بين الفقر والطغيان

36

#بين_الفقر_والطغيان
بارت٣٦
ﻣﺴﺎﺀ ﺍﻟﺨﻴﺮ ﻉ ﺍﺟﻤﻞ ﻣﺘﺎﺑﻌﻴﻦ ﺍﺗﻤﻨﻰ ﻟﻜﻢ ﻗﺮﺍﺀﻩ ﻣﻤﺘﻌﻪ
🦋🌹 ﺍﻟﺒﺎﺭﺕ 36 🌹🦋
🦋🌹 ﺑﻴﻦ ﺍﻟﻔﻘﺮ ﻭﺍﻟﻄﻐﻴﺎﻥ 🌹🦋
🦋🌹 ﻟﻠﻜﺎﺗﺒﻪ ﺭﻭﻧﻖ 🌹🦋
ﻭﺟﺎﻥ ﺗﻄﻠﻊ ﺍﻣﻬﺎ ﺳﻠﻤﺖ ﻋﻠﻴﻬﺎ
ﻭﺍﻧﻄﻴﺘﻬﺎ ﺍﻟﻔﻠﻮﺱ ﻭﺍﻟﺬﻫﺐ
ﻛﺘﻠﻬﺎ ﻣﻤﻨﻮﻉ ﺗﺮﺟﻌﻬﻦ ﺫﻧﻲ ﺣﻘﻬﺎ
ﻛﺎﻟﺖ ﺗﻌﺎﻝ ﺍﺩﺧﻞ
ﻻﺷﻜﺮﺍ ﻣﺴﺘﻌﺠﻞ ﻋﻨﺪﻱ ﺷﻐﻞ
ﻭﺧﺒﺮﻱ ﻋﻤﻲ ﺍﻟﻌﺼﺮ ﺭﺍﺡ ﺍﺩﺯ ﺍﻟﻐﺮﻓﻪ
ﻋﻔﺘﻬﺎ ﻭﺭﺣﺖ
ﺍﺗﻐﺪﻳﺖ ﺑﺎﻟﻤﻄﻌﻢ ﺍﺩﺭﻱ ﺍﻟﻄﺒﺦ ﻣﺮﺍﺡ ﻳﻌﺠﺒﻨﻲ
ﺭﺟﻌﺖ ﻭﻫﺎﻱ ﺑﻌﺪﻫﻲ ﻧﺎﻳﻤﻪ
ﻟﻜﻴﺖ ﻧﻮﺭ ﺗﺒﺠﻲ
ﺍﺭﻳﺪ ﺍﺭﻭﺡ ﻳﻢ ﻣﺎﻣﺎ
ﻛﻤﺖ ﺍﺻﻴﺢ ﻋﻠﻴﻬﺎ
ﺑﻌﺪ ﻣﺎﻛﻮ ﻣﺎﻣﺎ
ﺍﻧﺴﻴﻬﺎ ﺭﺍﺣﺖ ﻭﺑﻌﺪ ﻣﺘﺮﺟﻊ
ﻛﺎﻣﺖ ﺗﺒﺠﻲ ﻋﺎﻓﺘﻨﻲ ﻭﺭﺍﺣﺖ
ﺣﻴﻞ ﺿﺠﺖ ﻋﻠﻴﻬﺎ
ﺭﺣﺖ ﺍﺩﻭﺭ ﻋﻠﻴﻬﺎ
ﻟﻜﻴﺘﻬﺎ ﺑﻐﺮﻓﺘﻬﻢ
ﺗﺒﺠﻲ ﻭﺗﻜﻮﻝ ﺑﻌﺪ ﻣﺎﺍﺣﺐ ﺍﻱ ﻭﺍﺣﺪ
ﻳﻮﻣﻴﻪ ﺍﺣﺐ ﻣﺎﻣﺎ ﺷﻜﻞ ﻭﺗﻌﻮﻓﻨﻲ ﻭﺗﺮﻭﺡ
ﺣﻀﻨﺘﻬﺎ ﻭﺑﻮﺳﺘﻬﺎ
ﻛﺘﻠﻬﺎ ﺣﺒﻴﺒﺘﻲ ﻣﻴﺼﻴﺮ ﺗﺮﻭﺣﻴﻦ ﻫﻨﺎﻙ ﻋﻴﺐ
ﻣﺎﻣﺎ ﺯﻳﻨﺐ ﺭﺍﺣﺖ ﻻﻫﻠﻬﺎ
ﻭﺍﻧﺖ ﺍﺣﻨﻪ ﺍﻫﻠﺞ
ﻣﻮ ﺍﺧﺬﺕ ﻧﻈﻮﺭﻱ ﻭﺣﺪ
ﻧﻈﻮﺭﻱ ﺯﻏﻴﺮ ﻣﺎﻳﻔﺘﻬﻢ ﺷﻲ
ﺑﺲ ﺍﻧﺖ ﺟﺒﻴﺮﻩ ﻭﺗﻔﺘﻬﻤﻴﻦ
ﺯﻳﻦ ﻣﻦ ﺗﺮﻭﺡ ﺍﺭﻭﺡ ﺍﺑﻘﻰ ﻳﻤﻬﻢ ﻭﺍﻟﻠﻪ ﺍﺷﺘﺎﻗﻠﻬﻢ ﺣﻴﻞ
بيج قصص عراقيه حقيقيه من واقعنا.روعه الطائي
ﺍﻟﻠﻪ ﻛﺮﻳﻢ ﻫﺴﻪ ﺧﻠﻴﻨﻲ ﺍﺷﺒﻊ ﻣﻨﺞ
ﻭﺍﺩﻭﺭ ﺗﻨﺰﻟﻴﻦ ﺗﻨﺎﻣﻴﻦ ﻳﻤﻲ
ﺍﺟﺎﻧﻲ ﺍﺷﻌﺎﺭ ﻓﺘﺤﺘﻪ
ﺟﺎﻥ ﻣﻦ ﺯﻳﻨﺐ
ﺍﻧﻲ ﻣﻮ ﻛﺘﻠﻚ ﻛﻠﺸﻲ ﻣﺎﺍﺭﻳﺪ ﻣﻨﻚ
ﻫﺬﺍ ﺣﻘﺞ ﻭﻏﺼﺒﺎ ﻣﺎﻋﻠﻴﺞ ﺗﺎﺧﺬﻳﻨﻪ
ﺑﺲ ﻣﺎﺍﺭﻳﺪ ﺍﻱ ﺷﻲ ﻣﻨﻚ
ﻣﻮ ﺑﻜﻴﻔﺞ
ﻭﺍﻟﻨﺒﻲ ﺍﺣﺮﻛﻬﻦ ﺍﻟﻔﻠﻮﺱ ﺍﺫﺍ ﻣﺎﺍﺧﺬﺗﻬﻦ
ﻛﻠﺸﻲ ﻣﻨﻚ ﻣﺎﺍﺭﻳﺪ
ﺣﺘﻰ ﺍﺣﺮﻛﺞ ﻭﺍﺣﺮﻙ ﻋﺸﻴﺮﺗﺞ ﻭﻳﺎﺝ
ﺍﻟﻐﺮﻓﻪ ﻟﺘﺠﻴﺒﻬﺎ ﻣﺎﺍﺭﻳﺪﻫﺎ
ﻭﺍﻟﻨﺒﻲ ﺍﻛﺴﺮﻫﺎ ﻭﺍﺫﺑﻬﺎ ﺑﺎﻟﺰﺑﻞ
ﻣﻴﻬﻤﻨﻲ ﻟﺘﺠﻴﺒﻬﺎ ﻣﺎﺍﺭﻳﺪﻫﺎ
ﻳﺎﺑﻪ ﺍﺳﺘﺤﻲ ﻉ ﻧﻔﺴﺞ ﻭﺑﻌﺪ ﻟﺘﺮﺍﺳﻠﻴﻨﻲ ﻭﻟﺘﺨﺎﺑﺮﻳﻨﻲ
ﺍﻧﻲ ﻫﺴﻪ ﺭﺟﺎﻝ ﻏﺮﻳﺐ ﻋﻨﺞ
ﺍﺫﺍ ﺍﻧﺖ ﻣﺘﺴﺘﺤﻴﻦ ﺍﻧﻲ ﺍﺳﺘﺤﻲ ﻣﻦ ﺍﺑﻮﺝ
ﺑﻌﺪ ﻣﺎﺍﻟﻲ ﻛﻠﻤﻪ ﻭﻳﺎﺝ
ﻋﻮﺩ ﺍﺗﻔﺎﻫﻢ ﻭﻱ ﺍﺑﻮﺝ
ﺭﺍﺡ ﺍﻧﻄﻴﺞ ﺑﻠﻮﻙ
ﺍﻧﻄﻴﺘﻬﺎ ﺑﻠﻮﻙ ﻣﻦ ﻛﻞ ﺍﻟﺒﺮﺍﻣﺞ
ﺣﺘﻰ ﺍﺑﻴﻦ ﺍﻟﻬﺎ ﺍﻧﻲ ﻣﻮ ﺑﺤﺎﻟﺞ
ﻣﺨﻠﻴﺘﻬﺎ ﺗﺠﺎﻭﺑﻨﻲ
ﻟﻠﻌﺼﺮ ﺍﺗﺼﻠﺖ ﺑﺎﺑﻮﻫﺎ ﻭﺧﺒﺮﺗﻪ ﻉ ﺍﻟﻐﺮﻓﻪ
ﻛﺎﻝ ﻋﻤﻲ ﺍﺣﻨﻪ ﻣﺘﻨﺎﺯﻟﻴﻦ ﻋﻨﻬﺎ ﻭﻳﻦ ﻣﺘﻮﺩﻳﻬﺎ ﻭﺩﻳﻬﺎ
ﺍﺗﺒﺮﻉ ﺑﻴﻬﺎ ﻟﻔﻘﻴﺮ ﺧﻠﻴﻬﺎ ﺑﻤﻜﺎﻧﻬﺎ
ﻻﻥ ﺷﻮﻓﺖ ﻋﻴﻨﻚ ﻣﺎﻋﺪﻧﻪ ﻣﻜﺎﻥ ﺍﻟﻬﺎ
ﺧﺠﻠﺖ ﻣﻦ ﺍﺑﻮﻫﺎ ﻣﺎﺍﻋﺮﻑ ﺷﺎﺟﺎﻭﺑﻪ
ﻛﻠﺖ ﺧﻞ ﺍﺑﻘﻴﻬﺎ ﻉ ﺣﻄﺘﻬﺎ ﺣﺘﻰ ﺍﻟﻤﻼﺑﺲ ﺭﺍﺡ ﺍﺑﻘﻴﻬﻦ
ﻗﺮﺭﺕ ﺍﻗﻔﻠﻬﺎ ﺍﻟﻐﺮﻓﻪ
ﻧﻮﺭ ﻧﺰﻟﺘﻬﺎ ﻳﻤﻲ
ﺣﻴﺎﺗﻲ ﺻﺎﺭﺕ ﺑﺎﻫﺘﻪ
ﺍﻱ ﻣﻌﻨﻰ ﻣﺎﺑﻴﻬﺎ
ﺍﺣﺴﺐ ﻟﺤﻀﻪ ﻟﺤﻀﻪ ﺷﻮﻛﺖ ﺍﻟﺘﺤﻖ
ﺗﺬﻛﺮﺕ ﺍﺧﺮ ﻣﺮﻩ ﻣﻦ ﺗﻤﻨﻴﺖ ﻣﺎﺗﺨﻠﺺ ﺍﺟﺎﺯﺗﻲ
ﺍﺟﻨﻲ ﺍﻟﺒﻨﺎﺕ ﺣﺘﻰ ﻳﺮﻭﺣﻦ ﻟﻔﺎﻃﻤﻪ
بيج قصص عراقيه حقيقيه من واقعنا.روعه الطائي
ﺍﻟﻜﻞ ﺍﺗﻔﺎﺟﺊ ﺑﻘﺮﺍﺭﻧﻪ
ﺍﺗﺨﺒﻠﻦ
ﻃﻠﺒﻦ ﻣﻦ ﺍﺑﻮﻳﻪ ﻳﺮﻭﺣﻦ ﻟﻠﺒﻴﺖ ﺍﻟﻬﻢ
ﻛﺘﻠﻬﻦ ﺍﻧﻲ ﺍﺧﺬﺟﻦ ﺣﺘﻰ ﺗﻨﻄﻨﻲ ﻧﻈﻮﺭﻱ ﻭﻣﻦ ﺗﺨﻠﺼﻦ ﺧﺎﺑﺮﻧﻲ
ﺣﺘﻰ ﺍﺭﺟﻌﻪ
ﻧﻮﺭ ﻛﺎﻟﺖ ﺣﺒﺎﺏ ﺧﻞ ﺍﺭﻭﺡ ﻭﺍﺑﻘﻪ ﻳﻤﻬﻢ
ﻣﻮ ﺭﺍﺡ ﺗﻠﺘﺤﻖ ﺑﺎﺟﺮ
ﻛﺘﻠﻬﺎ ﺭﻭﺣﻲ ﺑﺲ ﻟﺘﺴﻮﻳﻦ ﺍﺫﻳﻪ
ﺍﻧﻄﻴﺖ ﻟﻠﺒﻨﺎﺕ 250 ﻛﺘﻠﻬﻦ ﻣﺼﺮﻑ ﻟﻨﻮﺭ ﻭﻟﻨﻈﻮﺭﻱ
ﺍﻧﻲ ﺑﺎﺟﺮ ﺍﻟﺘﺤﻖ
ﻛﺎﻟﺖ ﺍﻣﻲ ﺧﻄﻴﻪ ﺧﻞ ﺗﺮﻭﺡ
ﺍﺧﺬﺗﻬﻦ ﻭﺑﻘﻴﺖ ﺑﺎﻟﺒﺎﺏ
ﻃﻠﻊ ﺍﺑﻮﻫﺎ ﺟﻠﺐ ﺑﻴﻪ ﻛﺘﻠﻪ ﺍﺭﻳﺪ ﺍﺧﺬ ﻧﻈﻮﺭﻱ ﻭﻳﺎﻳﻪ
ﻣﺎﻗﺒﻠﺖ ﺍﺩﺧﻞ
ﺑﻘﻪ ﻳﻤﻲ ﻭﺟﺎﺑﻮﻟﻲ ﻧﻈﻮﺭﻱ
ﻭﻧﻮﺭ ﻫﻢ ﺍﺟﺖ
ﺍﺧﺬﺗﻬﻢ ﻟﻼﻟﻌﺎﺏ ﺑﻌﺪﻧﻪ ﻣﺪﺧﻠﻨﻪ
ﺩﻛﺖ ﺑﻨﻴﻦ ﻋﻠﻴﻪ ﺍﺳﺘﻐﺮﺑﺖ
ﺭﻓﻌﺖ ﺧﻂ ﻫﺎ ﺑﻨﻮﻧﻪ
ﺷﺒﺴﺮﻋﻪ ﺗﺮﺟﻌﻦ
ﺟﺎﻥ ﻳﺠﻴﻨﻲ ﺻﻮﺗﻬﺎ ﺍﻟﻮﻭﻭﻭ
ﻏﻴﺮﺕ ﻧﺒﺮﺗﻲ ﺧﻴﺮﺝ
ﺍﻧﻄﻴﺘﺞ ﺣﻀﺮ ﻭﻣﺨﻠﺼﺖ ﻣﻨﺞ
ﻟﻮﻳﺶ ﺩﺍﺯﻟﻲ ﻓﻠﻮﺱ
ﻟﻮﻳﺶ ﺩﺍﺋﻤﺎ ﺗﺤﺴﺴﻨﻲ ﺑﺎﻟﺬﻝ
ﻫﺎﻱ ﺍﻟﻔﻠﻮﺱ ﻣﻮ ﺍﻟﺞ ﻟﺠﻬﺎﻟﻲ
ﻭﺍﺫﺍ ﻣﻌﺎﺟﺒﺞ ﺗﺎﺧﺬﻳﻬﻦ ﻛﻮﻟﻲ ﻋﺎﺩﻱ
ﺣﺘﻰ ﺟﻬﺎﻟﻲ ﺍﺧﺬﻫﻢ ﻭﺍﺧﻠﻴﻬﻢ ﻳﻤﻲ ﻭﺍﻧﻲ ﺍﺻﺮﻑ ﻋﻠﻴﻬﻢ
ﺣﺒﻴﺖ ﺍﺳﺘﺘﻔﺰﻫﺎ
ﻭﺧﻠﻲ ﺍﺑﺎﻟﺞ ﻛﻞ ﺷﻬﺮ ﺍﺩﺯ 250 ﻟﻨﻈﻮﺭﻱ ﻣﺼﺮﻓﻪ
ﻫﺎﻱ ﻫﻲ ﻉ ﺭﺍﺣﺘﻚ
ﻳﻠﻪ ﺑﺎﻱ ﻣﻔﺎﺭﻏﻠﺞ ﻃﺒﻜﺘﻪ ﺑﻮﺟﻬﺎ
ﺑﺪﻳﺖ ﺍﻟﻌﺒﻬﻢ
ﺑﻌﺪﻫﺎ ﺭﺣﺖ ﻟﻠﺴﻮﺑﺮ ﻣﺎﺭﻛﺖ
ﺍﺧﺬﺗﻠﻬﻢ ﺍﺷﻜﺎﻝ ﻭﺍﻟﻠﻮﺍﻥ ﺣﻠﻮﻳﺎﺕ ﻭﻛﻮﺭﻥ ﻓﻠﻜﺲ
ﺑﻌﺪﻫﺎ ﺭﺣﻨﻪ ﻧﺎﻛﻞ ﻣﻮﻃﻪ
ﺑﻌﺪﻫﺎ ﺭﺣﺖ ﻟﻤﺤﻞ ﻣﻮﺑﺎﻳﻼﺕ
ﺍﺷﺘﺮﻳﺖ ﺟﻬﺎﺯ ﻭﺧﻠﻴﺖ ﺑﻲ ﺳﻴﻢ ﻛﺎﺭﺕ
بيج قصص عراقيه حقيقيه من واقعنا.روعه الطائي
ﻛﻠﺖ ﺍﺧﺎﺑﺮ ﻧﻮﺭ ﻭﺍﻃﻤﺄﻥ ﻋﻠﻴﻬﺎ
ﻣﺎﺍﺭﻳﺪ ﺍﺧﺎﺑﺮﻫﺎ ﻣﻦ ﺯﻳﻨﺐ
ﻃﻮﻟﻦ ﺑﺎﻟﺴﺎﻋﺘﻴﻦ
ﺑﻌﺪﻫﺎ ﺍﺗﺼﻠﺖ ﺑﻴﻪ ﺑﻨﻴﻦ
ﻛﺎﻟﺖ ﻳﻠﻪ ﺗﻌﺎﻝ
ﻣﻦ ﺍﺭﻣﺶ ﺍﻃﻠﻌﻦ
ﺍﻭﻙ
ﺭﺟﻌﺖ ﻭﺭﻣﺸﺖ ﻭﻃﻠﻌﻦ
ﻭﻃﻠﻌﺖ ﺍﻣﻬﺎ ﻭﺍﺑﻮﻫﺎ
ﺣﺠﻪ ﺍﺑﻮﻫﺎ
ﻳﺎﺑﻪ ﺗﺮﻩ ﺗﺒﻘﻰ ﺍﻧﺖ ﺍﺑﻨﻪ
ﻟﺘﻌﺎﻣﻠﻨﻪ ﻣﺜﻞ ﺍﻟﻐﺮﺑﻪ
ﻫﺬﺍ ﺑﻴﺘﻚ ﺑﺎﻱ ﻭﻗﺖ ﺗﻌﺎﻝ ﺑﺪﻭﻥ ﻣﺪﻙ ﺍﻟﺒﺎﺏ
ﺧﺠﻠﻨﻲ ﺑﻜﻼﻣﻪ
ﻭﺍﻟﻠﻪ ﻣﻮ ﻗﺼﺪﻱ ﻣﺎﺍﺩﺧﻞ
ﺑﺲ ﺣﺒﻴﺖ ﺍﻃﻠﻌﻬﻢ ﻭﺍﻏﻴﺮ ﺟﻮ ﺧﻄﻴﻪ
ﺍﻧﻄﻴﺖ ﺍﻟﺠﻬﺎﺯ ﻟﻨﻮﺭ ﻛﺘﻠﻬﺎ ﺧﻞ ﺭﻗﻴﻪ ﺍﺩﺧﻠﺞ ﻓﺎﻳﺒﺮ
ﺣﺘﻰ ﺍﺗﺼﻞ ﺑﻴﺞ
ﺧﻞ ﺗﻌﻠﻤﺞ ﺷﻠﻮﻥ ﺗﺮﺍﺳﻠﻴﻨﻲ ﺑﻲ
ﺍﻭﻙ ﺑﺎﺑﺎ
ﺑﻮﺳﺘﻬﻢ ﻭﻭﺩﻋﺘﻬﻢ ﻭﺭﺟﻌﻨﻪ ﻟﻠﺒﻴﺖ
ﺍﺗﻈﺎﻫﺮ ﻣﻤﻬﺘﻢ ﺑﺲ ﺑﺎﻟﺤﻘﻴﻘﻪ
ﻛﻠﺒﻲ ﻳﺮﻳﺪ ﻳﻨﻔﺠﺮ
ﺍﻧﻲ ﺍﺩﺭﻱ ﺑﻨﻔﺴﻲ ﻛﺎﻋﺪ ﺍﻛﺎﺑﺮ
ﻻﻥ ﺑﻌﺪﻫﺎ ﻳﺎﺫﻳﻨﻲ
ﻭﺍﻧﻲ ﻛﻮﻩ ﻛﺪﺭﺕ ﺍﺧﻠﻴﻬﺎ ﺗﺴﺘﺠﺎﺏ ﻭﻳﺎﻱ
ﻭﺻﻠﻨﻪ ﻭﺍﻧﻄﻨﻲ ﻋﻼﻛﻪ ﺑﻴﻬﺎ ﻛﻠﻴﺠﻪ ﻭﻛﺮﻭﺳﺎﻥ
ﺍﻧﻲ ﺑﻘﻴﺖ ﺻﺎﻓﻦ
ﻳﻌﻨﻲ ﺣﺘﻰ ﺑﻌﺪ ﻃﻼﻛﻨﻪ ﻣﻨﺴﺖ
ﻣﺎﺍﻋﺮﻑ ﻓﺮﺣﺖ ﻻﻥ ﺑﻌﺪﻧﻲ ﺍﺑﺎﻟﻬﺎ
ﻟﻮ ﺍﺣﺰﻧﺖ ﻻﻥ ﺣﺮﻣﺘﻨﻲ ﻣﻨﻬﺎ
ﻣﺎﺍﻋﺮﻑ ﺍﺧﺬﻫﻦ ﻟﻮ ﺍﺧﻠﻴﻬﻦ ﺑﻌﻨﺎﺩﻫﺎ
ﺑﻌﺪﻳﻦ ﻛﻠﺖ ﻣﻮ ﻭﻛﺖ ﻋﻨﺎﺩ ﺍﺧﺬﻫﻦ ﻻﻥ ﺣﻴﻞ ﻳﻔﻴﺪﻧﻲ
ﻣﺎﻛﻮ ﻻﻣﺤﻞ ﻗﺮﻳﺐ ﻋﻠﻴﻨﻪ ﻭﺍﻛﻠﻬﻢ ﻧﻤﻠﻪ ﻣﻮ ﺣﻴﻞ ﻃﻴﺐ
ﺟﻬﺰﺕ ﺟﻨﻄﺘﻲ ﻭﺣﺎﻭﻟﺖ ﺍﻧﺎﻡ ﻣﺎﺍﻛﺪﺭ ﺍﺳﻬﺮ
ﻭﻗﺘﺖ ﺍﻟﻤﻨﺒﻪ
ﻧﻤﺖ ﻭﻛﻌﺪﺕ ﺳﺒﺤﺖ ﻭﺻﻠﻴﺖ ﻭﺭﺣﺖ
ﺑﺎﻟﻄﺮﻳﻖ ﺧﻠﻴﺖ ﺍﻟﺴﻤﺎﻋﺎﺕ ﺑﺎﺫﻧﻲ
ﻭﺷﻐﻠﺖ ﻧﻐﻤﺔ ﻳﺎﺳﺮ ﻋﺒﺪ ﺍﻟﻮﻫﺎﺏ ﻭﺣﻴﺪﺭ ﻧﺒﻴﻞ ﻳﺪﻛﻠﻚ ﻛﻠﺒﻲ
بيج قصص عراقيه حقيقيه من واقعنا.روعه الطائي
ﻏﻤﻀﺖ ﻋﻴﻮﻧﻲ ﻛﻞ ﻣﺎﺗﺨﻠﺺ ﺍﻋﻴﺪﻫﺎ ﻟﺤﺪ ﻣﺎﻧﻤﺖ
ﻭﺻﻠﺖ ﻭﻧﻔﺲ ﺭﻭﺗﻴﻦ ﻛﻞ ﻣﺮﻩ
ﺍﺭﻫﺎﻕ ﻭﺗﻌﺐ
ﺧﻠﺼﻦ ﺍﻝ 10 ﺍﻳﺎﻡ ﻭﺛﺎﻧﻲ ﻳﻮﻡ ﺍﻻﻭﻑ
ﻫﻢ ﻧﻤﺖ ﻭﻣﻦ ﻛﻌﺪﺕ ﺍﺗﺼﻠﺖ ﺑﻨﻮﺭ
ﻣﺮﻓﻌﺖ ﺧﻂ
ﺗﻘﺮﻳﺒﺎ 3 ﻣﺮﺍﺕ ﻭﻣﺎﻛﻮ ﺟﻮﺍﺏ
ﻋﻔﺘﻬﺎ ﻭﺭﺍﺳﻠﺖ ﺣﻨﺎﻥ ﺷﻮﻳﻪ ﻣﻄﻮﻟﺖ
ﺑﻌﺪﻫﺎ ﺍﺗﺼﻠﺖ ﺑﺎﻣﻲ ﻭﺍﺑﻮﻱ
ﻭﺑﻌﺪﻫﺎ ﻣﺤﻤﺪ ﻭﺍﻣﻴﺮ
ﻃﺒﻜﺘﻪ ﻭﺟﺎﻥ ﻟﻜﻴﺘﻬﺎ ﻧﻮﺭ ﺩﺍﻛﻪ ﻫﻮﺍﻱ ﻋﻠﻴﻪ
ﺧﺎﺑﺮﺗﻬﺎ ﺭﻓﻌﺖ ﺧﻂ
ﺍﻟﻮﻭﻭ ﻫﺎ ﺑﺎﺑﺎ ﺷﻠﻮﻧﻚ
ﻫﻠﻮ ﺣﺒﻴﺒﺘﻲ ﺷﻠﻮﻧﺞ ﺍﻧﺖ
ﺍﻧﻲ ﺯﻳﻨﻪ ﻭﺍﻧﺖ
ﺍﻧﻲ ﻫﻢ ﺯﻳﻦ
ﻧﻈﻮﺭﻱ ﺷﻠﻮﻧﻪ
ﺯﻳﻦ ﺗﺮﻳﺪ ﺗﺤﺠﻲ ﻭﻳﺎ
ﻫﺴﻪ ﺍﺻﺒﺮﻱ
ﻟﻴﺶ ﻣﺮﻓﻌﺘﻲ ﺧﻂ ﻣﺴﺎﻉ
ﻣﻮ ﺟﻨﺖ ﺑﺎﻟﺤﺪﻳﻘﻪ ﻭﻣﺎﺍﺩﺭﻱ ﺑﻲ
ﻫﻢ ﺳﻮﻳﺘﻲ ﺍﺫﻳﻪ
ﻻﻭﺍﻟﻠﻪ ﺣﺘﻰ ﺍﺳﺎﻝ ﻣﺎﻣﺎ ﺯﻳﻨﺐ
ﺑﺎﺑﺎ
ﻫﺎ ﺣﺒﻴﺒﺘﻲ
ﺍﻧﻲ ﻣﺸﺘﺎﻗﺘﻠﻚ
ﻭﺍﻧﻲ ﻫﻤﻴﻦ
ﺑﺲ ﺍﺟﻲ ﺗﺒﻘﻴﻦ ﻳﻤﻲ
ﺍﻱ ﺍﻥ ﺷﺎﺀ ﺍﻟﻠﻪ
ﺍﻧﻄﻴﻨﻲ ﻧﻈﻮﺭﻱ
ﺍﺳﻤﻌﻬﺎ ﺗﻜﻠﻪ ﻫﺬﺍ ﺑﺎﺑﺎ ﻳﺮﻳﺪﻙ
ﺍﻟﻮﻭﻭ ﺑﺎﺑﺎ
ﺷﻠﻮﻧﻚ ﺣﺒﻴﺒﻲ ﻧﻈﻮﺭﻱ
ﺯﻳﻦ ﺍﻧﻲ ﻣﻴﻨﻔﻬﻢ ﺣﺠﻴﻪ ﻛﻠﺶ
ﺷﻮﻳﻪ ﻭﻃﺒﻜﺘﻪ
ﻛﻤﻠﺖ ﺍﻝ 10 ﺍﻻﻳﺎﻡ ﻭﻧﺰﻟﺖ ﻟﻠﺒﻴﺖ
ﺍﻭﻝ ﻳﻮﻡ ﻧﻤﺖ ﻭﺍﺭﺗﺎﺣﻴﺖ
ﺑﺎﻟﻠﻴﻞ ﺭﺣﺖ ﻟﻠﺤﻼﻕ ﻭﺧﻠﺼﺖ
ﺣﺘﻰ ﺑﺎﺟﺮ ﺍﺟﻴﺒﻬﻢ ﻧﻮﺭ ﻭﻧﻈﻮﺭﻱ
ﺍﺧﻠﻴﻬﻢ ﻳﻤﻲ
ﺧﺎﺑﺮﺕ ﻧﻮﺭ
ﻛﺘﻠﻬﺎ ﺟﻬﺰﻱ ﻧﻔﺴﺞ ﺑﺎﺟﺮ ﺍﺟﻴﻜﻢ ﺍﺧﺬﺝ ﺍﻧﺖ ﻭﻧﻈﻮﺭﻱ
ﺣﻴﻞ ﻓﺮﺣﺖ
ﺑﻌﺪﻫﺎ ﺍﺗﺼﻠﺖ ﺑﺎﺑﻮ ﺯﻳﻨﺐ
ﺍﻧﻄﻴﺘﻪ ﺧﺒﺮ
ﻛﺘﻠﻪ ﻣﻦ ﻳﻜﻌﺪﻭﻥ ﺧﺒﺮﻭﻧﻲ ﺣﺘﻰ ﺍﺟﻴﻬﻢ ﺣﺘﻰ ﻟﻮ ﺍﻟﻈﻬﺮ
ﻣﻴﺨﺎﻟﻒ ﺑﺎﺑﺎ ﺗﺪﻟﻞ
ﻓﻌﻼ ﺛﺎﻧﻲ ﻳﻮﻡ ﺏ 2 ﺍﺗﺼﻠﺖ ﺑﻴﻪ ﻧﻮﺭ
ﻛﺎﻟﺖ ﺟﺎﻫﺰﻳﻦ
بيج قصص عراقيه حقيقيه من واقعنا.روعه الطائي
ﺭﺣﺖ ﻋﻠﻴﻬﻢ ﺍﺩﺭﻱ ﺑﺎﺑﻮ ﺯﻳﻨﺐ ﻋﻨﺪﻩ ﺩﻭﺍﻡ
ﺧﺎﺑﺮﺕ ﻧﻮﺭ ﻛﺘﻠﻬﺎ ﺍﻃﻠﻌﻮﺍ
ﺍﻧﻲ ﻭﺍﻛﻒ ﺑﺎﻟﺒﺎﺏ
ﻃﻠﻌﻮﺍ ﺍﺛﻨﻴﻨﻬﻢ
ﻧﻮﺭ ﺷﺎﻳﻠﻪ ﺟﻨﻄﻪ ﻭﺑﻴﺪﻫﺎ ﻋﻼﻛﻪ
ﺷﻔﺖ ﺧﻴﺎﻝ ﺑﺲ
ﺍﻛﻴﺪ ﻫﻲ ﻭﺍﻛﻔﻪ ﺑﺎﻟﺒﺎﺏ
ﺍﺟﻮﻱ ﺑﻮﺳﺘﻬﻢ ﻭﺍﺧﺬﺗﻬﻢ ﻛﺒﻞ ﻻﺑﻮ ﺍﻟﻤﻮﻃﻪ
ﺣﻴﻞ ﻳﻔﺮﺣﻮﻥ
ﺑﻌﺪﻫﺎ ﺍﺷﺘﺮﻳﺘﻠﻬﻢ
ﻛﺘﻠﻬﺎ ﺷﻨﻮ ﻫﺎﻱ ﺍﻟﻌﻼﻛﻪ ﻭﺍﻟﺠﻨﻄﻪ
ﻣﺎﻣﺎ ﺯﻳﻨﺐ ﺟﺎﺑﺘﻬﻦ ﺍﻟﻲ ﻣﻦ ﺳﺎﻓﺮﺕ
ﻭﻳﻦ ﺳﺎﻓﺮﺕ
ﻣﺎﺍﻋﺮﻑ ﺭﺍﺣﺖ ﻫﻲ ﻭﺟﺪﻭﺍ ﻣﻦ ﺍﻟﺼﺒﺢ ﻭﺍﺟﻮﻱ ﺍﻟﻌﺼﺮ
ﺟﺎﺑﺖ ﺍﻭﺭﺍﻕ
ﻋﺮﻓﺘﻬﺎ ﺟﺎﻳﺒﻪ ﺍﻭﺭﺍﻗﻬﺎ ﻭﺷﻬﺎﺩﺗﻬﺎ
ﻛﺎﻟﺖ ﺟﺎﺑﺘﻠﻲ ﺑﻴﺒﻲ ﻫﻤﻴﻦ
ﻣﻼﺑﺲ ﻟﻠﻤﺪﺭﺳﻪ ﻭﻗﺮﺍﺻﺎﺕ ﻭﺟﻮﺍﺭﻳﺐ
ﻭﺣﺘﻰ ﺣﺬﺍﺀ
ﻻﻥ ﺭﺍﺡ ﺍﺩﺍﻭﻡ
ﺭﺣﺖ ﻟﻠﺒﻴﺖ ﻭﺍﻫﻠﻲ ﺣﻴﻞ ﻓﺮﺣﺎﻧﻴﻦ
ﻭﺭﺍﻭﺗﻨﻪ ﺷﺠﺎﻳﺒﺘﻠﻬﺎ
ﻣﻼﺑﺲ ﻳﺨﺒﻠﻦ ﻭﺍﻟﺠﻨﻄﻪ ﻫﻤﻴﻦ
ﺳﺎﻟﺖ ﺍﻣﻲ ﻉ ﺍﻟﻤﺪﺭﺳﻪ ﺷﻮﻛﺖ ﺗﺒﺪﻱ
ﻛﺎﻟﺖ ﺑﻌﺪ ﺍﺳﺒﻮﻉ
ﻧﻈﻮﺭﻱ ﺭﺍﺡ ﻟﻌﻤﻪ ﺍﻣﻴﺮ ﻭﺭﺍﻫﺎ ﻟﻌﻤﻪ ﻣﺤﻤﺪ
ﻭﺣﻴﻞ ﻓﺮﺣﺎﻥ ﻭﻫﻤﻪ ﻫﻤﻴﻦ
ﻛﻠﻲ ﻣﺤﻤﺪ ﻣﻨﺎﻭﻱ ﺗﻌﻘﻞ ﻭﺗﺮﺟﻌﻬﺎ ﻟﻤﺮﺗﻚ
ﺷﻜﻠﻮﻟﻚ ﻋﻠﻴﻪ ﻣﺨﺒﻞ ﻭﺍﻋﻘﻞ
ﻭﺍﻟﻠﻪ ﻣﻦ ﻳﻮﻡ ﻳﻮﻣﻚ ﻭﺍﻧﺖ ﻣﻮ ﺻﺎﺣﻲ
ﺭﺣﻢ ﺍﻟﻠﻪ ﻭﺍﻟﺪﻳﻚ ﺑﺲ ﻣﺎﺍﺭﺟﻌﻬﺎ
ﻟﻚ ﻟﺘﺼﻴﺮ ﺍﺛﻮﻝ ﻭﺍﻟﻠﻪ ﺗﺘﻨﺪﻡ
ﻣﺴﺘﺤﻴﻞ ﺍﻧﺪﻡ
ﺑﺪﺍﺧﻠﻲ ﺍﻛﻮﻝ ﻫﻮ ﻫﺴﻪ ﺍﻧﻲ ﻧﺪﻣﺎﻥ
ﺳﺎﻟﺘﻨﻲ ﺍﻣﻲ ﺑﻨﻮﺭ ﺷﻠﻮﻥ ﺑﻴﻬﺎ ﺑﺎﻟﺪﻭﺍﻡ
ﺷﻨﻮ ﺷﻠﻮﻥ
ﺗﺒﻘﻰ ﻫﻨﺎ ﻳﻢ ﺣﻨﺎﻥ ﻭﻫﻲ ﺗﺎﺧﺬﻫﺎ ﻭﺗﺠﻴﺒﻬﺎ
ﺑﺲ ﺍﺫﺍ ﺗﺮﻳﺪ ﺗﺮﻭﺡ ﺧﻤﻴﺲ ﻭﺟﻤﻌﻪ ﻭﺗﺮﺟﻊ ﺍﻟﺴﺒﺖ ﻋﺎﺩﻱ
ﻳﻮﻡ ﺍﻡ ﺯﻳﻨﺐ ﻛﺎﻟﺖ ﺧﻠﻮﻫﺎ ﻳﻤﻨﻪ ﻣﻦ ﺍﻧﺖ ﺑﺎﻟﺪﻭﺍﻡ
ﺣﻴﻞ ﻣﺘﻌﻠﻘﻴﻦ ﺑﻴﻬﺎ
ﻭﻫﻤﻪ ﻳﺪﺭﺳﻮﻫﺎ ﻫﻨﺎﻙ ﺍﺣﺴﻦ ﺍﻟﻬﺎ
ﻭﻫﻲ ﺯﻳﻨﺐ ﻫﻢ ﻓﺮﺣﺎﻧﻪ
ﻭﻧﺨﻠﻲ ﺍﻟﺴﺎﻳﻖ ﻳﺎﺧﺬﻫﺎ ﻭﻳﺠﻴﺒﻬﺎ
ﻳﻮﻡ ﻫﺬﺍ ﺍﻟﻤﻮﺿﻮﻉ ﻳﻨﺴﺪ ﻧﻬﺎﺋﻲ
ﻧﻮﺭ ﺗﺒﻘﻰ ﻫﻨﺎ ﻭﺗﺴﻜﺖ
ﺷﻴﻜﻮﻟﻮﻥ ﻋﻠﻴﻨﻪ ﻣﻨﺘﺤﻤﻞ ﺑﻨﺘﻨﻪ
ﻫﻮ ﻫﺬﺍ ﺣﺠﻲ ﻳﻮﻡ
بيج قصص عراقيه حقيقيه من واقعنا.روعه الطائي
ﻟﻚ ﺍﺑﻨﻲ ﺍﻟﺒﻨﻴﻪ ﻣﺘﻌﻠﻘﻪ ﺑﻨﻮﺭ ﻭﺗﺒﺠﻲ ﺑﻮﺍﺟﻲ ﻋﻠﻴﻬﺎ
ﻭﺍﺣﻨﻪ ﻛﺎﻋﺪ ﻧﺪﺯ ﻣﺼﺮﻑ
ﻳﻌﻨﻲ ﻣﻤﺎﻧﻴﻦ ﻋﻠﻴﻨﻪ
ﻭﺍﻧﺖ ﻋﺎﺷﺮﺗﻬﻢ ﻭﻋﺮﻓﺖ ﻧﻔﺴﻴﺘﻬﻢ
ﻳﻮﻡ ﻟﺨﺎﻃﺮ ﺍﻟﻠﻪ ﺳﺪﻱ ﺍﻟﻤﻮﺿﻮﻉ
ﻧﻮﺭ ﺗﺒﻘﻰ ﻫﻨﺎ ﻭﺧﻼﺹ
ﺗﺎﺧﺬﻫﺎ ﺣﻨﺎﻥ ﺑﻴﺪﻫﺎ ﻭﺗﺮﺟﻌﻬﺎ ﺑﻴﺪﻫﺎ
ﺳﻜﺘﺖ ﺑﻌﺪ ﻣﺤﺠﺖ ﺷﻲ
ﺯﻳﻨﺐ : ﺿﺠﺖ ﻣﻦ ﺣﻴﺪﺭ ﻣﻦ ﻳﻌﺎﻣﻠﻨﻲ ﺍﺑﺮﻭﺩ
ﻭﻣﺎﻥ ﻋﻠﻴﻪ ﺑﻜﻠﺸﻲ
ﺍﻛﺜﺮ ﺷﻲ ﻧﺮﻓﺰﻧﻲ ﻣﻦ ﺍﻧﻄﺎﻧﻲ ﺣﻀﺮ
ﻭﻳﻜﻠﻲ ﻋﻴﺐ ﻋﻠﻴﺞ ﺗﺨﺎﺑﺮﻳﻨﻲ ﻟﻮ ﺗﺮﺍﺳﻠﻴﻨﻲ
ﻋﺒﺎﻟﻪ ﻣﻴﺘﻪ ﻋﻠﻲ
ﺧﻞ ﻳﻮﻟﻲ ﻟﻮ ﻳﻤﻮﺕ ﻣﺎﺍﺭﺍﺳﻠﻪ
ﺍﺟﻦ ﺍﻟﺒﻨﺎﺕ ﻻﻥ ﻧﺘﺮﺍﺳﻞ ﺍﻧﻲ ﻭﻳﺎﻫﻦ
ﻛﺎﻟﻦ ﺑﺎﺟﺮ ﻧﻤﺮ ﺑﻴﺞ
ﻛﻠﺖ ﺧﻞ ﺍﺳﻮﻱ ﻛﻠﻴﺠﻪ ﻭﻛﺮﻭﺳﺎﻥ
ﻛﻠﺖ ﺧﻄﻴﻪ ﻻﻥ ﻳﻔﺮﺡ ﺑﻴﻬﻦ
ﻛﻠﺒﻲ ﻣﺎﺑﻲ ﺣﻆ ﻳﻔﻜﺮ ﺑﻲ ﻭﻫﻮ ﻓﺮﺣﺎﻥ ﺧﻠﺺ ﻣﻨﻲ
ﻣﺎﻣﺎ ﺗﻜﻠﻲ
ﺍﺫﺍ ﺗﺤﺒﻴﻨﻪ ﻫﻴﺞ ﻟﻮﻳﺶ ﻣﺎﺿﺤﻴﺘﻲ
ﻣﻨﻮ ﻛﻠﺞ ﺍﺣﺒﻪ
ﻭﺍﺿﺢ ﻣﻦ ﺍﻟﻜﻠﻴﺠﻪ ﺍﻟﻲ ﺩﺳﻮﻳﻬﺎ ﺍﻟﻪ
ﻻ ﻭﺍﻟﻠﻪ ﻣﺎﻣﺎ ﺑﺲ ﻛﻠﺖ ﺧﻄﻴﻪ
ﻫﻨﺎﻙ ﻳﺠﻮﻋﻮﻥ
ﻭﻣﻮ ﻟﺨﺎﻃﺮﻩ ﺑﺲ ﻟﺨﺎﻃﺮ ﺍﻟﻲ ﻭﻳﺎ ﻫﻢ ﺧﻄﻴﻪ
ﺍﺟﻨﻲ ﺑﺎﻟﻠﻴﻞ ﻭﻛﺎﻟﻦ ﺑﺪﻟﻲ ﻟﻨﻈﻮﺭﻱ ﻳﺮﻳﺪ ﻳﺎﺧﺬﻩ ﻭﻳﺎ
ﺑﺪﻟﺘﻠﻪ ﻭﺍﺧﺬﻫﻢ ﻫﻮ ﻭﻧﻮﺭ
ﻭﻗﺪﻣﺖ ﺍﻟﻬﻦ ﻛﻠﻴﺠﻪ ﻭﺑﺒﺴﻲ
ﺣﻴﻞ ﻓﺮﺣﺖ ﻣﻦ ﻛﺎﻟﻦ ﻧﻮﺭ ﺗﺒﻘﻰ ﻫﻨﺎ
ﺭﻗﻴﻪ ﺗﻤﻮﺕ ﻋﻠﻴﻬﺎ
ﻛﻞ ﺷﻮﻳﻪ ﺗﻌﺎﻱ ﺧﺎﺑﺮﻱ ﺧﻞ ﻳﺠﻴﺒﻮﻫﺎ
ﺑﻘﻴﻨﻪ ﻧﺴﻮﻟﻒ ﻭﻏﻴﺮﻧﻪ ﺟﻮ
ﺍﻧﻄﺘﻨﻲ ﺳﺎﺭﻩ ﻓﻠﻮﺱ ﻛﺎﻟﺖ ﻣﺼﺮﻑ ﻟﻠﺠﻬﺎﻝ ﺩﺯﻫﻦ ﺣﻴﺪﺭ
ﺣﻴﻞ ﺿﺠﺖ ﻣﺎﺭﺭﻳﺪ ﺍﻱ ﺷﻲ ﻣﻨﻪ
ﺍﺧﺬﺕ ﺟﻬﺎﺯ ﺑﻨﻴﻦ ﻭﻛﺘﻠﻬﺎ ﺭﺍﺡ ﺍﺧﺎﺑﺮ ﻣﻨﻪ
ﺍﺗﺼﻠﺖ ﺑﻲ ﻭﺟﺎﻥ ﻣﺘﻔﺎﺟﺊ
ﺑﺲ ﻳﺠﺎﻭﺑﻨﻲ ﻣﻦ ﻭﺭﻩ ﺧﺸﻤﻪ
ﺣﻴﻞ ﺿﺠﺖ ﻭﻗﺮﺭﺕ ﻣﺎﺍﺗﺼﻞ ﺑﻲ ﺑﻌﺪ ﻟﻮ ﺷﻴﺼﻴﺮ
ﻫﺪﺩﻧﻲ ﻟﻮ ﺍﺧﺬ ﺍﻟﻔﻠﻮﺱ ﻟﻮ ﻳﺎﺧﺬ ﺍﻟﺠﻬﺎﻝ
ﺍﻧﺠﺒﺮﺕ ﺍﺧﺬﻫﻦ
ﺍﺧﺮ ﺷﻲ ﺭﺟﻊ ﻭﺟﺎﺏ ﺍﻻﻃﻔﺎﻝ ﻭﺭﺍﺣﻮﺍ
ﺍﻧﺘﺒﻬﺖ ﻟﻨﻮﺭ ﺑﻴﺪﻫﺎ ﺟﻬﺎﺯ ﺟﺪﻳﺪ
ﺳﺎﻟﺘﻬﺎ ﺷﻨﻮ ﻫﺬﺍ
ﻛﺎﻟﺖ ﺑﺎﺑﺎ ﺟﺎﺑﻪ ﺍﻟﻴﻪ ﺣﺘﻰ ﺍﺧﺎﺑﺮﻩ ﺑﻲ
بيج قصص عراقيه حقيقيه من واقعنا.روعه الطائي
ﻋﺮﻓﺖ ﻗﺼﺪﻩ
ﺩﺧﻠﺘﻠﻬﺎ ﺑﺲ ﺍﻟﻔﺎﻳﺒﺮ ﻭﻛﺘﻠﻬﺎ ﻣﻤﻨﻮﻉ ﺗﻠﻤﺴﻴﻨﻪ ﺑﺲ ﺍﺫﺍ ﺧﺎﺑﺮ ﺍﺑﻮﺝ
ﺍﻱ ﺗﻐﻴﺮ ﺑﺤﻴﺎﺗﻲ ﻣﺎﻛﻮ
ﻓﻘﺪﺕ ﺭﻏﺒﺘﻲ ﻟﻜﻠﺸﻲ
ﻻﺍﺣﺐ ﺍﻃﻠﻊ ﻣﻦ ﻳﻄﻠﻌﻮﻥ ﺍﻫﻠﻲ
ﻭﻻ ﺍﺣﺐ ﻣﻦ ﻳﺠﻴﻨﻪ ﺍﺣﺪ ﺍﺩﺧﻞ ﻳﻤﻬﻢ
ﺍﻫﻠﻲ ﻛﺎﻣﻮ ﻳﺮﻭﺣﻮﻥ ﺑﻴﺖ ﻋﻤﺎﻣﻲ ﻭﻋﻤﺎﺗﻲ
ﻣﺤﺪ ﻣﻦ ﻋﺪﻧﻪ ﺗﻤﺸﻲ
ﻣﺤﺒﻴﻨﻪ ﻗﺮﺑﻬﻢ
ﺑﺲ ﻭﺣﺪﻩ ﻣﻦ ﻋﻤﺎﺗﻲ ﺍﺣﺒﻬﺎ
ﻭﺣﺴﻴﺘﻬﺎ ﻣﻦ ﺻﺪﻙ ﺣﻨﻴﻨﻪ ﻋﻠﻴﻨﻪ
ﺭﻧﺎ ﺍﻟﻌﻄﻠﻪ ﻛﻠﻬﺎ ﺗﻘﺮﻩ ﺗﻜﻮﻝ ﺣﻴﻞ ﺻﻌﺐ ﺍﻟﻄﺐ
ﻭﺗﺒﺎﺭﻙ ﺍﻟﺴﻨﻪ ﺳﺎﺩﺱ
ﺭﻓﻀﺖ ﺗﺪﺧﻞ ﺧﺼﻮﺻﻲ
ﺑﺲ ﺟﺒﺮﻫﺎ ﺑﺎﺑﺎ ﺗﺪﺧﻞ ﺩﻭﺭﺍﺕ
ﺗﻄﻠﻊ ﺏ 8 ﻭﺗﺮﺟﻊ ﺏ 1 ﺑﺎﻳﺎﻡ ﺍﻟﻌﻄﻠﻪ
ﺧﻄﻴﻪ ﺗﺮﻭﺡ ﻭﺗﺮﺟﻊ ﺍﺣﻨﻪ ﻧﺎﻳﻤﻴﻦ
ﻭﻫﻲ ﻭﺭﻩ ﻣﺎﺗﺠﻲ ﺗﺴﺒﺢ ﻭﺗﻨﺎﻡ
ﺍﺟﻪ ﺑﺎﻟﻠﻴﻞ ﻋﻤﻮ ﻭﺍﺑﻨﻪ ﺍﻟﺪﻛﺘﻮﺭ ﻣﺼﻄﻔﻰ
ﺍﻧﻔﺘﺢ ﻣﻮﺿﻮﻋﻲ
ﺳﺎﻟﻨﻲ ﻣﺼﻄﻔﻰ ﺷﺮﺍﺡ ﺗﻘﺪﻣﻴﻦ
ﻛﺘﻠﻬﺎ ﻣﺎﺍﺩﺭﻱ ﺣﺎﻳﺮﻩ
ﻃﺐ ﻟﻮ ﺻﻴﺪﻟﻪ ﻟﻮ ﻃﺐ ﺍﺳﻨﺎﻥ ﻣﺎﺍﻋﺮﻑ
ﺍﺧﺬﺕ ﺭﺍﻳﻲ ﻣﺎﻣﺎ ﻭﺑﺎﺑﺎ
ﻛﻠﻮﻟﻲ ﻣﻨﺪﺧﻞ ﺑﻴﺞ
ﺷﻨﻮ ﺍﻟﻲ ﺗﺮﺩﻳﻨﻪ ﻣﻨﺠﺒﺮﺝ
ﻛﻠﻲ ﻣﺼﻄﻔﻰ ﻭﺍﻟﻠﻪ ﺍﺫﺍ ﺗﺮﺩﻳﻦ ﻧﺼﻴﺤﺘﻲ ﺭﻭﺣﻲ ﻟﻮ ﻃﺐ ﺍﺳﻨﺎﻥ ﻟﻮ ﺻﻴﺪﻟﻪ
ﺍﻟﻄﺐ ﺣﻴﻞ ﺻﻌﺐ ﻭﻳﻨﺮﺍﺩﻟﺞ ﻗﺮﺍﺀﻩ ﻟﻴﻞ ﻧﻬﺎﺭ ﻭﺳﻬﺮ
ﻭﺧﻔﺎﺭﺕ ﺑﺎﻟﻠﻴﻞ
ﻭﺍﻧﺖ ﻋﻨﺪﺝ ﻧﻈﻮﺭﻱ ﻭﻧﻮﺭ
ﻳﻨﺮﺍﺩﻟﻬﻢ ﻫﻢ ﺗﻌﺐ
ﻭﺑﺎﻟﻨﺴﺒﻪ ﺍﻟﻲ ﺍﻟﺼﻴﺪﻟﻪ ﺗﻠﻮﻙ ﻟﻠﺒﻨﻴﻪ ﺍﻛﺜﺮ
ﺍﻧﺖ ﻣﻴﻬﻤﺞ ﺍﻟﺴﻤﻌﻪ ﻭﺍﻟﻔﻠﻮﺱ
ﻻ ﺍﻛﻴﺪ ﻣﻴﻬﻤﻨﻲ
ﻭﺍﺻﻼ ﻣﻨﻮ ﻳﻜﻮﻝ ﺍﺗﻌﻴﻦ
ﺍﻫﻢ ﺷﻲ ﺷﻬﺎﺩﺗﻲ
ﻟﻌﺪ ﻟﻮﻳﺶ ﺍﺗﻌﺒﻴﻦ ﻧﻔﺴﺞ
ﺍﺭﻳﺪ ﺍﺧﺬ ﺍﻟﺸﻬﺎﺩﻩ ﻭﺑﺲ
ﻭﺍﻧﻲ ﻫﻮﺍﻱ ﻧﺼﺤﻮﻧﻲ ﺑﺎﻟﺼﻴﺪﻟﻪ
ﻭﺣﺘﻰ ﺭﻧﺎ
ﺻﺪﻙ ﻫﻲ ﻭﻳﻨﻬﺎ ﺭﻧﺎ ﺍﺷﻮ ﻣﺘﺒﻴﻦ
ﺗﻘﺮﻩ ﺧﻄﻴﻪ
ﻏﻴﺮ ﻋﻄﻠﻪ ﻟﻮﻳﺶ ﻣﺘﺮﺗﺎﺡ
ﻫﻢ ﺍﺣﺠﻲ ﻋﻠﻴﻬﺎ ﻭﻻ ﻛﺎﻧﻮ
ﺻﻴﺤﻴﻬﺎ ﺧﻞ ﺍﺣﺠﻲ ﻭﻳﺎﻫﺎ
ﺭﺣﺖ ﺻﺤﺘﻬﺎ ﻛﺎﻟﺖ ﺍﺧﺠﻞ ﻣﻨﻪ ﻭﺍﻟﻠﻪ ﻣﺎﺍﺭﻳﺪ ﺍﺩﺧﻞ
ﻛﺘﻠﻬﺎ ﻋﻴﺐ ﻣﻦ ﺍﻟﻮﻟﺪ ﺷﻮﻓﻲ ﺷﻴﺮﻳﺪ
ﻛﻮﻩ ﻗﻨﻌﺘﻬﺎ
ﺭﻧﺎ ﻫﻢ ﺣﻠﻮﻩ ﺑﺲ ﻣﻮ ﻣﺜﻠﻲ
بيج قصص عراقيه حقيقيه من واقعنا.روعه الطائي
ﺍﻧﻲ ﻭﺳﻴﻮﻓﻲ ﻧﺴﺨﺔ ﻣﺎﻣﺎ
ﺑﺲ ﺍﻟﺒﻨﺎﺕ ﻻ ﺣﻠﻮﺍﺕ ﻫﻤﻴﻦ ﺑﺲ ﻣﻮ ﻧﻔﺴﻨﻪ
ﺳﻠﻤﺖ ﻋﻠﻴﻬﻢ ﻭﻛﻌﺪﺕ ﻳﻤﻲ
ﻛﻠﻠﻬﺎ ﺷﻠﻮﻧﺞ ﺑﺎﻟﺘﺸﺮﻳﺢ
ﻛﻠﺶ ﺯﻳﻨﻪ ﻣﺎﺍﻋﺎﻧﻲ ﻣﻨﻪ
ﺍﻫﻢ ﺷﻲ ﻭﺍﺻﻌﺐ ﺷﻲ ﻫﻮ ﺍﻟﺘﺸﺮﻳﺢ
ﺍﺫﺍ ﺯﻳﻨﻪ ﺑﻲ ﻣﻴﻨﺨﺎﻑ ﻋﻠﻴﺞ
ﺍﺣﺒﻪ ﻛﻠﺶ ﻭﺗﻮﺏ ﺑﻲ ﺍﻧﻲ
ﺍﺧﺬﻱ ﺭﻗﻤﻲ ﻭﺍﻧﻄﻴﻨﻲ ﺭﻗﻤﺞ
ﺍﻱ ﺻﻌﻮﺑﻪ ﺗﻮﺍﺟﻬﺞ ﺑﺲ ﺭﺍﺳﻠﻴﻨﻲ
ﺍﻧﻲ ﺍﺩﺭﺳﺞ ﻭﺍﻓﻬﻤﺞ
ﺍﺗﺒﺎﺩﻟﻮ ﺍﻻﺭﻗﺎﻡ
ﺑﻌﺪﻫﺎ ﻛﺘﻠﻪ ﻫﻢ ﺗﻌﺮﻑ ﻛﻠﻴﺔ ﺍﻟﺼﻴﺪﻟﻪ ﺍﻻﻫﻠﻲ ﺷﻜﺪ ﻳﺎﺧﺬﻭﻥ ﺑﺎﻟﺴﻨﻪ
9 ﻣﻼﻳﻴﻦ ﺍﻟﺴﻨﻪ
ﺍﺧﺮ ﺷﻲ ﻗﺮﺭﺕ ﺍﺭﻭﺡ ﺻﻴﺪﻟﻪ
ﺍﻟﺼﻴﺪﻟﻪ ﻣﺎﺑﻲ ﺗﻌﺐ ﺑﺎﻟﻤﺴﺘﻘﺒﻞ
ﻣﻮ ﻣﺜﻞ ﺍﻟﻄﺐ
ﻋﻤﻠﻴﺎﺕ ﻭﺩﻭﺧﻪ
ﺻﺤﻴﺢ ﺟﺎﻥ ﺣﻠﻤﻲ ﺍﻟﻄﺐ
ﺑﺲ ﻫﺴﻪ ﻻ
ﺍﻫﻠﻲ ﺷﺠﻌﻮﻧﻲ ﺑﺎﻟﺼﻴﺪﻟﻪ
ﺍﺗﻔﻘﺖ ﻭﻱ ﺑﺎﺑﺎ ﻳﺮﻭﺡ ﻳﺤﺠﺰﻟﻲ ﺣﺘﻰ ﻧﺴﺎﻓﺮ ﺍﻧﻘﻞ ﺍﻭﺭﺍﻗﻲ
ﻭﺣﺘﻰ ﺭﻧﺎ ﻻﺯﻡ ﻧﻘﺪﻣﻠﻬﺎ ﻧﻘﻞ
ﻣﺼﻄﻔﻰ ﻛﺎﻝ ﺭﻧﺎ ﻋﻠﻴﻪ ﺍﻧﻲ ﺍﺧﺬﻟﻬﺎ ﺍﺳﺘﻀﺎﻓﻪ ﻣﻦ ﺍﻟﻜﻠﻴﻪ ﻭﺑﻌﺪﻳﻦ ﻧﻨﻘﻠﻬﺎ
ﺑﻌﺪﻫﺎ ﺭﺍﺡ ﺑﺎﺑﺎ ﻟﻠﺠﺎﻣﻌﻪ ﻭﺳﺎﻝ
ﻭﺣﺠﺰﻟﻲ ﻣﻘﻌﺪ
ﺟﺒﻨﻪ ﻭﺭﻗﻪ ﻗﺒﻮﻝ ﻣﻦ ﺍﻋﺪﺍﺩﻳﻪ ﻟﺘﺒﺎﺭﻙ ﻭﺭﻗﻪ ﻗﺒﻮﻝ ﻣﻦ ﺍﻟﻤﺘﻮﺳﻄﻪ ﻟﺮﻗﺎﻭﻱ
ﺑﻌﺪﻫﺎ ﺭﺣﻨﻪ ﺍﻧﻲ ﻭﺑﺎﺑﺎ ﺳﺎﻓﺮﻧﺎ
ﺑﻘﻴﺖ ﺑﺎﻟﻌﺒﺎﻳﻪ ﻭﺍﻟﺒﻮﺷﻴﻪ
ﻣﺎﺍﻋﺮﻑ ﻟﻮﻳﺶ
ﻣﺎﺍﻋﺮﻑ ﺑﻌﺪﻧﻲ ﺍﺧﺎﻑ ﻣﻦ ﺣﻴﺪﺭ ﺍﺧﺎﻑ ﻣﻴﻘﺒﻞ
ﻟﻮ ﺍﻧﻲ ﺗﻌﻮﺩﺕ ﻣﺎﺍﻋﺮﻑ
ﺑﻘﺖ ﻣﺎﻣﺎ ﺗﺤﺠﻲ ﻋﻠﻴﻪ ﺍﻧﺰﻋﻲ ﺍﻟﻌﺒﺎﻳﻪ ﻭﺍﻟﺒﻮﺷﻴﻪ
ﺑﺎﺑﺎ ﻛﺎﻝ ﻻ ﺍﻧﻲ ﺍﺷﺠﻌﻬﺎ ﻉ ﺍﻟﻌﺒﺎﻳﻪ ﺑﺲ ﺍﻟﺒﻮﺷﻴﻪ ﻻ ﻻﺯﻡ ﺗﻨﺰﻋﻴﻬﺎ
ﺣﺘﻰ ﺍﻧﺖ ﻳﺎﺍﻡ ﺳﻴﻒ ﻻﺯﻡ ﺗﻠﺒﺴﻴﻦ ﻋﺒﺎﻳﻪ
ﻻﻥ ﺳﺘﺮ ﻭﺣﻠﻮﻩ ﺑﻌﻤﺮﺝ
ﻭﺗﻌﺮﻓﻴﻦ ﺍﻧﺖ ﺍﻟﻮﺣﻴﺪﻩ ﺑﻼ ﻋﺒﺎﻳﻪ
ﻛﻠﺘﻠﻪ ﺍﻧﻲ ﻣﺎﺍﻋﺮﻑ ﺍﻟﺒﺴﻬﺎ
ﻭﺯﻳﻨﺐ ﻉ ﺭﺍﺣﺘﻬﺎ ﻣﺎﻋﻠﻴﻪ ﺑﻴﻬﺎ
ﻛﺘﻠﻬﻢ ﻣﻦ ﺍﺩﺍﻭﻡ ﺍﻧﺰﻉ ﺑﺲ ﺍﻟﺒﻮﺷﻴﻪ
ﺑﺲ ﺍﻟﻌﺒﺎﻳﻪ ﺍﺗﻌﻮﺩﺕ ﻋﻠﻴﻬﺎ
ﺭﺣﻨﻪ ﻛﻤﻠﻨﻪ ﻛﻠﺸﻲ ﺍﻟﻨﻘﻞ ﻣﺎﻟﺖ ﺍﻟﺒﻨﺎﺕ ﻭﺍﻧﻲ ﺳﺤﺒﺖ ﺍﻟﻮﺛﻴﻘﻪ
ﻛﻤﻠﻨﻪ ﻛﻠﺸﻲ ﻭﺭﺣﻨﻪ ﻟﻠﺠﺎﻣﻌﻪ ﻛﻤﻠﻨﻪ ﺍﻭﺭﺍﻕ ﺭﻧﺎ
ﺑﺎﺑﺎ ﺟﺎﻥ ﻋﻨﺪﻩ ﻫﻮﺍﻱ ﻋﺮﻑ ﻭﺳﻬﻠﻮﻧﻪ ﻛﻠﺸﻲ
بيج قصص عراقيه حقيقيه من واقعنا.روعه الطائي
ﻣﻦ ﻃﻠﻌﻨﻪ ﻣﻦ ﺍﻟﺠﺎﻣﻌﻪ
ﻟﻜﻴﺖ ﻣﻮﻻﺕ ﻛﻠﺖ ﻟﺒﺎﺑﺎ ﺧﻞ ﻧﻤﺮ ﻧﺸﻮﻑ
ﻟﻜﻴﺖ ﺟﻨﻂ ﻳﺨﺒﻠﻦ
ﺍﺧﺬﺕ ﻭﺣﺪﻩ ﻟﺮﻗﺎﻭﻱ ﻭﻭﺣﺪﻩ ﻟﻨﻮﺭ
ﻭﺟﺒﺘﻠﻬﺎ ﻣﻼﺑﺲ ﻟﻠﺪﻭﺍﻡ
ﺭﺟﻌﻨﻪ
ﻟﻠﻴﻞ ﻧﻤﺖ ﺟﻨﺖ ﺗﻌﺒﺎﻧﻪ
ﺳﻤﻌﺖ ﺟﻬﺎﺯ ﻧﻮﺭ ﻳﺪﻙ
ﺑﺲ ﻣﺎﺑﻴﻪ ﺣﻴﻞ ﺍﺻﻴﺤﻬﺎ ﻻﻥ ﺑﺎﻟﺤﺪﻳﻘﻪ
ﻋﻔﺘﻪ ﻳﺪﻙ ﻟﻤﻦ ﺳﻜﺖ
ﺍﻛﻴﺪ ﺍﺑﻮﻫﺎ
ﻟﻤﻦ ﺻﻌﺪﺕ ﻋﻠﻤﺘﻬﺎ ﺍﺩﻙ
ﺧﺎﺑﺮﺗﻪ ﻛﻠﻪ ﻣﺸﻐﻮﻝ
ﺍﻛﻴﺪ ﻭﻱ ﺣﻨﺎﻥ
ﻣﺜﻞ ﻣﺠﺎﻥ ﻳﺴﻬﺮ ﻭﻳﺎﻳﻪ
ﺍﺧﺮ ﺷﻲ ﺍﺗﺼﻞ ﻭﺣﺠﻪ ﻭﻳﺎﻫﺎ
ﻭﻱ ﻧﻈﻮﺭﻱ
ﺣﺎﻓﻀﻪ ﻛﻞ ﻣﻮﺍﻋﻴﺪﻩ ﺷﻮﻛﺖ ﻳﻨﺰﻝ ﻭﺷﻮﻛﺖ ﻳﺨﺎﺑﺮ
ﺭﺣﺖ ﻟﻠﺠﺎﻣﻌﻪ ﻭﻛﻤﻠﺖ ﺍﻻﻭﺭﺍﻕ ﻛﻠﻬﻦ ﻭﻫﻢ ﺭﺣﺖ ﺑﺎﻟﺒﻮﺷﻴﻪ 🙈🙈
ﻛﻠﺖ ﻣﻦ ﺍﺩﺍﻭﻡ ﻳﻠﻪ ﺍﻧﺰﻋﻬﺎ
ﻗﺮﺏ ﻣﻮﻋﺪ ﺍﻟﺪﻭﺍﻡ ﻟﻠﻤﺪﺍﺭﺱ
ﺑﺲ ﺍﻟﺠﺎﻣﻌﻪ ﺑﻌﺪ
ﺍﺟﻪ ﻣﻮﻋﺪ ﻧﺰﻭﻟﻪ
ﺑﺎﻟﻠﻴﻞ ﺍﺗﺼﻞ ﺑﻨﻮﺭ ﻭﻛﻠﻠﻬﺎ ﺟﻬﺰﻱ ﻧﻔﺴﺞ ﺍﻧﺖ ﻭﻧﻈﻮﺭﻱ
ﺛﺎﻧﻲ ﻳﻮﻡ ﻣﻦ ﻛﻌﺪﻭﺍ ﺳﺒﺤﺘﻬﻢ ﻭﺑﺪﻟﺘﻠﻬﻢ ﻭﻏﺪﻳﺘﻬﻢ
ﻭﻛﻠﺖ ﻟﺒﺎﺑﺎ ﻳﺨﺎﺑﺮﻩ
ﺍﻧﻄﻴﺖ ﺍﻟﺠﻨﻄﻪ ﻭﺍﻟﻤﻼﺑﺲ ﻟﻨﻮﺭ
ﺍﺧﺎﻑ ﻫﻨﺎﻙ ﺍﺩﺍﻭﻡ
ﺍﺣﺲ ﻛﻠﺒﻲ ﺭﺍﺡ ﻭﻳﺎﻫﻢ
ﺑﺲ ﻣﺘﺮﻫﻢ ﻫﻢ ﺧﻄﻴﻪ ﺍﻫﻠﻬﻢ
ﻛﻀﻴﺖ ﺍﻟﻴﻮﻡ ﻛﻠﻪ ﻧﻮﻡ
ﺣﻴﻞ ﺿﺎﻳﺠﻪ ﻣﺎﺍﺭﻫﻢ ﺑﺪﻭﻥ ﻧﻈﻮﺭﻱ
ﻟﻠﻴﻞ ﻭﻣﺎﻛﻮ
ﻛﺘﻠﻪ ﺑﺎﺑﺎ ﺣﺒﺎﺏ ﺍﺗﺼﻞ ﺑﻲ
ﻛﺎﻝ ﺑﺎﺑﺎ ﻋﻴﺐ ﺍﺗﺼﻞ ﺑﻲ
ﻫﻢ ﺧﻄﻴﻪ ﻣﻦ ﺯﻣﺎﻥ ﻣﺸﺎﻳﻔﻬﻢ
ﺧﻠﻴﻬﻢ ﺣﺘﻰ ﻳﺒﺎﺗﻮﻥ
ﻻ ﺑﺎﺑﺎ ﻭﺍﻟﻠﻪ ﻣﺎﺍﺭﻫﻢ ﺑﺪﻭﻥ ﺍﺑﻨﻲ
ﻟﻌﺪ ﻭﻫﻮ ﻫﻢ ﺧﻄﻴﻪ
ﻟﺘﺼﻴﺮﻳﻦ ﺍﻧﺎﻧﻴﻪ
ﻳﺎﺍﻟﻠﻪ ﺍﻟﻘﻠﻖ ﻛﺘﻠﻨﻲ ﺍﺧﺎﻑ ﺑﻌﺪ ﻣﻴﺮﺟﻌﻬﻢ
ﻫﺴﻪ ﻣﻨﻄﻴﻨﻲ ﺣﻀﺮ ﺟﺎﻥ ﺭﺍﺳﻠﺘﻪ
ﻭﺟﻬﺎﺯ ﻧﻮﺭ ﺍﻧﻄﻴﺘﻬﻴﺎ
ﺑﻘﻴﺖ ﺣﺎﻳﺮﻩ
ﺷﻮﻳﻪ ﻭﺍﺟﺘﻲ ﺭﻗﻴﻪ ﻛﺎﻟﺖ ﺑﺎﺑﺎ ﻳﺼﻴﺤﺞ
ﻧﺰﻟﺖ ﺍﺭﻛﺾ ﺣﺘﻰ ﻭﻛﻌﺖ ﻣﻦ ﺍﻟﺴﺮﻋﻪ 😔😔
ﻛﺎﻝ ﺷﺒﻴﺞ ﺑﺎﺑﺎ ﺑﻌﺪ ﻣﺘﺸﻮﻓﻴﻦ ﺩﺭﺑﺞ
ﻫﺎ ﺑﺎﺑﺎ ﺧﺎﺑﺮﻙ ﺣﻴﺪﺭ
ﺍﻱ ﻛﺎﻝ ﺭﺍﺡ ﺍﺑﻴﺖ ﻧﻈﻮﺭﻱ ﺭﺍﺡ ﻳﺒﻘﻲ ﻳﻤﻪ
بيج قصص عراقيه حقيقيه من واقعنا.روعه الطائي
ﻫﺬﺍ ﺍﻟﺠﻨﺖ ﺧﺎﻳﻔﻪ ﻣﻨﻪ
ﻻ ﺑﺎﺑﺎ ﻓﺪﻭﻩ ﺧﺎﺑﺮﻩ
ﻭﺍﻟﻠﻪ ﻣﺎﺍﻋﺮﻑ ﺍﻧﺎﻡ ﺑﺪﻭﻧﻪ
ﻟﺞ ﺑﺎﺑﺎ ﻫﺬﺍ ﺍﺑﻮ ﻗﺎﺑﻞ ﻏﺮﻳﺐ
ﻭﻫﺬﺍ ﺣﻘﻪ
ﻋﻴﺐ ﺍﺧﺎﺑﺮﻩ
ﻛﻤﺖ 😭😭😭😢😢😢👈
ﻟﺞ ﺑﺎﺑﺎ ﻣﺨﺒﻠﻪ ﺍﻧﺖ
ﻏﻴﺮ ﻳﻢ ﺍﻫﻠﻪ ﺭﺍﺡ ﻳﻨﺎﻡ
ﻣﺎﻋﻠﻴﻪ ﺍﺭﻳﺪ ﺍﺑﻨﻲ
ﺑﺎﺟﺮ ﺑﺲ ﻳﻜﻌﺪ ﺍﺧﻠﻲ ﻳﺠﻴﺒﻪ
ﺑﻘﻮﺍ ﻳﺤﺠﻮﻥ ﻋﻠﻴﻪ
ﺻﻌﺪﺕ ﻭﺭﻭﺣﻲ ﻃﺎﻟﻌﻪ
ﺍﺑﺠﻲ ﻳﺎﺭﺑﻲ ﻣﺎﺍﺗﺤﻤﻞ ﻳﺎﺧﺬ ﺍﺑﻨﻲ
ﺻﺎﺭﺕ ﺏ 1 ﻣﻮﻋﺪ ﻧﻮﻣﺘﻪ
ﻣﺎﺍﻋﺮﻑ ﺭﺍﺡ ﻳﺴﻜﺖ ﻟﻮ ﻳﺒﺠﻲ
ﺻﺎﺭﺕ ﺏ 2 ﺑﻌﺪ ﻣﺘﺤﻤﻠﺖ
ﺟﺒﺖ ﻣﻮﺑﺎﻳﻞ ﺭﻗﺎﻭﻱ
ﺭﺍﺳﻠﺘﻪ
ﺍﻟﻮﻭﻭ
ﻳﻘﺮﻩ ﻭﻣﺎﻛﻮ ﺟﻮﺍﺏ
ﺍﻟﻠﻪ ﻳﺨﻠﻴﻚ ﺑﺲ ﻃﻤﻨﻲ ﻉ ﻧﻈﻮﺭﻱ
ﻫﻢ ﻣﺎﻛﻮ ﺟﻮﺍﺏ
ﻟﻮﻳﺶ ﻫﻴﺞ ﺗﺴﻮﻱ ﺑﻴﻪ
ﻳﻄﻠﻊ ﻣﺮﺋﻲ
ﻛﺎﻡ ﺩﻣﻲ ﻳﻔﻮﺭ
ﻣﻦ ﻳﻮﻡ ﺍﻟﻌﺮﻓﺘﻚ ﺑﻲ ﻟﻠﻴﻮﻡ ﺍﻧﺖ ﺍﻧﺎﻧﻲ
ﻣﻴﻬﻤﻚ ﺷﻌﻮﺭ ﺍﻻﺧﺮﻳﻦ
ﺍﻫﻢ ﺷﻲ ﻣﺼﻠﺤﺘﻚ ﻓﻮﻙ ﻛﻠﺸﻲ
ﺩﺯﻟﻲ
ﻫﺎﻱ ﺷﻠﻮﻥ ﻭﺭﻃﻪ ﻭﻳﺎﺝ ﻳﺎﺑﻨﺖ ﺍﻟﻌﺎﻟﻢ
ﻣﻮ ﻋﻴﺐ ﻋﻠﻴﺞ ﺗﺮﺍﺳﻠﻴﻦ ﻧﺺ ﺍﻟﻠﻴﻞ
ﺷﻠﻮﻥ ﺍﺟﻲ ﻻﺑﻮﺝ ﺍﺣﺠﻲ ﻭﻳﺎ
ﺍﻧﻄﻴﺘﺞ ﺣﻀﺮ ﻭﻣﻔﺎﺩ ﺑﻴﺞ
ﺍﻟﻈﺎﻫﺮ ﺍﻧﺖ ﻣﺘﻌﻮﺩﻩ ﻉ ﻫﺬﺍ ﺍﻟﺸﻲ
ﻣﺘﺮﻫﻤﻴﻦ ﺑﺪﻭﻧﻲ ﺍﻛﻴﺪ ﻣﺘﻨﺪﻣﻪ ﻉ ﻓﺮﺍﻛﻲ
ﺩﺯﻳﺘﻠﻪ 😠😠😤😤😡😡😲😲
ﺍﻛﻴﺪ ﺍﻧﺖ ﺩﺗﺤﻠﻢ ﻟﻮ ﻣﺮﺗﻔﻌﻪ ﺣﺮﺍﺭﺗﻚ ﻭﻛﺎﻋﺪ ﺗﻬﺬﻱ
ﺭﻭﺣﻲ ﺑﺎﺑﺎ ﺭﻭﺣﻲ ﻣﻔﺎﺭﻏﻠﺞ
ﺣﻨﺎﻥ ﻣﻨﺘﻈﺮﺗﻨﻲ ﻧﺮﻳﺪ 💏
ﻟﻌﺪ ﺍﻧﻲ ﺷﻌﻠﻴﻪ ﺑﻴﻚ ﻻﺯﻣﺘﻚ ﻣﺘﺮﻭﺡ ﻳﻤﻬﺎ
ﻳﻠﻪ ﻟﺘﺰﻋﺠﻴﻨﻲ ﺑﻌﺪ
ﺍﻭﻛﻒ ﻟﺤﻀﻪ ﻭﺣﺪﻩ
ﻛﺎﻋﺪ ﻣﺎﺑﻴﻪ ﺣﻴﻞ ﺍﻭﻛﻒ
ﻋﻔﻴﻪ ﺑﺲ ﻃﻤﻨﻲ ﻉ ﻧﻈﻮﺭﻱ
ﺍﻟﻠﻪ ﻳﺨﻠﻴﻚ ﻭﺍﻟﻠﻪ ﻛﻠﺒﻲ ﻧﺎﺭ
ﺍﻟﻴﺴﻤﻌﺞ ﻳﻜﻮﻝ ﻣﺨﻠﻴﺘﻪ ﺑﻴﺪ ﺍﻟﺪﻭﺍﻋﺶ
ﺑﺎﺑﺎ ﺍﺣﻨﻪ ﺍﻫﻠﻪ ﻭﺍﺣﻖ ﺑﻲ ﻣﻨﺞ
ﻣﻮ ﺗﺮﺩﻱ ﺑﺲ ﺍﻟﺞ
ﺍﺣﺴﺒﻲ ﺣﺴﺎﺑﺞ
بيج قصص عراقيه حقيقيه من واقعنا.روعه الطائي
ﺍﻻﻳﺎﻡ ﺍﻝ 10 ﻳﺒﻘﻪ ﻳﻤﻲ
ﻭﻋﻮﺩ ﻣﻦ ﺍﻟﺘﺤﻖ ﺍﺩﺯﻩ ﺍﻟﺞ
ﻻ ﻋﻔﻴﻪ ﻟﺘﺴﻮﻱ ﻫﻴﺞ ﺑﻴﻪ
ﻣﺎﺍﺗﺤﻤﻞ ﻭﺍﻟﻠﻪ
ﻟﻌﺪ ﺍﺣﻨﻪ ﻭﺣﺪ ﻧﺘﺤﻤﻞ
ﻫﻢ ﺧﻄﻴﻪ ﺟﺪﻩ ﻭﺑﻴﺒﺘﻪ ﻭﻋﻤﺎﻣﻪ
ﻭﺍﻧﻲ ﻫﻤﻴﻦ ﺣﻴﻞ ﺍﺷﺘﺎﻗﻠﻪ ﻣﻔﺎﺭﻛﻪ 20 ﻳﻮﻡ
ﻋﻔﻴﻪ ﺍﺩﺭﻱ ﺑﻴﻚ ﻉ ﻋﻨﺎﺩﻱ ﺗﺮﻳﺪ ﺗﺎﺫﻳﻨﻲ
ﺑﺲ ﻭﺍﻟﻠﻪ ﻣﺎﺍﺗﺤﻤﻞ ﻓﺮﺍﻛﻪ
ﻣﻮ ﻣﺸﻜﻠﺘﻲ
ﻭﻳﻠﻪ ﺑﻌﺪ ﻟﺘﺰﻋﺠﻴﻨﻲ
ﻻ ﻭﺍﻟﻨﺒﻲ ﺍﺟﻲ ﻻﺑﻮﺝ ﻭﺍﺧﻠﻲ ﻳﺮﺑﻴﺞ ﻣﻦ ﺟﺪﻳﺪ
ﺍﺳﺘﺤﻲ ﻉ ﺭﻭﺣﺞ ﺑﻌﺪ ﻟﺘﺰﻋﺠﻴﻨﻲ ﺑﺎﻟﻠﻴﻞ
ﺣﻴﻞ ﺿﻮﺟﻨﻲ ﺑﺎﻟﺤﺠﻲ
ﺍﻧﻲ ﻣﺮﺑﺎﻳﻪ ﺍﺣﺴﻦ ﺗﺮﺑﻴﻪ ﻭﺗﺪﺭﻱ ﺑﻴﻪ ﻟﻮ ﻣﺎ ﺍﺑﻨﻲ
ﺟﺎﻥ ﺗﺤﻠﻢ ﺗﺴﻤﻊ ﺻﻮﺗﻲ ﻟﻮ ﺗﺸﻮﻑ ﺭﺳﺎﻟﻪ ﻣﻨﻲ
ﺩﺯﻟﻲ ﺍﻱ ﻭﺍﺿﺢ ﻛﻠﺶ 😏😏😏
ﺩﺯﻳﺘﻠﻪ 😔😔😔 ﻭﺍﻟﻠﻪ ﻉ ﻣﻮﺩ ﺍﺑﻨﻲ
ﺩﺯﻟﻲ ﺭﺍﺡ ﺍﺿﻄﺮ ﺍﺣﻀﺮ ﺍﻫﻠﺞ ﻛﻠﻬﻢ ﺑﺲ ﻣﻦ ﻭﺭﺍﺝ
ﻣﺎﻛﻮ ﺩﺍﻋﻲ ﻭﻋﺪ ﻣﻨﻲ ﺗﺤﻠﻢ ﺑﻌﺪ ﺍﺭﺍﺳﻠﻚ ﻟﻮ ﺷﻴﺼﻴﺮ
ﺧﻞ ﻧﺸﻮﻑ ﺷﻜﺪ ﺗﺼﺒﺮﻳﻦ ﺑﺪﻭﻧﻲ 😜
ﻳﻠﻪ ﺍﻫﻢ ﺷﻲ ﺍﺧﻠﺺ ﻣﻨﺞ ﻻﻥ ﺣﺒﻴﺒﺘﻲ ﻣﻨﺘﻈﺮﺗﻨﻲ
ﻣﻦ ﺻﺪﻙ ﺣﻴﻞ ﺟﺮﺣﻨﻲ
ﺩﺯﻳﺘﻠﻪ ﻓﻴﺪﻳﻮ ﻧﻮﺭ ﺍﻟﺰﻳﻦ ﺻﻮﺗﻲ ﺑﻌﺪ ﻣﺘﺴﻤﻌﻪ 👇
ﻧﻮﺭ ﺍﻟﺰﻳﻦ ﺻﻮﺗﻲ ﺑﻌﺪ ﻣﺘﺴﻤﻌﻪ
ﺧﻞ ﻳﻮﻟﻲ ﺑﻌﺪ ﻟﻮ ﺷﻴﺼﻴﺮ ﺍﻟﻪ ﻣﺎﺍﺭﺍﺳﻠﻪ
ﺩﺯﻟﻲ ﺧﻞ ﻧﺸﻮﻑ ﻳﺎﺑﻪ ﺗﺼﺒﺮﻳﻦ ﻟﻮ ﻻ
ﺑﻘﻴﺖ ﻉ ﻧﺎﺭ ﻟﺜﺎﻧﻲ ﻳﻮﻡ
ﻫﻢ ﻣﺎﺟﺎﺑﻬﻢ
ﻛﻠﺖ ﻟﺒﺎﺑﺎ ﺧﺎﺑﺮﻩ
ﻣﻘﺒﻞ ﻟﺞ ﺑﺎﺑﺎ ﺧﻄﻴﻪ ﺧﻠﻲ ﻳﻢ ﺍﺑﻮ
ﺑﺲ ﻳﺒﺠﻲ ﻋﻠﻴﺞ ﺍﻛﻴﺪ ﺭﺍﺡ ﻳﺠﻴﺒﻪ ﺍﻟﺞ
ﺑﻘﺎﻩ ﻳﻤﻪ 5 ﺍﻳﺎﻡ
ﻛﻮﻩ ﺻﺒﺮﺕ ﻭﺍﻟﻠﻪ ﻉ ﺍﻋﺼﺎﺑﻲ
ﻻ ﺍﻛﻠﻲ ﻣﺜﻞ ﺍﻟﻌﺎﻟﻢ ﻭﻻ ﻧﻮﻣﻲ ﻣﺜﻠﻬﻢ
ﻋﺸﺖ ﺑﻐﻴﺮ ﻋﺎﻟﻢ
ﺩﺧﻮﻋﻲ ﺗﺠﺮﻱ ﻟﻴﻞ ﻧﻬﺎﺭ
ﻇﻐﻄﺖ ﻉ ﻧﻔﺴﻲ ﻭﻣﺮﺍﺳﻠﺘﻪ ﻭﻻ ﺳﺎﻟﺖ ﻋﻨﻪ
ﺟﺎﺑﻠﻲ ﺑﺎﺑﺎ ﻧﻈﻮﺭﻱ ﻭﺷﺒﻜﺘﻪ ﻭﻛﻤﺖ ﺍﺑﺠﻲ
ﺷﻠﻮﻥ ﺍﻧﻄﺎﻙ ﻛﻠﺒﻚ ﺗﻌﻮﻓﻨﻲ ﻫﺎﻛﺪ
ﻣﻌﻘﻮﻟﻪ ﻣﺒﺠﻴﺖ ﻋﻠﻴﻪ ﻣﻜﺘﻠﻪ ﻻﺑﻮﻙ ﻭﺩﻳﻨﻲ ﻟﻤﺎﻣﺎ
ﺍﻧﻲ ﺍﺷﺘﺎﻗﻴﺘﻠﺞ
بيج قصص عراقيه حقيقيه من واقعنا.روعه الطائي
ﺑﺎﺳﻨﻲ ﺧﻄﻴﻪ
ﺍﻧﻲ ﺍﺩﺭﻱ ﺑﻘﺮﺍﺭﻱ ﺟﺎﻥ ﺻﻌﺐ
ﻭﺍﻛﻴﺪ ﺭﺍﺡ ﺍﺩﻣﺮ ﺍﺑﻨﻲ
ﺣﻴﻞ ﻣﺘﻌﻠﻖ ﺑﺤﻴﺪﺭ
ﻭﺣﻴﺪﺭ ﻫﻤﻴﻦ ﻳﺤﺒﻪ ﺣﻴﻞ ﻭﺣﺎﺳﺒﻪ ﺍﺑﻨﻪ
ﺑﺲ ﺷﺎﺳﻮﻱ ﻻﺯﻡ ﺍﺷﻮﻑ ﻣﺴﺘﻘﺒﻠﻲ
ﺍﻧﻄﻴﺖ ﻟﺒﺎﺑﺎ 9 ﻣﻼﻳﻴﻦ ﺍﻟﻲ ﺍﻧﻄﺎﻧﻴﺎﻫﻦ ﺣﻴﺪﺭ
ﻛﺘﻠﻪ ﻫﺬﻧﻲ ﻗﺼﺪ ﺍﻟﺠﺎﻣﻌﻪ
ﻭﺍﻟﺴﻨﻪ ﺍﻟﺘﺠﻲ ﻳﺤﻠﻬﺎ ﺍﻟﺤﻼﻝ
ﻟﺞ ﺑﺎﺑﺎ ﺍﻧﻲ ﺑﻌﺪﻧﻲ ﺑﺎﻟﻮﺟﻮﺩ ﻟﺘﺸﻴﻠﻴﻦ ﻫﻢ ﺍﺑﺪ
ﻓﻠﻮﺳﺞ ﺫﻧﻲ ﺍﻟﺞ ﻣﻦ ﺣﻘﺞ
ﻭﺍﻧﻲ ﺍﺩﻓﻊ ﺍﻟﻘﺼﺪ
ﻻﻥ ﺍﻟﻮﺭﺙ ﺍﻟﻲ ﺍﺟﺎﻧﻲ ﺭﺣﻤﻪ
ﻋﻮﺩ ﻣﻦ ﺍﺣﺘﺎﺝ ﺍﻛﻠﺞ
ﺑﺴﺘﻪ ﺑﺮﺍﺳﻪ ﺍﻟﻠﻪ ﻳﺨﻠﻴﻚ ﺍﻟﻨﻪ ﺑﺎﺑﺎ
ﺑﺲ ﻭﺍﻟﻠﻪ ﻣﺎﺍﺣﺘﺎﺟﻬﻦ
ﺑﺎﺑﺎ ﺭﺍﺡ ﺍﺧﺬﻟﺞ ﺳﻴﺎﺭﻩ ﺑﻴﻬﻦ
ﺍﻧﺖ ﺗﻌﺮﻓﻴﻦ ﺗﺴﻮﻗﻴﻦ
ﻭﺭﺍﺡ ﺗﺎﺧﺬﻳﻦ ﺍﺧﻮﺍﺗﺞ ﺍﻟﺼﺒﺢ ﺑﻄﺮﻳﻘﺞ
ﻭﺍﻟﺮﺟﻌﻪ ﺍﺷﻮﻑ ﺷﻠﻮﻥ
ﻭﺭﻧﺎ ﺗﺮﺟﻊ ﻭﻳﺎﺝ
ﻛﻠﺘﻠﻪ ﺣﺒﻴﺖ ﻓﻜﺮﻩ
ﺧﺎﺑﺮ ﻣﺼﻄﻔﻰ ﺍﺑﻦ ﻋﻤﻮ ﻭﻛﻠﻔﻪ ﻉ ﺍﻟﺴﻴﺎﺭﻩ
ﻭﺭﻩ ﻓﺘﺮﻩ ﻛﺎﻝ ﺣﺼﻠﺖ ﻭﺣﺪﻩ ﺍﻟﻨﺘﺮﺍ ﺣﺪﻳﺜﻪ
ﻛﺎﻝ ﺻﺤﻴﺢ ﻣﻮ ﻧﺴﺎﺋﻴﻪ ﺑﺲ ﺣﻠﻮﻩ ﻭﻗﻮﻳﻪ
ﻭﻣﻀﻤﻮﻧﻪ ﻣﻦ ﺍﺧﻮ ﺻﺪﻳﻘﻲ
ﺍﺑﺪ ﻣﻤﺼﻠﺤﻪ ﻭﻧﻈﻴﻔﻪ
ﻛﻠﻪ ﺑﺎﺑﺎ ﻫﺎﻱ ﻫﻲ ﺍﺫﺍ ﻋﺠﺒﺘﻚ
ﻛﺘﻠﻪ ﺑﺎﺑﺎ ﻭﺍﻟﺴﻌﺮ
ﻛﺎﻝ ﻣﺎﻋﻠﻴﺞ ﺍﻧﺖ
ﺍﻧﻄﻴﻨﻪ ﺍﻟﻌﺸﺮﻩ ﻭﺑﻌﺪ ﻣﻌﻠﻴﺞ
ﺍﺩﺭﻱ ﻏﺎﻟﻴﻪ ﺑﺲ ﻣﺎﺍﻋﺮﻑ ﺷﻜﺪ ﺭﺍﺡ ﻳﻨﻄﻲ ﻓﻮﻛﺎﻫﻦ
ﺛﺎﻧﻲ ﻳﻮﻡ ﺭﺣﻨﻪ ﺍﺗﻜﺎﺗﺒﻨﻪ
ﺑﺎﺑﺎ ﻣﻘﺒﻞ ﺍﻟﻪ ﺗﺴﺠﻞ ﺑﺎﺳﻤﻲ
ﺭﺍﺩﻭﺍ ﻳﺪﺧﻠﻮﻧﻲ ﺩﻭﺭﻩ
ﻛﺘﻠﻬﻢ ﻣﻴﺤﺘﺎﺝ ﺍﻧﻲ ﻇﺎﺑﻄﺘﻬﺎ ﻟﻠﺴﻴﺎﻗﻪ
ﻭﻫﻢ ﺭﺍﺡ ﺍﺩﺧﻞ ﻉ ﺍﻟﻨﺖ ﻭﺍﺗﻌﻠﻢ
ﺍﻟﺴﻴﺎﺭﻩ ﺭﻗﻤﻬﺎ ﺍﺭﺑﻴﻞ
ﺍﻧﻄﻴﻨﻪ ﻟﻤﻌﻘﺐ ﻓﻠﻮﺱ ﻭﺍﻟﻤﺴﺘﻤﺴﻜﺎﺕ ﻭﻛﻤﻞ ﺍﻟﻮﻛﺎﻟﻪ
ﺧﻼﻝ ﻳﻮﻣﻴﻦ ﺿﺒﻄﺘﻬﺎ ﻟﻠﺴﻴﺎﻗﻪ
ﻋﻠﻤﻨﻪ ﺭﻧﺎ ﻭﻳﺎﻧﻪ ﺣﺘﻰ ﺗﺴﺘﻌﻤﻠﻬﺎ ﻭﻳﺎﻳﻪ
ﻫﻲ ﺩﻭﺍﻣﻬﺎ ﻗﺒﻠﻲ
ﻓﻌﻼ ﻋﻠﻤﻬﺎ ﻣﺼﻄﻔﻰ ﻭﺿﺒﻄﺘﻬﺎ
ﺩﺍﻭﻣﺖ ﺑﻴﻬﺎ ﻭﺟﺎﻧﺖ ﻓﺮﺣﺎﻧﻪ
ﻛﺎﻝ ﺑﺎﺑﺎ ﻫﻢ ﺍﺧﺬﻟﻬﺎ ﻭﺣﺪﻩ
ﻧﻮﺭ ﺩﺍﺋﻤﺎ ﺍﺧﺎﺑﺮﻫﺎ ﻉ ﺭﻗﻤﻬﺎ
ﻭﺩﻭﻣﻬﺎ ﺗﺒﺠﻲ ﺧﻄﻴﻪ
ﻣﺎﺑﻴﺪﻱ ﺷﻲ ﻋﻠﻴﻬﺎ
ﻳﺠﻴﺒﻮﻫﺎ ﺍﻟﻴﻪ ﺧﻤﻴﺲ ﻭﺟﻤﻌﻪ ﻭﺳﺒﺖ
ﺍﺳﺒﺤﻬﺎ ﻭﺍﻣﺸﻂ ﺍﻟﻬﺎ
ﻭﺍﻗﺮﻳﻬﺎ ﻭﺍﻛﺘﺒﻬﺎ
ﻧﺰﻝ ﺣﻴﺪﺭ ﻭﻣﺜﻞ ﻛﻞ ﻣﺮﻩ ﺛﺎﻧﻲ ﻳﻮﻡ ﺍﺧﺬ ﻧﻈﻮﺭﻱ
ﺍﺑﺪ ﺑﻌﺪ ﻻ ﺍﺧﺎﺑﺮﻩ ﻭﻻ ﺍﺭﺍﺳﻠﻪ
ﻫﺎﻟﻤﺮﻩ 3 ﺍﻳﺎﻡ ﻭﺭﺟﻌﻪ
ﺑﺪﻩ ﺩﻭﺍﻣﻲ ﻭﺩﺍﻭﻣﺖ ﻭﺟﺎﻥ ﺍﺫﺏ ﺍﻟﺒﻮﺷﻴﻪ ﺍﻭﻝ ﻣﺮﻩ
ﺍﺣﺲ ﺍﻟﻌﺎﻟﻢ ﻛﻠﻬﺎ ﺗﺒﺎﻭﻉ ﻋﻠﻴﻪ
ﻣﺎﺍﻋﺮﻑ ﻻﻥ ﻣﻦ ﺯﻣﺎﻥ ﻣﻄﺎﻟﻌﻪ ﻫﻴﺞ ﻭﻳﺘﻮﻫﻤﻠﻲ
ﻣﺎﺍﻋﺮﻑ ﺻﺪﻙ ﻛﻠﻬﺎ ﺗﺒﺎﻭﻋﻠﻲ
ﺍﻭﻝ ﻳﻮﻡ ﺟﺎﻥ ﺻﻌﺐ ﻋﻠﻴﻪ
ﺍﺟﻪ ﻋﻠﻴﻨﻪ ﻣﺼﻄﻔﻰ
ﻫﻮ ﻳﻤﺸﻲ ﻭﺍﻧﻲ ﻭﺭﺍ ﻻﻥ ﻣﺎﺍﻧﺪﻝ
ﻭﺻﻠﺖ ﺭﻧﺎ ﻟﻠﻜﻠﻴﻪ ﻭﺭﺟﻌﺖ ﺍﻧﻲ
ﺍﺑﺪ ﻣﺤﺠﻴﺖ ﻭﻻ ﻭﺍﻱ ﻭﺣﺪﻩ
ﻻ ﺑﻨﻴﻪ ﻭﻻ ﻭﻟﺪ
ﻗﺮﺭﺕ ﻣﺎﺍﻟﻲ ﻋﻼﻗﻪ ﺑﺎﻱ ﺑﺸﺮ
ﻧﻈﻮﺭﻱ ﺑﻘﻴﺘﻪ ﻳﻢ ﻣﺎﻣﺎ
ﻭﻛﻞ ﺷﻮﻳﻪ ﺍﺗﺼﻞ ﺑﻴﻬﺎ
ﻭﺭﻩ 3 ﺍﻳﺎﻡ ﻫﻢ ﺍﺟﻪ ﻉ ﻧﻈﻮﺭﻱ
ﺍﺧﺬﻩ ﻭﺭﺟﻌﻪ ﻗﺒﻞ ﻳﻮﻡ
ﺩﺍﺯ ﻭﻳﺎ 250 ﻭﺍﺷﻜﺎﻝ ﺣﻠﻮﻳﺎﺕ
ﻟﻜﻴﺖ ﻛﺎﺗﺐ ﺑﺎﻟﻔﻠﻮﺱ
ﺍﻟﻒ ﻣﺒﺮﻭﻙ ﺍﻟﺪﻭﺍﻡ
ﺑﺪﻳﺖ ﺍﺗﻌﻮﺩ ﻉ ﺣﻴﺎﺗﻲ ﺍﻟﺠﺪﻳﺪﻩ
ﻭﻉ ﺩﻭﺍﻣﻲ
ﻟﺒﺴﺖ ﺍﻟﺤﻠﻘﻪ ﺑﺎﻳﺪﻱ
ﺣﺘﻰ ﺍﺑﻴﻦ ﺍﻧﻲ ﻣﺘﺰﻭﺟﻪ
ﺍﻟﻜﻞ ﻋﺮﻓﻨﻲ ﺍﻧﻲ ﻣﺘﺰﻭﺟﻪ
بيج قصص عراقيه حقيقيه من واقعنا.روعه الطائي
ﻭﺟﺎﻧﻮﺍ ﻳﺴﻤﻮﻧﻲ ﺍﻟﻤﻌﻘﺪﻩ
ﺍﻟﺼﺮﺍﺣﻪ ﻣﺬﺑﻴﺖ ﻋﺒﺎﺗﻲ ﺑﺎﻟﺠﺎﻣﻌﻪ ﻭﻻ ﺑﺎﻟﻤﺤﺎﺿﺮﻩ ﺍﺑﺪ
ﺍﺣﺲ ﺑﻨﻔﺴﻲ ﻋﺒﺎﻟﻚ ﻣﻼﺑﺴﻪ ﺷﻲ ﻣﻦ ﺍﻧﺰﻋﻬﺎ
ﺍﺗﻌﻮﺩﺕ ﻋﻠﻴﻬﺎ
ﻫﻮﺍﻱ ﻟﺤﻮﺍ ﻋﻠﻴﻪ ﺍﻫﻠﻲ ﻭﻣﺼﻄﻔﻰ
ﻛﺘﻠﻬﻢ ﻋﻮﻓﻮﻧﻲ ﻉ ﺭﺍﺣﺘﻲ
ﻛﻤﺖ ﺍﺭﻭﺡ ﺑﻄﺮﻳﻘﻲ ﻭﺍﺭﺟﻊ ﺑﻄﺮﻳﻘﻲ
ﺍﻧﺪﻟﻴﺖ ﺍﻟﻄﺮﻳﻖ ﻭﺿﺒﻄﺖ ﺍﻟﺴﻴﺎﻗﻪ
ﺭﻧﺎ ﻛﻠﺘﻠﻲ ﻣﺼﻄﻔﻰ ﻓﺎﺗﺤﻨﻲ ﺑﺎﻟﻤﻮﺿﻮﻉ ﻭﻳﺮﻳﺪ ﻳﺨﻄﺒﻨﻲ
ﻛﺘﻠﻬﺎ ﻣﺼﻄﻔﻰ ﺣﺒﺎﺏ ﻭﻣﺆﺩﺏ ﻭﺧﻠﻮﻕ
ﻛﺎﻟﺖ ﺍﻧﻲ ﻣﺘﺮﺩﺩﻩ ﻻﺳﺒﺎﺏ ﻫﻮﺍﻱ
ﺍﻧﻲ ﺑﻌﺪﻧﻲ ﻻﺯﻡ ﺍﻛﻤﻞ ﺩﺭﺍﺳﺘﻲ
ﻭﻣﺎﺍﺣﺐ ﺍﻛﻌﺪ ﻭﻱ ﺑﻴﺖ ﻋﻤﻮ
ﺷﻨﻮ ﺍﻟﺴﺒﺐ
ﻣﺎﺍﺣﺐ ﺍﻟﻤﺸﺎﻛﻞ
ﺍﺭﻳﺪ ﺍﻋﻴﺶ ﺑﻮﺣﺪﻱ
ﺍﻱ ﻋﺎﺩﻱ ﺍﺷﺮﻃﻲ ﻋﻠﻲ ﻫﺎﻱ ﺍﻟﺸﺮﻭﻁ
ﻭﺷﻮﻓﻲ ﺷﻴﻜﻠﺞ
ﻛﺎﻟﺖ ﺍﺧﺠﻞ ﻣﻨﻪ
ﺯﻳﻦ ﺍﻧﺖ ﻣﻮﺍﻓﻘﻪ ﻋﻠﻲ
ﻟﻮ ﻻ
ﻣﺎﺍﻋﺮﻑ ﺷﻌﻮﺭﻱ ﺍﺗﺠﺎﻫﺎ ﺍﺑﺪ
ﻳﻌﻨﻲ ﺷﻠﻮﻥ
ﻳﻌﻨﻲ ﺍﻓﺮﺡ ﻣﻦ ﺍﺷﻮﻓﻪ ﻛﺒﺎﻟﻲ
ﻭﺍﻏﺎﺭ ﺍﺫﺍ ﺣﺠﺖ ﻭﻳﺎ ﻭﺣﺪﻩ
ﻟﻌﺪ ﺣﺒﻴﺒﺘﻲ ﺍﻧﺖ ﺣﺎﺑﺘﻪ ﻟﻤﺼﻄﻔﻰ
ﻭﻫﻮ ﻫﻤﻴﻦ ﻓﺎﺿﺤﺘﻪ ﻋﻴﻮﻧﻪ
ﺻﺎﺭﺣﻲ ﻣﻦ ﺍﻟﺒﺪﺍﻳﻪ ﻉ ﺷﺮﻭﻃﺞ ﺍﺣﺴﻦ
ﻛﺎﻟﺖ ﺍﺷﻮﻑ ﺍﺭﻳﺪ ﺍﻓﻜﺮ ﻗﺒﻞ ﻻ ﺍﻧﻄﻲ ﺣﺠﺎﻳﻪ
ﺣﻴﺪﺭ : ﺍﺣﺲ ﺍﻟﺒﻴﺖ ﻓﺎﺭﻍ ﺑﺪﻭﻧﻬﺎ
ﺑﺲ ﺍﻟﻬﻮﻥ ﻋﻠﻴﻪ ﻭﺟﻮﺩ ﻧﻈﻮﺭﻱ
ﺣﻴﻞ ﺍﺗﻌﻠﻘﺖ ﺑﻲ ﻭﺣﺒﻴﺘﻪ ﺍﻛﺜﺮ ﻣﻦ ﻧﻮﺭ
ﻫﺎﻟﻤﺮﻩ ﻗﺮﺭﺕ ﺍﺑﻘﻲ ﻳﻤﻲ ﺧﻞ ﺍﺷﺒﻊ ﻣﻨﻪ
ﻭﻫﻢ ﺍﻫﻠﻲ ﺧﻄﻴﻪ ﺣﻴﻞ ﻳﺤﺒﻮﻧﻪ ﻻﻥ ﻣﻦ ﺭﻳﺤﺔ ﺍﻟﻤﺮﺣﻮﻡ
ﻭﻛﻠﺖ ﺧﻞ ﻳﻨﺸﻠﻊ ﻛﻠﺒﻬﺎ
ﺑﻠﻜﻲ ﺗﺤﺲ ﺑﺬﻧﺐ ﻉ ﺍﻟﺴﻮﺗﻪ
ﺍﺩﺭﻱ ﺑﻴﻬﺎ ﻣﺘﻌﻠﻘﻪ ﺑﻲ ﻛﻠﺶ
ﻧﻮﺭ ﻣﺪﻣﺮﺗﻬﻢ ﺩﻣﺎﺭ
بيج قصص عراقيه حقيقيه من واقعنا.روعه الطائي
ﺗﺒﺠﻲ ﻉ ﺯﻳﻨﺐ ﻭﻧﻈﻮﺭﻱ
ﺍﻧﻲ ﻛﺘﻠﻬﻢ ﺧﻠﻲ ﺗﺮﻭﺡ ﻛﻞ ﺧﻤﻴﺲ ﻭﺟﻤﻌﻪ ﻭﺳﺒﺖ
ﺑﺲ ﻣﻦ ﺍﺟﻴﺖ ﻣﺨﻠﻴﺘﻬﺎ
ﻃﻠﻌﺘﻬﻢ ﻭﺍﺷﺘﺮﻳﺘﻠﻬﻢ ﻭﻳﺮﺩﻭﻥ ﻣﻮﻃﻪ ﺍﺧﺬﺗﻠﻬﻢ
ﺳﺎﻟﻮﻧﻲ ﺍﻫﻠﻲ ﺷﻮﻛﺖ ﺗﺮﺟﻌﻪ
ﻛﺘﻠﻬﻢ ﺭﺍﺡ ﻳﺒﻘﻰ
ﻭﺍﻣﻪ
ﻋﺪﻫﺎ ﻋﻠﻢ
ﺑﻌﺪﻫﺎ ﻛﺎﻟﺖ ﺍﻣﻲ ﺧﻠﻴﻬﻢ ﻳﻨﺎﻣﻮﻥ ﻳﻤﻲ
ﻭﺍﻧﺖ ﺍﺧﺬ ﺭﺍﺣﺘﻚ
ﻛﺘﻠﻬﺎ ﻻ ﻳﻮﻡ ﺍﺭﻳﺪ ﺍﺷﺒﻊ ﻣﻨﻬﻢ
ﺣﻴﻞ ﻣﺸﺘﺎﻗﻠﻬﻢ
ﻛﻠﺖ ﻟﺤﻨﺎﻥ ﺍﻓﺮﺷﻴﻨﺎ ﺑﺎﻟﻐﺮﻓﻪ ﺍﻟﺜﺎﻧﻴﻪ
ﻧﺮﻳﺪ ﺍﻧﺎﻡ ﺑﺎﻟﻜﺎﻉ
ﺧﻠﻴﺘﻬﻢ ﻭﺍﺣﺪ ﻣﻨﺎ ﻭﻭﺍﺣﺪ ﻣﻨﺎ
ﺍﻓﻜﺮ ﻭﺍﻛﻮﻝ ﻫﺴﻪ ﺷﺼﺎﺭ ﻟﻮ ﻣﻤﻌﺎﻧﺪﻩ
ﺟﺎﻥ ﺍﺳﻌﺪ ﻋﺎﺋﻠﻪ ﺍﺣﻨﻪ
ﻭﺍﻟﻠﻪ ﺟﺎﻥ ﺧﻠﻴﺘﻬﺎ ﺗﻜﻤﻞ
ﺑﺲ ﺩﻣﺮﺗﻨﻪ ﺩﻣﺎﺭ ﺑﻌﻨﺎﺩﻫﺎ
ﻧﻈﻮﺭﻱ ﻣﺎﺫﻛﺮﻫﺎ ﺍﺑﺪ
ﺣﻴﻞ ﻣﺘﻌﻠﻖ ﺑﻴﻪ
ﻧﻴﻤﺘﻬﻢ ﻭﺍﺑﺎﻭﻉ ﺍﻟﻤﻮﺑﺎﻳﻞ
ﺍﻛﻮﻝ ﺷﻌﺠﺐ ﺍﺗﺤﻤﻠﺖ ﻭﻣﺎﺧﺎﺑﺮﺕ ﻭﻻ ﺭﺍﺳﻠﺖ
ﺑﻌﺪﻳﻦ ﺍﺗﺬﻛﺮﺕ ﻣﻨﻄﻴﻬﺎ ﺣﻀﺮ
ﻭﺭﻩ ﻓﺘﺮﻩ ﻭﺟﺎﻥ ﺗﺠﻲ ﺭﺳﺎﺋﻞ ﻣﻨﻬﺎ
ﺍﺗﻌﻤﺪﺕ ﺍﻗﺮﻩ ﻭﻣﺎﺍﺟﺎﻭﺏ
ﺧﻠﻴﻬﺎ ﺗﺤﺲ ﺑﻠﻲ ﺍﺣﺴﻪ ﻣﻦ ﺍﻓﺎﺭﻛﻬﻢ
ﺑﻌﺪﻳﻦ ﺍﺳﺘﻔﺰﻳﺘﻬﺎ ﻭﺣﺠﻴﺖ ﻋﻠﻴﻬﺎ
ﺍﻧﻲ ﺍﻟﺤﻘﻴﻘﻪ ﺣﻴﻞ ﺍﻓﺮﺡ ﻣﻦ ﺗﺮﺍﺳﻠﻨﻲ
ﺑﺲ ﺍﺣﺐ ﺍﺿﻮﺟﻬﺎ ﻭﺍﺑﻴﻦ ﺍﻧﻲ ﻣﺒﺤﺎﻟﻬﺎ ﻭﻻ ﻣﻬﺘﻢ
ﺑﺲ ﻫﺎﻟﻤﺮﻩ ﺍﻟﻈﺎﻫﺮ ﺿﻐﻄﺖ ﻉ ﺍﻟﻮﺗﺮ ﺍﻟﺤﺴﺎﺱ
ﻗﺮﺭﺕ ﺑﻌﺪ ﻣﺘﺮﺍﺳﻠﻨﻲ ﺍﺑﺪ
ﺷﺴﻮﻳﺖ ﻳﺎﺭﺑﻲ
ﻭﺍﺩﺭﻱ ﺑﻴﻬﺎ ﻭﺑﻌﻨﺎﺩﻫﺎ
ﺣﻴﻞ ﺿﺠﺖ ﻭﺍﺗﻨﺪﻣﺖ
ﻫﺴﻪ ﺍﻧﻲ ﻟﻴﺶ ﺣﺠﻴﺖ ﻭﻳﺎﻫﺎ ﻫﻴﺞ
ﻭﺍﻧﻲ ﺍﺩﺭﻱ ﻛﻠﺶ ﺯﻳﻦ ﻟﻮ ﻣﺎﺍﺑﻨﻬﺎ ﻣﺘﺮﺍﺳﻠﻨﻲ ﻟﻮ ﺗﻤﻮﺕ
بيج قصص عراقيه حقيقيه من واقعنا.روعه الطائي
ﺣﻴﻞ ﻭﻳﺎﻱ ﻭﺭﻩ ﺷﻮﻳﻪ ﺩﺯﺗﻠﻲ ﻓﻴﺪﻳﻮ ﻧﻮﺭ ﺍﻟﺰﻳﻦ
ﺻﻮﺗﻲ ﺑﻌﺪ ﻣﺘﺴﻤﻌﻪ
ﺗﺪﺭﻱ ﺑﻴﻪ ﻣﻄﺮﺑﻲ ﺍﻟﻤﻔﻀﻞ ﻫﻮ
ﻭﺩﺯﺗﻬﺎ ﺑﺎﻟﺼﻤﻴﻢ
ﻛﻮﻩ ﻛﺪﺭﺕ ﺍﻧﺎﻡ ﻣﻦ ﺍﻟﺘﻔﻜﻴﺮ
ﺣﻴﻞ ﺗﻨﺪﻣﺖ ﺣﻴﻞ ﻭﻳﺎﻳﻪ ﺣﺘﻰ ﺻﻮﺗﻬﺎ ﺑﻌﺪ ﻣﺎﺍﺳﻤﻌﻪ
ﺛﺎﻧﻲ ﻳﻮﻡ ﻋﺎﺩﻱ ﻣﺎﺫﻛﺮﻫﺎ ﻧﻈﻮﺭﻱ
ﺑﺲ ﺳﺎﻟﻨﻲ
ﻛﺘﻠﻪ ﺑﻴﻬﺎ ﺍﻭﺍ
ﺳﻜﺖ
ﺑﻘﻴﺘﻪ ﻳﻤﻲ 5 ﺍﻳﺎﻡ
ﻭﻓﻌﻼ ﻣﺮﺍﺳﻠﺘﻨﻲ ﺍﺑﺪ
ﺍﺗﺎﻛﺪﺕ ﺑﻮﻗﺘﻬﺎ ﻣﺴﺘﺤﻴﻞ ﺑﻌﺪ ﺍﺳﻤﻊ ﺻﻮﺗﻬﺎ
ﺭﺟﻌﺘﻪ ﻧﻈﻮﺭﻱ
ﻭﺩﺯﻳﺖ ﻓﻠﻮﺱ ﺑﻴﺪﻩ
ﺭﺣﺖ ﺍﻟﺘﺤﻘﺖ ﻫﺎﻟﻤﺮﻩ ﺑﺪﻭﻥ ﻛﻠﻴﺠﻪ 😢😢😢
ﻛﺘﻠﻨﻲ ﺍﻟﺠﻮﻉ ﻫﻨﺎﻙ 😂😂
ﺗﻘﺮﻳﺒﺎ 5 ﺍﻳﺎﻡ ﻭﺩﺯﻭﻧﻪ ﻟﺴﺎﻣﺮﺍﺀ
ﺑﺪﻩ ﺍﻟﺘﻌﺐ ﺍﻟﺤﻘﻴﻘﻲ
ﻭﺍﻟﻘﻠﻖ ﺍﻟﻨﻔﺴﻲ
ﺑﻨﺺ ﺍﻟﺪﻭﺍﻋﺶ ﻋﺸﻨﻪ
ﺣﻴﻞ ﺻﻌﺒﻪ ﺟﺎﻧﺖ ﻣﻬﻤﺘﻲ
ﺑﻌﺪﻟﻲ ﺑﺲ ﻫﺎﻱ ﺍﻻﻳﺎﻡ ﻭﺍﻧﺰﻝ
ﻭﻳﺒﻘﺎﻟﻲ ﺍﺧﺮ 20 ﻳﻮﻡ ﻭﺍﺧﻠﺺ
ﺍﻟﺘﻌﺐ ﺍﺗﻀﺎﻋﻒ 3 ﻣﺮﺍﺕ
ﻭﺍﻟﻨﻮﻡ ﻗﻞ ﺣﻴﻞ
ﻭﺣﺘﻰ ﺷﺒﻜﻪ ﻣﺎﻛﻮ ﻛﻮﻩ ﺍﺗﺼﻞ ﻭﺍﻃﻤﻨﻬﻢ ﻋﻠﻴﻪ
ﺑﻴﻨﻪ ﻭﺑﻴﻦ ﺍﻟﻤﻮﺕ ﺧﻄﻮﺍﺕ
ﺧﻠﺼﺖ ﺍﻟﻔﺘﺮﻩ ﻭﻧﺰﻟﺖ
ﻭﺭﻏﻢ ﺗﻌﺒﻲ ﺛﺎﻧﻲ ﻳﻮﻡ ﺟﺒﺘﻪ ﻟﺤﺒﻴﺒﻲ
ﺑﺲ ﻫﺎﻟﻤﺮﻩ ﺣﻴﻞ ﺗﻌﺒﺎﻥ ﻛﻀﻴﺘﻬﺎ ﻛﻠﻬﺎ ﻧﻮﻡ
ﺑﻘﻴﺘﻪ 3 ﺍﻳﺎﻡ ﻭﺭﺟﻌﺘﻪ
ﺳﺎﻟﺖ ﻉ ﺍﻟﺪﻭﺍﻡ ﻣﺎﻟﺖ ﺍﻟﻜﻠﻴﻪ
ﺟﺎﺑﻮﻟﻲ ﻣﻌﻠﻮﻣﺎﺕ ﻛﺎﻣﻠﻪ ﻋﻦ ﺍﻟﺪﻭﺍﻡ
ﻋﺮﻓﺘﻬﺎ ﻣﻘﺪﻣﻪ ﻛﻠﻴﺔ ﺻﻴﺪﻟﻪ
ﻫﻤﺰﻳﻦ ﻣﻮ ﻃﺐ
ﺍﻛﺮﻩ ﻣﻬﻨﺔ ﺍﻟﻄﺐ
ﻻﻥ ﺍﺣﺲ ﺍﻟﺪﻛﺘﻮﺭ ﻣﻴﺖ ﻛﻠﺒﻪ ﻭﻣﻴﻬﻤﻪ ﺷﻲ
ﻭﺍﻛﻮ ﺧﻔﺎﺭﺍﺕ ﺑﺎﻟﻠﻴﻞ ﻭﻫﺬﺍ ﺍﻟﺸﻲ ﻳﻄﻴﺮ ﻋﻘﻠﻲ ﺣﺘﻰ ﻟﻮ ﻣﻄﻠﻜﻬﺎ
ﺍﻟﺼﻴﺪﻟﻪ ﺣﻴﻞ ﺗﻌﺠﺒﻨﻲ
ﺑﻌﺪﻫﺎ ﺟﺒﺘﻪ ﻧﻈﻮﺭﻱ ﻭﻗﺒﻞ ﻻ ﺍﻟﺘﺤﻖ ﺭﺟﻌﺘﻪ
ﺛﺎﻧﻲ ﻳﻮﻡ ﺍﻟﺘﺤﻘﺖ ﻫﺎﻟﻤﺮﻩ ﻟﺴﺎﻣﺮﺍﺀ ﻛﺒﻞ
ﺍﻟﻄﺮﻳﻖ ﺑﻌﻴﺪ
ﻧﻤﺖ ﺑﺎﻟﻄﺮﻳﻖ
ﻭﻛﻌﺪﺕ ﻣﻦ ﻭﺻﻠﻨﻪ
ﻧﺮﻭﺡ ﺑﻤﻼﺑﺲ ﻣﺪﻧﻴﻪ
ﻣﻮ ﻣﺜﻞ ﺑﺎﻟﺘﺎﺟﻲ
ﻫﺎﻟﻤﺮﻩ ﺍﺻﻌﺐ ﺍﻳﺎﻡ ﻋﻤﺮﻱ ﻗﻀﻴﺘﻬﻦ ﻫﻨﺎﻙ
ﺍﺑﺪ ﺭﺍﺣﻪ ﻣﺎﻛﻮ
ﻭﻻ ﻧﻮﻡ
ﻣﻬﻤﺘﻨﻪ ﺟﺎﻧﺖ ﺣﻴﻞ ﺻﻌﺒﻪ
ﺣﺠﻪ ﻭﻳﺎﻧﻪ ﺍﻟﻠﻮﺍﺀ ﻛﺎﻝ ﺭﺍﺡ ﺍﻧﻤﺪﺩ ﺍﻟﻤﻬﻤﻪ
ﺣﻴﻞ ﻣﺤﺘﺎﺟﻴﻨﻜﻢ
ﻭﻫﺎﻟﻤﺮﻩ ﺍﺣﺘﻤﺎﻝ ﻣﻨﺰﻟﻜﻢ ﺍﻟﻪ ﺷﻬﺮ
ﺍﻧﻲ ﺑﺎﻟﻨﺴﺒﻪ ﺍﻟﻲ ﻋﺎﺩﻱ
ﻣﺎﻛﻮ ﺷﻲ ﻳﺨﻠﻴﻨﻲ ﺍﺭﺟﻊ ﺑﻠﻬﻔﻪ
ﻛﻮﻩ ﻛﺪﺭﺕ ﺍﺧﺎﺑﺮ ﻣﺤﻤﺪ ﻭﺍﻧﻄﻴﺘﻪ ﻋﻠﻢ
ﺻﺎﺭ ﺍﻟﺸﻬﺮ ﻭﻧﺰﻟﻨﻪ ﻭﺟﻨﻪ ﺣﻴﻞ ﻣﺮﻫﻘﻴﻦ
ﻫﺎﻟﻤﺮﻩ ﻣﺎﺍﻛﺪﺭ ﺍﺟﻴﺒﻪ ﻟﻨﻈﻮﺭﻱ
ﺣﻴﻞ ﺗﻌﺒﺎﻥ ﻳﻮﻣﻴﻦ ﺍﻧﻲ ﻧﺎﻳﻢ ﻣﻦ ﺍﻟﺘﻌﺐ
ﻋﻼﻗﺘﻲ ﺑﺤﻨﺎﻥ ﻋﺎﺩﻳﻪ ﻣﺜﻞ ﻗﺒﻞ
ﺻﺤﻴﺢ ﺍﺗﻘﺮﺏ ﻋﻠﻴﻬﺎ ﺑﺲ ﺑﺪﻭﻥ ﻟﻬﻔﻪ
ﺍﺑﺪ ﻣﺎﺍﻃﻠﻊ ﻭﻱ ﺟﻤﺎﻋﺘﻲ ﻭﻻ ﺍﺷﺮﺏ
ﻣﻦ ﻳﻮﻡ ﺍﻟﻲ ﺗﺮﺯﻟﺖ
ﺛﺎﻟﺚ ﻳﻮﻡ ﺧﺎﺑﺮﺕ ﺍﺑﻮ ﺯﻳﻨﺐ ﻭﺍﺗﻔﻘﺖ ﻭﻳﺎ ﺍﺟﻲ ﺍﺧﺬﻩ ﻟﻨﻈﻮﺭﻱ
ﺭﺣﺖ ﻉ ﺍﻟﻤﻮﻋﺪ ﻭﻭﺍﻛﻒ ﺑﺎﻟﺒﺎﺏ ﻣﻨﺘﻈﺮ
ﻟﺤﻀﺎﺕ ﻭﻃﻠﻊ ﺍﺑﻮ ﺯﻳﻨﺐ ﻭﺑﻴﺪﻩ ﻧﻈﻮﺭﻱ
ﻛﺎﻋﺪ ﻧﺤﺠﻲ ﻭﺟﻠﺐ ﺑﻴﻪ ﺍﺩﺧﻞ ﻣﺎﻗﺒﻠﺖ
ﻛﺘﻠﻪ ﺗﻌﺒﺎﻥ ﺣﻴﻞ
ﺳﺎﻟﻨﻲ ﻉ ﺍﻟﻮﺿﻊ ﺑﺴﺎﻣﺮﺍﺀ ﻭﺧﺒﺮﺗﻪ
ﻛﺘﻠﻪ ﻭﺍﻟﻠﻪ ﻣﻮ ﺍﻣﺎﻥ ﻭﺍﻟﺪﻭﺍﻋﺶ ﻣﻨﺘﺸﺮﻳﻦ ﻫﻮﺍﻱ
ﺑﻬﺎﻻﺛﻨﺎﺀ ﻭﺟﺎﻥ ﻳﺮﻛﺾ ﻣﻦ ﺍﻳﺪﻱ ﻧﻈﻮﺭﻱ
ﺣﻴﻞ ﺧﻔﺖ ﻻﻳﻨﺪﻋﻢ ﺳﻤﻌﺖ ﺳﻴﺎﺭﻩ ﺷﺨﻄﺖ
ﻭﺟﺎﻥ ﺍﻧﺼﺪﻡ .........
ﺗﻮﻗﻌﺎﺗﻜﻢ ﺣﺒﺎﻳﺒﻲ ﺷﻨﻮ ﺍﻟﻲ ﺻﺪﻡ ﺣﻴﺪﺭ
ﻭﻟﻮ ﻣﺘﺎﻛﺪﻩ ﻣﻦ ﺗﻮﻗﻌﺎﺗﻜﻢ ﺍﺫﺍ ﻣﻮ ﺍﻟﻜﻞ ﺍﻻﻏﻠﺒﻴﻪ ﻣﻮ ﺻﺤﻴﺤﻪ ﺩﺍﺋﻤﺎ
ﻏﻠﺴﻮﺍ ﻉ ﺍﻻﺧﻄﺎﺀ ﻻﻥ ﻭﺍﻟﻠﻪ ﻣﺎﺍﻟﺤﻚ ﺍﺭﺍﺟﻌﻪ ﻛﻮﻩ ﻛﺘﺒﺖ
ﺗﺤﻴﺎﺗﻲ ﻟﻠﺠﻤﻴﻊ 😘
#