺍﺫﺍ ﺗﻜﺪﺭﻳﻦ ﺍﻛﻮﻳﻬﻦ ﺣﺘﻰ ﺍﻟﺒﺴﻬﻦ
ﺑﺲ ﻳﺎﺭﻳﺖ ﺗﺴﺘﻌﺠﻠﻴﻦ
ﺍﺧﺬﺗﻬﻦ ﻭﻃﻠﻌﺖ
ﺑﻘﻴﺖ ﺍﻓﻜﺮ ﻣﻌﻘﻮﻟﻪ ﻣﻌﺮﻓﺘﻬﺎ ﺷﻨﻮ ﻃﻴﻨﺘﻬﺎ ﻟﺰﻳﻨﺐ
ﺍﻧﻲ ﺍﻛﺒﺮ ﻏﺒﻲ ﻭﻣﻔﻜﺮﺕ ﺑﻜﻠﺸﻲ
ﺣﺴﻴﺖ ﺑﺠﻮﻉ ﻛﻠﺖ ﺑﺲ ﺗﺠﻲ ﺍﺧﻠﻴﻬﺎ ﺗﺤﻤﻴﻠﻲ ﺍﻻﻛﻞ
ﻃﻮﻟﺖ ﺷﻮﻳﻪ ﻭﺍﻧﻲ ﺑﺪﻭﻥ ﻣﺤﺲ ﻉ ﻧﻔﺴﻲ ﻧﻤﺖ
ﻭﺭﻩ ﺷﻮﻳﻪ ﻛﻌﺪﺗﺘﻨﻲ
ﻛﻌﺪﺕ
ﻫﺎﻱ ﻟﻴﺶ ﻛﻌﺪﺗﻴﻨﻲ ﻣﻌﻔﺘﻴﻨﻲ ﻧﺎﻳﻢ
ﻟﻮ ﻫﺎﻱ ﺍﻧﺖ ﻣﺘﺮﻫﻤﻴﻦ ﺑﺪﻭﻥ ﺣﺮﺷﻪ ﺍﺿﺤﻚ ﻭﻏﻤﺰﺗﻠﻬﺎ 😜😜👈
ﻫﺎﻱ ﺷﺒﻲ ﺗﻔﻜﻴﺮﻙ ﻳﺮﻭﺡ ﻟﺒﻌﻴﺪ
ﺣﻤﻴﺖ ﺍﻻﻛﻞ ﺍﻛﻴﺪ ﺟﻌﺖ ﻟﻬﺴﻪ ﺑﻼ ﺍﻛﻞ
ﺳﻮﻳﺖ ﻧﻔﺴﻲ ﺯﻋﻼﻥ
ﻣﻨﻮ ﻛﻠﺞ ﺗﺤﻤﻴﻨﻪ ﺍﻻﻛﻞ ﻣﺎﺍﺭﻳﺪ
ﺍﺳﻔﻪ ﻭﺍﻟﻠﻪ ﻣﺠﺎﻥ ﻗﺼﺪﻱ ﻣﻦ ﺣﺠﻴﺖ
ﻣﺎﺍﻛﻞ ﺍﻟﻪ ﺑﺸﺮﻁ ﻭﺍﺣﺪ
ﺳﺤﺒﺘﻬﺎ ﻋﻠﻴﻪ ﺻﺎﺭﺕ ﻓﻮﻛﺎﻱ
ﺭﺩﺕ ﺍﺑﻮﺳﻬﺎ
ﻛﺘﻠﻬﺎ ﺍﻛﻞ ﺑﻤﻜﺎﻥ ﺑﻮﺳﻪ
ﺍﺑﺘﻌﺪﺕ ﻋﻨﻲ
ﻫﺎﻱ ﺷﺒﻴﻚ ﻻﻳﺪﺧﻞ ﺍﺣﺪ
ﻭﺍﺫﺍ ﻗﺎﺑﻞ ﺷﻤﺴﻮﻱ ﺯﻭﺟﺘﻲ ﻭﻛﺎﻋﺪ ﺍﺑﻮﺳﻬﺎ
ﻻ ﻋﻴﺐ ﻭﻻ ﺣﺮﺍﻡ
ﻋﻔﻴﻪ ﺍﻛﻌﺪ ﺍﻛﻞ
ﺗﺎﻛﻠﻴﻦ ﻭﻳﺎﻱ
ﻣﺎﺍﺷﺘﻬﻲ ﻭﺍﻟﻠﻪ
ﻟﻌﺪ ﺷﻴﻠﻲ ﺍﻻﻛﻞ ﻭﺧﻞ ﺍﻧﺎﻡ ﻭﻟﺘﻜﻌﺪﻳﻨﻲ ﺑﻌﺪ
ﻻﻋﻔﻴﻪ ﺍﻛﻞ
ﻭﺍﻟﻠﻪ ﻣﺎﻣﺎ ﺗﻠﻌﺐ ﺑﻴﻪ ﻃﻮﺑﻪ ﺍﺫﺍ ﻣﺎﺍﻛﻠﺖ
ﻧﻤﺖ ﻭﺍﺗﻐﻄﻴﺖ
ﻛﺎﻟﺖ ﻳﻠﻪ ﺍﻛﻌﺪ ﺭﺍﺡ ﺍﻛﻞ ﻭﻳﺎﻙ ﺍﻣﺮﻱ ﻻ ﺍﻟﻠﻪ
ﺑﺪﺍﺧﻠﻲ ﺣﻴﻞ ﻓﺮﺣﺖ
ﻋﻔﻴﻪ ﺑﺎﻟﺸﻄﻮﺭﻩ ﺍﻟﺘﺴﻤﻊ ﺍﻟﻜﻼﻡ
ﻫﺎﻱ ﺷﺪﻋﻮﻩ ﺟﺎﻳﺒﺘﻠﻲ ﻫﺎﻛﺪ
ﺍﻛﻠﺖ ﺍﻭﻝ ﺷﻲ ﻣﻦ ﺍﻟﺪﻭﻟﻤﻪ
ﻃﻌﻢ ﻭﻻ ﺑﺎﻻﺣﻼﻡ
ﺍﺟﻴﺖ ﻟﻠﺨﺮﻭﻑ ﻣﻮﻃﺒﻴﻌﻲ ﻃﻌﻤﻪ ﻳﺨﺒﻞ
ﻫﻲ ﺗﻨﻘﺶ ﺑﺎﻟﺠﺬﺏ
ﺍﻭﻝ ﻣﺮﻩ ﺍﺷﻮﻓﻬﺎ ﺗﺎﻛﻞ
ﻟﺞ ﺑﺎﺑﺎ ﺍﻛﻠﻲ ﻟﺘﺴﺘﺤﻴﻦ
بيج قصص عراقيه حقيقيه من واقعنا.روعه الطائي
ﺍﻟﻤﻔﺮﻭﺽ ﺍﻧﻲ ﺍﻟﺨﻄﺎﺭ ﻭﺍﻧﻲ ﺍﻟﻲ ﺍﺳﺘﺤﻲ ﻣﻨﻜﻢ
ﺑﺲ ﺍﺷﻮ ﻧﻜﻠﺒﺖ ﺍﻻﻳﻪ
ﻃﻠﻌﺘﻲ ﺍﻧﺖ ﺍﻟﺨﻄﺎﺭ ﻭﺍﻧﻲ ﺍﺑﻮ ﺍﻟﺒﻴﺖ
ﺳﻜﺘﺖ
ﺟﻨﺖ ﺣﻴﻞ ﺟﻮﻋﺎﻥ ﻭﺍﻛﻠﺖ ﻟﻤﻦ ﺷﺒﻌﺖ
ﻫﻲ ﻳﻤﻜﻦ ﺑﺲ ﻟﻜﻤﺘﻴﻦ ﺧﻠﺘﻬﻦ ﺑﺤﻠﻜﻬﺎ
ﺳﺎﻟﺘﻨﻲ ﺗﺮﻳﺪ ﺟﺎﻱ ﻟﻮ ﺑﺒﺴﻲ
ﻻ ﺟﺎﻱ ﻭﺣﺎﺭ
ﺻﺒﺘﻠﻲ ﻭﺍﺟﺖ ﺍﻧﻲ ﺑﺪﻟﺖ ﻋﻴﺐ ﻣﻨﻬﻢ
ﻛﺘﻠﻬﺎ ﺟﻬﺰﻱ ﻧﻔﺴﺞ ﺧﻞ ﻧﺮﻭﺡ ﺍﻧﻲ ﻭﻳﺎﺝ ﻟﻠﺴﻮﻙ ﻟﻮ ﻟﻤﻮﻻﺕ
ﻟﻴﺶ ﺷﻜﻮ
ﺍﺭﻳﺪ ﺍﺷﺘﺮﻱ ﺗﺮﺍﻙ ﺍﻟﺒﺴﻪ ﺫﻧﻲ ﻣﻮﺗﻨﻲ ﻣﺎﺍﻛﺪﺭ ﺍﺑﺎﺕ ﺑﻴﻬﻦ
ﻟﻴﺶ ﺍﻧﺖ ﺭﺍﺡ ﺗﺒﺎﺕ ﻫﻨﺎ
ﺍﻱ ﻣﻮ ﻛﺘﻠﺞ ﺭﺍﺡ ﺍﺑﺎﺕ ﺍﻛﻮ ﻣﺎﻧﻊ
ﻫﺎ ﺑﺲ ﻭﻳﻦ ﺭﺍﺡ ﺗﻨﺎﻡ
ﻫﻨﺎ ﺍﻧﺎﻡ ﺍﻛﻮ ﺍﻋﺘﺮﺍﺽ
ﺳﻜﺘﺖ
ﻳﻠﻪ ﺟﻬﺰﻱ ﻧﻔﺴﺞ ﺍﻧﺖ ﻭﺍﻟﺒﻨﺎﺕ ﺧﻞ ﻧﻄﻠﻊ
ﻻ ﺍﻧﻲ ﻣﺎﺍﻛﺪﺭ ﺍﻃﻠﻊ
ﻟﻴﺶ ﻋﻮﺩ
ﻣﺎﺍﺣﺐ ﺍﻟﻄﻠﻌﻪ ﻭﺗﻌﺒﺎﻧﻪ ﻭﺭﺍﺳﻲ ﻳﻮﺟﻌﻨﻲ
ﻭﺑﻌﺪ ﺍﺧﺎﻑ ﻫﻢ ﻣﺮﺗﻔﻌﻪ ﺣﺮﺍﺭﺗﺞ ﻓﺮﺩ ﻣﺮﻩ
ﻟﺘﺼﻴﺮﻳﻦ ﻣﺨﺒﻠﻪ ﻗﺎﺑﻞ ﺍﺧﺬﻫﻦ ﺑﻮﺣﺪﻱ
ﺍﻛﻴﺪ ﻣﻴﺼﻌﺪﻥ ﻭﻳﺎﻱ
ﺭﻭﺡ ﺍﻧﺖ ﻭﺑﺎﺑﺎ ﺍﺣﺴﻦ
ﻟﺘﻌﺎﻧﺪﻳﻦ ﺭﻭﺣﻲ ﺟﻬﺰﻱ ﻧﻔﺴﺞ
ﻟﺘﻌﺐ ﻧﻔﺴﻚ ﻭﺍﻟﻘﺮﺍﻥ ﻣﺎﺍﻃﻠﻊ
ﻳﺎﺑﻪ ﻉ ﺍﻟﻌﻨﺎﺩ ﺍﺫﺍ ﻋﺎﻧﺪﺗﻲ
ﺍﻧﺴﻲ ﺍﻟﻤﻮﺿﻮﻉ ﺣﺘﻰ ﺍﻧﻲ ﺑﻄﻠﺖ
ﺑﻌﺪ ﺍﺣﺴﻦ
ﻭﻃﻠﻌﺖ
ﺍﻧﻲ ﺍﻋﻠﻤﺞ ﻉ ﻋﻨﺎﺩﺝ ﻫﺬﺍ
ﺍﺟﻪ ﺍﺑﻮﻫﺎ ﻳﻤﻲ
ﻛﻠﻲ ﺍﺧﺬ ﺭﺍﺣﺘﻚ ﺍﺑﻨﻲ ﺍﻟﺒﻴﺖ ﺑﻴﺘﻚ
ﻛﺘﻠﻪ ﻳﺎﺭﻳﺖ ﺗﺤﺎﺟﻲ ﺍﻟﺒﻨﺎﺕ ﻭﺯﻳﻨﺐ ﻳﺠﻬﺰﻥ ﻧﻔﺴﻬﻦ
ﺍﺭﻳﺪ ﺍﺧﺬﻫﻦ ﻟﻠﻤﻮﻻﺕ ﻭﻧﻔﺘﺮ ﺷﻮﻳﻪ
ﺍﻱ ﻋﻤﻲ ﺗﺪﻟﻞ
ﻫﺴﻪ ﺍﺧﻠﻴﻬﻦ ﻳﺠﻬﺰﻥ ﻧﻔﺴﻬﻦ
ﺷﻮﻳﻪ ﻭﺍﺟﺘﻲ ﻫﻲ ﺑﺲ ﺷﻨﻮ ﻋﻮﺩ ﻣﻌﺼﺒﻪ ﺗﻤﻮﺕ ﻣﻦ ﺍﻟﻀﺤﻚ
ﻻﻥ ﻣﺴﺘﺤﻴﻞ ﺍﺻﺪﻙ ﻫﺬﺍ ﺍﻟﻬﺪﻭﺀ ﻭﺍﻟﻜﻴﻮﺕ ﺗﻌﺼﺐ ﺻﺪﻙ
ﻣﺼﺮ ﺗﺤﺮﺟﻨﻲ ﻛﺪﺍﻡ ﺍﻫﻠﻲ
ﺍﻧﻲ ﺷﻜﻢ ﻣﺮﻩ ﺍﻛﻠﻚ ﻣﺎﺍﺭﻳﺪ ﺍﺻﻌﺪ ﻭﻳﺎﻙ ﻭﺧﺎﺻﻪ ﻳﻤﻚ ﺑﺎﻟﺼﺪﺭ
ﻻﻥ ﺗﻌﺮﻓﻨﻲ ﻣﻮ ﻛﺪ ﺍﻟﻤﻘﺎﻡ ﻭﻣﻴﺸﺮﻓﻚ ﺍﺻﻌﺪ ﺑﺼﻔﻚ
ﻟﻮ ﻫﺴﻪ ﺍﺧﺘﻠﻒ ﺍﻟﻮﺿﻊ
ﺣﺼﻠﻨﻪ ﻭﺭﺙ ﻭﺭﺍﺡ ﻧﺼﻴﺮ ﺑﻤﺴﺘﻮﺍﻙ
ﻻﻥ ﺍﻧﻲ ﻣﺘﺎﻛﺪﻩ ﺍﻧﺖ ﺍﺩﻭﺭ ﻧﺎﺱ ﻃﺎﻛﻴﻦ
ﻣﺪﻭﺭ ﻧﺎﺱ ﻓﮕﺮ
ﺑﺲ ﻭﺍﻟﻠﻪ ﻳﺎﺍﺑﻮ ﻧﻮﺭ ﺗﺤﻠﻢ ﺍﺻﻌﺪ ﻭﻳﺎﻙ
ﺍﺧﺎﻑ ﺗﻐﻴﺮﺕ ﻣﻌﺎﻣﻠﺘﻚ ﻻﻥ ﻋﺮﻓﺖ ﺍﺻﻠﻲ ﺷﻨﻮ
ﺍﻧﻲ ﻣﺮﺍﺡ ﺗﺘﻐﻴﺮ ﻣﻌﺎﻣﻠﺘﻲ
ﺍﺑﻘﻰ ﺍﻧﻲ ﻣﺠﺮﺩ ﺧﺪﺍﻣﻪ ﻭﻣﺮﺑﻴﻪ
ﻣﺴﺘﺤﻴﻞ ﺍﺻﻴﺮ ﻳﻮﻡ ﺍﻟﻚ ﺯﻭﺟﻪ
ﺗﺤﺠﻲ ﻭﺍﻧﻲ ﻓﺎﻙ ﺣﻠﻜﻲ ﻋﻠﻴﻬﺎ
ﺷﻨﻮ ﻋﺒﺎﻟﻬﺎ ﻉ ﺍﻟﻔﻠﻮﺱ ﻫﻴﺞ ﺍﺳﻮﻱ
ﺿﺮﺑﺘﻬﺎ ﺭﺍﺟﺪﻱ ﺧﻠﻴﺘﻬﺎ ﺗﺴﻜﺖ ﻭﻣﺘﻔﻚ ﺣﻠﻜﻬﺎ
ﻣﻦ ﺗﺤﺠﻴﻦ ﺍﻧﺘﺒﻬﻲ ﻟﺤﺠﻴﺞ ﻻ ﻭﺍﻟﻘﺮﺍﻥ ﺍﻧﺪﻣﺞ
ﻭﺧﻞ ﻳﻜﻮﻥ ﺑﻌﻠﻤﺞ ﻻﻗﺒﻞ ﻭﻻ ﻫﺴﻪ ﻳﺸﺮﻓﻨﻲ ﺍﺻﻌﺪﺝ ﻳﻤﻲ
ﻟﻌﺪ ﻋﻠﻴﻤﻦ ﺑﻌﺪ ﻫﺎﻟﻤﻠﺤﻪ
ﺑﺲ ﻣﺠﺒﻮﺭ ﺍﺳﻮﻱ ﻫﺬﺍ ﺍﻟﺸﻲ ﻉ ﻣﻮﺩ ﺣﺠﻲ ﺍﻟﻨﺎﺱ
ﺣﻴﻞ ﻋﺼﺒﺘﻨﻲ ﻭﻓﻮﺭﺕ ﺩﻣﻲ
ﺍﺧﺬﺕ ﺍﻟﺴﻮﻳﺞ ﺑﺪﻭﻥ ﻛﻼﻡ ﻭﻃﻠﻌﺖ
ﻗﺮﺭﺕ ﺍﺭﺟﻊ ﻭﻣﺮﺍﺡ ﺍﺑﻘﻰ ﻭﻻ ﺩﻗﻴﻘﻪ ﻭﺣﺪﻩ ﻫﻨﺎ
ﻫﺎﻱ ﺍﻟﻈﺎﻫﺮ ﻣﻮ ﻣﺎﻟﺖ ﺍﺣﺘﺮﺍﻡ ﺍﺑﺪ
ﺷﻐﻠﺖ ﺍﻟﺴﻴﺎﺭﻩ ﻭﻃﻠﻌﺖ ﻗﺮﻳﺐ ﺍﻟﺴﻴﻄﺮﻩ
ﺑﺲ ﺷﻨﻮ ﺣﻴﻞ ﻣﻌﺼﺐ ﻭﺟﺎﻥ .......
ﺗﻮﻗﻌﺎﺗﻜﻢ ﺣﺒﺎﻳﺒﻲ ﺷﺮﺍﺡ ﻳﺼﻴﺮ
ﻫﻞ ﺭﺍﺡ ﻳﺴﻮﻱ ﺣﺎﺩﺙ ﻟﻮ ﻻ
ﻫﻞ ﺭﺍﺡ ﻳﻔﻜﺮ ﻳﺮﺟﻊ ﻻﻫﻠﻬﺎ ﻟﻮ ﻻ
ﺷﺮﺍﺡ ﻳﻜﻮﻥ ﻣﻮﻗﻒ ﺯﻳﻨﺐ ﺍﻣﺎﻡ ﺍﻫﻠﻬﺎ
ﻟﺘﻨﺴﻮﻥ ﺍﻟﺘﺼﻮﻳﺖ ﺣﺒﺎﻳﺒﻲ ﺍﺫﺍ ﻋﺠﺒﺘﻜﻢ ﺍﻟﻘﺼﻪ
ﺗﺤﻴﺎﺗﻲ ﻟﻠﺠﻤﻴﻊ 😘